المساعد الشخصي الرقمي

مشاهدة النسخة كاملة : عودة إلى عراقة الزجل



الصفحات : [1] 2

أبو جاد
11-07-2009, 10:41 PM
مطبوع بخدك وردي وعطرا بفوح ...وخلي العصفور يهدي أولي مسموح
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ
صرلي عم عاني بألبي أكتر من شهر
..................من طعنت حبي الغالي بسيف الغدر
أطع ألبي وماخلى فيو ولاسطر
..................والدمعة بتلحق دمعة بصوت المبحوح

مطبوع بخدك وردة وعطرا بفوح...وخلي العصفور يهدي أولي مسموح
_______________________________________
صرلي مدة عم ناغي ألبة الحساس
.................تإفتح خزنت جوهر كلا إلماس
بدي حبه وغنجها إدام الناس
................وإجمع ألبي مع ألبة في نفس الروح

مطبوع بخدك وردة وعطرا بفوح...وخلي العصفور يهدي أولي مسموح
_______________________________________
جمعتنا محبة ولمي بشوق الأحباب
...............ومن نبلة عينا غمزة شدت لحراب
وألبي تعلق بعيونا وبريف هداب
...............وعداد الحب بيمشي بسرعة وبسوح

مطبوع بخدك وردة وعطرا بفوح...وخلي العصفور يهدي أولي مسموح
_______________________________________
مزروع ببيتك وردة عحفاف النهر
..............بتميل بتاخد أرفي تيحلى الزهر
وبدعي ربي يخليها عطول الدهر
..............تيبقى بيتك ديما بالعطر يفوح

مطبوع بخدك وردة وعطرة بفوح...وخلي العصفور يهدي أولي مسموح

M-R-M
12-07-2009, 12:15 AM
الله يعطيك الف عافية يا ابو جاد ...
شو هالشغل .
غزل حلو و كلام شغلة كبيرة ...http://www.alnabkvb.net/vb/images/icons/icon6.gif
و حلوة كتير فكرة التأليف على الزجل ...بنغير شوي عن الدلعونا و الهوارة بعد جفاف المشاركات فيهن و بنبلش هون ان شا الله

نحنا بانتظار الأعضاء الأشاوس (كاسبر و خالد حموش و كل اللي بيطلع بإيدو ولو مجرد محاولة ).

طبعا انا اليوم رديت حكي بس , اما استناني ..راجعلك بكم ردة زجل تخلي زغلول الدامور يضربلي تحية ...http://www.alnabkvb.net/vb/images/icons/icon12.gif
بس ما بيمنع اقلك بيت طلع معي عالسريع :

وردة جوري مزروعة دايــر من دار ---- بتـضل بقـلـبي الأول لو مهما صار

بو جاد الغالي وردة بقلبـي مـزروع ---- وبعيني بحطك حتى مني ما تضوع
تسلم هالطلة الحلوة براسا المرفوع ---- بحـديقـة قـلبي انت احـلــى الأزهـار

وردة جوري مزروعة دايــر من دار ---- بتـضل بقـلـبي الأول لو مهما صار

swan
12-07-2009, 02:46 AM
بعض الزجيلات التي قرأتها و أعجبت بها



مش كل من رندح على المنبر غنا --- بيقول عنو الناس بالشعر اغتنى



ومش كل من شاف المآسي والعنا -- بيكون محروم السعادة والهنا



ومش كل من جمّع ليرات بجيبتو ---- في المجتمع بيصير قارون الغنى



**************************************************



مش كل من بيسمّعك حلو الكلام -- ممكن تّعدّو صاحب ومخلص تمام



ومش كل من بتعبّد وصلّى وصام -- بصلح بأنّو يكون في الجامع إمام



ومش كل ما تشوف الأسد نايم تْقول :-- ممكن أمرّ بساحتو بخير وسلام !!



بعد غياب الاخ ابو جاد فترة عن مواضيع المنتدى يعود لنا
باطيب الكلمات و اجمل الالحان موضوع الزجل الذي
سيكون بداية منافسة ممتعة و قوية بين الأعضاء
و الآن أتخيل الدف في يد أبو جاد و هو يطرق عليه و يردد اجمل الكلمات
و يرد عليه اخي محمد و أمامه صحن الخضراوات وا لفواكه ويتغنى به باطيب الكلمات
و ياتي باقي الاعضاءللمشاركة ....

ف لتبدؤا من جديد هنا
و لنستمتع بما ستجودون به علينا
بالتوفيق

رافع زخور
12-07-2009, 03:29 PM
مطبوع بخدك وردة وعطرة بفوح...وخلي العصفور يهدي أولي مسموح

جينا تنهز الوردة ونشــــم ورود ....... وبنــقدم هالكــم ردة فيها بنــجود
بندعي لرب العزي الحي الودود ....... تحلى هالوردة وتملا كل السفوح

مطبوع بخدك وردة وعطرة بفوح...وخلي العصفور يهدي أولي مسموح


عصفور الجنـة ملـــون احلــى الألــوان....... بــين ورودك بغــــني أحـلــى الألـــــــــــــحان
بايـنتــو بخــدك مـغــرم معــجب ولهـان....... ومــش قـــادر قلبــو ديـمــا بالـــــسر يبـــــوح

مطبوع بخدك وردة وعطرة بفوح...وخلي العصفور يهدي أولي مسموح

محمد المصري
12-07-2009, 09:51 PM
زهرة قلبـــي فرفحتا بشــعرك ياخي***عطـــشان بقلبي نـــار ومحتاج المي
سمعت شعرك ياخيي ونعنشت شوي***وحسيت بقلبي جوا رجعتلي الروح

ابو الجود مشكور على كل حرف تكتبه وانتظر المزيد

أبو جاد
13-07-2009, 02:17 AM
جرحتيني ياأمورة وإلـتيلـي روح...وبائي من عيونك صورة بألبي المجروح
----------------------------------
يكترخيرك يالـله لبتعطـي ســلاح...لـســان بـحــديــن بـيــطـلـع أكــبـردبــاح

ع شكل محمد بدي ميـي ومرتاح...رقـاب بــقـص بـخلـيـهـا جـسـم بــلاروح


جرحتيني ياأمـورة وإلتـيلي روح...وبائي من عيونك صورة بألبي المجروح
---------------------------------

نحنا بنغني ليالـي بسحـرالألـحـان...وبنصئي الوردي العطشاني بألب البستان

وعصفوريغني بصوتك إنتي يسوان...وعغصـون الورد بـيـبني عشو وبروح


جرحتـيني يـاأمورة وإلـتيـلي روح...وبائي من عيونك صورة بألبي المجروح
--------------------------------
تسلملـي خيي رافـع يـاأحـلـى جـار...بـوصـفـك يـاخـيـي إحـتـاروكـل الـشعار

ع المـنبرإنـت دايـما أحـلى مـختـار...ومـحـمـد مـالـــك خـلـفــك رداد يــنــوح


جرحتيـني ياأمـورة وإلـتـيلـي روح...وبائي من عيونك صورة بألبي المجروح
---------------------------------
الـله مفضل علـينـا بنعـمـة إســلام...بـفرض وسـنـة صـلـيـنـا وشـهــورصـيام


وإنت خيـي بعــهد الـله يـابوتـمـام...لــوتـطـلــب ألــبي مـنـي بـإلـك مـسمـوح


جرحتـيني ياأمـورة وإلـتيلي روح...وبائي من عيونك صورة بألبي المجروح
----------------------------------

swan
13-07-2009, 02:29 AM
يلا وين الشباب شدوا الهمة
بالتوفيق

أبو جاد
13-07-2009, 11:18 AM
السلام عليكم
شرفتو الموضوع الي هو راح يكون متل ماتفضلت إختي سوان بداية منافسة جديدة يحضرها الأعضاء الأشاوس كالعادة ونحنا بأنتظار كل جديد وممتع و بإ نتظار أخي أنهل أن يشارك فإنهو أحد أقطاب المواجها
وأما بالنسبة إلى محمد مالك يمكن تقولو أني مارحمتو بنوب السبب هو أنه شخص متمرد وبيطعن من الخلف من هيك بضل حاسبلو حساب وبيني وبينو المواجها قائمة إلى يوم الدين وشكرا لكل من شارك ولكل الرح يشارك

رافع زخور
13-07-2009, 02:03 PM
لمة حلوي وهالمة معنّى واشعار ..... انشالله من بعد الغربة تعودو عــدّار

رحتـو وغبـتو وطولتـو علينا كتير..... من اللهفة وشوقي الكن البي بطير
معقول الملقى معكن بسرعة يصير..... بوجاد الغالي جاوب يا اطيب جار

لمة حلوي وهالمة معنّى واشعار ..... انشالله من بعد الغربة تعودو عــدّار

متمني شوف محمد وأنهل كمان ..... وبو فتوح بقلبي عنـدو أحلى مكـان
شدوالهمة بالرجعة صرلي زمان ..... ما بسـمع منكن الا حكـي واعــذار

لمة حلوي وهالمة معنّى واشعار ..... انشالله من بعد الغربة تعودو عدّار

النبك الحلوة تناديـكن لبّــو الـنـداء ..... حتى تحـليّ لياليــكن أحلــى لقــاء
في كروما غنو وقضو احلى رواء ..... وخلونا نملي الدنيا أحلى الأشــعار

لمة حلوي وهالمة معنّى واشعار ..... انشالله من بعد الغربة تعـودو عـدّار
يا محلى فطوربلادي وخبزالتنور ..... خيار وجبنة وزوادة بمدة مصرور
رح شـهيكن بزيادة أكلـة مكمــور ..... ولاتنسو جناح الجاجة تشوى علنار

لمة حلوي وهالمة معنّى واشعار ..... انشالله من بعد الغربة تعـودو عـدّار

خالدحموش
13-07-2009, 05:09 PM
أوف أوف

انا اسمي صداح القوافي النبك بيتي وسماها لحافي

يامن شافني فوق القناطر عوراق العريشي طير غافي

والضيف قبل خيالو يصير شاطر بقلبي الرحب يفتحلو مضافي

ولو مابقى عندي شهر قاطر من جود نفسي بادملو كتافي

ورح ألكن أنا شاعر بهز المشاعر وتعو شمو الزهور على ضفافي

ومن شعار الدني جيبو مساطر تحتا نشوف مين عالمنبر غافي

لك أنا الحفرت اسمي عالمنابر ورح ضل غني ماذال الصقر حافي

أسألو عني النبك وروابيها والدوري والجفني والنسمي والصفصافي

وبقول

شكرا للي داعوني بألكن ياضي عيوني

وإن فيكن شاعر رجال على الساحة لائوني

إن فيكن شاعر رجال على الساحة لائوني

يالله ياشباب يالله الله يحرسكن الله وتسمعني العالم كلا أنا شاعر حنوني

شكرا للي داعوني بألكن ياضي عيوني

M-R-M
13-07-2009, 09:30 PM
جرحتيني ياأمورة وإلـتيلـي روح ----- وبائي من عيونك صورة بألبي المجروح

جـايـي محمـد يتـحـدى أقـوى الـشــعّار ---- و ببـيـوت الــشـعر يهـدم أعلـى الأسـوار
عـمــيحـكي عنـّـي الحجـّي أنـّي غــدّار ---- مـع أنـو الوفــا عندي أغلى مـن الـروح

جرحتيني ياأمورة وإلـتيلـي روح ---- وبائي من عيونك صورة بألبي المجروح


عمـيـتـمنـطق بـشــعرو الاسـمو بو جاد ---- مـع أنــو بـشعـرو حاجب و نحنا الأسياد
لو بـــدك تـعـمـل دورة خــدلك مــيـعــاد ---- حاجي شعرك مهزوز و صوتك مبحوح

جرحتيني ياأمورة وإلـتيلـي روح ---- وبائي من عيونك صورة بألبي المجروح


أهــلا وســهـلا شــرفتي يا أختـي سـوان ---- نــورتي ونـورك مـالـي كــل الأوطـان
مــع أنــي مكــرّب والله وجســمي تعبـان ---- شفت مشاركتك دغري ردتـلي الروح

جرحتيني ياأمورة وإلـتيلـي روح ---- وبائي من عيونك صورة بألبي المجروح


لمــا شـــفـنـا طــلـتـكـن زدتـونــا سرور---- و صار الموضوع يرشرش عجنابو زهور
تســلمــلــي خـيــي رافـع يا بـن زخــور ---- يـا وردة جــوري عـلـينـا عطرا بيفوح

جرحتيني ياأمورة وإلـتيلـي روح ---- وبائي من عيونك صورة بألبي المجروح


ويا أهـــلا بـخــيّــي محــمــد أبـو تـمـام ---- صــوتــك لـمّــا بـتـطربنا بيوصل للشام
اصحــك مـن ابــن الحجي ينصب ألغام ---- بتـنـفـد مـن اول خنـدق الـتــانـي بتروح

جرحتيني ياأمورة وإلـتيلـي روح ---- وبائي من عيونك صورة بألبي المجروح

اســـمـك يا غــالي والله بقـلـبـي منقوش ---- تســـلم هالـطـلــة الـحــلـوة خـالد حموش
هــيــدا الحجي طاووس وريشو منفوش ---- خــلـيـنـا نــنـتـف ريشـــو ويصير ينوح

جرحتيني ياأمورة وإلـتيلـي روح ---- وبائي من عيونك صورة بألبي المجروح

محمد المصري
13-07-2009, 11:12 PM
مطبوع بخدك وردة وعطرة بفوح...وخلي العصفور يهدي أولي مسموح

دهنة عيني لو تريد ايـاابو الجـــــود**بصحن الفضه بقدمها وربي المعبود
بساح الوغى مشهدلك صياد اســـود**وعطرك في قلب الجلسه دايما بفـــوح

*****
قــالو بوجـــاد الغالي ينظم اشـــعار**قــــــوافي كلها رقة متـــــل الازهـــار
شعارك شحرورالوادي سمعها وطار**يغنيها بصوتو الشادي ويشفي الجروح

أبو جاد
14-07-2009, 01:22 AM
السلام عليكم
الله يعطيكن العافية الحقيقة ماأصرتو وإبداعكن كان مميز

وإنشاء الله أنا رايح عالعمرة بكرة بس بدي حماسكن يتم مستمروماتقولو أبو جاد هرب طبعا رح أأمن بأخي أبو تمام وأخي رافع ليصدو الهجمات العدائية لبتجينا من جوقة محمد مالك
بس بدي نزل هالبيتين قبل ماروح يعني متل مابقولو يارايح كتر ملايح

جرحتيني ياأمورة وإلتيلي روح....وبائي من عيونك صورة بألبي المجروح
----------------------------------

ملياني الدنيي علم وملياني دروس....ونحنالفتحنا مدارس تنربي نفوس

وعلينا خيول العز بزوء وناموس....وبئينا ملوك المنبر ولبائي طروح

جرحتيني ياأمورة وإلتيلي روح....وبائي من عيونك صورة بألبي المجروح
---------------------------------
حاجي يمحمد مالك تمشي وتحوس....وتشبه نسر العالي بريش الطاووس

النسر لتعود يمشـي ويـأطـع روس....مبيأبل تبئى جنبو عالأرض تلوح

جرحتيني ياأمورة وإلتيلي روح....وبائي من عيونك صورة بألبي المجروح
----------------------------------
لتئولو الحجي تخبا وع مكة راح....وبفرائي عنكم والله مني مرتاح

تهدم ألبي وما بائي إلا المفتـاح....والطعني خلت صدري مليان جروح

جرحتيني ياأمورة وإلتيلي روح....وبائي من عيونك صورة بألبي المجروح
---------------------------------
وسامحونا ودعولنا وأكيد مارح ننساكم من الدعاء

swan
14-07-2009, 01:45 AM
حيووووو
اي شو هالشغل
بس كانو ناس متحججة بالمرض و ناس متحججة بالعمرة
اخي محمد الف سلامة عليك عم ننتظر همتك بعد ما ترجع قوي معافى من الكريب
و اخي ابو جاد تروح و ترجع بالسلامة عم ننتظرك و الله يتقبل منك و لا تنسانى من الدعاء
باقي الشباب كملو المسيرة بانتظار الغياب
و دعوة للصبايا اكيد وينكون ولا الزجل بس للرجال؟؟

كاسبر
14-07-2009, 11:12 PM
ما شاء الله عنكن
والله مبيضينها وما قصرتو واللي قصر هالمرة أنا بس غصب عني سامحوني
في كم ردة غزل راح بلش فيهن وبس إفضى راجع
لعيووووووووووووووووونك أبو جاد الغالي
============================

مش قادر قلبي يلقى جروح على جروح
......................................لا فييّ قبالك إبقى و لا فييّ روح
============================
مبارح عا مفرق بيتو قلبي الحساس
.............................. لمّا ضيّعتو لقيتو بعيون نعاس
السر بقلبي خبيتو لو سألو الناس
........................ بتطلع كلمة حبيتو من طلوع الروح
============================
هالعصفور ال ربيتو بضلوعي غلّ
.................................. عمّر في قلبي بيتو دشرني وفلّ
راح الماضي الحبيتو ومثلو ما ضلّ
.................................. إلا كلمة يا ريتو بتصف جروح
============================
مش قادر قلبي يلقى جروح على جروح
......................................لا فييّ قبالك إبقى و لا فييّ روح

أبو جاد
24-07-2009, 01:42 AM
السلام عليكم بعد غياب دام أسبوع في مكة والمدينة عدنا إليكم سالمين غانمين والحمد الله كانت رحلة إلى بيت الله وزيارة نبينا رسول الله موفقة وإن شاء الله بيطعم الجميع العمرة والحج وزيارة رسولنا وحبيبنا وشفيعنا محمد صلى الله عليه وسلم وطبعا أنا دعيتلكم من كل قلبي ودعيت لكل المنتدى بس جيت وتفجأت أنو الشباب كلن نايمين حتى سوان مع إني دعيتلك إلك ولمحمد مالك بلأسم وأنتو تاركين الشئا عن بئا الله يسامحكن وهدول كم بيت عربون حرب
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــــ


مطبوع بخـدك وردي وعطـرا بفـــوح ....خـلــي العـصفـور يـهـدي أولـي مسمـوح
.................................................. .....
رحنا تانعمـل عمـرة ونـعـبـد هـالــرب ....نـذكــر ونطـوف ونسعى تيروح الذنـب
وعالمدينة تـوجهـنا نـئطـع هـالـــدرب ....وزرنــا فـيـهـا نـبـيـنـا حـبـيـب الـــروح
.................................................. .........................
مطبـوع بخـدك وردي وعطرا بفــوح ....خـلـــي العصفـور يهـدي أولـي مسمـوح
مشوار طلـعـنـا فـيـو مشـيـنـا لـبـعـيـد .... تانـعـمـل عـمـرة بـمـكــة والأجـريـزيـد
بــدعـي ربـي يـتـئـبـل ديــمـا ويـعـيـد .... ويجعل بابـك يــارحمـة ديـمـا مـفـتـوح
.................................................. ........................
مطبوع بخدك وردي وعطـرا بـفـوح ....خـلــي العصفـور يهــدي أولــي مسمـوح
تركنا النبك بـأشـواقـا وأطـعـنـا حـدود .... وكانت قصتنا رزئــة وهـيــدا المئصود
وبلكي بفضـلك يـا الله عـالنـبك نـعـود .... نـرد علـى الجسـم الميت نفحات الروح
.................................................. ........................
مطبـوع بخـدك وردي وعطـرا بفوح ....خـلــي العصفـور يهـدي أولــي مسمـوح


تعدى الأرنب عالساحة الملياني أسود....مفكـر رح يـطـلــع مـنهـا مـنــو مـفـقـود
يـــاأرنـب لاتـتـهـرب دربـك مـسـدود....الليــلي تــرحـم عـاحالك أبـرك مفـتـوح


.................................................. ......
مطبوع بخدك وردي وعطرا بـفـوح....خـلــي العـصفـور يهـدي أولـي مسمـوح

جيتك يامحمد مـالك أأطـع هالـدرب ....ورح أعلن بيني وبينك عن حالة حرب
بدي أحلف يـا مـالـك وحيـاة الـرب ....بلحظـة بـأطـعلـك راسـك والـدم يسـوح

مطبوع بخدك وردي وعطرة بفوح ....خـلي العصفور يهـدي وأولـي مسمـوح

لحن العمر
24-07-2009, 02:28 AM
عشت خاالي عشت ...
والحمدلله عالسلااامة بس ما رح يطلع معي زجل ... خلينا لأهلووو

swan
24-07-2009, 03:18 AM
عم قول في نور بهالمنتدى غريب اليوم
الحمد لله على سلامتك اخي ابو جاد
و مبروك العمرة و الله يتقبل منك يا رب و يسمع دعاءك و خصوصا اللي زكرتني في
و يطعمك الحج
و ان شاء الله الله يطعمنا متل ما طعمك
بس بدون حرووب
و يلا كملو المسيرة
و نحنا مشجعين و متابعين

M-R-M
26-07-2009, 12:48 AM
السلام عليكم ...
بعد فترة انقطاع مقصودة ( ليش مقصودة ؟؟؟؟ لأنو صاحب الموضوع كان بالعمرة و نحنا ما تعودنا نفوت عالبيوت ازا صحابها مو موجودين , و تاني شي لما يفوت شي يوم من مكة و يلاقينا ناتفينو و يبلش يدعي علينا ) ...
فبعد عودتو من العمرة لأخونا ابو جاد بنقلو عمرة مباركة ,
و طبعا يوم عودتو كان جاييه كرز من الجرد , فعطاني رشوة قصدي كيس معبى كرز الله يرضى عليه و يسلم ايديه لانو كتير طيبين , بس ما زبطت خطتك انو تخليني ساكت , يعني انو اشوف اسمي بين ابياتك و اضل ساكت ما بحسن , فهي كم بيت عالخفيف , بس كرمال الكرز ما قويت العيار ....http://www.alnabkvb.net/vb/images/icons/icon12.gif

مطـبـوع بـخــدك وردة و عــطـرا بيفوح ---- خـلي العصفور يهدي قولي مسموح

جايــي يـا محـمد طيـب تـتـــشنّ حـروب ---- مـع أنـّك أول جــولة كنت المغلــوب
عـامــل عـمرة و مـفـكــّر ماحـي الذنوب ---- ذنوبك بالحجّ يا خيي يمكن ما تروح


مطـبـوع بـخــدك وردة و عــطـرا بيفوح ---- خـلي العصفور يهدي قولي مسموح

كـيف جــايــي تتـحدانـي يا حـجي عَيْب ---- و أنا بدي شي عشرة من زيْن شعيب
و زغلول الــشـاعر انـا بحـطـو بالجيب ---- وبكلـمـة من أشــعاري بيصير ينـوح

مطـبـوع بـخــدك وردة و عــطـرا بيفوح ---- خـلي العصفور يهدي قولي مسموح

عمتوصــف نـمــر الغـابــة أنـّـو أرنوب ---- يلـّي بنظرة من عيونو يفزّع القلـوب
القــط اللـي مفـكــر حـالو أسـد و مهيوب ---- رح خلـيه ينوّي متل القط المجروح

مطـبـوع بـخــدك وردة و عــطـرا بيفوح ---- خـلي العصفور يهدي قولي مسموح

أشـــعـاري بيـن الـعــالــم دغـــري بـتعمّ ---- و عطر الفلّ من طرافا دغري بتشمّ
لــو أنت بتــركب فــرخة بنـركب بي إم ---- ولو انت بتـاكل كيك بنـاكل مشـروح

مطـبـوع بـخــدك وردة و عــطـرا بيفوح ---- خـلي العصفور يهدي قولي مسموح

لا تــفــكــرلـي كرزاتـك يـللي مـن الجرد ---- تخـليني ابـقى ســاكت و أنّي ما ردّ
نحــنــا الله خــالــقــنــا مـن ســـابــع جــد ----شـعّار و حكين يطلع من جوّا الروح

أبو جاد
27-07-2009, 11:01 PM
السلام عليكم
تهديد واضح لمحمد مالك بدخلتك على المكتب وتوقيعك على ديوان شعري وغرسك للقلم بين السطور يعتبر إنك ضغطت على زر غضبي ورميت نفسك بالتهلكة فإلقى إذا بتلقى

إنتفض ياسبع وإفـتـح بـواب السـكـيـنـي...مـاعـاد يـنفع مع اللبوة كـلمـي رزيـنـي

السبع الحامي الغابة وحامي المـطـارح...مابيقبـل يصيـد إلا الصيـدي السمـيـنـي

مــاعـاد إئـبـل بـهــل معركــي صـالــح...مـاعـاد إئـبـل إلا إبـن مـالـك رهـيـنـي

أنـــا بــكــرة عــأرض الـسـلـي رايــح...شــادد عـلـى الـخـيـل سـارج هجـيـنـي

إجمعو من بيت مـالك نسـورة جـوارح...إجمعو عمالكن هندي بنغالـي فـلبـيـنـي

جاي تإبني من العضم خشبت مسارح...وأعمل من رياش الجوانح للخيل زيني

جاي إغرس مخلبي بكـل صدر شالـح...وإفرض عـلـى المنبر هيـبـت عـرينـي

يلا إختي سوان وين التشجيع

كاسبر
28-07-2009, 01:20 AM
يا عيني عليك يا أبو جاد
شغل مرتب متلك يا مرتب
كأنو ما عاد يطلعلي معك بسم الله عليك
صحيح أنا مشغول شوي هالأيام وما عم أفضالو لابن مالك
بس بعرف إنو في حارتنا كلن رجال ويعتمد عليهن
الله يقويك
قلبي معك يا ابو جاد
وهادول لعيونك
=====================
حكيك يا بو جاد متل صحن الموالح --- فييو من كل ما تحب و تشتهي عيني
فييو الكرامة والرزانة والخيل سارح --- تا يوّزع فنونك على عقول الرزيني
هيدي عقول اللي ارتمت حد المدابح ------- من نصل سيفك المدبوح فيني
أوعى تخلي إبن مالك جايي و رايح -- قطعلو كرت ولا تحطو بدرجك رهيني
أو افرمو و حطو بلحمة صفايح -- وخلي أبو غازي يوزع على الروح الأميني
بلكي بيدعولو و بتنوبو الملايح ------ بكم حسنة تا تفيدو بآخرتو الحزيني

swan
30-07-2009, 11:29 AM
و الله ابو جاد و الكاسبر مو مقصريين بابن مالك بنوب
اي شو هالشغل
و ابن مالك لا يقوى على الرد
لننتظر عله يستجمع قواه و يعود ليرد هاهنا

أبو جاد
30-07-2009, 07:39 PM
السلام عليكم رد خاص لأخي مصطفى البعدني ماعرفتو لهلأ بلا صغرة طبعا الغلط مني مو منك

وحياة ربك يا مصطفى ما بخاف من الغرق
.....................ولبخاف من كلام الناس لا جموع ولا فـرق

لاكن بأسف على الشيطان الكان جنبي مرتكي
.....................وبأسف على أيام صادني فيها ومني سـرق

ومن بعدها صرت لربي أرفع إديي وإشتكي
....................وبلشت قول الله أكبرحتى شفتوأمامي احترق

وما عاد قادر عليي بكلمي أو بقصة محيكي
....................نرد بسيف الله وعلـى راسي مـا عـاد مـرق

من يومهابطلت اقعد بقعدة فيها ذنوب متركي
...................أوإقرب فواحش أوأمسك بإيدي كـاسة عـرق

محمد المصري
31-07-2009, 01:59 AM
سلام على الجميع 0
اخي ابو الجود للاسف ان صارلي اسبوعين مسافر في الجنوب وما كنت اتابع اشعارك واشعار الشباب طبعا هاد من سوء حظي لان في الجنوب طبعا مافي شي
وانااليوم وصلت في الليل الخميس وصدقني ان فرحت كتير لما قرات الردود والاشعار وانتظر المزيد منكم جميع وربي يوفقكم-اخوك ابو تمام

أبو جاد
01-08-2009, 12:19 PM
السلام عليكم
أهلين أخي أبو تمام أنت غبت أسبوعين على الجنوب وأنا كمان غبت أسبوع على مكة والمدينة كسبنا عمرة وزيارة الرسول عليه الصلاة والسلام الله يطعمها للجميع ونحنا بأننتظار مشاركتك الجميلة والقيمة والثلاثاء بنشوفك بالملتقى ومشكور على رأيك فينا

أما بالنسبة لمصطفى على هوا ما قالولي مين هو هو أنسان متدين جدا وما جمعني فيو إلا جلسة ذكر وكان موجود فيها من المشايخ المعروفين والشباب المتدينين أمثال مصطفى أما ليش هيك هو تصرف أنا مابعرف وبالنسبة لكاسبر أو المشرفين الغوالي إذا بحبو يحذف المضوع كلو أنا ماعندي مشكلة وشكرا لكل من مر على الموضوع

أبو جاد
01-08-2009, 12:54 PM
السلام عليكم
وأما بالنسبة لا إختي سوان من عندي لا تنتظري رد أبن مالك
أنا حرمتو ينزل على قسم الخمائل وما تحت حدودو صارت القسم العام فهو الأن يعد لاجئ سياسي على قسمك وأكبر برهان راح أكتبلو قصيدة صغيرة وخليه يرد عليها


يا أرض رهبي من لهيبي والوعيد
........................رهبي من خزنة عقل جوهـرتـو رصـيـد

إن كانت الشمس عالأرض تضوي
........................أفكـار عـقـلي بـتحلـحـل الـعـتـم الشـديــد

وإن كان شيطان شعر مالك بيغوي
........................شيطان شعري بيلوي الحديد على الحديد

وعادبحك بليل العتم بحلل وبـنـوي
........................وبــدبـح الشــرالـفـيـك حـتـى مـايــزيــد

تاكون ريحت الناس من شربلوي
........................بأقطع راسـك وببقـى على المنبر وحـيـد

كاسبر
02-08-2009, 01:40 AM
يا جماعة ابعتولنا محمد مالك من القسم العام خلي يرد على معلمو أبو جاد
وأنا بعملو واسطة مع المعلم مشان يفوت
في موانة بيناتنا وما بظن يخجلني
إذا حدا شافو هنيك يبعتو عالسريع

swan
02-08-2009, 03:45 AM
من القسم العام
احيطكم علما بان ابن مالك لم يلجأ الى القسم العام ابداا
و لم يقترب منه ابداا فلم اشهد له في القسم اي محاولات او استنجادات او طلب اللجوء
ولاندري الى اي وجهة يتجه و لكن
الى اين المفر ؟؟؟!!!!!!!!!!!!!!!!!!
ف الكاسبر و ابو جاد يحيطان به من جميع الجهات
و ليس له الا الرد او اعلان الهزيمة

أبو جاد
02-08-2009, 11:02 AM
السلام عليكم
ياجماعة الخير سمعو شوي لو سمحتو القصة مو قصة مونه أنهل بمون على الرقبة وإختي سوان إنتي من حقك أنك تنكري لجووء أبن مالك يعني أسمو لاجئ مهزوم وأنا راح قول ردة أسمها
المعنى المحبوك <وهي الردة من تأليفي <
ومن بعدها بدك تشوفي أبن مالك طالب الجووء على لكوكل

المفكوك بشعـري مشـبـوك .....الـقـرّادي مـعـنّـى ومــوال

المشبوك بشعري مـفـكـوك.....بحـيـك مـنـو شـال وشــال

بـلــف بـغـف بــهــد بـــرد.....بيوت بتوت خيوط بشـوط

بشوط خيوط بتـوت بيـوت.....بـــرد بـهـد بـغــف بـلــف

ألـوف ضيـوف بعـد بشــد..... بـمــد بحـد بـــرف بحـف

بحـف بـرف بـحــد بـمــد.....بـشـد بعــد ضـيـوف تـقـال

سلمولي على إبن مالك إذا حدا شافو ؟؟؟؟؟؟؟؟؟؟

كاسبر
02-08-2009, 07:54 PM
اليكم من قلب الحدث
صوت مالكي حزين آتي من خلف الزمان
يقول :
سلامات..... سلامات
و أبعت سلامات
بين الرايح و الجاي
و أرسل سلامات
======
الله يكون في العون

محمد المصري
03-08-2009, 01:24 AM
يابحور الشعر موجي امامي **لانتقي من جوهرك ورصع كلامي
في عنـا ضيف من عمرة اجانا**الحــمد لله ياخـتيي عالســـــلامي
عمره مبــروكــه وربي يـتقـبل**زيــارتـــك لشفيعنا يوم القيــــامي
وعقبال عودتك ياخيي قريب **ليبقى اسمك على مسمى بالاسامي
وتصـير مفتي ومرجعنا الاول**وشــيخ مقــدر وتلبـــس عمــــامي
وبصــدر مجلسنا يبقى مكانك **نــحنا خــد وانت بالخــد شـــــامي
وتصيرمحمد وشيخ وحجي مكمل**وجاد وطيب واشبه وعصــامي
وكـــريم المحضر ورجل مبـجل**وتزداد بين الاهل عزة وكرامي

اخي ابو الجود الف الحمد لله على السلامه من العمرة والف مبروك وربي يقبلها

M-R-M
04-08-2009, 12:52 AM
السلام عليكم ...
فعلا متل ما بقول المتل , غاب القط ....


انا تركتكن اسبوع زمان بس لأعرف مين معي و مين عليي , فكرتوني مجبن و ما عمسترجي ... قال لاجئ سياسي قال ...


لنشوف بكرا مين رح يكون لاجئ سياسي ... ومو عالقسم العام , عقسم اقتراحات الأعضاء ..بلكي بلاقولوا حل ...


و عكل حال هي موال لعيون ابو جاد و كاسبر و سوان , لما يفكروني هربان ..





وقت الجد يصير الرد يهز رجال يهد جبال ---- تصير اليد بتلطم خد لما بتسمع هالموال


أوووووووووووووووف


اسـمـعـوا شــو راح قلـو لبـو جــاد الـعـنـيد ---- يــلــّـي بـهــجــائـي مســتـفــرد و شــعرو عـميزيــد
مــو كــلّ عـصـفــور غــرّد بـنـقــلـّو شــدا ---- ولا كــــلّ شــــي انـكـتـب عــقـافـيــة بنقـلو قصيــــد
لو كنت فــاكر نفـــســك نــجــم الـمـنـتــدى ---- نــوري بــيــغــطـّـي عـــلــــى الـــنـــجــم الــفــريـــد
بـعــدك مــجـنـّـد بالــشـعــر تمشي عالـهـدا ---- مــو مـــتـــل اللــي آخـــد بالـــشـعر رتــبـة عــمـيــد
تفــرعنت وما عـدت شـــفت قــدّامـك حــدا---- و نـــاوي عـــالـــمــنــبـــر العــالي تـبـــقــى الوحـيـد
أنا بقـبل عنفسـي الموت و بهـجـم عالـردى --- ولا بــــقـــبــل كــــون حــدّك عــمـنبر الـشعر البـلـيــد
خليـك وحــدك عمـنـبـرك تــسـمع صـــدى ---- و اصــحـــى تــقـــرّب صـــوب مــنـبـــرنـا الــعتـيـد
مــا بتــقـدر علـييّ لو تكتب عطول المـدى ---- ولـو طال الزمن بو غالب مــش ممكن يصير العكـيـد
و يا كاســبر ياللي صفـّيت بصـفـوف العدا ---- بــكـــرا بـــبــان الـــمــرج و يــدوب الــــجــــلـــيـــد
وتصـيـر تـقـلـّي يـا بن خالي انت المقتدى ---- انـــت الـــمــعـــلــــم و نـحــنـا مـنــكـم نـــســتـــفـيــد
رح تنـدم يـا أنـهـل عالـزمان اللي مـضى ---- زمـــان تـــركـــت الكـــاجو ولحقت فـسـتـق العـبـيــد

swan
04-08-2009, 01:10 AM
مــا بتــقـدر علـيي لو تكتب عطول المـدى ---- ولـو طال الزمن بو غالب مــش ممكن يصير العكـيـد


http://www.alnabkvb.net/vb/uploaded/2747_1249333354.gif


http://www.alnabkvb.net/vb/uploaded/2747_1249333425.gif



رح تنـدم يـا أنـهـل عالـزمان اللي مـضى ---- زمـــان تـــركـــت الكـــاجو ولحقت فـسـتـق العـبـيــد

http://www.alnabkvb.net/vb/uploaded/2747_1249333619.gif



أما انا

http://www.alnabkvb.net/vb/uploaded/2747_1249333476.gif http://www.alnabkvb.net/vb/uploaded/2747_1249333726.gif

كاسبر
04-08-2009, 04:20 PM
0

لما بتنزل عالوادي ====== ضلــّـك يا محمد هادي
بهاالوادي بتعيش سباع ==== وعاوجودك مو معتادة
-
العصفور المتلك ينباع ==== و ما بيلقى يحمل أوجاع
بربع بنص ولو كترت ==== ما بتوصل ل تلت رباع
-
الربع الأول كرمالو ======= أصل الزوق بأفعالو
ما راح تقلـّك العيار ======= أنهل ما بينسى خالو
-
والربع التاني يا عمي ======= وصتني فيـّـو إمي
وقالتلي برضاي عليك ====== لا تنسى إنـّي العمة
-
لا تصفّ بموقف شعار ==== وتحرق اصبعتك بالنار
راح اعملك تعويذة ======= واخلطلك بالليل نهار
-
جايني و سيفك ملوي ======= يا الله شو هالبلوي
لو ما فيك تشيل سلاح ====== بيلبقلك تحمل مكوي
-
وبكرة لمّا يبان المرج ==== بتعرف إنو حكيك هرج
وكلماتي بالشعر كبار ==== وحروفي عم تكرج كرج
-
والكاجو العندك مضروب === ولا تفكر إنك موهوب
بأرضك لو تزرع منجا ==== بتطلع شجرة حلبلوب
-
جايب رفقاتو الفهمان ===== وجاييني بأول شعبان
وبكرة بس يخلص هالشهر=== بينده لرفيقو رمضان
-
و زارتنا أرزة لبنان == بهالجوقة ال كلها صيصان
فرجونا زقفة كبيرة ===== حتى نرحب بالضيفان
-
ويا سوان عرفتي القصة = ويمكن خلصت هالحصة
دقت بالساحة أجراس ==== و قومو يالله عالفرصة
--

وسلام للجميع

مرعي أبو سما
05-08-2009, 12:26 AM
الله يعطيكن العافية جميع والله زجل مدلل انا بصراحة مو كتير الي بالزجل اما بعد

ماقرأت هالكلام الحلو اصابعي لحالن صارو يطقطقو على زرار الكيبورد وكتبو هالبيتين بلكي بتقبلوهن مني

يلي بتحكي عن الكاجووالفستق عبيد.........وقف حاجة كل مرة غلطتك عـم تعيــد

جـايـي تتقــاوى وتـهــدد وتتوعــد ..........وحكيك فـالصو وحسابـك مافيـو رصيـد

وهالمرة عمتهجم عبو جـاد وانهـل...........متل عصفورعم يعلم النسر كيف يصيد

اسماع مني يامحمد هالعلقـة بلالـك...........فمـن جـرب المجـرب كـان عقلـو بليـد

فبنصحك تاخد زميلك زمزم وترحل.........تروحو تنشطو موضوع المتل من جديد

ابو الفتوح
05-08-2009, 03:30 AM
اخواني الكرام الله يعطيكم الف عافية وهي مشاركة من اجل التشجيع وزيادة الهمة



لكن على كلا ما شاء الله ما قصرتو مجودين وتحية ود للجميع




رجعنا لعندكم عدنا رجعنا 00



وبأشعار على المنتدى طلعنا



ويمكن ما رجعنا لعندكم بهاك حلّي



لولا شوئنا ليكم دفعنآ 00




وجينا عالنادي ننظم احلى القصدان 00 فيها اغلى الحبايب وكل الخلان




ونادينا احلى نادي بكل الاركان 000 بنبقى اهل وحبايب طول الزمان




وردّي حلوي محليها خيي بو الجود 0000 وانهل ومرعي وزمزم هي احلى ورود




وكاسبر ومحمد حبن ماليه حدود 0000 وبشعري جايي اكتب فني المرصود




وبمنبر شعري بكلمي تهابو الاسود000 وهيدي خصلي وارثها من سبع جدود




واشعارن بدها هزي لتصير تجود 000 كلمي شرق وكلمي غرب وكلمي زود




وجينا عالنادي ننظم احلى القصدان 000 فيها كل الحبايب واغلى الخلان




وجوقة كلا معروفي قرقة وصيصان 000 عم بيكاكو ويناغو كل الجيران




والسامعها بين العالم يصبح حيران000 وحدي بوحدي للجلطة والهستريان




ونصيحة مني بأولا لكل الخلان 000 خلّو الشعر لشعارو واهل الميدان




وجينا عالنادي ننظم احلى القصدان 000 فيها كل الحبايب واغلى الخلان

swan
05-08-2009, 03:57 AM
اهلا اهلا
بالاخ زمزم و مرعي ابو سما و ابو الفتوح
محاولات رائعة جدااا
اهلا بكل من انضم الى هنا
اناديكم و أشد على اياديكم
بالتوفيق باذن الله

أبو جاد
05-08-2009, 12:52 PM
السلام عليكم الله يعطيكن العافية وشكرا على كل المشاركات
بس في ملاحظة بسيطة انو نتقيد بالقوافي يمكن تكون الإستشهادات ركيكة وممكن تكون ضعيفة بس القوافي مشكلة فياريت نهتم بهالموضوع وشكرا وراح نعطيكم هالكم ردة

ضروري زمزم أهلك مايفيقـوك....نـوم الجاهل عبـادة يصعـلوك

ضل نايم منشان الله مايصحوك....جعلكت القوافي بشعر معلـوك

ويامحمد كرمال الأهـل الربوك....وشهامـت سومر وطلت أبـوك

مابـدي إئسى عليك يـا مـبـروك....إنـت طــري والكـل بيعـرفوك

عيبـي بحئـك رفـائـك يبهـدلـوك....وعـلى ساحة الأسـد يـبعـتـوك

جـايب كم ولـد حـتى يشجعـوك....بنت تشجع زمزم هوي هالوك

أهـلـك لازم بمدرستي يحطـوك....حتى أمثال زمزم مـيشاركوك

خلـيك تحـت جانحي مايظلموك....هـالشلي الجـاهلـي ويحرفـوك

خليك خـادم عـامنبري ممـلـوك....بتكون كسبت نفسك بهالقصـة

............وصارو الشعار عامنبر الشعريقشعوك

هامور
05-08-2009, 03:53 PM
السلام عليكم والله يعطيكن العافية والله شغل حلو ومرتب ومشكورين على المشاركات الحلوة واسمحولي جرب معكن شوي زجل عالخفيف
=================

سيد الكلمة عالمنبر وصل***ملك الارتجالي وزعيم الزجل
واسمحولي قلكن ومابدها زعل***تا توقفو قبالي ما الكن امل
شموخ شعري مضرب للمثل***وجواب شافي لكل مين سأل
شايف قبالي نسمة لطيفة ***ولو صارت ريح ماتهز الجبل
++++++++++++++++++
ماجيت تاشم الورد جايي اقطفو***وكل مين طلعلو ريش بدي انتفو
إن فكر حالو قمر بلحظة بخسفوا***وإن صدق انه شمس بحروفي بكسفو
خريطة الشعر عحدودي رسمتا***وكل دخيل عليّ بهفو وبنسفو



وتحياتي للجميع

ماريانا
05-08-2009, 06:40 PM
ما شاء الله عنكن على هالحكي الحلو .
يعني بدون مجاملة الكل كتاباتو حلوة (مو الكل الكل . بدون ذكر اسماء في مشاركات زمزم مو عمستوى الباقي http://www.alnabkvb.net/vb/images/icons/icon12.gif, بدون زعل ها ,بس بيتعلم )
, بس اكتر شي حلو مناقرة أبو جاد و كاسبر و mrm , و الباقي ما قصروا ,

انا الحقيقة بكتب شوية زجل و شعر بالمدرسة بهجاء بعض المدرسين و بعض رفقاتي http://www.alnabkvb.net/vb/images/icons/icon10.gif , و بدي حاول اجرب معكن ازا بتسمحولي (يعني لا تفكرو الزجل حكر على الرجال ), بس مو اليوم , لأنو اليوم كاتبة قصيدة هجاء بصاحب الكفتريا بالمعهد http://www.alnabkvb.net/vb/images/icons/icon10.gif, ومخي ما بيستوعب يكتب قصيديتين بيوم واحد http://www.alnabkvb.net/vb/images/icons/icon6.gif

أبو جاد
05-08-2009, 07:28 PM
السلام عليكم
ماشاء الله شي مرتب الله يعطيكن العافية طبعا نحنا الفكرة الموجودة عنا أنو نظهر مواهب مكنونة ونتعلم ونعلم بعض بس ياريت من المشرفين والشباب والصبايا يتقبلو فكرتي أنو نصير نصحح القصائد الموجودة من الأخطاء أو الكسور منشان نتعلم وتزيد خبرتنا ومنشان يكون المنظر حضاري أكتر إذا حدا غريب فات لعنا يلاقي الوضع مقبول طبعا عم ننتظر الأراء ونصير نحدد موضوع والكل يتقيد فيو وشكرا
وهلأ حابب أسلم على الشباب الجونا جديد أبو سما وأبو الفتوح وخالد حموش ومحمد المصري ورافع زخور وهامور وزمزم وإختنا مارينا ونحنا بنشجعك وعم ننتظر مشاركتك ويمكن يصير إسمك أحسن من الشاعرة ميرنا مراد موغلط
طبعا أنا ومحمد وأنهل وسوان مابدنا ترحيب لأنو نحنا من المؤسسين القدم وشكرا على إطالة الرد

ماريانا
06-08-2009, 12:43 AM
مسا الخير
عدنا ,
الحقيقة انا تعلمت شوية زجل من ابي الله يخليلي ياه , ابي عطول بيغنيلنا زجل بالبيت او بالسهرات و بيطلع كتير حلو معو , و خليتو يقرا هالموضوع و عجبو كتير, بس كمان مو كل الكتابات ( بدون ذكر اسماء ;)
المهم قلي طريقة الكتابة و انو لازم اكتب عنفس الردة اللي بادين فيها انتو
يا ريت تعطوني رايكن بهالبيتين و بالوزن لانو ابي مو موجود بالبيت ليشفلي ياهن .

مطبوع بخدك وردة و عطرا بيفوح .... خلي العصفور يهدي قولي مسموح

جينا على موضوعك خيي بو الجوود .... حتى نغني قرادي و نعمل مرصود
نحنــا اهــل الـعتابا مـن جــد جــدود .... صـوتك يـا بيي والله بلـسم الجروح

مطبوع بخدك وردة و عطرا بيفوح .... خلي العصفور يهدي قولي مسموح

جينا نحكي هالكلمة ونطلع من هون .... بعدني والله جــديــدة بهـيـدا اللـون
من ربنـا نحنـا والله بنـطـلب الـعـون .... بلكي الله بيرحمنا و عالجنة نروح [/color]

swan
06-08-2009, 02:52 AM
اي شو هاد
يعني ما فيني قول غير الف شكر لكل اللي هلو و طلو ع الموضوع
و زادونا ردي ورا ردي و استمتعنا باحلى الردات
و تشجيع خاص جدأ
جدأ للاخت ماريانا
هيك ها شدي الهمة و خلي صوت الصبايا يعلي بالردي
وجودي علينا جودي

@zamzam@
06-08-2009, 05:25 PM
قبل السلام والكلام

الف شكر للجميع دون استثناء ودون ذكر اسماء مو هيك ماريانا;)
تاني شي بشرفني اني كون ولو نقطة ببحور شعركم
واللي قالو اخي ابو جاد صحيح مية بالمية وخصوصا مشان الزوار.

والله لا يوريك يابوجاد هالكم بيت المجعلكين راح ضحيتن اربع اظروف بندول

وهلأ رح زت فتيشة واطلع

طلال وبن مالك لا اتمغيبو هون وهون--------- بو جادارتفعت حرارتووصارت مية ومليون

كاسبر
07-08-2009, 12:28 PM
--------
-----
--
جانـــــي محمد و رفاقو = ويمكن للقتلة إشتاقو
نامو من الضربة شهرين = و الظاهر هلق فاقو
------------
جاني شــعبان و صِمتو = و بليلة نصّو قســــــمتو
حتى لو جايب رمضان = راح صومو وما راح فلتو
-------------
ويا ورود الدنيي خافي = زمزم جاييني مجـافي
لـــو اسمك منو بمكة = وطعمو بعدو عا شفافي
--------------
كنت بغنيلك ألـــــــــــوان = تزحل عقلك يـا شعبان
وان كنك ما بتعرف عني = اسأل عني أختي سوان
----------
جايبلي معك الطلّول = محتار بأمرو و مشــــــغول
بدو يصالح و يقاتل = ومش عارف شو بدو يقول
--------------
من رحمة الله يا طلـّي = و مـا راح زيد بها العلة
بوقت الجمعة ما في كتير= ولازم اتوضى و صلـّي
=====================
طبعا
طلـّول وطلـّي
تابعين لأخونا طلال
وأهلا وسهلا بالوجوه الجديدة
وبقول للأخت ماريانا كتير حلوة هالردات و عم نستنى جديدك معنا
وسلام للجميع

swan
08-08-2009, 02:23 AM
و الله اخي الكاسبر متميز دائما
و ماخلا لا زمزم ولا شعبان و لا رمضان الا و حطلو ردة
و رداتوا قوية و مثيرة للحماس
ف يا ترى مين قادر على الرد؟؟؟

كاسبر
08-08-2009, 03:41 PM
عا راسي أختي سوان
كلك زوق والله خجلتينا
وقاعدين عم نستنى لنشوف اللي عم يدعو إنن شعار
عطيهن فرصة إختي ماشي الحال
وهلا بالجميع

كاسبر
08-08-2009, 11:56 PM
هلا وغلا بالوافد الجديد وإلقى إذا بتلقى
وهي عالسريع
---------------------------------
القصة منـّا شدّ شــــــعور = ودك عــالعين وعــــالراس
يــــا طلو حرفك مكســور = و ردك مــــــا فيو إحساس
ولازم تعرف يـــــــا أمور = إنو الأشــــــــــعار بتنقاس
بوزن ومعنى مش بسطور= سطورك جابتلي الوسواس
مش جـــــاي إبن الطيفور = تـــــا يعبي حروفك بكياس
لا تبقى بحالـــــــك مغرور = يــــــا طلو و خليك كلاس
بدك بصفي ...( سنتين ) = حتى تكتب هيك ســــطور
-
والقصة منـّا شدّ شعور................................
--------------------------------
معليش العتب عالنظر
وحقك علينا تلاوي

مرعي أبو سما
09-08-2009, 01:05 AM
الى اخي كاسبر بما انو هوي مشرف القسم


ياكاسبر شو هالئصة .....وشو هالأشعار الجرصة

إاسأل بوجاد الغالي .......من شعرن صابو مغصة

ياخالي محايتك وين.......بأشعـارن يالله توصـى

بدنا نستمتع شي شوي......وعم ضيعو علينا الفرصة

أبو جاد
09-08-2009, 02:45 AM
جـانــي مـحـمـد ورفـاقـو ... ويـمكـن للقتلة شـتـاقـــو

نامو من الضربة شهرين ... والـظـاهـر هـلأ فــاقـــو

ياخـيـي أنـهـل لا تـقـول ... إنــك تـعـبـان ومـشـغـول
بدنـا تـكـتـب يـوم بـيـوم ... والله شعـرك مـو مـعقـول

يـاأنـهـل إشـرافــك ويـن ... الحاجب مابيعلى عالعين
بـدنــا مـنـك هـالـخـدمـة ... تـحـزم هـالقصـة بـحدين

شو ياأنـهـل يـلـي صـار ... القصة طـبلي مع مـزمـار
يا لاقي بهـالــقـصة حل ... يــاأمــا بــتــرك هــالــدار

يـاأنـهــل الــله يـخـلـيـك ... بـدنـا الـقصة تـبقـى شـيك
مو حلـوة بـحق الـشعـار ... الشاطر بكرة بيشمت فيك

كاسبر
09-08-2009, 11:58 AM
اسمحولي بردة هوارة لتحريك الجو شوي

بو جاد اسمحلي بهوارة === تـــا تفتح بالوردة زرارا
حتى نرحب بالضيفان === مرعي جايينا زيـــــــارة

-----------------------------------

تكرم عالراس و عالعين ------- بو جاد بأمرك جايي
حتى إكتبلن سطرين ---------- و نزلهن عالمقلاية
القصة ما بتاكل يومين -------- بــس اعطيهن لهاية
وقلي يا طلال منين -------- بإسمك خربطت الغاية
الواحد مع واحد اثنين ------ و مش مزبوطة الرواية
لو جابو أحمد و حسين ------- و كل ال ولدتهن داية
وصفو قدامي بصفين --------- حتى يردو الحكاية
ما بيلقو مني حــــــرفين -------- والبارودة مخباية

الجفت ال عندي مخصص عين --------
------------------ و عصفورن رايح جايي
وكل ما بيمرقلو رفين --------------
---------------------- بعبي منهن مقلاية

ويا مرعي تكرم هالعين ------- راح شغل هالمحاية
حتى تتسمع بيتين ------------ وتسلطن بلا كباية
وبكرة لو احتجو شخصين ----- والإدارة رفعت راية
و سحبو الإشراف بيومين----- صاربدي ألف وصاية
وعيدك يا خالي عيدين ------- ومني سحبو هالشارة

-------------------------------------
بو جاد اسمحلي بهوارة === تا تفتح بالوردة زرارا
حتى نرحب بالضيفان === مرعي جايينا زيـــــــارة

أبو جاد
09-08-2009, 06:50 PM
السلام عليكم
بنتمنا من المشرفين إنن يقومو بتظبيط الموضوع وتنضيف الردات المكسورة مشان نكون عم نتعلم الي بتنحزفلو ردة بيعرف أنها غلط أكيد مرة تانية راح يركز أكتر وشكرا
وين مارينا حدا شافا كتبت ردتين حلوين وياريت إنها تكمل بتستفيد وبتفيد
وهلأ في عركت قرادي وبدنا نسويها ردة بردة أسرع وأحلا وبتعطي مجال للكل واجهو يالله ياسون ماعم نشوف مغامراتك


نحـنـا يـا شمس بلادي .... ملـوك معـنى وقرادي
فـي عنا م الشعركتـير.... الـبــدو يـعــبي زوادي

بـالـقـرادي يـا أطفـال .... راح أعطيكن عنواني
حتى تشوفوهالأهـوال .... وتشوفـو أعـلى مباني
ومرعي يلي رد وقال .... دشـرهـن بالله مشاني
وأنهل لما بشعروجال .... مـشـاهـن دادي دادي

M-R-M
09-08-2009, 11:37 PM
مـفـكـرني بـشـعري عادي ---- و عـمـمــشــي دادي دادي
الــمَـتـَـل بـيـقـلّك لا تخاف ---- إلا مـــن الــمَــيّ الـهــادي

اسمع يا خيي بو الجــود ---- عن شعرك مش رح أســـأل
مـتـعـود صـيـد الأســـود ---- و بـيــن الــديـابـــي بـتـنـقـّل
أوعـــك تتـعـدى الحـدود ---- انـت و الاســـمــو أنـــهــــل
ومرعي اشتغل فيو الدود ---- وجـايــي عليـّي يـتمـرجـــل
لو بــدي بـكلمة مـرصود ---- بــعـمــلـكــن رز مـفــلــفــل
ومـن مرعي بعمل ممدود ---- و البـاقي بكبـسـهـا مـخلـّـل ممدود ...يعني لحمة بالصينية .
من شـعـري بـهـدّ السدود ---- تــحــروفـي تعبـّي الــوادي


مـفـكـرني بـشـعري عادي ---- و عـمـمــشــي دادي دادي
الــمـتــل بـيـقـلك لا تخاف ---- إلا مـــن الــمــي الــهـادي

مرعي أبو سما
10-08-2009, 12:53 AM
يامحمـد أوعى تعادي .....نحنا ملـوك القـرادي

بدي منك شي عشرين .....مشيهـن دادي دادي

شفـت محمد هالمسكين.....عم يكتب بلشعر رواية

بيكتب سطر بيمحي تنين.....ودابـت كـل المحاية

وإلهامـو مـن طبختيـن .....رز وكـفتـة وكـبايـة

شكلو مبهدل هالحزين.....وماعم تظبط الحكايـة

بدك جرعـة فيتاميـن..... لاقـينـي عـالعيـادي

يامحمـد أوعى تعادي .....نحنا ملـوك القـرادي

بدي منك شي عشرين .....مشيهـن دادي دادي

محمد المصري
10-08-2009, 01:54 AM
ياحكام الشعر بالعداله احكموا----مايهمك الشعار لو يتالمو




الشعر ماهو رصف حروف---ولا كلام عالقافيه نتكلمو




اصل الشعر بالقلب احساس—ماهو حساب ولا جبر نتعلمو




الشعر الهام جوا الروح---دقات قلبك بس هي تنظمو




مو مهم انك جمعت حروف---وابيات شعرك عالورق يتلملمو




بس المهم يكون مغزى بالكلام—لو قراه انسان يقدر يفهمو




قرينا كلام كتير مسطر بالورق---وابيات شعر فوق بعض تراكمو




للاسف مافهمت شو الموضوع---ولا عرفت من أي جهة اتعلمو




ياهل الشعر ياهل المحبه ياكرام—يامحمد ويابوجاد لو تتكر مو




ان كان فهمتو شي عن الموضوع--على بحتري هالعصر بالله سلمو


المعلقات يبدو رجعت من جديد--- بجمع وطرح حتى القوافي يقسمو

أبو جاد
10-08-2009, 02:58 AM
السلام عليكم
أبو تمام دائما من المبدعين وياريت تشاركنا بالقرادي العادي
ومشان محمد ومرعي أول شي لازم تلتزمو بالازمة الأولى
وتاني شي القرادي أربع بيوت وبالنسبة لامرعي قافية تنين وحزين مختلفة ياريت التركيز بالموضوع وهي ردة مشان نمشي عليها

ياتلمـيـذ بـمـزح وجــد = الـيـلــي بـدي حـدك حــد
خليك بجـنـبـي إمـشـي = حتى تشوف ليالي المجد

غنى عصفور الشادي = عالغصن العالي بنيسان
وغنى معـنى وقـرادي = ألـف مـن كـل الألـحـان
وتـتـعـيـشـو يــاردادي = شـدو الهـمة عــالأوزان
القصة مابدهـا زيـادي = لاتـبـقـى تـقيسى عـالقـد

swan
10-08-2009, 03:06 AM
حاولت صف حروف و لملمون حتى يصيروا ردي
لقيت اني مهما صفيت و لميت حروف تيصيروا ردي
ما بيطلعلي معكون لا حرف ولا حتى نص ردي

بس فيني قول
ماشاء الله عنكون
عين اللي ما بتصلي على النبي اطئ و تنبئ

أبو جاد
10-08-2009, 04:27 PM
مـفـكـرني بـشـعري عادي ---- و عـمـمــشــي دادي دادي
الــمَـتـَـل بـيـقـلّك لا تخاف ---- إلا مـــن الــمَــيّ الـهــادي

اسمع يا خيي بو الجــود ---- عن شعرك مش رح أســـأل
مـتـعـود صـيـد الأســـود ---- و بـيــن الــديـابـــي بـتـنـقـّل
أوعـــك تتـعـدى الحـدود ---- انـت و الاســـمــو أنـــهــــل
ومرعي اشتغل فيو الدود ---- وجـايــي عليـّي يـتمـرجـــل
لو بــدي بـكلمة مـرصود ---- بــعـمــلـكــن رز مـفــلــفــل
ومـن مرعي بعمل ممدود ---- و البـاقي بكبـسـهـا مـخلـّـل ممدود ...يعني لحمة بالصينية .
من شـعـري بـهـدّ السدود ---- تــحــروفـي تعبـّي الــوادي


مـفـكـرني بـشـعري عادي ---- و عـمـمــشــي دادي دادي
الــمـتــل بـيـقـلك لا تخاف ---- إلا مـــن الــمــي الــهـادي




السلام عليكم

ياتلميذ بمـزح وجـد = الـيـلـي بـدي حـدك حـد
خليك بجنبي إمشي = حتى تشوف ليالي المجد

رز وكفتة ومقلايـة = وعاملي بالقصـة شيـف
بالمطبخ عنا كفاية = وعالمجلة بـدك تـوقـيف
أشعارك بدا محاية = والصفحة بـدا تـنظـيـف
والمتلك بدو لهايـة = ويـمكن عنهـا مـا يـنـرد

مرعي أبو سما
10-08-2009, 07:09 PM
يا تلميذ بمــزح وجــد = الـيـلـي بـدي حـدك حـد
خليـك بـجنبـي إمـشـي = حتى تشوف ليالي المجد


مـزح وجـد يـا اخـوان = القصة والله بتعصـب


لازم يعـرف هالخـلان=اني بـشطـب مابقطـب


مني بخافو ملوك الجان=وعليهن السحر بيقلـب


ولمـا بنـزل عـالميـدان=بحكم عخصمي بالحـد


يا تلميـذ بمـزح وجــد =الـيـلـي بـدي حـدك حد
خليـك بـجنبـي إمـشـي =حتى تشوف ليالي المجد

M-R-M
10-08-2009, 07:57 PM
يـا تـلمــيــذ بـمـزح وجـد ---- اللـيــلــة بـدي حـدك حد
خــلـيــك بجـنبي امــشـي ---- حتى تشوف ليالي المجد


جاني مرعي مع خالو ---- وصاروا يحوصوا بالميدان
الـمـيــدان إلـو خيـّـالو ---- اســألوا عنـّـو اختي ســوان
ابـن مـالك و رجــالــو ---- أســود و قـدّامـن صيصـان
كلــمــة منـّي رسـمالو ---- واجـهوني و ردوا شــي رد

كاسبر
10-08-2009, 10:41 PM
يـا تـلمــيــذ بـمـزح وجـد ---- اللـيــلــة بـدي حـدك حد
خــلـيــك بجـنبي امــشـي ---- حتى تشوف ليالي المجد

---------------------------------
يـــــا محمد منـّك قدّي -- بـهــالـــــردة الـقـراديــــة
مثلك مـــا بواجه فردة -- بدي منك شـــــــــــي مية
راح اضربكن بالوردة -- بلكي بتتهدى شـــــــــوّية
خوف عليكن ما عندي -- و خوفي لا يزعل هالورد
--------------------------------
يـا تـلمــيــذ بـمـزح وجـد ---- اللـيــلــة بـدي حط الحد
أوعى تنزل عــــالميدان ---- أسود ال عندي ما بتنعد

مرعي أبو سما
10-08-2009, 11:44 PM
يـا تـلمــيــذ بـمـزح وجـد ---- اللـيــلــة بـدي حـدك حد
خــلـيــك بجـنبي امــشـي ---- حتى تشوف ليالي المجد



مـحمـد مالـك لاتنغـر.....كل شغلة وفي الها كبير

رح دوئك أشكال المر....وأعملك موضوع تعبير

ومن حدي كل ما بتمر....راسك لاتـرفع ياظغيـر

ولازم تعرف انك غر....وأشعارك مو كل هل قد


يـا تـلمــيــذ بـمـزح وجـد ---- اللـيــلــة بـدي حـدك حد
خــلـيــك بجـنبي امــشـي ---- حتى تشوف ليالي المجد

swan
11-08-2009, 01:58 AM
http://www.alnabkvb.net/vb/uploaded/2747_1249940389.gif شو صار في ممدود و فروج


http://www.alnabkvb.net/vb/uploaded/2747_1249940330.gif و ناس رفعت علامة النصر




http://www.alnabkvb.net/vb/uploaded/2747_1249940268.gif و ناس استسلمت و رفعت علامة الاستسلام


http://www.alnabkvb.net/vb/uploaded/2747_1249940539.gif و الكرة بملعب مين ؟



http://www.alnabkvb.net/vb/uploaded/2747_1249940756.gif يا ترى مين رح يرد الهجمة بردة أكبر و أقوى

هامور
11-08-2009, 04:18 PM
يا تلميذ بمــزح وجــد = الـيـلـي بـدي حـدك حـد
خليـك بـجنبـي إمـشـي = حتى تشوف ليالي المجد

تركناك تجــود شوي ++قـلــنا بـلـكي بيتـعلـم
وبتغرق بنقــطـة مي++وبدك تحكي وتضـلـم
متعود ع كلــمـة أي ++ومن وجعك عم تتألـم
بعدك غر ولحمك ني++عصفور وحاملي فرد

يا تلميذ بمــزح وجــد = الـيـلـي بـدي حـدك حـد
خليـك بـجنبـي إمـشـي = حتى تشوف ليالي المجد


أنهل جاييـني فرحــان ==وحامل بيدو محايـة
عم يتعربش عالحيطان==كالحر باهل الرايــة
مضيع للمـجد العنـوان==ومابدي سـب الدايـة
لولا شفاعة اخت سوان==روحناك بغلطة جرد


يا تلميذ بمــزح وجــد = الـيـلـي بـدي حـدك حـد
خليـك بـجنبـي إمـشـي = حتى تشوف ليالي المجد

لا تآخذوني حابب شارك معكن بس اذا غلطان مسحوا ولا يهمكن ويامرحبا بكل الشباب

كاسبر
11-08-2009, 05:54 PM
بشااااااااااااااااااااارة يا جماعتنا بشااااااااارة
أهلا وسهلا بالهامور
والمزوق المثلك ما بينحزفلو شي
طالما الكل عم يناقر والحمد لله انو الكل عم تكون رداتو ضمن حدود الأدب وما في شي يزعل
والبشارة طبعا انو صار في عنا خصم بيستاهل
جيتك غالية يا هامور والله دبل قلبي انا واكتب وكلو عالفاضي يعني الواحد بجماعتكن بتحكي من الشرق برد من الغرب
منيح الجيت 0000 بتحمل كتف عنن
وراح قلك
========================
يـا تـلمــيــذ بـمـزح وجـد ---- اللـيــلــة بـدي حط الحد
أوعى تنزل عــــالميدان ---- أسود ال عندي ما بتنعد

-
الغلطة مَنها مغفورة ---- و بالذات المتلك هامور
عمّا تعادي ال صقورة ---- كيف بتقدر يا مغرور

الحر بيمحي السبورة ---- تا يضوّع إتر الطبشور
وإن كنو بإيدك طبشورة -- راح يبسها بضربة رعد
-
يـا تـلمــيــذ بـمـزح وجـد ---- اللـيــلــة بـدي حط الحد
أوعى تنزل عــــالميدان ---- أسود ال عندي ما بتنعد

أبو جاد
11-08-2009, 06:32 PM
السلام عليكم الله يعطيكن العافية
شغل مرتب وكل يوم عم يزيد الإبداع عن يوم بس عنا ملاحظة على أخي زمزم الحقيقة ردتك ما إلها حل ياريت إنك تزيد من خبرتك شوي قبل الكتابة مشان جمالية الزجل فيا أخي الكريم ستفيد من الشباب العم يكتبو يعني ماشاء الله أخونا هامور اليوم أبدع ونحنا بإنتظار رداتو الحلوة وطبعا ردات الجميع وهي ردة من عندي مع تغير الازمة

غنى عصفـور الـشــادي ــــ للـعـصـفــورة الـبــلـوادي
وكرمال عيون الحلـويـن ــــ بــدي إرجــع عـابــلادي

يـامـحمـد نـحـنـا شـعــار .... عاصرنا الشعر وجيلـو
بـنكتب من وحي الأفكار .... وإعصار الجهل نشيلـو
لكن بـأسـف عـالإنـطـار .... يـغـنـي مـع ربع الكيـلو
ويـامرعـي جيـب البتـار .... وقص الروس البتعادي

ياسمين زمزم
11-08-2009, 10:03 PM
السلام عليكم و رحمة الله

متابعة بإذن الله ما تخطه الأقلام الجبارة

حيث أني وددت المشاركة لكثرة الحماس الذي يشع بين سطوركم

تقبلوا أخوتي مشاركة متواضعة و لربما الأولى و الأخيرة :rolleyes: فالمستوى واضح


غنى العصفور الشادي ....... للعصفورة البلوادي
و كرمال عيون الحلوين ....... بدي ارجع عبلادي


هامور و يا متلك مين ..... مزين و الله هالساحة
و يا خيّ جيتك معين ...... و ما رح أطلب سماحة
و كاسبر يحلفلي يمين ....... بردة منه و بصراحة
كلماتي بالله مسموعين ..... تأعرف فيكن مين عادي


غنى العصفور الشادي ....... للعصفورة البلوادي
و كرمال عيون الحلوين ....... بدي ارجع عبلادي


بو جاد و يا معلمنا ...... اوعا المدير اتناديلو
عالخمائل نحنا عيّنا ..... و عنها قلي لا تميلو
برداتك و الله احلمنا .... جينا انغني مقابيلو
يا أستاذي لا تخيبنا .... و صفر تنوّل انشادي




غنى العصفور الشادي ....... للعصفورة البلوادي
و كرمال عيون الحلوين ....... بدي ارجع عبلادي


بزيارة و ردة صغيرة ... بدي بارك بهالإخوان
حتى لو زعلت عشيرة ... رح ابقى حط العنوان
بعد شكري و تقديري .... انتو القدوة لكل إنسان
لا تقولو توبي عيرة ..... و عم جامل لاسنادي

M-R-M
11-08-2009, 11:14 PM
غـنــى الـعـصــفـور الــشادي ---- للعصــفورة الـ بالـوادي
و كرمــال عيـــون الحـلويــن ---- بــدي أرجــع عبــلادي

أهلا وســــهـلا بالهامـــور ---- شــرفت يـا نـــور العـَـيْن
وحدي بهالساحة من شهور ---- ولأجــلك بنـــطر سنتـَيْن
فضــلتـك عـلــى الــدامـور ---- و ما بدلك حتى عا زيـْـن
و أنـــا و أنـت يـا أمــــور ---- بــدنا نـبـــيــد الأعــــادي


غـنــى الـعـصــفـور الــشادي ---- للعصــفورة الـ بالـوادي
و كرمــال عيـــون الحـلويــن ---- بــدي أرجــع عبــلادي


و اجــت لـعــنـــا الـيــمـام ---- تـتـــشــاركــنـا بــحـروفـا
حــروفــك بتـنـيـر الـظلام ---- بـقـلب الـعـتـمـة بنـشـــوفا
لــو غنـيـتــي بـنص الشام ---- الـرياض بتـرقص بدفوفـا
نـورتــي بـكــل الأقــســام ---- وبهـالقـــسـم نـورك بادي

هامور
11-08-2009, 11:42 PM
غـنــى الـعـصــفـور الــشادي ---- للعصــفورة الـ بالـوادي
و كرمــال عيـــون الحـلويــن ---- بــدي أرجــع عبــلادي


وقت الجد بهـد البيت ===وببني قصر بمحـلو
رجال بشوارب بكّيْـت ===لمن عالساحة طــلو
بو جود ومرعي ناديت===والظاهر خافو وفلو
يمّــا بتقــعد عالسكيـت===يا أما بإســمي نادي





غـنــى الـعـصــفـور الــشادي ---- للعصــفورة الـ بالـوادي
و كرمــال عيـــون الحـلويــن ---- بــدي أرجــع عبــلادي

هامور
12-08-2009, 12:14 AM
وهي رد لعيون كاسبر

غـنــى الـعـصــفـور الــشادي ---- للعصــفورة الـ بالـوادي
و كرمــال عيـــون الحـلويــن ---- بــدي أرجــع عبــلادي


أنهل فرحان ومسرور ==وعم يرحب بوجودي
وبلش يدخل بالمحظور== ويتعدى على حدودي
القصة منها سختور==او لحم بصحني ممدودي
لحتى تطول الهامور ==بــدك متريـــن زيـادي

غـنــى الـعـصــفـور الــشادي ---- للعصــفورة الـ بالـوادي
و كرمــال عيـــون الحـلويــن ---- بــدي أرجــع عبــلادي

كاسبر
12-08-2009, 12:27 AM
غـنــى الـعـصــفـور الــشادي ---- للعصــفورة الـ بالـوادي
و كرمــال عيـــون الحـلويــن ---- بــدي أرجــع عابـلادي

-----------------------------------------------
قصرك بوجودي عرزال ---- وبخشباتو عشش سـوس
و يا هامور لعندي نزال ---- حتى تتعلم الـــــــــدروس
رجالي ما تبكي يا خال ---- والأصل بشعرن محسوس
و لـمـّا بتقول الــــــموال ---- عـــــا إســـمك مو معتادة
------------------------------------
غـنــى الـعـصــفـور الــشادي ---- للعصــفورة الـ بالـوادي
و كرمــال عيـــون الحـلويــن ---- بــدي أرجــع عابـلادي
----------------------------------------------
زارتنـــــــــا يمام الخير ---- حتى تنور هــالصفحات
وبوجودها غرد هالطير ---- وصار يدرغل بالكلمات
و بـأعدائي زاد الضير ---- وحسبتو من الفرحة مات
تاري بخوفو إنشلّ الطير ---- لـمـّـن طـلــّـو الصيادي
-----------------------------------
غـنــى الـعـصــفـور الــشادي ---- للعصــفورة الـ بالـوادي
و كرمــال عيـــون الحـلويــن ---- بــدي أرجــع عابـلادي

أبو جاد
12-08-2009, 12:42 PM
السلام عليكم
أما بعد إليك ياأخي هامور

غـنى العـصفـور الـشـادي .... للعصفورة ال بالوادي
وكرمال عيـون الحـلـويـن .... بدي أرجع عابــلادي

إنـتَ يــالإسـمـك هـامــور .... ومـفـكـر حـالك جـني
عـامـلـي أكـلـت سخـتـور .... وفيها جـايـي تـتـغـنـي
مقص وشارب عالطابور .... ياما قـصقـصت بـفـني
لـكــن أوعــا يـــا أمـــور .... حلاق الشِعـر تـعـادي

أهلا وسهلا إخت يمام شرفتي الموضوع وفرحنا بإول مشاركة وبدنا نزعل إذا كانت أخر مشاركة وتقبلي من أخوكي هالردة

غـنى العـصفـور الـشـادي .... للعصفورة ال بالوادي
وكرمال عيـون الحـلـويـن .... بدي أرجع عابــلادي

هـل عليـنا الخـيـر الـعـام .... ونشـالله يرجع سنــويـة
وطيـر الحـر بجـوو حـام .... وضحكت أرض البرية
وعـالـوادي نـزلـت يـمـام .... وشربت مـن نبع الميـة
وصار النبـع بلـيلـو يـنـام .... ويحـلـم يـمـام تـنــادي

مرعي أبو سما
12-08-2009, 01:24 PM
غـنى العـصفـور الـشـادي .... للعصفورة ال بالوادي
وكرمال عيـون الحـلـويـن .... بدي أرجع عابــلادي

محمد استدعى الهامور....تايوقف معو شي شوي

مـوعـرفان هالعصفور....النسر مابيعرف الخطيّ

نوص صوتك يا أمور....الشغلي مولعبي ياصبيّ

يالعـاملي فيهـا دامـور....كـورس عـليـك زيـادي

غـنى العـصفـور الـشـادي .... للعصفورة ال بالوادي
وكرمال عيـون الحـلـويـن .... بدي أرجع عابــلادي

كاسبر
12-08-2009, 02:11 PM
مسا الخير اخوتي
بناء على طلب صاحب الموضوع أبوجاد الغالي
وطبعا بس بهالموضوع مشان ما حدا يفهمنا غلط
ف راح نصير نعدل ببعض الردات للوزن فقط وبدون تعديل بالمعنى اذا كان هالشي ممكن
واللي بحدد هالشي هو الردة نفسها لأنو أوقات بيكون التعديل صعب وما في إمكانية
وبما أنو في موانة كبيرة على أخي مرعي
راح إطرح المثال على الردة الحلوة اللي قالها
واللي ناقصها تعديل ببعض الحروف مشان يزبط وزنها وطبعا القرار الو بالتغيير أو بدون تغيير
والردة الأساسية مثل ما كتبها مرعي هي :
محمد استدعى الهامور....تايوقف معو شي شوي

مـوعـرفان هالعصفور....النسر مابيعرف الخطيّ

نوص صوتك يا أمور....الشغلي مولعبي ياصبيّ

يالعـاملي فيهـا دامـور....كـورس عـليـك زيـادي
=========================
أما بعد التعديل فراح تصير كالأتي

محمد مستدعي الهامور ---- حتى يوقف حدّو شوي
متوقع هيدا العصفور ------ إنو النسر يقول خطي
نوص صوتك يا مغرور -- القصة مش لعبة يا صبي
يا العامل فيها الدامور ---- ال كورس عليك زيادة
-------------------------------------
ما بعرف اذا هيك منيح لنمشي على هالمنوال
وعطيني رأيك أخي مرعي
وسلام للجميع

محمد المصري
12-08-2009, 03:48 PM
غـنى العـصفـور الـشـادي .... للعصفورة ال بالوادي
وكرمال عيـون الحـلـويـن .... بدي أرجع عابــلادي




تكــرم عينك ابو الجــود0000اشــعاري رح غنيــها

رح ابدأ قرادي ومرصود0000ومعنـا وعتابا كفيها

وسحجه من نغم لجـدود0000وحنـه وجلوه وأويها

ولالا عالمجوز والعود00000و خلفي ترد الردادي

هامور
12-08-2009, 03:50 PM
غـنى العـصفـور الـشـادي .... للعصفورة ال بالوادي
وكرمال عيـون الحـلـويـن .... بدي أرجع عابــلادي

ياما قــالو بالامتـــال===لاتوقف بوجه السيْل
للفارس لاتقلو نـزال===انت تعلم تركب خيْل
بوجاد بساح الابطال===تحمل دل تزيد الهيْل
تعمــل لمحمد تمثال===وتبصملي بالسيــادي

غـنى العـصفـور الـشـادي .... للعصفورة ال بالوادي
وكرمال عيـون الحـلـويـن .... بدي أرجع عابــلادي

يابوسـما تهدا شـوي==وحـاول بالـرد تركز
لاتخليني قول خطي==كرمال المشرف ميز
واذا بدك تعملي عي==من بكرة حجيز وفيز
ولاتطفي النـار بمي==بدها تشــعل بزيادي

غـنى العـصفـور الـشـادي .... للعصفورة ال بالوادي
وكرمال عيـون الحـلـويـن .... بدي أرجع عابــلادي


يامرحبا بالشباب

كاسبر
12-08-2009, 09:07 PM
هيك ما بصير هامور
انت عم تستغل موانتي على ابو سما مشان طرح المثال
بس اللي ما بتعرفو انو مرعي هو معلمنا وتاج راسنا واذا بدي دقق في كتير شغلات من اللي قالوها جماعتك لازمها تعديل بس ما حبينا نفوت بجدال ما بيخلص
وراح قلك
المشرف راح يسحب حالو --- م التدقيق و م التعديل
و حتى لو هني قالو ------ و الدمعة بكلماتن بتسيل
ما راح عدل لو سالو ------- حتى لو جبتو برطيل
ويسلم مرعي مع خالو ------- هني ملوك القرادي
--------------------------------------------

هامور
13-08-2009, 12:16 AM
السلام عليكم
خيي انهل اول شي انت بتمون عالكل
والزجل بيعتمد عالمونة اكيد وما بظن ابو سما بيزعل اذا اجاه منافس بيستاهل
واجباري بدي استغل اي شي بينطرح ضمن الموضوع ولازم اتغدى فيكن قبل ما تتعشوا فيي
ممكن بكرة تعدلي رد ويجي حدا يستغل هالشي فبكون سبقته انا
وذا ما بتعطوني المونة ترى ما بكتب ولا كلمة
منشان محمد الحجي عندي مونة عليه بعلامة سهرة الخميس بكروم ابو خالد
مرعي ما بعرفه بس من جهتي عاطيه المونة بدون قيود
ويا مرحبا بالكل

وانا برايي تعدل اي رد بدو تعديل حتى نستفيد من اخطاءنا لأني بشغلة الوزن مو كل هالقد (تحت التمرين)يعني

ومشكورين جميع

أبو جاد
13-08-2009, 10:36 AM
السلام عليكم
روح أخي هامور ماحدا بيزعل من حدا وبالعلامة شوف هالردة

غـنى عصفور الشـادي .... للعصفورة ال بالوادي
وكرمال عيون الحلوين .... بـدي إرجـع عابلادي

لك ياهـامـور ويـادلي .... بساحـة رفـقـاتـو هـربـان
جنـدلـتـو يــوم الـقـلي .... من صب القهوي خجلان
موعـيـبي حمـل الدلي .... القهوي عـدات العـربـان
وما بدي بأصلك فـلي .... لا أصـــــل ولا سـيـادي

رافع زخور
13-08-2009, 02:24 PM
غـنى عصفور الشـادي .... للعصفورة ال بالوادي
وكرمال عيون الحلوين .... بـدي إرجـع عابلادي

بلادك دوم بتســـتــناك .... بتقــلك اهـلا وســـهلا
وكل يوم بيكبر غــلاك .... في قلبى وقــب اهــلا
وموحلوة النـبك بــلاك .... لابجبــالا ولا ســـهلا
وارجع تنسهر مـــعاك .... ونشوف العين الكحلا
ولاتنسى تجيبون وياك .... هالشـــبيـبة المرتحلا
وانت النجم في ســماك .... يضوي وضو فزيادي

غـنى عصفور الشـادي .... للعصفورة ال بالوادي
وكرمال عيون الحلوين .... بـدي إرجـع عابلادي

هامور
13-08-2009, 03:40 PM
عراسي الشباب كلها والله حكولي عنك الشباب وماوفوك
ولعيونك احلى ردي خيي ابو جاد


غـنى عصفور الشـادي .... للعصفورة ال بالوادي
وكرمال عيون الحلوين .... بـدي إرجـع عابلادي

بضربت جفـت بصـيد تنين===وباخـد تـالـت مــجاني
باكلــكن ب غـمضت عيــن===وما بتحشّـولي سناني
وبــدل الدلة حمــول تنــين===ووقاف بساحت ميداني
وصـب القهــوة عالميــلين===ولضيوفي صب زيادي

غـنى عصفور الشـادي .... للعصفورة ال بالوادي
وكرمال عيون الحلوين .... بـدي إرجـع عابلادي

أبو جاد
13-08-2009, 09:31 PM
لعيونك أخي هامور سلملي على أبو خالد وكل الشباب بس بظن أني ماجتمعت فيك عندو وهي الردة لعيونك

غـنى عصفور الشـادي .... للعصفورة ال بالوادي
وكرمال عيون الحلوين .... بـدي إرجـع عابلادي

جفتو مافيو خرطوش .... وحكيو كلـو عـالـفـاضي
قاعد لبسلي طـربوش .... ومـفـكـر حـالـو قـاضي
بأفكارو ديما مشلوش .... وشيخو عـنو موراضي
وبشعرو بعدوتشتوش .... وبـــدو يـغـنـي قـــرادي
ـــــــــــــــــــــــــ ـــــــــــــــــــــــــ ـــــــــــــــــــــــــ ـ
غـنى عصفور الشـادي .... للعصفورة ال بالوادي
وكرمال عيون الحلوين .... بـدي إرجـع عابلادي

أهلا وسهـلا يـارافـع .... حكيك محلي الموضوع
وبتبقى ديما متواضع .... وراسك بالعزة مرفوع
حساباتك مـابتـراجع .... وبالحق بتشعل الشموع
وسيفك ديما هالقاطع .... بـرد الـنـاس البـتعـادي


سلامي الخاص لأحلا جار بكل الفتاح عم نستنا مشاركاتك الجميلة خي رافع

هامور
14-08-2009, 12:41 AM
غـنى عصفور الشـادي .... للعصفورة ال بالوادي
وكرمال عيون الحلوين .... بـدي إرجـع عابلادي



خدها نصيحة من هالاخ ...اسمعني شـو بدي قــول
لاتخليــني بلّــش سلــخ ... بكــفي شــعرك مسـلول
باينتك من صوت الطخ ... بتلـبس طاقـية ومريــول
وشكـلك مو لقيان البــخ ... والمتــلي اوع تــعــادي

غـنى عصفور الشـادي .... للعصفورة ال بالوادي
وكرمال عيون الحلوين .... بـدي إرجـع عابلادي

وينو محمد بن مالك...حتى نكفي هالمشـوار
ونخـلي ليــلن حالك...وجسورن بدها تنـهار
بوجودك دربي سالك...وبوجودي سيفك بتار
لاتـقلـي منــك شابك...تشّـمت فينا الاعادي

غـنى عصفور الشـادي .... للعصفورة ال بالوادي
وكرمال عيون الحلوين .... بـدي إرجـع عابلادي


هلا خيي ابوجاد
قضيت الشتوية بالنبك وكل خميس عند ابو خالد بس مالتقينا ..الايام جايي..
بس سيرتك حاضرة والنعم منك ومن كل الشباب

M-R-M
14-08-2009, 01:11 AM
الله يسعدك أخي هيثم الغالي ...بالفعل إنك هامور بالكلام ما شاء الله عنك ..
و الحمد لله اللي اجا مين يشيل عني كتف عن هجاء الأشاوس ابو جاد و كاسبر و مرعي .
و أنا هون معك قلبا و قالبا , بس قلت بخفف عليهن شوي لأنو بلشوا يتلبكوا و تتزعزع اركانن , و نحنا ما بدنا نخسر الخصم حتى لو كان مو على قد المستوى http://www.alnabkvb.net/vb/images/icons/icon12.gif
وهي ردة لعيون الهامور , طبعا هي نتف لأبو جاد , لأنو بعدن ريشاتو ما خلصو ...بس انهل و مرعي لا تفكروا اني نسيانكن ... رح تفوتوا عالنتافة ما في مجال ...طبعا ازا ما خلص ريشكن بنتافتي عندكن نتافة هامور , كمان يابانية ما شاء الله عنها .

غـنـى عـصـفور الشـادي ---- للعـصـفورة الـ بالوادي
وكــرمـال عيون الحلوين ---- بـــدي ارجـع عـبلادي


اســمع يا خيّي بو جــاد ---- الـشـعـر الأصلي و تعلـّم
وســيبك من لعب الولاد ---- ولا تـتـقــاوى عــزمــزم
بـمـدرسـتي خدلك ميعاد ---- يـا أمـّـا بـمـعــهــد هيـثـم
نــحــنــا للــشـعر أسـياد ---- و للشــعر افـتـحنا نـادي

..**ROSE**..
14-08-2009, 08:00 AM
غنى العصفور الشادي ----- للعصفور الـ بالوادي



وكرمال عيون الحلوين ----- بدي ارجع عبــلادي




كلمة روز الموزوني ...... العـالم عميحكوا فيها




وبـأخـلاقـا الـرّزيـنـي ...... عـمترفع راس أبوها




والــبـدّو يـتـحـدّانـي ...... مـأكـّد راح يـروح فيها




بالآويها مـا أقواني ...... وبـالـزّجـل والقرادي




*******



غنى العصفور الشادي ----- للعصفور الـ بالوادي



وكرمال عيون الحلوين ----- بدي ارجع عبــلادي





بالشـعـر يـا محـلاني ...... الـخنسـاء أنا بلغيها




وبـالمغـنى بعـدّ غـناني ......و بموالي ببـديــهـا




بموهبتي يجود لساني ...... روز الحلوة النبيهة




مـن عندي أحلى أماني ......للشعار الـ بالوادي


*******




ما شاء الله كلام ولا أروع وإبداع يجر إبداع




وأحلى ما بهالموضوع المونة بين الأخوة والروح الرياضية




حبيت أبدا معكن بردة بسيطة




وتحياتي للجميع




وانشاء الله متابعة معكم




روز

رافع زخور
14-08-2009, 12:31 PM
غـنـى عـصـفور الشـادي ---- للعـصـفورة الـ بالوادي
وكــرمـال عيون الحلوين ---- بـــدي ارجـع عـبلادي

يا بو جاد وياغالي ..... يازينــة حـارة الفتـــاح
شعرك مكانو عالي ..... صخرة في وج الرياح
شعرن يمكم ملبالي ..... كلماتن مانن مـــــــلاح
اذا ضلت هالحالي ..... بدن مختـار الصحـــاح
حتى يقـولـو قــوالي .....تـتفـهمــــها العبــــــادي

غـنـى عـصـفور الشـادي ---- للعـصـفورة الـ بالوادي
وكــرمـال عيون الحلوين ---- بـــدي ارجـع عـبلادي

كاسبر
14-08-2009, 03:43 PM
غـنى عصفور الشـادي .... للعصفورة ال بالوادي
و قلها كرمال الحلوين ...... بـدي إرجـع عابلادي


------------------------------------------------------


يــا هامور بهالردّة --------- وزنك بـــالنغمة فالت
لعيونك جبت العدّة -------- تـا إمحي اللون الباهت
إن بدك تكسب ودّي --------- عدّل بالسـطر التالت
حتى تزبط هالردة ---------- عـــــا نغمات القرادي


-----------------------------------------------------


غـنـى عـصـفور الشـادي ---- للعـصـفورة الـ بالوادي
و قلها كــرمـال الحلوين ----- بـــدي ارجـع عـابلادي
-----------------------------------------------------
وهي لمحمد


القصة منـّا صفّ حروف --- بهالصفحات المنشافة
والجهل بأمرك معروف ------ و الداء بشعرك آآفة
هاالصقر اللي حقو ألوف ------- حطيتو با النتافة
ما بيلبقلك إلا تشوف ------ صيصان بقلب الوادي
----------------------------------------------------
غـنـى عـصـفور الشـادي ---- للعـصـفورة الـ بالوادي
وقلها كــرمـال الحلوين ------ بـــدي ارجـع عـبلادي
----------------------------------------------------
شفتي شو عملو يا روز ---- بالصقر ال شابو شعراتو
صار مدخن ألف كروز ----- مشـــــــــان يزبط ريشاتو
عمّا يطعمو القطة موز ---- هيدا الـتـخـبـيـص بذاتـــو
بـيـلـبـقـلن لعب القازوز ---- مــــــــا بدو تفكير زيادي
----------------------------------------------------
غـنـى عـصـفور الشـادي ---- للعـصـفورة الـ بالوادي
وقلها كــرمـال الحلوين ------ بـــدي ارجـع عـبلادي
----------------------------------------------------

محمد المصري
14-08-2009, 03:49 PM
بحني راســي للشعار***كــنو بنت وكنو شـــب





م الاكبر مني مابغار***لكن متلي تلاقي صعب




لو تــبرم كل الامصار***وتدور الدنيا شرق وغرب




شــعري بالـفلطره ياجار***هـــديـه من عند الرب




شعري قاسي متل الدردار***لكن بالعيشه صدري رحب




لكن لو خرجت مني النار***مافي قوة تطفيها


سلامي للجميع واحترامي لكل منتسبي المنتدىمع عدم اليفرقه كما ذكرت

بس انتبهوا[/quote]

هامور
14-08-2009, 10:30 PM
غـنى عصفور الشـادي .... للعصفورة ال بالوادي
و قلها كرمال الحلوين ...... بـدي إرجـع عابلادي


أنهل لا تصدق حالـك...تـبدا بشعري تعـديـل
انا عم خربط كرمالك...شفت الكفّة عم بتميل
بـالله تشـدلّـي حـالــك...حاج اسكايي وبتسيل
جبلي مية من رجالك...تا اعـملهــن زوادي


غـنى عصفور الشـادي .... للعصفورة ال بالوادي
و قلها كرمال الحلوين ...... بـدي إرجـع عابلادي

بنمسي عاخـيّي رافـع...جايي وحاملي سيفو
عارف عن مين يدافع...اكيـد استشعر خوفو
من حيث المبدأ لامانع...بـدنا نـقدّر ظـروفو
إن شفتك صوبي طالع...ببعتـلك الـردّادي



غـنى عصفور الشـادي .... للعصفورة ال بالوادي
و قلها كرمال الحلوين ...... بـدي إرجـع عابلادي


حيالله من جانا
وين المشجعين؟؟وين الحماس
مشكور شريكي محمد نورت الدار وشد الهمة وحيووو

أبو جاد
15-08-2009, 11:35 AM
السلام عليكم
معليش أخي هامور النت عندي خربان وهي أحلى ردة لعيونك

غـنى عصفور الشـادي .... للعصفورة ال بالوادي
و قلها كرمال الحلوين ...... بـدي إرجـع عابلادي


بالمسلخ قاعـد محبـوس .... وفـردك بـالـبـخ بـيغـلي

وسلاحك متلك مشموس .... مو خرجو يخوف نملي

وإيدي فز ركـاع وبـوس .... وإبعد مـن دربي وإخلي

ياما بـدربي نخـت روس .... وبـصمـتلـي بـالسيـادي

M-R-M
15-08-2009, 10:22 PM
غــنــى العـصفور الـشادي ---- للعــصفــورة الـ بالـوادي
و كــرمال عيـون الحـلوين ---- نــاوي أرجـــع عــبلادي

يا أنـهــل يـا ابـن مـحـدّيـن ---- مـفـكـرلـّي حـالك شــحرور
إصــحـا تجـرّب يا مـسكين ---- ســـباحـة تـقـطـع هـالبحور
مـا بـيـبقى سـمك الـسـردين ---- و في حَدّو قِرش و هامـور
لـو تـنـفــد مـنـا شــي حيـن ---- مـا بـتـنفـد مـن الصـيـّـادي


غــنــى العـصفور الـشادي ---- للعــصفــورة الـ بالـوادي
و كــرمال عيـون الحـلوين ---- نــاوي أرجـــع عــبلادي


صوتي بهالســاحة مـسموع ---- و رح أعـلـن هالمرة الفـوز
كان معـتــّم هــالـمـوضــوع ---- مـن أشـــعارن هنـّي الجوز معروفين مين طبعا http://www.alnabkvb.net/vb/images/icons/icon10.gif
بهامور تحــلـّى الـمــشروع ---- ونـــوّر لــمـّـن اجــت روز
متل الشــمـس بـعـزّ طـلوع ---- مـو لمبة و كهربتـا شحادي

محمد المصري
15-08-2009, 11:38 PM
غـنى عصفور الشـادي .... للعصفورة ال بالوادي
و قلها كرمال الحلوين ...... بـدي إرجـع عابلادي





قرينا عنك بالاسفا ر**شاعر من ابا وجدود

يحنو لك كل الشـعار**من عنتر لأبو داوود

تكرج قافيه متل النار**بحروفا يهب البارود

قوافي كالسيل الهدار**افاقك ما الها حدود

لوجن الدهرعليك وغار**مايهزك يا أبو الجود

ابو تمام بضهرك بتار**يجز بروس الاعادي

هامور
16-08-2009, 12:00 AM
يعطيكن العافية جميع
خيي بوجاد ردك قوي لبكني شوي ولكن بدي قول
وخصوصي لجماعتنا انو الهامور كبير
الكبير بضل كبير وشكلين مابحكي;)
وهي احلى ردي لعيون الاوادم

غــنــى العـصفور الـشادي ---- للعــصفــورة الـ بالـوادي
و كــرمال عيـون الحـلوين ---- نــاوي أرجـــع عــبلادي

مقدّر وضعك يابوجــاد.... من ردّي طايش حجرك
مفكّرها شغــلت اعنـاد .... مـع انّـو يابـس شـجرك
رح قلك و بدون حيـاد.... هـالمرة لسـانـك هـجرك
سلاحي مابيسوا لولاد.... ربّي مـن عـنـدو ستـرك
كلـمة ومــالازم تنـعاد.... للـمتـلي بلـطفو غمــرك
أصلو شعلة من أمجاد.... وبـذوق ومحـّبة طمرك
علمتك كم كلمة جداد.... وبعـدّك متــل ولادي:rolleyes:

غــنــى العـصفور الـشادي ---- للعــصفــورة الـ بالـوادي
و كــرمال عيـون الحـلوين ---- نــاوي أرجـــع عــبلادي

swan
16-08-2009, 02:00 AM
الحاضر يعلم الغايب


هامور:
الكبير بضل كبير وشكلين مابحكيhttp://www.alnabkvb.net/vb/images/smilies/wink.gif

أبو جاد
16-08-2009, 03:20 PM
السلام عليكم
أخي هامور مع الشيخ أبوجاد مافي كبير وهي ردة خليها تصحيك
من أحلامك واجه
والله من زمان ماشفنا إختي سوان بالموضوع عم نسجلك غياب
وأهلا وسهلا بالجميع

غــنــى العـصفور الـشادي ---- للعــصفــورة الـ بالـوادي
و كــرمال عيـون الحـلوين ---- نــاوي أرجـــع عــبلادي


هـامـور مـعـتـر تعـتيـر .... والجهـل بعـقـلـو غـلـغـل

مفـكـرإنـو يـصيـر كبير .... ويـوقـف بـالصف الأول

لكن حزرو بـدو يـطيـر .... وأحـلامــو رح تـتحـول

رح يبقى خادم تحضير .... وعامنبر شعري ينـادي

ملك المنتدى
17-08-2009, 12:05 AM
لہہســــســـہ عہلہـــيہــكہہــم ـسہہســــلام
ورحہمة الله وبہــہركہــــہاتہه


الله يعہطيہكہن الہف عافہية

صہراحہة مہوضہوع شہيہق و كہتہير بجہنن

و الله يہوفہقكہن جہميہعن

تہقہبہلو مہروري

هامور
17-08-2009, 02:23 AM
يا مرحبا بكل مين لفا
عباية المشيخة واسعة عليك خيي ابو جاد وعندك حلين:
يا اما بتصغرها يا أما بتصير كبير:rolleyes:(يعني قدي)
وشكلين مابحكي
وردي لعيونك وما بنصحك تواجه:cool:

غــنــى العـصفور الـشادي ---- للعــصفــورة الـ بالـوادي
و كــرمال عيـون الحـلوين ---- نــاوي أرجـــع عــبلادي




لابسـلي تـاج مـن القش .... وقاعد عا منبر منهار
لا بتـهـش و لا بتـنـش .... لا إبــداع ولا أفــكـار
حكياتك ما بيسوو قرش .... عالة بحساب الشعار
قوم تلحلح خـفف كرش .... ولا تحـلـم بالريـادي


غــنــى العـصفور الـشادي ---- للعــصفــورة الـ بالـوادي
و كــرمال عيـون الحـلوين ---- نــاوي أرجـــع عــبلادي

أبو جاد
17-08-2009, 11:16 PM
السلام عليكم
متل مابدك أخي هامور وهي أحلا ردة لعيونك

غــنــى العـصفور الـشادي ---- للعــصفــورة الـ بالـوادي
و كــرمال عيـون الحـلوين ---- نــاوي أرجـــع عــبلادي


يـاهـامـــور بـمـنـبـر قــش .... سـويـتـك شـاعــر جـنـبـي

بس الـظـاهـر عـقـلـك فش .... ومـاعـاد تـحـمـل ضـربـي

وشكـلـك يلـي صـار يـكش .... من الخوف وكتر الرعبي

حتى بشعرك صرت تغش .... وصـرت تـلـفـق بـزيــادي

هامور
17-08-2009, 11:43 PM
السلام عليكم
يعطيك العافية خيي ابو جاد وشغل مرتب وبتضل المعلم
حقيقة انا اول مرة بدخل بحوار زجلي وشكلي اندمجت بالدور
وبما اني كنت البادي بترك الختمة الك ابو جاد
جايي الدنيا عرمضان وفوتي بتقل كتير عالنت
بدي اشكركن تحملتوني وكنت مبسوط بالفاصل الزجلي واستمتعت معكن واسترو ما شفتو منا
وان شاء الله ينعاد علينا وعليكن بالخير والبركة والعافية
اخي ابو جاد كل ما بشوف توقيعك بعزم حالي لعندك وبتخيل القعدة هنيك حد شوية نار وكاسة متة. اكيد بترد الروح
وربي يسعدكن جميع وامانة لا تآخذونا وسامحونا


تحياتي

ابو وليد
19-08-2009, 02:26 PM
السلام عليكم
ماشاء الله عنكم متابع..

أبو جاد
22-08-2009, 01:48 AM
السلام عليكم
أن شاء الله شهر مبارك ينعاد علينا وعليكم بالصحة والسلامة
وحابب أقدم كل الشكر للشاركونا وللتابعونا والحقيقة كان موضوع شيق وممتع وستفدنا ككل طبعا لنا عودة إن شاء الله بعد إن نجمع القوى ونرتب الصفوف والشكر الخاص
إلى أخي أنهل وهامور ومحمد ومرعي ورافع وأبو تمام وإلى إختنا يمام وروز ومارينا وإلى الداعمة الأولى swan بفضلها تم دعم الموضوع كل الشكر لها على نشاطها الملحوظ في كل المنتدى وطبعا لنا عودة وبإنتظار مشاركات جديدة
وشكرا للجميع وأسف على الإطالة
وكل عام وأنتم بخير

M-R-M
22-08-2009, 04:19 AM
شو يا ابو جاد , كأنك رفعت الراية البيضا و عمتلقي خطاب الهزيمة ,
نحنا ترى بعد عنا مخزون شعري بيكفي المنتدى لعام 2079
فإزا بتحب تغير من القرادي لمرصود او لمعنى أو عتابا ...اللي بدك , بما انك صاحب البيت فانت نقي النوع و نحنا جاهزين لتكسير الروس ....

أبو جاد
23-08-2009, 11:30 AM
السلام عليكم طبعا محمد مالك متعود يصيد بالمي العكرة
وحكياتك بشلخو تشليخ وشرف عالمعنى لنشوف مين بدو يرفع الراية

الشرط كل يوم ردة وما تزيد الردة عن أربع بيوت

أووووووووووف أوووووووووووف أوف

جـينا تانـغـني بـألـوانـك يـازجل
...................... مـوشـح مـع قصيد والمعنى مرتجل

الصوت يسدح والدفوفِ تنحمل
..................... ويرقص عانغمة الموال رف الحجل

وإن كان مالك مدعي إنو بطل
..................... ينزل عاساحة الأسد مـابدهـا خجل

لكن لوفات الحمل عـا ساحتو
..................... شـو بـعـمـل الأسد لـو شافو للحمل

أبو جاد
25-08-2009, 01:15 AM
السلام عليكم رسالة إلى محمد مالك


وين عشاق الزجل جمهور ومشجعين
.........................يشوفو إبـن مـالك وشيطانـو اللعين

عم يدعو إن الشعـر بـالجعـبة رعين
.........................وكافـي مـع الألفـين تسعة وسبعين

والـعـمـر مـاشي عـاخــط الأربعين
.........................ومـا فـي خـلـق نستـقبـل مراجعين

يـاريت تخبـرو الشيطان وشريكو
.........................في بحر بو جاد رح يبقو ضايعين

عاشقة الشهادة
25-08-2009, 01:56 AM
محمد يا أخي انت ويناك تارك خالي عم يكتب وين المخزون يلي حكيت عنو
هات لنشوف
كل مابحكي خالي بكون عم يكتب بيتين لمحمد
ومحمد على برادت قلبو
اجاعلى مهلو ورد بكلمتين
كتب كلمة وغط شهرين
بتعرف حالك مو قدو لأبو جاد تعلق معو ليش
الله يصلحك ويهديك

بس بجوز من الصيام المخزون يلي عندو كمان صام
فبعينك الله



وشوبدي قول من كتر مامدحت كتاباتكن خلصو المدحات يلي عندي الله يعطيكن العافية ويعطينا متل مو عاطيكن

swan
25-08-2009, 03:16 AM
ان شاء الله كل عام و انتو بخير و رمضان مبارك علينا و عليكم جميع
ماشاءالله الردات شغالة دائما حتى برمضان بس المستغربة منو
وجود شياطين:eek: مع العلم لازم برمضان تهرب الشياطين و تحضر الملائكة ;)
بس الحمد لله
شكلو هربت الشياطين و حضرت الملائكة:p6
بالتوفيق و استمروا و
جودوا علينا جودوا

M-R-M
25-08-2009, 04:42 AM
شبكن ما بتصدقوا الواحد يسكت شوي دغري بتبلشوا فيه ....http://www.alnabkvb.net/vb/images/icons/icon9.gif

هاد بيقلولوا هدوء ما قبل العاصفة يا اختي عاشقة الشهادة ...
ال مو قد ابو جاد ال ....محلاني كون قدو ....بتزكر وقت كان عمري 12 سنة و كتبت اول بيت يومها كنت قدو يمكن ...أما هلأ ..هيهات ما بين الثريا و الثرىhttp://www.alnabkvb.net/vb/images/icons/icon7.gif .

اما الصيام معك حق مأثر شوي ... مشكلتي انو انا بالشعر متل الحوت , ازا فتحت تمي ببلع الكل ....فما عمفتح تمي بشكل كامل حتى ما اقتل الموضوع ... فكل مرة بمرقلي لقمة عالسريع و احيانا بصوم حتى اخلي مجال للبعض يتنفسوا http://www.alnabkvb.net/vb/images/icons/icon12.gif.

و اختي سوان معك حق بانو هالرمضان هربت الشياطين , مشان هيك ردتي هالمرة مو متقلها العيار بسبب عدم تدخل شياطين الشعر ...




جـايــي يـا بـو جــاد بأنـواع الـغِــنــا ------------ ونـاوي بـكلامـك الهـابط تحـاربني أنــا

أنـا بـشـعري وصّلت مرتبة الـسَّـــنـا ------------ وشــيـطان شـعر الزجل قـدّامي انحـنــا

لو كان عمرك من سنّ الأربعين دنـا ------------ رح عاملك متل ما الاب بيعـامل ضنــا

لو تسأل اللولو والدرّ المزيّن هالدني ------------ بـيـجـاوبك انـّـو مــن بــحــري انـجــنـا

أبو جاد
25-08-2009, 04:25 PM
السلام عليكم
والله يا خالي شوفت عينك الحقيقة لحالها بتظهر
وأختي سوان لا تسألي عن الشياطين ماهني على طول عند ممد راكعين قدامو هيك عم يقول

يابخت الشاف بمنامو صار حوت
..............................بيبلع الأحلام وبيبني محلها بيوت

وأحلامو بتسرح وعامنبري بتفوت
..............................بتسرق اللولو والدر مـع الياقوت

مسكين حلمو أطع حـلم عشتاروت
..............................بنا كذبة الروايـة بشبكة عنكبوت

لاعاد قادر يحلحل عـقدة خيوطها
.............................ولاقادر يسترعجرمو بورق توت

M-R-M
28-08-2009, 03:02 AM
والله يا جماعة الخير ما عمعرف شو بدي احكي لاحكي ...
عكل حال يا ريت شي يوم تدخل أم جاد لهون و تعترف بالحقيقة ( منتدى تاني ما منتدى تاني !!!!!:eek::eek:)
أنا ما رح احكي شي ...


وقـّـف عطـولك يا بـو جاد لمّـا بحـاكـيك ---- قبـل ما نجوم الضهر بموضوعك أورجيـك

ذنـبـك عجـنـبـك أنك خـلـّـيتـنـي أعـاديـك ---- و خلـّيتك تخربط ما بين الكبسـة و الفريـك

إن كنـت مـجروح شــرّف لعندي تداويك ---- ومــن نـبــع شــعـري الــصــافـي لـروّيــك

و قـبـل ما تجـبّـن وتهرب عتـاني مُـنتدى ---- نـاوي بـكـلامي قــتــلــة مـتــكـّمة أطعميـك

swan
28-08-2009, 04:17 AM
حيووووووووووووو

قوية كتتير أخي محمد



و قـبـل ما تجـبّـن وتهرب عتـاني مُـنتدى ---- نـاوي بـكـلامي قــتــلــة مـتــكـّمة أطعميـك

أبو جاد
28-08-2009, 04:02 PM
السلام عليكم
يارب أصير مشرف بلكي بتصير الناس تشجعني على السرارء والضراء
المهم بنرجع لعند
محمد شو بدي أحكي معك القصة فيها أجر ومابدي يا يروح وإم جاد عم تحكي بطيبة قالب مابتعرف أنو مابينفع هالحكي قدام الأعداء
سيدي على قولة الكبارية ليسا


حوينتـو الحـكي مـارح ينـفـع فـيك .... بعـدك بـالشعـر طـفـل وحكيك ركيك

رح إتعب كـتـيـر تـا إقـدر أربـيك .... وإخلق منـك على المنـبر شــب شيك

وأخدك عالمنتدى التاني تـفـرجيك .... معلمـك كـيف بِجـرك الشعار تجريك

بس الظاهرما بينفع معك هالحكي .... تتاكـل قـتل وعـاجمر شعري أمشيك

عاشقة الشهادة
28-08-2009, 05:45 PM
:eek::eek::eek:
السلام عليكم
الصراحة يا أخي محمد أنا بحس بأخواتي وبشو عم يفكرو وعلى شو ناوين
وقلتلو لخالي ابو جاد
هلأ محمد بدو يرد رد يهز المنتدى هز ويوقف الادارةو المشرفين على رجل وحدةوبالفعل متل ماتوقعت ردة من محمد قوية بعد سكون مايقارب الاسبوع

بس مارح قلك شو جاوبني أبو جاد
لماتقوي عيار الزجل تبعك مو بس انت اخي وهو خالي كمان
فهاتو لن شوف شوفي عندكن جديد كتير حلوين رداتكن



صحي

محمد شو قصة المنتدى التاني (يمكن انا مافهمت شو ويمكن فهمت بس مو معقول ابو جاد:rolleyes:)


بدنا الحقيقة

swan
28-08-2009, 07:18 PM
يارب أصير مشرف بلكي بتصير الناس تشجعني على السرارء والضراء

:(
أبو جاد عم يضربنا بحجارو
شو القصة؟!
اذا شجعنا مو مخلصين :confused:
واذا حكينا بقولو حكي بجيب جلطين :eek:
و اذا قلنا انو الرد قوي منصير مشرفين :o
يا ترى اذا غبنا بقولو اسئالله ايامكون يا مشجعين ؟:rolleyes:
وينكون يا اخواتي وين
تشوفو ابو جاد شو عم يقول
و تردو علي بردة أقوى وأ قوى
و يعرف انو سوان ما عندها لا خيار و لا فقوس 5

أبو جاد
29-08-2009, 11:36 AM
السلام عليكم
هادالرد خصوصي لسوان
هاد ياإختي أنا حبيت أعمل إختيبار بسيط لشوف بعدك خرج تبقي رائد بمكتب مكافحة الفساد ومن أين لك هذا وماشاء الله نجحتي
مية بالمية لو أنو ردك كان عادي فكان الرسوب حتمي
بس كان الرد ساعق وياريت كل المنتدى يكون متلك
وشكرا

swan
29-08-2009, 04:40 PM
اختبااااار:eek::eek::eek: ؟؟ شو حقل فئران ؟!!:confused::confused:
انا ما بقبل غير بردة قوية تهز المنتدى هز :rolleyes:
شو الشغلة شوربة5

أبو جاد
30-08-2009, 07:53 PM
السلام عليكم تكرم عينك إختي سوان
وهاد رد بدو يهز المنتدى مع محمد سوى

تعو تنشرب كاسة الفن ونمز مَز....ونسن السيف ونبدا بالـرقاب جز

ونشوف الدم عاجرح الخصم نز....ومالك يرجف ويكزعاسنانـو كز

ويدعي ياالله عزالي بحياتومانعز....تيشوف حالو مرة فوق المهر فز

وتـيكـون الطلـب غـالـي يـاسوان....بكون هيدا الرد هــز المنتدى هز

swan
01-09-2009, 03:45 AM
واضح انو هالرد عمل زلزال بالموضوع و
هز المنتدى و محمد مالك هز
وما حدا قدر يرد رد يعمل هزة وحدة حتى لو هزة ارضية خفيفة:eek:

قمرالزمان$
03-09-2009, 06:42 AM
السلام عليكم جميع
والله يعطيكن العافية
والله شي حلو كتير كتير وبجنن وفي تعب واضح
الي يومين عم أقرأ هالموضوع ولقيتو بجنن وكتير حلو
وأنا كتير بحب الزجل لأنو جدي الله يرحمو ملك الزجل النبكي وأكيد الكل بيعرفوه
برسل تحياتي للكل وانشا الله يستمر هالموضوع الحلو وأكون طرف من القراء والمشجعين
*********************
قـــــــــــــwith my greetsــمر الزمان

أبو جاد
04-09-2009, 04:25 AM
السلام عليكم
ياجماعة حدا عم يشوف محمد مالك
والله عجيب غاطط فرد غطة
المهم بنرحب بقمر الزمان وبنقلها

تغني حروف القوافي بمطلعي ..... بيوت الزجل عاقوافل مقلعي

تمشي مع القمرتيطير الوعي .... من كل شاعر مفتكر إنو ألمعي

وكرمال طلتك ع روابي منبعي .... رح خلي كتاب جدك مرجعي

ومع كل صفحة ياقمر الزمان .... بمسح حروف الكتاب بمدمعي

قمرالزمان$
04-09-2009, 05:29 AM
لك شو هااااااااد
خجلتني والله يا أبو جاد وانشا الله أحسن أحكي متلكن واشارك
والله ما تبلى يغزي العين
وبانتظار الجديد

**************
قـــــــــــwith my greetsــمر الزمان

M-R-M
04-09-2009, 05:30 AM
يا بـو جــاد الــغــالـي اســـمـاع ---- وحــطّ بــدينــاتـك حــلـقـــة


رح خــلـّــي قـــلـبــك مــلـتــاع ---- لــمّــــا بـطـعـميـك الـفــلـقـة


بــكــلـمـة مـنـّـي بـتــعـمـل واع ---- بـتـهــرب مـن نصّ العـلقــة


الــنـمــر ما بيـخــشى الضـبـاع ---- قــدّامــي كـيــف رح تـلـقـى


الــنـــمـر يـا خيـّـي لــو جــــاع ---- أكـــلــو مـا بـيـبـقى ســرقة


كـنـّــو كـتــابــي مـــنـّــك ضاع ---- عكــتــابــو عـمـلـّك مـرقــة


مــنـّـي خــود تـــلـــتّ اربــــاع ---- ومـن جـدّا اشـفطلك ورقــة


وتــــعـــلــّـم مــنــّــي الإبــــداع ---- لــمــا تـضـيـع بهـالعجـقــة


وقــمـــر نــورك عــنـا شـــــاع ---- ولازمــلـك خـــرزة زرقـة

قمرالزمان$
04-09-2009, 05:37 AM
الله حيو محمد مالك ما شاء الله عنك
وكلامك يلي منور والصراحة بدكن خرزة زرقة وصب رصاص كمان على هالحكي الحلو
والقوافي الرائعة والله يزيدكن ابداع وتحطولنا ياه

**********************
قـــــــــــwith my greetsــمر الزمان

أبو جاد
05-09-2009, 03:00 PM
السلام عليكم

معروف إني بمشي القوافي حنجلي....بكتـب قـصايـد رمـز للشعـر مسجلي

وأن كان كتاب جـدهـا بـينـفـع إلي....هـيدا شرف تـخـلـي عـيـونـي مكحلي

مش متلك جاهـل وبغرورك مبتلي....مـفـتـكـرإنـك ع منبـرالشـعـار تعـتـلي

لكن عـنـك بعيـدي يـازعـيم البلبلي....وبساحة إسـد مافـيك تعـمـل مـرجـلي

ومظبوط إنت عالوحـة إسمـك نمر....بس بتنتظرأمرتخطيط أخـر مرحلي

عاشقة الشهادة
05-09-2009, 03:22 PM
ايييي شوهاد ياخال والله انك مبدع
بس شو بدنا بالحكي انت اذا ابتسمت بتطلع الابتسامة من تمك شغلة كيف اذا كتبت زجل

ردات حلوة كتير وبالفعل اضحكت من قلبي على هالكلمات يلي عم تطلع معكن انت ومحمد

ولو مرعي ببين ياسلام وقتها بتكمل

بس خالي هون هاد المقطع مين قال يعني وين مسجلة ياريت تشرحلي مشان اذا حكيت عنك لحدا اعرف اجيب البرهان

معروف إني بمشي القوافي حنجلي....بكتـب قـصايـد رمـز للشعـر مسجلي


الله يعطيكن العافية

M-R-M
06-09-2009, 04:34 AM
جــايــي تـإشـــرح للصبايـا المسألي ---- وقـِـلهــن رمـــوز شــعرك ويـن مــــسجّلـي


هيدا بوجــاد عــامل لـشـعرو كـتــاب ---- بيــحـــوي بــقـلـبـو كـل قــوافي مبـهــــدلي


صـفــحــة فـخـر صفحة بكون عتـاب ---- بـــس الـمعـاني عـدم و الأوزان مــخلخلي


وفـيّو معاني حلوة و بتخطف الألباب ---- بــعـــد الــبــحــث اكــيــد رح تــطــلع إلـي


بـدّك تــواجـــه جــمّــع معـك أحـزاب ---- أحســـن مــا وحــدك فــي هجــائـي تـبـتلي


ان كنتو أســود وجيتو طرقـتوا الباب ---- بـتـلاقــوا أســـود الشـعر قــدّامي مــجندلي


نصيحة إلك احسب شي ألف حسـاب ---- قـبـل ما تحـاول بــشعرك تـجـيـب معـدّلي


اسمي بو أحمد وبالشعر شيخ الشباب ---- اضـربـلــي تـحيـة وحـاج تـعـمــل عـلعلي
__________________

swan
06-09-2009, 04:47 AM
في لهجة جديدة بردات اخي محمد و اخي ابو جاد يا ترى شوالموضوع ؟؟
اللهجة يعني اللكنة بالردات ؟!!!!
ليكون في إنا !!!!!!

قمرالزمان$
06-09-2009, 04:58 AM
الله حيو أبو جاد هلئ لا تختلفو على جدي هوي زجلو نبكي الأصل
بو أحمد بالفعل شيخ الشباب بس يا ترى بضربلك تحية السيد أبو جاد؟؟؟

**************
قــــــwith my greetsـــمر الزمان

أبو جاد
09-09-2009, 04:20 AM
يابركان الشعر ع ميدانو ارتكي....ونشـف دمـع عـينـو من البكـي

شاعر تقن فن الكذب واللوفـكي....جـاي بمنتدانـا تـيعـمل دردكـي

جايي يـقـول عـالسـانـي حـكـي....ويخبر الصبايا ع قصة مفبركي

لكن الجمهورصاريعرف يازكي....إنك مصرصع وهـاوي فزلكـي

بخصوص ضرب تحية مفكفكي....بوجـاد قـائد ع حروب مشبكـي

وكرمال هالكلمة ياقمر الزمـان....بقطع ألـف راس بفـرد معركـة

abo_rayan
11-09-2009, 04:20 AM
الله حيو ابو جاد امير بكلمتك

*( بشير بحبوح )*
11-09-2009, 12:22 PM
بالعنق الفايح مسكو معلق سنسال ...بينزل ليرقص تستو بين الأبطال

انتي لعنقود الزيني والسكرانين .... بين العنقود وبيني عرفوكي مين
وشو بتمنى ياعيني يم الحلوين..... تكوني للحب جنيني وكون الشلال

بينزل ليرقص تستو بين الأبطال

انتي عطرالمنقورة بجروحي غل ...وحبك اهوي مغمورة دغري بتنحل
وبقربك يا فرفورة البي بضل.......بين زاف التنورة معلق عرزال

بالعنق الفايح مسكو معلق سنسال ...بينزل ليرقص تستو بين الأبطال

لاتقولي والله رتمي او ختيرهالعين .. بعدو الغصن لبكرمي بيحمل زرين
نشألله خالقنا بيرمي عالارض تنين .. تكوني انتي الحرمي وبشير الرجال

بينزل ليرقص تستو بين الأبطال

لتقولي بحبك شبناما شاب الحي ....بعدو الورد بيقربنا وبنحب الميل
وحتى الليل يعزبنا رحنا لليل ......وصرنا خيالين ودبنا لصرنا خيال

بينزل ليرقص تستو بين الأبطال

حبك حملني هديي ومش قادر قول ... وبعدك يا غالي عليي أغلى محبوب
رح ببعتلك عيديي شال ومكتوب .....وأربع بوسات هديي عطراف الشام

بينزل ليرقص تستو بين الأبطال بينزل ليرقص تستو بين الأبطال

يا عصفورة جوية رفي الجنحين .....وبالعالي طيري في لنضل تنين
قلبي دايب حنية بسحر العينين...... ومتل السكر بالمية وكيف بينشال

بالعنق الفايح مسكو معلق سنسال ...بينزل ليرقص تستو بين الأبطال

انتي زينت هالسهرة ضلي بتسمي...يا حلوي يا شهرة روحي بأسمي
ياحكاية بين السهرة وبين النسمي ..ويا لهفي بين المهرة وبين الخيال
بالعنق الفايح مسكو معلق سنسال ...بينزل ليرقص تستو بين الأبطال

عاشقة الشهادة
12-09-2009, 12:08 AM
السلام عليكم
الصراحة انا من كم يوم قرأت جواب محمد على سؤالي وبالفعل قنعني كتيروكان جوابه حلو كتير ومرتب وعال العال
بس قلت لحالي بابنت استني لشوف خالي شو بدو يقول
ولا اجا ابوجاد وبحكياتو جاد وسكّت ابو احمد شيخ الشباب
بس ياهل ترى ابو أحمد بدو يطول وهو مصدوم من هالرد
لأنو الصراحة خالي وقت بيحكي بضل الواحد يومين ليصحى من ورى كلماته
ونحنا بنتظار محمد لنشوف شو في عندو جديد بعد ماتبلى على ابو جاد وحكى عن لسانه
والله يعطيكن العافية

*( بشير بحبوح )*
12-09-2009, 01:37 AM
يابو جاد للمعارك عمتضرب سلام ......ويا بو احمد ياغاوي الحروب بهالزمان

نتفضوا بعز دياركم بتقى و ألتزام .....معاني الزجل حــب وعاطــفي وتحـنـان

كلمـت الشعر بتحمل للؤمي احترام .....وبتـحمل لـلطفل كل مـودي بـكـل إتـزان

كلمـت الشعر للحبيب بتـقدم الغـرام......وللحبيبة من كلمي بتعيش معوبإطـمئنان

لـوما الشعرماكـان هدل طير الحمام......ولا كان السهر عضو القمر اعطى حنان

ولاكان الطير طار فوق النبك وحام......ولا الوردي عطت للمغرم قصيدة امتنان

يابو احمد يا ابن العزتقبل مني كلام.....خـيك أنـا ولا تـاخـد الكـلمي مـنـي بهـوان

ويابوجاد عحنانك بكلماتك الندى نام.....صارالبـرق يودي للأرض محبي ضـمان

رجعو صحاب الزجل وأرموالسلام ....عـأهل النبـك الناطرين منـكم احلى قصايد

.......................بالمحبي والعطف والأمان

أبو جاد
12-09-2009, 05:24 AM
طل ع منبر الشاعرية خيـي بشـير....وبشـر بحب النـبك وكان السفير

حمل رسالة حب ع غصونها يميل....ولـبس تاج العشـق بهيـئة أمــيـر

وصنع من زهور الحب لنبكنا كليل....وبنى بيت الحلـى بقلبهــا لصغير

ودعـى كـل شاعـر بـالمنبت أصـيل....تيعود عـاديـارو بالفـكـر المنـير

ويكـتب ع صخـورهـا الـذكرالـنبـيل....ذكـر الشهامـي بالماضي الشهير

وحفظ الكرامي بـينتقـل مع كل جـيل....وبـيـبـقـى إسمهـا نـبك الرجولة
...........وبختم سلامي لرجالهابالشطر الأخير

abo_rayan
12-09-2009, 04:25 PM
بوجـاد وأحــلى بشـير .....متل النجوم ال بعالي
واحد زوء التاني أمير.....تفداكـم روحـي ومالي
ابوجـاد بقلبـو الكبـير .....غـالي ومـا متلو غالي
ولـعيونك خـي بشيـر ..... بـدي رنـدح مـوالـي
بيلبقلك مرحى وتقدير .....لانـك زيـن الرجـالي
ربـي يخلـيكم وبـخير .....مـنبر حكمـة وأصالة

abo_rayan
21-09-2009, 01:47 PM
من كتر الردود دفنتو فيني المواهب الشعرية وقررت صير ارسم

قمرالزمان$
22-09-2009, 02:43 AM
له له
شو تروح للرسم وتدفن مواهبك
الله حيووو أبو ريان
بداية موفقة هون معنا
ولا تدفن مواهبك أخ أبو ريان محتاجينن أظهرن ولا تخبيهن

بالتوفيق يا رب

*********************
قمــــــــــwith my greetsــر الزمان

كاسبر
22-09-2009, 04:16 AM
يا هلا بأبو ريان
نورت الصفحات بحروفك الحلوة
بس بدك تسامحنا الوقت كان آخر رمضان و عيد ومشان تكمل خرب عندي النت والكمبيوتر سوا على كل حال نورت وحروفك بتبشر بالخير
والصدفة السعيدة انو أنا كمان أبو ريان
فأهلين أبو شركو وبقلك
----------------
حروفك بتضوي بألوان ---- حتى تحلي هالرسمة
تايبقى عزك منصان ---- وبسحرك تضوي الكلمة
حط حروفك بالميزان ----- و بوشك خلي البسمة
تسلملي يا بو ريان ------- اسمك محفور بإسمي
----------------------------------
وكل عام وانتو بخير

abo_rayan
22-09-2009, 12:25 PM
مشكورين كتير على الردود الحلوة المشجعة شكرا قمر الزمان اما بالنسبة لابو شريك كاسبر حبيت اعرف مين سمى قبل انا ولاانت مو منشان شي بس مشان موضوع الخاروف مين بدو يجيب خاروف للتاني ارجو التوضيح اخي كاسبر ولكم مني فائق التحية والاحترام

abo_rayan
22-09-2009, 01:31 PM
اهداء لاخي كاسبر





بمدلك ايـدي مـن تـحت.....مـدلي ايـدك مـن فـوء
مهماحكيت وشوماقلت.....مابقدراوصف هالزوء
وكرمالك اسمي حبيت.....ولاسمك انابعمل طوء
وبوجادلاجلك عـاديت.....ولعندك طلبـت اللجوء




بس لاتخجلنا هاد ابو جاد لسانو بسبع شطلات

كاسبر
22-09-2009, 08:42 PM
اهداء لأبو ريان
ورجاء لا تطلب مني شي فوق حدود الإستطاعة
يعني لو غير أبو جاد كان فيها حكي ثاني
خسرانة من أرضها الله وكيلك
إذا بدك حدا تاني ما في مشكلة
وبقلك بعد الترحيب يا أبو ريان
==========================
بو جاد لسانو جرّة ---- وبينقط منها العسلات
والنحلة إن داقت مرّة ---- بتنده لكلّ النحلات
بلكي بتتعلم تقرا ----- تا تصـنـّع متلن بالذات
00000000000000000000000000000
و لا تطلبني بهالفكرة -- تا إهجي خيي بكلمات
و حتى لو عقلي تبرّا --- و فكر يحكي بمنامات
عا لساني بحط الصبرة - و بمنع عنو هالحكيات

0000000000000000000000000000
جاييني بوقت العسرة -وخاروف ال ربيتو مات
إن بدك تسعى وتتحرى - و تخليني إدفع ليرات
------- بعملك قهوة مرّة
------ و بلفلك اسمي بصرة
....... و بحَـمّـل عـا جنابو البوسات .........

abo_rayan
22-09-2009, 09:16 PM
كـانو شـكلك خـايف .... انا والله اعلنـت الحـرب
لاتقلـي حـالك عـايف .... والله مـن الجـيبة للـعب
خـاروفك ماني شايف.....وعسلاتوصاربـدهن كب
استنى همس الشـفايف.... وادعيـلو يـحميه الـرب
وراح ارمـيه بقـذائـف ....حتى يـهرب يـوقع طـب
يمكن يهرب ع الطايف....لازم حافي يمشي الدرب
وبيرجـع كرشو خافـف....ويتوسلني الغـي الحـرب

abo_rayan
22-09-2009, 10:13 PM
لك اتـغزلتلي بكلماتو ....وعملتلي عسلومن الجرد
وراح اقتـلك نـحلاتو .... لمـا عـلى جـوالو يـرد
اذا عندك غيروهاتو .... ولازم بـايـدو يحمل فرد
ومحـمد مـالـك زاتـو ....بـدو يـمدحلي هـل الـرد
قـولك خلصـو ميـاتو....وخطوطو صار بدها مد
يـمكن دبـلو ورداتـو....وانا ماني قـاسي هـل القد
راح ردلـو حياتـو .... واطبعـلو بـوسة ع الـخد





خلص سماح هل المرة بس هو الحق عليه هوالي خلاني اشترك بالمنتدى وبعدين طعني من الخلف وما كتبلي ولا رد

كاسبر
22-09-2009, 11:56 PM
منك مني مترجي
-------------- تا خلي محمد بالهَون
راح خلي حروفك فرجة
----------- وصار لازم تستنى العون
خاروفك أصلو فرنجي
---------- و خاروفي الأحلى بهالكون
عندي موجودة الحجة
-------------- تا غنيلو بأحلى لون
و لو ما دعاك الحجي
------- تا نعمل منك عجة
----------ما كنا إنحظينا بصيد
--------------ما شفنا كلماتك هون

أبو جاد
23-09-2009, 01:25 AM
السلام عليكم
وكل عام وإنتو بألف خير وعيد مبارك على الجميع
ومبروك الخطبة للخصم الدود محمد مالك وطبعا بنكون خصرنا أهم شاعر وأنا بضمنو ما يعود يكتب لبعد مايتزوج هاد شي أكيد
وبحب أرحب بالأخ بشير وبإنتظار المشاركات القيمة وبرحب
ترحيب خاص بأخي وحبيب قلبي أبو ريان وبإنتظار مشاركاته العنيفة وأسف على عدم الترحب بطريقة الزجل ماخليت للترحيب محل وعلى راسي أخي أنهل مفكرين بقدرو يفصلو بيني وبينك مساكين
وهي ردة عالسريع

شو هالقصة ياأنهل .... تلميذك واقف زعلان
مسكين لسانو مكبل .... واقف بالباحة بردان
عا إسمك مخو معطل .... وبدو فدية هالفهمان
دبحلو خاروف معدل .... أو سمي إبنك عدنان
وفض القصة والمشكل .... تا مايزعل بوريان
وردو عالصف الأول .... تيحفظ شعر وأوزان
وكتبلي براس الجدول .... نعوي بإسم الدعبولي

كاسبر
23-09-2009, 05:45 AM
يا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي
-----------------------------
حطيتا براس الجدول -- تكرم بو جاد الغالي
بس ظروفو تتحمل ---- و يلقى بهيك قتالي
ما بدو يقسى أنهل ---- و بكلماتو المحتالة
ينزّل لحمو عالمنقل
---- ويتحلى بكيلو مشكل
------ وكل ما بدنا نشوي شوي
--------------- انتف من هالدعبولي

abo_rayan
23-09-2009, 06:25 AM
لك يا سراء الاسامي .....وعاميلي حالك لحـام
ولما تـوقف قـدامي..... بتـعرف انـي مابنضـام
رح وجهلك كلامي ..... حتى تـشوفوبـالاحـلام
بحلف والله بصيامي.....لتكفي هل العـام صيام
شو مفكرني حمامة .....لحمي مر وكـلو عضام
بالعالي رفت اعلامي....ومن شعري جفت اقلام
روح اتحدى خدامي.....بالسهرة بكرا في الدمام
جنب سوق التميمي ....بمضارب ال الدعبولي

أبو جاد
23-09-2009, 02:46 PM
يا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي

طيـرالـرفرف بالعالي .... مـو شـاغـل بـال الجمهور
لكـن عـم يشغـل بـالي .... ميـن معـبى راسو غـرور
شـوعـم تعمـل يـاغالي .... بـالساحـة الملـيانـي نسور
موعارف هيدا مجالي .... بلحظة بصيدك ياعصفور
قـوسـي ديـمـا بشمالي .... وسهامي بجنحك مشكولي

abo_rayan
23-09-2009, 03:30 PM
يا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي
--------
بوجاد قصدي موانت .....انا قصدي انهل طيفور
وكرمـالك انـا لو مت .....بركض عقبري مسرور
لكـن هلي حكيو معت..... نـاوي الـغيلو الحـضور
القصةصارت قطع وبت.....مستني رأي الجمهور
ومن مـتلو يامـا قـابلت.....وكلـون صـارو تبـولة

abo_rayan
23-09-2009, 03:55 PM
يا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي

--------

جـايبلي شويـة حـكيات.....ومـجهز سـلة كرنيش
فكرو يشعلي الفحمات ....وناطرلي لـعب الفتيش
عم يزعم نسي اللحمات.....لنقضيها فول وعيش
قال انـسرقو الركايات.....والمدةمن كيس الخيش
وعـم يـألف روايـات..... وانـا عـم قـلو مـعليش
لكن يرجمني بكلمات.....هل القصة مش مقبولي

abo_rayan
23-09-2009, 04:35 PM
وهي الردة خصوصا لابو جاد

يا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي

حروفي من اقدم العصور.....وهـي مـن اقـدم ازمـان
وع خـوفو اسمـي محفور.....لك اسمي شافوه العميان
روح اتـاكـد يـا مـغرور ..... وقلي اعطـيك الـعنوان
جايبـلي انـهل طـيفور ..... وجـاي تـتحدى كمـان
رح تغرق متلو ببحور..... وتصيرو اكـلة ربيان
لك مـابـاكـل الاهـامـور...... مـن بـحور الدعبـولي

أبو جاد
23-09-2009, 11:34 PM
أخي أبو ريان مارح تقلها زيادة عالناعم

وحـياتـك أنـهـل مـعـروف .... سـيـل بـيـهـدر بـالـوديـان

صوتـو نغمي من المألوف .... عم تسحر إنسي مع جان

مزوق عم يجمع لحروف .... ويألـف أحلـى الـقـصـدان

ورح تبقى قبالـو مكـروف .... وفيـك حبـالـو مـجـدولـي

abo_rayan
23-09-2009, 11:55 PM
مو مـنك مستني الرد..... شو بعتك تحكي عنـو
حبلومرخي وبدو شد..... وخيـطو مـئطع لانـو
لسى مطول وقت الجد..... اوعـى تخـيبلو ظنو
رح خلـيلو سابـع جد..... يـقلك يـخرب ماطـنو
سيفي قاطع متل الحد ..... وسـيفو مـفجـم كـأنو
سيفي بيكتب صفحة مجد....بدم ال متلومشغولي


كمان هي على السريع ابو جاد

abo_rayan
24-09-2009, 12:27 AM
يا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي


وأنـهل حـسو نايص.....والظاهرصوتومبـحوح
دخيلك قلبي مـالص..... شوفـولي أبـن بـحبوح
وبوجادالتاني حايص.... وخـلى جـوالو مفتوح
خايف من الجرايـص..... ومستني لحتى روح
لأنوالظاهرخالص.....ومطبق صدروالمشروح
صاريجبلي قصايص..... تـلت ربـاعا منقولي

abo_rayan
24-09-2009, 01:01 AM
يا دنيا إبكي وقولي ---- هالقصة مش مقبولي
حروف ال بعدا ما ماتت -- لك خلقت عند الدعبولي


بوجـاد وأنـهل بيك ..... أتـفقوعلى عـقد القـمة
وأنا بقلون حيدوهيك.....لـك أنـا سـلطان الكـلمة
أنهل ياحسرة عليك.... راحـت من جسموالهمة
بوجاد ومنو حواليك....عم يدرس أدبي وعلمي
ورح تجيني بـرجليك..... تـا تـاخد أمر القبـولـي




هلئ صارت اللازمة مزبوطة

كاسبر
24-09-2009, 01:20 AM
يا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي
--------------------------
و جمهورك منو راضي -- قولك مو مثل فعالك
وإن كنو الجمهور القاضي -- لا قال ولا غنالك

سيفي عا المتلك ماضي -- روح إتخبى أحلالك
وبطبعك خليك رياضي ---- بلكي بيزبط موالك

إن شالله مفكرني فاضي ---- حتى أقعد مقبالك
مسافرعم ضب غراضي -- وآخر همي الدعبولي

abo_rayan
24-09-2009, 12:22 PM
يا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي
--------------------------

الظاهر أنك جنيت ..... وناوي ع بلادك تـرجع
من متلك ياما كبيت..... سكراب بقـلب المصنع
أذاعل المنبر طليت ..... الــشعار عـيونا بـتدمع
لا تقلي أخ وياريت .....النت العـندك عـم يقطع
وبوجادالحجي ربيت..... وع جـردوما في يـطلع
قاعد مستني بالبيت ..... ناطــر أذن الــدعبــــــولي



سافر يا حبيبي وأرجع لا تطول بالله الغيبة

أبو جاد
26-09-2009, 12:56 AM
يا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي

تهدا دعبولي تهدا ....تحت جناحي رح خبيك

وعالمنبر لا تتعدى...بتسمع كلمة مابترضيك

وسيفي مارح يتردا...عاقطع لسـانـك يـاديــك

ومارح تقدر تتصدا...وعقلك يمـكـن مايكـفيك

وحتى بأفكارك تبدا...بـدك إذنـي وقـبــولــــي

مرعي أبو سما
26-09-2009, 02:13 AM
يا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي

اسمحولي ياخوالي ..........فوت على الخط شوي

بدي رحب بالغالي ...........مني جايي اعمل عـيّ

ورح إلو يلي بّالي ..........منـوريا بـو ريـان بـيّ

وببعتلك هالرسالي.......بكل اعجابـي وذهولـي

abo_rayan
26-09-2009, 02:18 AM
يا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي



مـاني مــسـتني أذنــك.....ولا نـاطـر انـك تـقـبـل
بـدي خـيبـلـك ظـنــك.....أنـت ومـخدومــك أنهـل
نـاوي تـزعـلـنـي مـنك.....أو نـاوي مـنـك أزعـل
وبـشعـري بـدي طـمـك....وغـيـربـجـردك مابـقبل
بـدي أشـلـخلــك تـمـك.....أتـحـمل كـنو بـتـتحـمل
وبسـيوفي نـاوي جـمك....الـعرئـاب المـتلك مـسلولة




هي خصوصي لأبو جاد مع الشكر والتقدير للأخ الغالي أبو سما

swan
13-10-2009, 03:14 AM
السلام عليكم من جديد
شو منلاقي الموضوع برد
و ما ضل في همة
أخي محمد مالك بما انو رجعت ع الرياض بلكي بتعملك همة لهالشباب
و بتنزل شي ردة مرتبة
و بتجدد الموضوع
لانو اشتقنا للزجل المميز

abo_rayan
13-10-2009, 03:23 AM
سوان من كتر الردود تبعكن خليتونا باردين
نحن ما دخلنا بشي انتو قصرتو بالردود
شكرا لمرورك

كاسبر
13-10-2009, 02:37 PM
يا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي


يا ولادي قومو صيدو == غراب الجاي عالحارة
راح يقتلنا بتغريدو ==== و بكلماتو المحتارة
مش مستاهل تا نبيدو == والفشـكة فييو خسارة
ربطولو رجلو بإيدو === و بتمو حطـّو قفولي

يا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي

abo_rayan
13-10-2009, 06:57 PM
يا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي
جـايـنـي مـن بعد غياب...... تـا تـهددنـي بــبـارودة
يا أبـني فـردك أرهــاب...... و ولادك ئــد الــدودي
أنـا صادق أنـت كــذاب......وحروفي عليك شهودي
بشعري سموني العراب.....ونـفسون سـموك أنهولي

swan
14-10-2009, 02:26 AM
لو عارفة من زمان شاركت
لشوف هالردات المميزة الجديدة
اي ماشاء الله عنكون
استمروا نحنا متابعين

كاسبر
14-10-2009, 02:39 AM
0
يــا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي
0

و الله كرمالك يا سوان === راح نزلو ها الردة
وإحرقلو لسانو التعبان == مع ريشاتو المسودة
هيك بنعمل بالغربان ==== لما بتتمطرء حدي
لازم توعى بو ريان === وتبقى فعالك مسؤولي

abo_rayan
14-10-2009, 03:53 AM
يــا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي
ياأنـهل بـرضـاي عليك.....تـهدى تـا تـئشـعنـي منيح
جـاي تـا ورم رجـلـيـك ......مـن الـفلئة خليك تصيح
بـو جـاد الـمنتكل عليك ..... بـعتـو مـبـارح للـتشليح
قـوم أطـلعـلي حـواليك.....حـلـفـك كـلـو في التصليح
أوعـى تـمديلي أيـديـك ...... بـعمل مـنهـون جـدولي

swan
14-10-2009, 04:12 AM
جـاي تـا ورم رجـلـيـك ......مـن الـفلئة خليك تصيح
بـو جـاد الـمنتكل عليك ..... بـعتـو مـبـارح للـتشليح



قوية هالردة
لحقوا ع ابو ريان اذا بتلحقوا
اخي ابو جاد ؟؟ انزكر اسمك
الله يعطيكون العافية

abo_rayan
14-10-2009, 04:15 AM
سوان أنا عندي اقتراح
ممكن نفتح قسم تشليح للشعار هون بالمنتدى في عنا كتير بدو يصير سكراب

* المهلهل*
14-10-2009, 07:06 PM
مرحبا
نصيحة انا بقول الجولة محسومة لصالح اب ريان شكرا

يرحم ترابك يا دعبولي يا كبير
العشت بكرامة نفس لليوم الاخير
كنت انت الي تجلس جنب الامير
وما تنحني الا لخالقنا القدير
الا وانت يا دعبولي تباريت مع دوري صغير
وضحيت باسمك ومجدك القدير
لك وين النسور يا دعبولي الي كانت بجوك طير
بأرض الفنى سيفك زرعتهاعلى العفير
الي متلك يا كاسبراذا بموت حدك جهنم وبئس المصير
واسمك يا دعبولي اذا بموت متل الشرنقة ما بيندفن الا بكبكوبة حرير
لح عيد يا دعبولي كرمالك ابعت كاسبر عجهنم سفير
.................................................. ..................................
;)

ماريانا
14-10-2009, 08:11 PM
رجعت بعد غياب
بس اللي رجعني لهون هو الزجل اللي قالو المهلهل
معقول المهلهل هو نفسو زين شعيب
لأنو كأني سمعانة هالكم بيت من محاورة بين زين شعيب و خليل شحرور , مو؟؟؟؟؟؟؟؟؟؟

ما فينا غش شباب الله يرضى عليكن , كاشفينكن ههههههه

الله يقويكن و تضلو متحمسين بتأليف الزجل ,,,, بتأليفو مو بتبديل كلمة بكلمة .

* المهلهل*
14-10-2009, 09:31 PM
مرحبا
ماريانا انا مو مشارك بالمعركة مع شباب بس عم امدح حبيبي عيوني ابو ريان غالي
تحياتي

أبو جاد
15-10-2009, 02:40 AM
السلام عليكم والله منورين الحقيقة أنا مقصر شوي بموضوع الكتابة بس خشيري محمد مالك من يوم مانزل وخطب وماعد لتكشششششششششششش فيني زيادة شبه سببلي مرض نفسي من هيك جياتي قليلي بس اليوم سمعت نداء من سوان إنو أحد الغاصبين داعسلي على طرف فحبيت أسمعو كلمتين
وبدينا ان شاء الله

يــا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي

ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــ

وين الردي مش سمعان .... صوتك مش خرج يودي

روح تـخبـى بـو ريــان .... إقـبـالـي مـافـيـك تـهـدي

وحاج تبصر بالـفـنجان .... وتحلم عم تـوقـف حـدي

عـالمنبر نحنا فـرسـان .... ومابنقـبل شعـر مصـدي

خليك بسرب الغربـان .... وكـل أمــورك مـحلـولـي

كاسبر
15-10-2009, 03:18 AM
يــا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي
.................................................. ...........
ال متلك واقف بو ريان -- عا الدور براس الحارة
حتى إختملو الفرمان ------ و ناطر مني الإشارة

ما راح شوفك يا فهمان ----- لو تطلع عا المنارة
المتلك بضلو غرقان ------ بين حروف المحتارة

إن بدك تقتلني يا فلان ---- وتعمل عا بيتي غارة
بفرجيك الليل بألوان ------ لا تفوت بهيك مغارة

جاي تتصيد حيتان ------- و بإيدك حامل سنارة
روح اتدرب يا فهمان --- عا السمكات المقتولي

كاسبر
15-10-2009, 03:36 AM
يــا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي
.................................................. ...........

جايي عم توصف أنهل --- و نازل عا نص الحوقة
من غيرك عم تتنقل ---- و نص حروفك مسروقة
حتى بالوزن مفشكل ----- و كل أمورك مخفوقة
روح اتدرب يا مهلهل ------ كيف بتعمل تبولي

كاسبر
15-10-2009, 03:56 AM
يــا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي
.................................................. ...........
في عندي اخت زغيري --- إسما مضوي ماريانا
ونكشت نكشات كبيرة ---- ب اللي عـم يتحدانا
بـأصلا في عندا غيرة --- بفنون الشعر و ألوانا
بهديكي مرحى و تقديري - بمي الدهب مشغولي

abo_rayan
15-10-2009, 05:35 AM
أولا وليش أخيرا بنرد على أبوجاد الذي طل من بعد غياب طويل وذلك بسبب سباته الرمضاني

يــا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي


الـظاهـر أنــك خـتـيـرت..... وصايـر بـدك سماعـة (ال ما عم يسمع ال)
من مـتـلك يـامـا تـحديـت..... وكـلـو قـدملي الطاعة
والـواضـح أنـو جـنـيـت..... الـشغـلة بـدهـا قـناعـة
أئـطرلـي أدنـك بـالـزيت.....ويـمكن أدنـك مـعلـولي

abo_rayan
15-10-2009, 06:31 AM
يــا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي


حـامـلـي الخـتـم ودايـر...... وعـامـلـي حـالـك مـختـار
قـاعـد مـستنـي ونـاطـر ...... وعـم أدعـيـلـك يـاسـتـار
مـتـل الـعصـفور الطاير..... وبـدك تـدبـك ع الـمزمـار
لك بـعمل مـنك فـطايـر .......وبـحطى بـجنـب الـتبولي



يــا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي

كاسبر
15-10-2009, 05:25 PM
يــا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي
00000000000000000000000000000000000
الختم بيشهد للمختار ---------- إنو بفنو في حنكة
وبشعرو كلمات كبار --------- بترقص راس الدبكة
والمتلك دايب بالنار -------- من قهرو يقول و يبكي
ما راح إدعي للمختار --------- بدّي عشرة يدعولي
-----------------------------------

abo_rayan
15-10-2009, 06:34 PM
يــا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي


شـكلـك صـدقـت القـصـة.....ولـعبـت الـدور بـاتـقـان
مـانـي عـاطيـك الفـرصة..... لـتـصــدق أنـــك فـنـان
بـدي أعـمــلــك جـرصـة.....وفـضيحة بـين العـربان
وأزرع بـقلــبـك غــصـة ....غـصـة أبـن الـدعـبـولي

* المهلهل*
15-10-2009, 07:53 PM
يــا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي

حروفي المكتوبة عنك * فعلا هي مسروقة
جاي تا خيب ظنك * قوم اتفضل عل الحوقة
بدي فشلك بطنك * واعمل منو مدلوقة
ناوي شرشحلك فنك * ولازم تدبك ع طبولي

كاسبر
15-10-2009, 09:43 PM
يــا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي

------------------------------------
مني عم إلعب أدوار --- الفنان بطبعي محفور
وشهدولي كل الأمار ---- وينك نايم يا فرفور
أوعى تحرق إيدك نار --- لمن تقرب عالطيفور
وكل ما غصيت بأشعار -- بسقيك المرّ سطولي

هامور
15-10-2009, 11:16 PM
حيو الشباب الطيبة
الله يعطيكن العافية
الحقيقة عم نستمتع بالزجل الحلو

ومتابع معكن
تحياتي

abo_rayan
16-10-2009, 01:26 AM
يــا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي


راح قـلـك أنـك فـنان..... لـكـن لاتـفكـر مـشهـور
أدوارك كـلا بــسنـان.....وبـتـذكـرأسمـك شرشور
حـابـب تـتذكـركـمان..... مـثـلـت الـبابـا سـنــفور
أنا أسـمي بـو ريـان..... وأنــت أسـمك نـحـولـي

abo_rayan
16-10-2009, 01:38 AM
يــا دنيا إبكي وقولي ---- هالقصة مش مقبولي
حروف ال بعدا ما خلقت -- ماتت عند الدعبولي


يـا أنـهل ويـنـك ويـنــك ..... لازم شـوفــك ضــروري
جـاي تـا كـحـل عـيـنـك......بـفني وشعري وحضوري
القـصة ال بـيني وبيـنك.....أوعـك يـخبــر جـمـهـوري
راح يـزعـل كـلو مـنـك ......أنـا وقـتـامــش مـسؤولـي

swan
16-10-2009, 02:47 AM
احترامي و تقديري و إعجابي بكل المشاركات المميزة
ماشاء الله مبيضينها دائما
متابعين و مستمتعين معكم

أبو جاد
16-10-2009, 12:01 PM
السلام عليكم منورين بس محمد مالك شوقصتو
معقولة هالصبي أبو مطيعة :( بس مو دغري أقل ما يكون بعد الزواج ياسيدي ماعلينا عنا طير جديد وعم نقصلو جناحو أبو ريان بلا ذكر أسامي


يادعبولي ياحباب .... مو خرجك تفتح هالباب

خليك بحالك مشغول .... نسر العالي مبينجاب
ـــــــــــــــــــــــــ ـــــــــــــــــــــــــ ـــــــــــــــــــــــــ ـ

بــو ريــان ويـامسكين .... مــافـيــك تـعــد ســطـوري

شفتـك مـن بعـد التعين .... جـــرة شـغـل الـفـاخـوري

لاتـعـمـل فـيـهـا تـنـين .... المتلك ضاعو ف بحوري

ولـسـاني متـل السكين .... عـالمنبـر قطـع أعـصـاب

abo_rayan
16-10-2009, 01:33 PM
محـمدطيـب يـاحـباب .... مـا فـيـك تـسكـــرهـالــبـاب
خـليـك بـاأنـهل مشغول .... نسـر المتـلي مابــيـنـجاب


أنـا بـابـي ديـمــا مـفـتــوح.....بـاب مــشرع عـل الـمـيلـيـن
نــسمـاتـو بــتـرد الـــروح.....الـنـاس بـتـدخــلـوا صـفـيــن
الـظاهـرصـوتـك مـبحـوح.....صايـر مـتـل غـراب الـبـيـن
حـاجـي تـنـدبـلي وتــنـوح......قـطـعـت قــلـوب الأحــبـاب

abo_rayan
16-10-2009, 02:06 PM
محـمدطيـب يـاحـباب .... مـا فـيـك تـسكـــرهـالــبـاب
خـليـك بـاأنـهل مشغول .... نسـر المتـلي مابــيـنـجاب

مـقـصـك صايــر صايـم......الـشـعـرة مـا فـيـو يـقصـا
أنـاهــو نـسـر الـحـايــم .....وهـي هـي كـــل الـقــصــة
بـعـمل فــيـك الـجرايــم .....وبـجـزك مـــتـل الـفــصـة
لا تـعـمـل حـالـك نـايــم.....قـوم أتـحــرك يـا سـنـجـاب

كاسبر
17-10-2009, 01:26 AM
يادعبولي ياحباب .... مو خرجك تفتح هالباب

خليك بحالك مشغول .... نسر العالي مبينجاب
ـــــــــــــــــــــــــ ـــــــــــــــــــــــــ ـــــــــــــــــــــــــ ـ

مكبر خطك يا دعبول --- القصة مَنا صف حروف
خليك بحكيك مسؤول --- ولا تحكي بغير المألوف
بتوصف بوجاد و بتقول -- إنو بفنو مش معروف
راح إطلبلك أنتربول ----- يودوك لصف الكتاب

abo_rayan
17-10-2009, 01:54 AM
محـمدطيـب يـاحـباب .... مـا فـيـك تـسكـــرهـالــبـاب
خـليـك بـاأنـهل مشغول .... نسـر المتـلي مابــيـنـجاب


مـكـبـر خـطـي لــلـعـمـيـــان ......مـشــان الـمـتـلك يشوفـو
لا تـــقــلي مـا نــك فــزعــان......مـن الـدعـبـولي وسيـوفـو
فــايـت مـتـخـفــي وسـهــران..... قـاعـد تـصفــن بـحـروفـو
خـدلـك وحـدة مـن الـقـصـدان.....يـمـكـن تـنـفـعـلك حـجـاب

كاسبر
17-10-2009, 01:54 AM
يادعبولي ياحباب .... مو خرجك تفتح هالباب

خليك بحالك مشغول .... نسر العالي مبينجاب
ـــــــــــــــــــــــــ ـــــــــــــــــــــــــ ـــــــــــــــــــــــــ
ها المتلك واقع بابو-- وغطى عاجروحو وسكر
جاي تبكي عا عتابو --- وتخجل بو جاد الأسمر
لازم تدرس بكتابو ----- وتبقى سنتين وأكتر
ومن بعدا بتاخد طابو --- إنك صاير نص غراب

abo_rayan
17-10-2009, 02:18 AM
محـمدطيـب يـاحـباب .... مـا فـيـك تـسكـــرهـالــبـاب
خـليـك بـاأنـهل مشغول .... نسـر المتـلي مابــيـنـجاب

يـا أنـهـل بــابـي عــالـي..... بـيمـرء مـن تـحتـو الجمـال
الـمـتلـك مو شـاغـل بـالي..... أنـا عـل الــمـتـلــك خـيـال
مـا بـدي أبــــلـي حــالــي......بـوجـاد وفـي عـنـدو عـيال
بـيــبـلـونـي أنــو غـالـي......ولـســى مــا كـفـى الـقــلاب

كاسبر
17-10-2009, 02:20 AM
يادعبولي ياحباب .... مو خرجك تفتح هالباب

خليك بحالك مشغول .... نسر العالي مبينجاب
==================

هالأعمى شال عيونو --- حتى ما يشوف فنونك
و بيكفي يهز جفونو ------- حتى يتغير لونك
وسيفك لو جن جنونو --- ما بيئزي غير عيونك
لازم ها الأعمى تصونو --- بلكي بتتعلم الحساب

كاسبر
17-10-2009, 10:30 AM
يادعبولي ياحباب .... مو خرجك تفتح هالباب

خليك بحالك مشغول .... نسر العالي مبينجاب
==================

جمالك كلها معلولي --- وبتمرق من بابك عادي
ولو كلماتك مسؤولي --- ما بتصرخ بها الوادي
وهالقصة مش مقبولي ---- حتى تفشخ بزيادي
خرجك تعمل تبولي ----- مش تقعد بين الكتـّاب

M-R-M
17-10-2009, 09:46 PM
السلام عليكم جميع ...
بعد غياب طويل رجعت حتى أشوف الأشاوس إذا بعدهم مثابرين ولا بردوا بعد غيابي ..أتاري تعبي ما راح سدى و التلاميذ طلعو طلاب نجيبين و تابعوا ...
و حفاظا على جودة الموضوع و استمرارية القوة آثرت أني أرجع كل فترة أحط كم بيت ... معليش ...خلي أبو جاد و كاسبر يستفيدوا , مع أنو شريكي الجديد أبو ريان ما قصر فيهم و كان قدوة و منارة ضوت الطريق لأبو جاد و كاسبر , بس منارتين احسن من وحدة ...


أبو جاد
يــا بــو جــاد و يـا حـبــّاب ----- مــو خـرجك تفتح هالباب
خــلــيــك بـأنـهــل مـشـغول ---- الـنـــسـر العالي ما بينجاب

جـايـــي المــعـلـّـم الكبـيـر ---- تيــكـــسّــر روس الــشـــعّـار
جُــحـدر ما بيـقـدر عالزيـر ---- لا تـحـاول تـهـجـي المختار
بـنـعـــشـك بتـدّق مـســامير ---- لـو عـاديتـو لـشـــيـخ الــكار
أوعــك تـلـعـب جنب البيـر ---- بــلعــبة ســهلة روح لــعاب

أنهل

يــا بــو جــاد و يـا حـبــّاب ----- مــو خـرجك تفتح هالباب
خــلــيــك بـأنـهــل مـشـغول ---- الـنـــسـر العالي ما بينجاب

بـعـد زيـارة لأرض الــشــام ---- راجــع بـوصـيـّـة مـحــمّــل
حــامــل مـن عـمـتي سـلام ---- لـــعـــنــدك لازم يـــوصـــــل
وصّــتـنـي بــوصل الأرحام ---- و قــالــتــلـي دخـيـــلك أنهـل
لا تــقــوّي بــشــعرك السهام ---- خـلـّـيــكـن إخــوة و أحـباب

الشريك العزيز أبو ريان ...

يــا بــو جــاد و يـا حـبــّاب ----- مــو خـرجك تفتح هالباب
خــلــيــك بـأنـهــل مـشـغول ---- الـنـــسـر العالي ما بينجاب

يـســـعــد اللــــه الــدعـبـولـي ---- مـنـوّر والله الـدرب الــعـتم
يـاللــــه نـعـمــــل تـبـّـــولـــي ---- نـفـــرم فـيــهـا أنـهـل فــرم
كـــلــمــاتــك مــو مـعــقــولـي ---- قــوّة مـعـنـى و خــفـّــة دم
مـــن الــقــــوّة زاد زهــــولـي ---- ومــن حـنـّـيتك قلـبـي داب

أبو جاد
18-10-2009, 12:13 AM
يادعبولي ياحباب .... مو خرجك تفتح هالباب

خليك بحالك مشغول .... نسر العالي مبينجاب
======================
طل علينا غراب البين ....ومفكر حالو الشحرور

كلمة بيسرقها من الزين....وكلمة من نبع الدامور

وبيكتب باقي الشطريـن....شطر وردي عالمسكور

محمد لا تعـلى عالعـيـن....النسر لعالمنبر ماغاب
======================
يادعبولي ياحباب .... مو خرجك تفتح هالباب

خليك بحالك مشغول .... نسر العالي مبينجاب

دعـبولـي إبعـد عـني....وخـليـك بحـالـك أفـضـل

فنـك مـابـيشبـه فـنـي....وشكـلك مـو شـب معـدل

أوعى لاتـطلـب منـي....حطك حاجـب مع أنهـل

ردي مـافـيـك تـغـنـي....بـتـخرب إسـم الحجـاب

abo_rayan
18-10-2009, 12:24 AM
يــا بــو جــاد و يـا حـبــّاب ----- مــو خـرجك تفتح هالباب
خــلــيــك بـأنـهــل مـشـغول ---- الـنـــسـر العالي ما بينجاب

يـا مـحـمـد مـالـك نــورت..... جـاي مـن بـعـد الـخـطـبـة
شـوفـة عـيـنك ما قصرت..... خـلـيـتـون مـتــل الـلـعـبــة
بـوجــاد لاجــلــك دقــيـت ..... وأنـهـل حـشـوة لـلـكـــبــة
من فـرحي قـمت وفـزيت .....رحـب بـحـضور الأحـبـاب

abo_rayan
18-10-2009, 01:05 AM
يــا بــو جــاد و يـا حـبــّاب ----- مــو خـرجك تفتح هالباب
خــلــيــك بـأنـهــل مـشـغول ---- الـنـــسـر العالي ما بينجاب

أبو جاد

قـبـالـي مـافــيـك تـهـدي .....ومـو مـنـك أمــر التعــين
رداتـك شـعـر مــصـدي....شـو عـم تـعـمـل يامسكـيـن
بــدك ركــايـــة ومـــدي .....تـقـعـد تــنطرلي بساتـيـن
مـافـيـني حـطك عـنـدي .....طـبــاخ بـقـســم الـعـزاب

abo_rayan
18-10-2009, 02:17 AM
يــا بــو جــاد و يـا حـبــّاب ----- مــو خـرجك تفتح هالباب
خــلــيــك بـأنـهــل مـشـغول ---- الـنـــسـر العالي ما بينجاب

للذكرى فقط
جـيـنـا نــتـحــدى الأعــداء.....نـفـرض هـيـبـة عل المـنبر
وخــطـفـنا كــل الأضــواء...... وكـسـرنــا الـمـبـيـتـكـسـر
بـنـبـدع فـي كــل الأجـواء...... بــنـصـرخ الـلـه وأكـبـــر
بـنـوصـل نـحـن لـلـعـلـياء......ولـسـى مـا شـمـو الـتـراب

كاسبر
18-10-2009, 03:35 AM
يادعبولي ياحباب .... مو خرجك تفتح هالباب

خليك بحالك مشغول .... نسر العالي مبينجاب

=======================
جاييني بزفة عرسان -- مفكر راح يرضى الكبير
و بيزقفلو بو ريان ---- ما بيعرف خبصاتو كتير
كيف بترضى يافهمان ---- تا تشبه حالك بالزير
قضّى آخرتو خرفان ----- داير عما يدق بواب

abo_rayan
18-10-2009, 06:34 AM
يــا بــو جــاد و يـا حـبــّاب ----- مــو خـرجك تفتح هالباب
خــلــيــك بـأنـهــل مـشـغول ---- الـنـــسـر العالي ما بينجاب


أنهل


من حـقـدوحـسد الـعرسـان.....فـيـوزاتــو كــلـون طـئـوو
صـار يـخبــص بـالأوزان...... ولـشـيـركـي بــدو يحئوو
روح أتــأســف يـافـهـمـان.....أحـسن مـا يـطـلـع خـلـئوو
ويـطـلـع خـلـئـووبـوريـان.....ويـسـق يـك الـمـر بـأكــواب

abo_rayan
18-10-2009, 06:48 AM
كأنو في مؤامرة علينا ليش نص حروف الردة رايحة


ويطلع خلئووبوريان.....ويسقيك المر بأكواب

كاسبر
18-10-2009, 05:14 PM
عيبي منك بو ريان ---- تتكنى بألفاظ السوء
حط حروفك بالميزان - وخليك بزوقك معجوء
تعودنا إنك فنان ---- ليشك من فنك مسروء
لازم يبقى هالميدان --- منبر ليضم الأحباب

abo_rayan
18-10-2009, 08:18 PM
يــا بــو جــاد و يـا حـبــّاب ----- مــو خـرجك تفتح هالباب
خــلــيــك بـأنـهــل مـشـغول ---- الـنـــسـر العالي ما بينجاب

يـمـكن مـافـهمت المـقصـود.....رحـت بـتـفسـيرو أستـعجلت
مـا بـتـعـدى عـلـى الـحـدود..... وكـرمـالـك بلغي هل الـبيت
أنــت مـحـبـوب ومـوجــود...... ولــقـربــك يـامـا تـمـنـيـت
حـتـى يـمـكـن كـان شـهـود..... أنـك مـن أغـلـى الأصـحـاب

abo_rayan
18-10-2009, 09:32 PM
يــا بــو جــاد و يـا حـبــّاب ----- مــو خـرجك تفتح هالباب
خــلــيــك بـأنـهــل مـشـغول ---- الـنـــسـر العالي ما بينجاب


العـيـبة مـا بـتطلـع مـنـي.....خصوصي بحقك ياأنـهل
بـداريـك بـزوئـي وفــنـي.....بـخاف ألي مـتلك يزعل
حــتـى تـــتــأ كــد أنـي ........فـــنــان الــزوء الأول
راح حـطـك جـواعـيـني.....وبـلـفـك بـيــن الأهــداب

M-R-M
18-10-2009, 10:56 PM
يــا بــو جــاد و يـا حـبــّاب ----- مــو خـرجك تفتح هالباب
خــلــيــك بـأنـهــل مـشـغول ---- الـنـــسـر العالي ما بينجاب


ريـتـو يـســـلـمـلي هالقـلـب ---- و يــســلـمـلي الـزوء العـالي
يا شـــمـعـة منـوّر هالـدرب ---- وقـمـــر مـضـوّي اللـيــالــي
دعـــبــولي و حـيــاة الـرب ---- أوعــــى تـــزعلـّـي الغــالي
لــو مـهـمـا قـويت هالحـرب ---- أنــهل و بـو ريّـان صحاب

أبو جاد
19-10-2009, 01:18 AM
يادعبولي ياحباب .... مو خرجك تفتح هالباب

خليك بحالك مشغول .... نسر العالي مبينجاب
ـــــــــــــــــــــــــ ـــــــــــــــــــــــــ ـــــــــــــــــــــــــ
دعبـولي يـا أبـن الناس .... أوعـى بحالـك لاتـنـغر

عشكـالك شفـنا أجـناس .... وياما هـالعـقـل بـينجر

والشاعـر أنهـل يـنباس .... لـمـا عـالـشعـر بـينحر

حـروفـك ياأنهل إلماس .... ولسانك عمرومـاخاب

M-R-M
19-10-2009, 09:45 PM
يــا بــو جــاد و يـا حـبــّاب ----- مــو خـرجـك تفتح هالباب
خــلــيــك بـأنـهــل مـشـغول ---- الـنـــســر العـالي ما بينجاب

أنـــا و خـيـّــي بـــو ريــّـان ---- بـكــلـمــتـنـا بـنــهـدّ جــبـــال
جـربـوا تـهـزّوا هالأغصـان ---- بـتــعــبـّـوا مـن الفـنّ ســلال
أنـهـل مـن بحـري شـــربـان ---- و من شعري مسوّي رسمال
و شـــريـكــو مـنـّي فــزعان ---- و مـن كـلماتي شـعرو شـاب

أبو جاد
20-10-2009, 01:51 AM
يادعبولي ياحباب .... مو خرجك تفتح هالباب

خليك بحالك مشغول .... نسر العالي مبينجاب
.........................................
يـامـالـك أخـــر هـمي ........ إنـي شـوفــك بـالـمـيـدان

لاتفكـرحـالك خـصمي ........ عـالـمنبـر بـدي فـرسان

مـابـدي شـاعـر غمي ......... بيبقى من خيالو فزعان

والله راح يـغـلـي دمي ......... وبوجهك سكـرهـالـبـاب

كاسبر
20-10-2009, 03:03 AM
بين حروف المرتدي -------- بالأيام المسودي
بننسى غلطة من الإخوان --- وبنرجع للتحدي
==========================
صحبتكن سلة أحلام ---- وما بنساها مشان حروف
ولو جنّت فينا الأوهام ------ وسحبتنا لغير صفوف
بتمنى من ها الأقلام ------------ ما تتعدى للمألوف

0
وحتى نغيّر جوّ العام ----- ونرجع نحكي بالمعروف
لازم بو ريان ينام ---------- و يفيق بأمرو ملهوف
و يطلع عا سوق الأنعام ---- تا يدبح أحلى خاروف

0
راح نرجع نحكي بأنغام ---- و أقلام بتتحدى سيوف
حتى ما تمرق أيام ------ الشهر بيكفي حتى نشوف
ونعطي فرصة للحكام ------ حتى تحكم بين ضيوف

0
إخواتي سوان ويمام ------- و هامور بفنو معروف
و ماريانا عندا الإلمام ---- و بيّا بميزانو الموصوف
تا يحكم بين الأقلام --------- و يتوّج شاعرنا بوردة

ياسمين زمزم
20-10-2009, 07:11 AM
السلام عليكم

عدنا نحمل إليكم تحية و تقديرا

ثم رجاء

لتسمحوا لنا باستمرارية عطرة لا تشوبها ضغائن تسرق سحر حروفكم إلا إن كانت مزيفة

متابعة بإذن الله

ألف شكر

ضياء صفحاتكم يشدني

abo_rayan
20-10-2009, 10:36 AM
بــيــن حـــروف الـمـــرتـدي -------- بـالأيـام الـــمسـودي
مـن هـلئ صـفـحـة جـديــدي -------- وبـنـرجـع للـتـحـدي


نـحـن قـــبــلـنـا الــتـحـدي......نـسـتـنـى حـكـم الحكـام
قـبــالـي مــا فـيـك تـهــدي.....ومـن هـلئ ما فـيك تـنام
لــكــــن بـــالأول بــــدي .....تـعـرف أنـي ما بـنضـام
خـاروفــك هــلئ عــنـدي.....خـاروفـك زيــن الأنـعـام
لـحــم مــرتــب لـلـمــنـدي......الـمـندي بيوصل أرحام
مـحـمــد مـالــــك أفــنــدي.....واحـد مـن بكـوات الشام
مو مـتـلـك لـوح مـصـدي.....شــفـتـو بـمـحرقـة الـدمام
لازم مــا تــوقــف حـــدي.....بــالأول تــاخــد حـــمـام
فـرزك هـلـئ مـن عـنـدي .....ويـمـكن حـطـك فـي جـدة

كاسبر
20-10-2009, 11:19 AM
بــيــن حـــروف الـمـــرتـدي -------- بـالأيـام الـــمسـودي
مـن هـلئ صـفـحـة جـديــدي -------- وبـنـرجـع للـتـحـدي

000000000000000000

جدة أرحم م الدمام --- حتى ما تصدف شوفك
واضطر بسيفي القسام -- إفصل ما بين كتوفك
عادي تتكنى بالشام -- وتنسى أصلك وظروفك
والمثلك عايش أوهام --- بين صفوف المرتدة

M-R-M
20-10-2009, 09:38 PM
بين حـروف الـمـرتــدي ---- بـالأيــــام الـمــــســــــودي
مـن هلئ صفحة جديدي ---- وبـــنـــرجــــع للـــتــحــدي

للــتــحــدّي نحـنـا أهــل ---- و نــحــنــا للـفــنّ الـعـنـوان
عـــمـنــسـتـنـّاكم عـمهـل ---- تــتــكــبــروا بـهــالـمـيـدان
لو بـنـضحّي بندبح فحـل ---- ما بنــقـبـل ندبح صـيصـان
حتى تضلو بموقف سهل ---- حــطــولـي الـــرايــة حدي

abo_rayan
20-10-2009, 09:39 PM
بــيــن حـــروف الـمـــرتـدي -------- بـالأيـام الـــمسـودي
مـن هـلئ صـفـحـة جـديــدي -------- وبـنـرجـع للـتـحـدي

بـرفـع راسـي لـلـعـالي...... بـعـتــزبــكـل جـــدودي
وبـتـعرف مـين خوالي .....لا تـــتـعـدى ع حــدودي
مـافـيـنـي طـول بـالـي......ايـدي بـسـيـفي مشـدودي
مـا بـقـدرأمـلـك حـالـي.....وكـسـرراســك بـــمـهـدي

كاسبر
21-10-2009, 01:09 AM
بــيــن حـــروف الـمـــرتـدي -------- بـالأيـام الـــمسـودي
مـن هـلئ صـفـحـة جـديــدي -------- وبـنـرجـع للـتـحـدي
-------------------------
الراية بدها مثلي أسود ------ تحميها بسيف البتار
وما بتقبل تبقى عا حدود -- بلاد زغيري وأهلا زغار
روح تخبّى في يبرود --- و من عندي بحكي المختار
تا يجبلك صيصان السود ----- عليهن تعمل أفندي

كاسبر
21-10-2009, 01:22 AM
بــيــن حـــروف الـمـــرتـدي -------- بـالأيـام الـــمسـودي
مـن هـلئ صـفـحـة جـديــدي -------- وبـنـرجـع للـتـحـدي
--------------------------------
جدودك عالعين وعالراس --- و خوالك مثل خوالي
أصل مطعّم بالإلماس ------ بس ظروفو المحتالة
جابت لراسن وسواس ------- لمّن شافوك قبالي
وصارو يذيعو بين الناس --- ويدعولك وقت الشِدّة

* المهلهل*
21-10-2009, 03:00 AM
مرحبا
الله يعطيكم عافية يارب انا من متابعين بشدة اب ريان انا بدي صير من جماعة كاسبر لانو انت ما عم تجي تشرب متة عندي ؟
موفقين للجولات قادمة
تحياتي للابطال جميعاا

أبو جاد
21-10-2009, 03:04 AM
بــيــن حـــروف الـمـــرتـدي -------- بـالأيـام الـــمسـودي
مـن هـلئ صـفـحـة جـديــدي -------- وبـنـرجـع للـتـحـدي

.................................................. .....
مو خرجك دبح فحولي ........ وعقلك مابيحمل هالشك

كتير عليك الدعـبـولي ......... نخبي مابتلقى هـالرك

حـامـل دور البـطـولي ........ وميدانـك بخيولي اندك

وماضل بأرضك فولي ........ تحمل إسمك يـابـعـدي

*بـ.·::·ـحـ.·::·ـر *
21-10-2009, 03:56 AM
بعضي باللهيب متلظي ... وغارق في دمعي بعضي
وأنا بالصبر متغذي ... كاتم سري حافظ عهدي
طرفي قد غرق في دمعي ... واحترق بنارو قلبي
مع معشوق يطابق نفعي ... بالضرر ويقصد حربي
نطلب وصلو يطلب قطعي ... نقرب لو فيبعد قربي
نحفظو ما يختار حفظي ... نحبو يزيد في بغضي

M-R-M
21-10-2009, 08:15 PM
بـيــن حـــروف الــمـــرتــــدي ---- بـــالأيـــــــام الـمــــســـــــودي
مـــن هـلــئ صـفـحـــة جـديدي ---- وبـــنـــرجــــع للــــــتــحـــدي


خـيـولــي بالــســـاحـة بتــجــول ---- و خيــولك صـابـتـهـا جـفـلـي
و فــرســــانـي النــجوم تــطــول ---- و بــالغـيـمـة بتــعـمل حفـلـي
لـو مــــش ســـامع شـــو عمـقول ---- مــن عـنـدك قــــوّي الـبـفـلي
اســــمـي مــا بــحـمــلـّــو للـفـول ---- اســــمـي بالـــسـمـا مـــهـدّي

أبو جاد
21-10-2009, 09:58 PM
بتهون ومتل ماقال أنهل الخصم تبعنا طري ومو خرج نكثف الجهود وطلعاتنا الجوية رح تكون خفيفة

................................................

بـيــن حـــروف الــمـــرتــــدي ---- بـــالأيـــــــام الـمــــســـــــودي
مـــن هـلــئ صـفـحـــة جـديدي ---- وبـــنـــرجــــع للــــــتــحـــدي
.................................................. ....

عامل حالك شب نظيف .... ومفكـر حالك نـقـشي

إسمك مابيحمل تعريف .... وجهلك بالعقـل مفشي

موخرجك شعر وتأليف .... أفـكـارك كـلا هـشي

ولازم أعمـلـك تصنيف .... بميداني حطك جندي

abo_rayan
21-10-2009, 10:57 PM
بـيــن حـــروف الــمـــرتــــدي ---- بـــالأيـــــــام الـمــــســـــــودي
مـــن هـلــئ صـفـحـــة جـديدي ---- وبـــنـــرجــــع للــــــتــحـــدي


جـيـنــا تــا نــحـلـي الـرسـمـة......ونـسطر صـفـحة أمجاد
نـخـلـي وجــوه الـمــبـتـسـمـة......تضحك لو شافت بـوجاد
أوعـى تــغـــيـرلـي إســـمــي......بـغـيـرلـك يـوم الـميــلاد
هــيك بـسـاوي فـي خـصـمي ......لوحــاول يـكــتــب ردي

كاسبر
22-10-2009, 03:03 AM
بــيــن حـــروف الـمـــرتـدي -------- بـالأيـام الـــمسـودي
مـن هـلئ صـفـحـة جـديــدي -------- وبـنـرجـع للـتـحـدي
=========
بين زرازير السودا –- شفت الدعبولي طاير

لنسوري عم يتحدى –- و تا يوصل منو قادر

لا تفكر إنك قدّها ------ ومسوي حالك شاعر

لسهامي شرف ردّا – وقوّي سهامك ل توّدي

كاسبر
22-10-2009, 03:25 AM
بــيــن حـــروف الـمـــرتـدي -------- بـالأيـام الـــمسـودي
مـن هـلئ صـفـحـة جـديــدي -------- وبـنـرجـع للـتـحـدي
=========
يا محمد لمّ خيولك -- وعرضها بسوق الجمعة
وخلي الفرسان ال حولك -- تتعلملا شي صنعة
وخليها تدق طبولك ---- بلكي عا حالك توعى
ما في أطيب من فولك -- إسمك عالفولة مهدي

كاسبر
22-10-2009, 03:45 AM
بــيــن حـــروف الـمـــرتـدي -------- بـالأيـام الـــمسـودي
مـن هـلئ صـفـحـة جـديــدي -------- وبـنـرجـع للـتـحـدي
=========
بو جاد بشعرك قتال ------ فنان و سيفك ماضي
الخصم ال عنا مثل خيال -- وعمّا نضرب عالفاضي
تورطنا وما فيها مجال ----- بنستنى حكم القاضي
و خلي جنودك عال العال --- و لا تحطو بينن جندي

كاسبر
22-10-2009, 02:06 PM
بــيــن حـــروف الـمـــرتـدي -------- بـالأيـام الـــمسـودي
مـن هـلئ صـفـحـة جـديــدي -------- وبـنـرجـع للـتـحـدي
=========


بدنا نثبّت هالحالة ------ بمحكمة العدل الجاية

شاري خيولو من البالة --- و بدو يرفع ها الراية

هز جنودك يا خالي ------ بلكي بتكمل الحكاية

ونعمل كل يوم قتالة ---- لا تخلي السيف يصدّي

كاسبر
22-10-2009, 02:26 PM
بــيــن حـــروف الـمـــرتـدي -------- بـالأيـام الـــمسـودي
مـن هـلئ صـفـحـة جـديــدي -------- وبـنـرجـع للـتـحـدي
=========


مش شايف أيا تشجيع --- الجمهور ال عنا غفيان
القصة لازمها تسريع ----- حتى يحلى هالميدان
محمد ودّي عا التلميع ----- خيلك تا يفلح بستان
وصيصانك بدهون ترجيع ---- يا دعبولي الأفندي

M-R-M
22-10-2009, 02:45 PM
بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي



يا أنــهــل اســـأل خـالك ---- وشـــوفـو شــو رح بيـقـلك
بـيـــقـــلك ريـّـــح بـــالك ---- و بــعــد عنـو احــســنــلك
لـو بــدّك تــرحم حــــالك ---- عـــالـــطــريـقـة بـيــــدلك
لــمّ خــيـــولك و جــمـالك ---- واسـحب جندك من حـدّي

abo_rayan
22-10-2009, 07:59 PM
بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي

______________________________________
أنهل لا تـعــيـش الـقـصـة.....وتعـمل حـالـك ربـن هـود
حـبـالـي مـافـيــك تـقـصـا.....أنـاقـوسي خـيطو مـشـدود
عـم أسـتـنى شـي فـرصـة.....تـا غـني مـخـمـس مردود
يا أنـهل أوعـى الجـرصـة......لاتـتـعـدى عـل الـحـدود
بـخـلـي لـمـحـمـد حـصــة.....عـم يـغـلي مـتل الـبـارود
تـا يـزرع فـيـك الـغـصـة.....ويـطـبـع بـوسـي ع خـدي

abo_rayan
22-10-2009, 09:08 PM
بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي


الـظـاهـر أنـو الـجـمــهـور..... نـايــم مــو ســأل فـيـنـا
بـوجـاد وأنــهـل طـيـفــور..... وحضورن بـــيـكـفـيـنـا
الـسـاحـة مـلـيـانـة نـسـور.....نـحـن مـع بـعض ربـينـا
خـلـونـا نـنـسى الـجـمهـور.....نـحطـو بـصنـدوق العدة

abo_rayan
22-10-2009, 09:42 PM
بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي


جـينا لـنكمل هـل الـحـرب......بــردة حــلــوة مـعــقـولـي
مـحـمد مـالك أحـسـن شـب.....وهــوعــيـون الــدعـبـولـي
مـافـي غـيرو رفيق الدرب.....الـجـنـة بـقـربـو مـشغـولي
مـحـمـد مـالـك لـمـا يـحـب.....بـيـــــهـدي لـــحـبــو وردة

M-R-M
22-10-2009, 10:49 PM
بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي


وردة حــمـرا رح بـهـديــك ---- تعــبّـر عـن مــدى حـبـــي
تســـلملي يــا ابــو شـــريك ---- و يــطــوّل عــمـرك ربـّي
عــيـنـي لـو تـطلب بعطيـك ---- حـتـى بـقـدّمــلك قــلـــبــي
شـــو رأيك نبــدا الـتـجريـك ---- وللــحــرب نــعـدّ الـعــدة

abo_rayan
23-10-2009, 12:43 AM
بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي


كـرامة عـيـنك هل الـليلـي.....رح خلي حروفن تدبـل
يـنطوامـن مـيـلي لـمـيـلـي.....نـطـطـهون حتى تـقـبل
بـوجـاد بـحـطـو بـكـيــلـي.....وبـكبس من فـوقو أنهل
رح جـبـلـك كـل الـعـيـلـي.....ناصروبو اسما وفيصل
يـصـيـحوا دخـلـك ياويـلي.....أخــونـا صــار مـخـلـل
بميدانون يــدبــك خـــيـلي.....وألـعـب فـيـهـون بـالـشـدة (طبعا المقصود بو جاد وأنهل)

* المهلهل*
23-10-2009, 02:31 AM
مسيناكم بالخير جميعاا
الله يعطيكم عافية يارب صراحة عم نحس فيه معركة بالزجل بشجع غالي محمد مالك وحبيب البي اب ريان الورد الي عم يعصر مخو عصرررر لحتى يلاقي زجل يليق بشخصية اب ريان يرد على منافسين على ابو جاد غالي** كاسبر يسعد البك شريك
كتير ناس متابعة زجل ** صار الكم شعبية بدمام رهيبة
الله يقويكم يعطيكم عااافية
تحياتي

كاسبر
23-10-2009, 03:22 AM
بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي



يا أنــهــل اســـأل خـالك ---- وشـــوفـو شــو رح بيـقـلك
بـيـــقـــلك ريـّـــح بـــالك ---- و بــعــد عنـو احــســنــلك
لـو بــدّك تــرحم حــــالك ---- عـــالـــطــريـقـة بـيــــدلك
لــمّ خــيـــولك و جــمـالك ---- واسـحب جندك من حـدّي
بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي

راح اسأل خالي و قلو --- إبنك فايت عا الألغام
بلكي بيلحق تا يدلو -- كيف بيصحى من الأحلام
يا تعتيرو و يا دلـّو ----- خايف من غدر الأيام
بيطلب م ولادو يصلو --- و يدعولك تبقى مهدّي

كاسبر
23-10-2009, 03:47 AM
بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي

______________________________________
أنهل لا تـعــيـش الـقـصـة.....وتعـمل حـالـك ربـن هـود
حـبـالـي مـافـيــك تـقـصـا.....أنـاقـوسي خـيطو مـشـدود
عـم أسـتـنى شـي فـرصـة.....تـا غـني مـخـمـس مردود
يا أنـهل أوعـى الجـرصـة......لاتـتـعـدى عـل الـحـدود
بـخـلـي لـمـحـمـد حـصــة.....عـم يـغـلي مـتل الـبـارود
تـا يـزرع فـيـك الـغـصـة.....ويـطـبـع بـوسـي ع خـدي

بـيــن حـروف الــمـرتـــدي ---- بـــالأيـــام الـمـســـــــودي
مـن هلـئ صـفـحـة جديدي ---- وبـــنــرجـع للــــتــحـــدي
عا خدك رسمات كتير --- من غدر ظروفك بانو
بيرسم عا خدودك تعتير --- و كل الزوق بألوانو
روح تخبى عند الزير --- بلكي بيعطيك حصانو
وبتهرب مني و بتطير -- وبتخلص من ها العقدة

كاسبر
23-10-2009, 04:13 AM
بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي


كـرامة عـيـنك هل الـليلـي.....رح خلي حروفن تدبـل
يـنطوامـن مـيـلي لـمـيـلـي.....نـطـطـهون حتى تـقـبل
بـوجـاد بـحـطـو بـكـيــلـي.....وبـكبس من فـوقو أنهل
رح جـبـلـك كـل الـعـيـلـي.....ناصروبو اسما وفيصل
يـصـيـحوا دخـلـك ياويـلي.....أخــونـا صــار مـخـلـل
بميدانون يــدبــك خـــيـلي.....وألـعـب فـيـهـون بـالـشـدة (طبعا المقصود بو جاد وأنهل)

بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي
سمعنا عم تفتح معمل -- تتهنى يا ها دعبول
بيلبقلك كبس مخلل -- ورفيقك عم يسلق فول
بدلك عا محل مدلل -- تا تسوو مطعم معقول
أحسن ما لسانك يتقل -- بين حروفي المحتدي

كاسبر
23-10-2009, 04:28 AM
الـظـاهـر أنـو الـجـمــهـور..... نـايــم مــو ســأل فـيـنـا
بـوجـاد وأنــهـل طـيـفــور..... وحضورن بـــيـكـفـيـنـا
الـسـاحـة مـلـيـانـة نـسـور.....نـحـن مـع بـعض ربـينـا
خـلـونـا نـنـسى الـجـمهـور.....نـحطـو بـصنـدوق العدة


بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي

عا جمهوري ما بنغر --- هو الأصل بكلماتي
مش متلك ناوي عالشر-- وبدي إنسى رفقاتي
لكن بوجودو بنسر ----- و بقدملو وصفاتي
ولو طلّ علينا ولو مر -- بقدملو قلبي بوردي

abo_rayan
23-10-2009, 10:03 AM
بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي

عـم أفـتـح مـعـمــل أشـعــار.....مــانـي فــاتــح بــوفـيـة
بـصـمـمـــلـك فـيـوالأفـكــار.....حـتـى تـكـتــب يـومـيـة
بـــدّرس لــــكـل الأعــمــار.....بدوراتــي الأسـبـوعـيـة
مـن عـنـدي بــخرج شـعـار.....قـبـالـون مـا فـيـك تـهـدي

abo_rayan
23-10-2009, 11:47 PM
بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي


جـمـهـورك نـايـص تعـبان.....قـاعـد نـــاطـرمـصـيـرك
فـايـت مـتـخـفي وصفـنـان.....بـلـكي بـيصحى ضمـيرك
عّـلـي الـرايــة يـا فـهـمـان.....أبـيـــض لـونـو حـريـرك
خـلـيـلـوالـبـسـمـة عـنـوان.....بـلـكـي بـــيـكـتـبـلـك ردي

كاسبر
24-10-2009, 12:02 AM
عـم أفـتـح مـعـمــل أشـعــار.....مــانـي فــاتــح بــوفـيـة
بـصـمـمـــلـك فـيـوالأفـكــار.....حـتـى تـكـتــب يـومـيـة
بـــدّرس لــــكـل الأعــمــار.....بدوراتــي الأسـبـوعـيـة
مـن عـنـدي بــخرج شـعـار.....قـبـالـون مـا فـيـك تـهـدي
==========================

بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي

طلابك كلن هربو ---- ومش باين منن كلمة
كل من دوّر عا دربو -- عملو بأصول الحكمة
ولمّن من نبعي شربو -- ومن بيتي داقو اللقمة
صارو يدعو و يكبو ---- عا الايام المسودي

كاسبر
24-10-2009, 12:21 AM
جـمـهـورك نـايـص تعـبان.....قـاعـد نـــاطـرمـصـيـرك
فـايـت مـتـخـفي وصفـنـان.....بـلـكي بـيصحى ضمـيرك
عّـلـي الـرايــة يـا فـهـمـان.....أبـيـــض لـونـو حـريـرك
خـلـيـلـوالـبـسـمـة عـنـوان.....بـلـكـي بـــيـكـتـبـلـك ردي
======================



بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي


الراية ال علقتا بصروح --- ما بتقدر إنت تشوفا
وحتى إن قلتلك مسموح -- ماراح توعى ل حروفا
لا تتعب نفسك و تنوح --- كل ناس و إلها ظروفا
وجمهوري لو بدو يروح -- من أشعارك المصدي

abo_rayan
24-10-2009, 01:35 AM
بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي


وتـمـك بـــدو تـــنكـيــل.....روح لـسوق النـحاسيـن
ركــبـلـو ســدة بـرمـيـل.....حـتـى يـردو المساكـيـن (طبعا المقصود الجمهور)
كـلـمـاتـك بــدا تـشـكيـل.....لازمـها ضـمة وتـنويـن
رداتـــك بـدهــا تـبـديـل.....أخـرهـا كـلـو مــصـدي

abo_rayan
24-10-2009, 02:38 AM
بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي

يـا بـوجـاد ويــا مـحـتـار..... رداتـــــك هــبـي هــبـي
مـوشـغـلك تـكتب أشعـار.....ولابـــقـلــــك دق الـكـبـي
خـلـي زيـتـاتـك ع النــار.....يـاأنــهـل أحـشـي وعـبـي
أعـمـلـو أكـلـة لـلمـخـتار......وفي الـلـبـنـيـة مـا بــدي

abo_rayan
25-10-2009, 12:23 AM
بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي

ويـن الـرديـدي يـا شــــريــك...... الــظـاهــر أنــهـون هـــربــو
مـا لـــقــيـولــوحـة تـجــريـك...... بـجـولـة وحــدة ما صــمـــدو
يـاخــوفـي حـقـــدون يـــأذيك...... بــهــروب أل أنــت ســبــبــو
لـك خــلـنـي أتـغـزل فــــيــك ......وحـطـون مـن تـحـتـك مــدي

ماريانا
25-10-2009, 01:17 AM
يسلم تمكم جميعا شعراءنا الكرام
والله عمتابدعوا.
و مبارزة حلوة بين الفريقين المميزين
و بنتمنى يكون في لجنة حكام تحكم بيناتهن بنزاهة و دون تحيز حتى تصير المبارزة أقوى و يوصل الزجل للركب http://www.alnabkvb.net/vb/images/icons/icon12.gif

بانتظار الردات القوية من الفريقين و ان شا الله بنبقى نجبلكن الوالد يشارككن بالمعركة , بس بيدخل يخلصكن مو مع حدا يعني
مع انو المخلص الو تلتين القتلة .خخخخخخ
الله يعينك يا بيي .
سلام

كاسبر
25-10-2009, 02:06 AM
ويـن الـرديـدي يـا شــــريــك...... الــظـاهــر أنــهـون هـــربــو
مـا لـــقــيـولــوحـة تـجــريـك...... بـجـولـة وحــدة ما صــمـــدو ;):eek:
يـاخــوفـي حـقـــدون يـــأذيك...... بــهــروب أل أنــت ســبــبــو
لـك خــلـنـي أتـغـزل فــــيــك ......وحـطـون مـن تـحـتـك مــدي



بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي

الظاهر إنك بو ريان --- نسيان أصول الصنعة
والسطر التاني خربان --- بدو تصليح بسرعة
بكرة إن طلو عالميدان --- الحكام بتاكل فزعة
وبتطلـّع فيك الفرمان -- مانك خرج بها القعدة

كاسبر
25-10-2009, 02:34 AM
وتـمـك بـــدو تـــنكـيــل.....روح لـسوق النـحاسيـن
ركــبـلـو ســدة بـرمـيـل.....حـتـى يـردو المساكـيـن (طبعا المقصود الجمهور)
كـلـمـاتـك بــدا تـشـكيـل.....لازمـها ضـمة وتـنويـن
رداتـــك بـدهــا تـبـديـل.....أخـرهـا كـلـو مــصـدي




بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي

بين الكسرة و الضمّة ----- عاملّي حالك دكتور
لو بتغنيلي الكلمة --- راح يطلع شعرك مكسور
فلسطين الأولى بهمّي ---- ياللي قسمها بلفور
والتانية وجودك يمي --- بها الأشعار المتردي

كاسبر
25-10-2009, 03:07 AM
يـا بـوجـاد ويــا مـحـتـار..... رداتـــــك هــبـي هــبـي
مـوشـغـلك تـكتب أشعـار.....ولابـــقـلــــك دق الـكـبـي
خـلـي زيـتـاتـك ع النــار.....يـاأنــهـل أحـشـي وعـبـي
أعـمـلـو أكـلـة لـلمـخـتار......وفي الـلـبـنـيـة مـا بــدي


بـيــن حـروف الــمـرتـــدي ---- بـــالأيـــام الـمـســـــــودي
مـن هـلـئ صـفـحـة جديدي ---- وبـــنــرجـع للــــتــحـــدي

هبي هبي عمّا يقول ------ بدنا مترجم طلياني
هيدي الأزمة ما لا حلول ---- كل حروفك خرباني
كل شي بهالدني معقول --- بهيك ظروف التعباني
الوردة ممكن تحمل فول --- بين حروفك يا بعدي