أكلات نبكية من ايام زمان

[ابو عبدالله]

اكلوت نبكية ايوم زمون


بدون لحم

1-صولص
{عديس حموص بطوطا سلق كبي حيلي لوبي دعيبيل عجنت الكبي}
{سموئي زات وتوم}


2-رشتا
{عجين مأطوع عديس حموص لوبي سموئي بطوطا}


3مجدره
{برغول وعديس}
{بصول محمور}


4-مفركي
{بطوطا وبصول زات}


5-فول مئلا
{فول سلق كزبرا زات}


6-خناء
{بطوطا مسلوئة مدئوئةزات}


7-كشك
{عديس حموص لوبي برغول توم سلق بطوطا كشك }
{زات كزبرا}


8-فوصولي في زات
{فوصولي بندورا توم زات}


9-ملأسي
{عديس لوبي حموص دعيبيل برغل بطوطا}
{الي بصول زات}


10-دبوبي
{برغول بصول نعنعا زات}
{مدئوئة في الجورن}


التحلي
عويكى
{طروف خبز التنور دبس عنيب سمن بلدي}


مشروب
جلاب
{عصير عنيب}
{نؤع المشمش}
بأسمة
{تلج ودبس}

[السندريلا]

يالله شو طيبين هالاكلات

بتعرف في الخناء هي اكلتنا المفضلة بالعيلة بس ما بعرف هيك اسمها
نحن بنقللها بطاطا ممعوسة

ومرة اجت رفيقتي تزورني وعم تسالني شو عندكم اكل قلتلها ما عرفتها

رحت جبتلها صحن وهيك سأسأته بالزيت طار عقلها فيه


وسؤال هي دبدوبي مو يعني كبة ني بس بلا لحمة

يعني برغل ونعنع ومدقوقة وهيك يعني؟؟؟؟؟؟

شكرا كتير ابو عبدالله فعلا اكلات اطيب من هيك ما في بلا همبرغر بلا بيتزا وبلا ماغي وكنتاكي

مشكور

بس شو مشان عنوان الموضوع
ما عرفت اقراه

[ابو عبدالله]

مشكورة اخي الكريمة

نعم الدبابة هي الكبه ني بدون هبرى ولا ليه

بس مشان العنوان بلهجت اهلنا قديم يعني أكلات نبكية أيام زمان



شكرا"للمرورك الكريم

[maree]

الله يسعد مساك عمي الكريم أبو عبد الله :
وأن شاء الله مابنحترم هالأكلات الطيبة بلا بيتزا بلابطيخ
وشكرا لك على موضوعك

[رؤى]

في اكلات شي منعرفو و دايقينو و شي لا و
منها من فترة رفقاتي عم يحكو عن الكشكة الخضرة و انو هلأ موسمها ف اتفاجئت انو شو كشكة خضرة
و الله ما كزبو خبر جابو و دوقوني
هي عبارة عن برغل الكشك قبل ما يحولو ل كشك
بخلطو ب لبن و بقطعو معو بندورة و بصل و زيت و بحطو فوق جوز و كلو بالخبز و صحتين و عافية

[أحــــمــــودي]

ييييييييييييييييييييييييي ييييييياخي على شي جاط صلص

ازا مو بيسوى كل السعودية

ياحزوطى

صرنا نقاقي من الفروج

[أحمد العينية]

يمممممممممممممممممممممممم مممم
والله اكلاتنا النبكية مميزة ، مشكور ابو عبد الله بس برأيك يلي من برا النبك راح يفهم شي !

[ابو عبدالله]

شكر للجميع
اكلات نبكية وكلام عامي في النبك أكيداللي مانو نبكي مارح يعرف شي
بس لحد هلأ كان الكلام العامي الحالي
بعد ما دخلنا في الكلام النبكي القديم
تفضلو بكرى فطور كشك
Please breakfast tomorrow
kshk

[lola al 3asola]

الصراحة انا كل هالاكلات ما بحبها يمكن لانو ما عشت بالنبك بس بحب فاصوليا بالزيت اما الباقي ههههههه ما بعرفهم

[$سلـ الدمام ـطان$]

الله يرحم ديك الايام ولله هلاكلان كلها منفعا مو متل اكل هلايام طالع هلجيل كلو تشتوش

[Brave Heart]

من مدة كنا فاتحين سيرة اكل اهل قديم واكتشفنا انو نحنا هالجيل ما منعرف طعمة تمنا وبكرا بس نتزوج رح ننحرم من كتير اكلات لانو جيل هالايام ما بعرف يطبخ شي واتعود عالجاهز
اخ عأكل اهل قديم الو كلو منفعة وفائدة

شكرا ابو عبد الله

[*حمدان*]

اكلات بتشهي والله يديم النعمه بس كمون الدفين طيب

[**منــــــــــااار]

يسلموا ايديك عمي ابو عبدالله ما بتحكي غير الدرر ماشالله عنك
وهي الاكلات اللي كتبتها فعلا من اهم شي بحياتنا لانو هي اكلاتنا وتراثنا من ايام جدودنا وبعدها لهلئ موجودة واختر شي بهمنا موضوعك هاد النا بالغربة يعني في ربي كتير بنشتهي هيك اكلات وبنخجل نطلبها من شي عيلة هون بس هلئ هاد الخجل راح لانو صرنا ازا بدنا شي طبخة صارت المقادير عنا مشكور يا غالي....
وبالنسبة لسؤال سندريلاوسؤال هي دبدوبي مو يعني كبة ني بس بلا لحمة
اي هيي هي بس مو دبدوبي هي اسمها دبابة وبالنبكي دبوبي ههههه
تحياتي لك

[**أبــولــؤي**]

مشكور ابو عبد الله الورد على الاكلات والمقادير يلي بتشهي كتير
انا عمبكتب الرد وريئي سايل على شي اكلة دبوبي والله اكلتي المفضلة هاي
بس سبحان الله من ورا هالاكلات بنلاقي ابواتنا واجدادنا بعدهن بصحتهم وعافيتهم
لانو هالاكلات على حلها عافية متل مابقولولنا اهلنا وتضرب هالاكلات الجديدة
يلي مناكل منها هلء بس لنشبع لاطعم ولا فائدة.
مشكور مرة تانية ابو عبدالله الغالي
وتقبل مروري واحترامي.......

[maree]

وأحلى مجدرة رز لعيون العم أبو عبدالله:


2كاس عدس اسود حبة كبيرة
4كاسات رز ابيض يغسل قبل الطبخ بساعة
6بصلات مقطقة طويل
سمن فارم او المفضل عندك
ملح زيت فلفل اسود

الطريقة

-نحط العدس علي النار بعد غسلة مع شوية زيت وملح ونخلية يغلي لمدة 5 دقايق وبعدها نقصر علية النار ونخلية يطبخ علي نار هادية لمدة ساعة الاربع لين ينضج نص سواء

http://www.ma7room.com/upload/uploads/780d14f9cb.jpg

2- نحمس البصل مع شوية زيت ونخلية لين يحمر او لين يقرمش علي حسب الرغبة

http://www.ma7room.com/upload/uploads/2eb56be35d.jpg

http://www.ma7room.com/upload/uploads/df7e533b70.jpg


3-نرفع البصل من الزيت في صحن بدون منديل ونخلي الزيت الباقي في نفس المقلي مانكبة

http://www.ma7room.com/upload/uploads/ce9758bb6a.jpg

-نكب الرز علي العدس وبنفس الماء الي انطبخ فية العدس عشان يصير لون الرز نفس لون العدس ونضيف الفلفل
الأسود ونضبط الملح كله حسب الرغبة

http://www.ma7room.com/upload/uploads/d0aff61a9f.jpg

- نحمي باقي الزيت الي حمسنا فية البصل علي النار مع ملعقة كبيرة سمن لين يبدأ يتبخر شوي (مش يحترق) يتبخر شوي

http://www.ma7room.com/upload/uploads/98fd3ec22f.jpg

6- في الوقت الي الرز يبدا يشرب ماء العدس علي الاخير قبل مانهدي النا نصب الزيت الحامي علي الرز وابعد شوي عن القدر مشان ماتحترق

http://www.ma7room.com/upload/uploads/099e530945.jpg

-نقصر علي طول علي النار
8- بعد ربع ساعة تقريبا نقلب المجدرة بالصحن ونظيف علية البصل المحمر وفلفل اسود وبالعافية

http://www.ma7room.com/upload/uploads/7aa417253d.jpg
وصحتين عاقلب الجميع

[ابو عبدالله]

شكرا"اخي الكريم مرعي
الموضوع للجميع وكل الشكر على الصور
وأتمنا من اي شخص لديه صور ان لايبخل على الموضوع واكيدفي ناس بتحتفظ بلصور الي عم تنزل


شكرا" لكرمك اخ مرعي ماشاءالله

[maree]

لعيونك عم وهي أحلى فاصوليا بالزيت :




http://www.alqabas.com.kw/Temp/Pictures%5C2009%5C08%5C31%5C930af7e3-592c-4167-9556-038f39803aeb.jpg (http://www.alqabas.com.kw/Temp/Pictures%5C2009%5C08%5C31%5C930af7e3-592c-4167-9556-038f39803aeb.jpg)




فاصولياء بالزيت



< المقادير:



كيس فاصولياء
2 بصل ريش
نصف رأس ثوم
ملعقة صغيرة شطة
2 حبة بندورة مقشرة ومقطعة
ملعقة كبيرة دبس رمان



< الطريقة:



1- نحضر كيس فاصولياء ونقطع 3 بصل ريش ونصف رأس ثوم حب.
2- نقلي البصل والثوم بقليل من المازولا، ثم نضيف الفاصولياء وملعقة صغيرة من الشطة و2 حبة بندورة مقشرة ومقطعة وملعقة كبيرة دبس رمان، ثم نتركها على النار ونضيف قليل من الماء حتى تستوي الفاصولياء، تقدم باردة.
بالعافية على قلوبكم

[ابو عبدالله]

ربي يسلامك
ما أكرمك
شهامة شب ربي يحميك لأهلك
وبلدك
مشكوراخي مرعي

[maree]

لاشكر على واجب عم
وسجل عنك : الصلص

كأس من البرغل الناعم ينقع بماء ساخن حتى يتشرب الماء مع رشة ملح ثم يدعك البرغل جيداً مع 4 ملاعق طحين حتى يصبح على شكل عجينة نقطعها قسمين قسم يقطع على شكل طابة صغيرة يعني مثل شكل (الدحل) والقسم الآخر بصير كبة محشية دهنة مع فلفل ودبس رمان وفليفلة حدة حسب الرغبة، اما عن صلصة الصلص مكونة من حمص مسلوق وعدس مسلوق وسلق مقطع مع بطاطا مقطعة الى مكعبات، اما بالنسبة للحمض نذوب حمض حصرم واذا في سماق واذا ما فيى ليمون بيمشي. نترك الصلص على النار حتى يتعقد شوية وطبعا نضع كرات الصلص والكبة حتى تسلق بالصلصة، واخيراً نفرم 2أو 3 ثوم ونقليها بالسمنة ثم نسقي الصلص بها. وصحتين وهنا.


الدبابة:
كأس برغل ناعم ننقع البرغل بماء ساخن حتى ينفش، وبنسلق بطاطا وبعد نضجها تقشر وتخلط مع البرغل مع رشة ملح وتوضع على الغاز حتى تسخن، وفي مقلاية نضع السمن وإذا وجد السمن العربي أحسن وبنفرم 2أو 3حبة بصل وبنقليها بالسمن حتى يصبح لونها زهري، بنسقي السمنة على الدبابة وبنخلطها جيداً ونسكبها في طبق التقديم ونضع البصل المحمر عليها مع رشة فلفل أسود. ويؤكل الى جانبها اللبن أو صحن سلطة قارية.


العروق ببطاطا:
نصف كيلو برعل ناعم منقوع بماء ساخن حتى ينفش، ونصف كيلو بطاطا مسلوقة، و رشة ملح ورشة بهار مع 2 ملعقة طحين ونخلط العجينة ندعكها جيداً وزيادة رشة ماء اذا تطلب الامر.
الحشوة: قديماً كانوا يحشوا بصل مفروم مع رمان بس لكن ألذ اذا كان في لحمة مفرومة نضع السمن ثم نضيف البصل المقطع وبعدين اللحمة مع رشة ملح فلفل وبهار بالاضافة الى رمان ان وجد واذا في دبس رمان اطيب بكتير. نعمل العجينة على شك كبة أو على شكل العروق وهي المفروض ونحشيها وبعد ين نقلي العروق ونعمل الى جنبها شوربة عدس وسمي بالله.


لبنية الذرة:
ننقع الذرة في ماء ساخن ويفضل قبل بيوم في الليل وفي طريقة قديمة وهي نغلي الذرة لمدة نصف ساعة ثم نكمر الذرة بحرامات حتي اليوم التالي بتستوي على راحتها وتتفتح وبتصير أطيب. أو نضعها على الغاز حتى تنضج، وها الوقت بنشوي اللبن على النار طبعا اذا كان لبن الضيعة نضع معه بيضة على شان مايفرط وبنبقى نحرك اللبن حتى يغلى واذا اللبن البلاد الاخرى نضيف نشاء، ثم نضع الذرة مع اللبن حتى تغلي مع بعضها مع رشة ملح، ونعمل معها كبة عجين (ششبرك ) والعجينة هى عبارة عن كاسة طحين مع ماء فاتر ورشة ملح نعجن العجينة ونتركها ربع ساعة حتى ترتاح، والحشوة نهرس بصلة مع السمنة واللحمة الناعمة مع رشة ملح وفلفل وحد. ونعمل العجينة دورائر على شكل قبعة، ونسلقها بالماء والملح المغلي أو في اللبن ونضيفها للذرة، وصحة وهنا .

الكشك بلحمة
نفرم بصلة ونشوحها على النار بعد ما نحمي السمنة أو الزيت حسب الرغبة ونضيف الكشك الكمية حسب عدد الاشخاص ونحمص الكشك سوي
مع رشة ملح اذا لزم الامر ونضيف الماء على الكشك ونتركه يغلى حتى يتعقد، اذا بدنا ناكل الكشك بالخبز لازم يكون الكشك سميك يعني بنخفف الماء، ونسكبه ونرش عليه الفلفل الاسود.
طريقة تانية:
نلفح البصلة بزيت بلدي مع 2 حبة ثوم ونضيف الكشك ونحمصه شوي وبعدين نضيف الماء ونتر كه يغلي وبكون مريء ونرش عليه نعناع يابس، ونفت فيه خبز عادي أو محمص وكتير طيب وخاصة في ايام البرد، وكانوا قديما لما يطبخوا مجدرة ويفضل منها لتاني يوم يعملوا عليها كشك.
وفي كشك بخضار نلفح البصلة والكشك نضيف السلق الجزر العدس اي من انواع الخضار المرغوبة، وطبعا الاكلة الاهم وهى الكبة بكشك، وهي الكبة المعروفة + الشكل المضاف اليه العدس الملفوف. وصحتين على الكشك وعلى الدفء بعد الكشك.

الدفين :
نسلق اللحمة وبتكون مقطعة مع العظم، ونضع مع اللحمة الملح والبهار مع ورق غار مشان تروح الزنخة، ثم وبعد الاستواء نضيف البرغل الكبير طبعا عيار البرغل يعني كل كاس برغل = 3 حتى 4 كاسات ماء وخاصة اذا كان البرغل سقي بحتاج ماء حتى ينضج وقديما قريب النضج كانوا يسقوا البرغل بالسمن العربي وبحبوا البرغل يكون ( سمح ) يعني مو ناشف ونسكب البرغل في طبق التقديم وهلق صاروا يحطوا عليه المكسرات متل اللوز والصنوبر، والى جانبه لبن الغنم من الضيعة وصحن سلطة على الكيف وصحتين وهنا .

وهذه اكلة عجة بخضرة:
8بيضات، قطعة بطاطا مسلوقة متوسطة الحجم قطعة بندورة وقطعة بصلة، نلفح البطاطا تفرم البندورة فرما ناعما والبصلة مع القليل من البقدونس يخفق البيض مع الفلفل وتخلط جميع هذه المقادير، نضع ملعقة سمنة كبيرة في صينية بنفس حجم صينية المجمرة ونحميها على النار ونضع الخليط فوق السمن المغلي ونضعها في الفرن حتى تنضج وتقسم حسب الطلب، والف صحة وعافية.

المجدرة :
المقادير:
كاس برغل كبير، 3 كاس ماء، رشة ملح ، زيت بلدي، بصل،كاس صغير عدس. نسلق العدس مع رشة الملح بالماء وقريب النضج نضيف البرغل ونتركه على نار هادئة حتى النضج وبنكون على الطرف الاخر وضعنا الزيت البلدي على النار وقطعنا البصل جوانح ونلفح البصل حتى يصبح لونه زهري بعد استواء البرغل نسقيه بالزيت نفسه واذا كان مبحبح اطيب ونخلط المجدرة بالزيت ونسكب المجدرة في طبق التقديم ونغطي الوجه بالبصل المحمر والى جنبها مخلخل وسلطة أو لبن غنم من الضيعة .


منزلة الباذنجان مع الحمص:
أولا نسلق اللحمة المقطعة مع بصلة ونسلق حمص وبالنسبة للباذنجان اذا كان يابس أطيب بكتير اما اذا ما في بنطبخ طازج ونقطعه مكعبات ونضع المقادير في الطنجرة على النار الحمص مع قليل من مرقته ومرقة اللحمة والباذنجان مع رشة ملح ونضيف دبس البندورة وقليل من دبس الحصرم ونتركه حتى يتعقد على نار خفيفة وبنكون طبخنا الى جنبه الرز

الكبة بكشك:
المقادير:
كأس كشك ، أربع كؤوس ماء أو أكثر، 1/2كيلو سلق او ملفوف، وقية عدس صحيح،القليل من الثوم. الطريقة: نمزج الكشك بالماء البارد ثم نغليه على النار مع التحريك بعد ان نكون حضرنا الكبة لنسلقها به اما طريقة تحضير الكبة للذي لايعرفها مقاديرها وقية هبرة ووقية ونص برغل وبصلة صغيرة والقليل من الثوم مع بعض البهار اذا اردت. الطريقة :نطحن الهبرة ونخلطها مع البرغل وبعض الماء والبصل والثوم ونخلطها جيدا حتى تصبح عجينة متماسكة ولينة ثم نطحنهم على مكينة الكبة دورين يكفي لكبة السلق ثم نقوم بعملية الكبكبة البعض يضع حشوة الكبة دهنة والقليل من البصل والبهار والبعض يضع بدلا عن الدهنة لحمة ثم نسلقها لمدة عشر دقائق في مر ق الكشك وبعد ان ننشلها من مرق الكشك نضع ما حضرناه من السلق المفروم المسلوق ايضا او الملفوف والعدس المسلوق ايضا الى الكشك ونتركهم على النار لمدة عشر دقائق او اكثر مع التحريك واخيرا نضيف له الثوم المطحون وصحتين وعافية ويؤكل الى جانبها الكبة بصينية والكبة المشوية او المقلية وهناك نوع من الكبة هو الكبة بطحينة.

التبولة:
التبولة ورغم انها اكلة عصرية بس داخل البرغل ، نفرم 5 جرز بقدونس فرم ناعم، 3 حبات بندورة ناعمة،3 حبات خيار ناعمة اذا بتفضل الخس 4 -5 ورقة خس وكل الخضار يفضل فرمها ناعمة وطبعا بنكون نقعنا البرغل بماءفاتر واذا مستعجلين بماء ساخن حتى يطرى شوي مقدار كاسة شاي صغيرة ونخلط الخضار ورشة ملح ورشة خيفة فلفل مع الحمض وهو الليمون وثوم أو بصل حسب الرغبة وزيت بلدي ,نسكب التبولة في طبق التقديم ونضع تحت التبولة ورق الخس بشكل حلو وبنزين الطبق بأشكال من الخيار والبندورة وكمشة فستق اطيب واطيب.

[maree]

الصرصورة:
وهى ادق شىء من البرغل بعد ما بنخلو البرغل بمنخل واسع لتحصيل البرغل الكبير ومنخل اضغر للبرغل الصغير وبعدين منخل دقيق للصرصورة.
الطريقة :
نضع السمن أو الزيت حسب الرغبة ونلفح بصلة مع لحمة مفرومة ناعمة وبعد النضج نضيف الماء حتى يغلي ثم نضيف الصرصورة ونتركها حتى تتعقد ويتكون مرئة متل الشوربة ونفس الشي ممكن نعمل مع البرغل الصغير وحتى بدون اضافة اللحمة فقط البصلة وبكون سميك شوي وفي ناس ما حطوا بصل وكل الانواع طيبة ودافية على المعدة. وعوافي للجميع.

[●•°BaSmA°•●]

أشكرك أخي الكريم على هذه التشكيلة المميزة لبعض الأكلات النبكية التي لا يُعلى عليها
طبعاً قسم المطبخ يحتوي على بعض هذه الوصفات الرائعة وكلها مدعمة بالصور مثل
الكبة ,الصلص ,المجدرة ,كشك الخضار,المحاشي بأنواعها كوسا ويبرق يخنة وشواليح وورق عنب ولمحة عن الكوسا اليابسة والكوسا المشروشة والبيتنجان اليابس (يلي كتير من الناس ما عندا فكرة عنن أو استغنو عنن بمرور الأيام )
والكثير من الطبخات المشهورة بمنطقتنا
بالإضافة لبعض من المنوعات النبكية من المقبلات والمعجنات والمربيات

أتمنى ممن لديه معلومة عن أي طبق نبكي أن يدرجها لنا بموضوع خاص من دون النقل من مواقع أخرى
لأن الطريقة ربما تختلف ويدخل عليها مكونات ليست موجودة أو ممكن أنها تساهم في تغيير المذاق الذي نحب
وبذلك نساهم في اندثار هذه الوصفات اللذيذة وضياع الطعم الأصلي

شكراً لكم جميعاً.........

[BLOOD-HERZ003]

هالأكلوت كلن طيبين بس أني أكتر شي بحبو فيهن لصولص

[دموع الورد]

ليش لكن اجدادنا فيهم خير واجسامهن قوية كلوا من هي الاكلات الي بتفتح النفس الله يسعدك ابو عبدالله متل ما ذكرتنا بهي الاكلات
مو متل هالجيل كلوا تقليد وخروء من كتر اكل الهمبرغر والبيتزا وكنتاكي والوجبات السريعة

[ONE LOVE]

منو رشتا وخناء وملاسي
أول مره بسمع فيهم

مشكوور على باقي الاكلات

[%MADIAN ALADEEB%]

http://dl3.glitter-graphics.net/pub/0/789tqpbyp1qnm.gif

[دمعةحزن]

اصلا على اكلات زمان

كان الاكل الو نكهة تانية