شروط الزواج في النبك.

[منذر]

الزواج بالنبك أصبح معــــــدوم ياعيني إبكي ودمعـــك زيـــــــــــدي




الشب عايش زعلان ومهــــموم البنت تقلوا شو طالــع بإيــــــــــــدي




إمها بدها بيت وسيارة وكـــروم وجيبت الشب مصفيه عالحديــــــدي




هجر النبك وبغربتوا متهـــــــوم البنت تستنا وتكـــــتب أصيــــــــــدي




الشب على حظوا صار يلــــــوم البنت تقلها أمي وافقي إذا بتريـــــدي




الشب تعب وصار فكروا بالغيوم طلبات إمها كتار ما تخطهم جريـدي




الشب يصلي للرب ويصــــــــوم البنت بتطلب الحيــــاة السعيــــــــدي




الشب من الفرحة محـــــــــــروم السبب إمها وطلباتــــها العديـــــــدي




الشب إنتهى وعالموت معــــزوم والبنت تصيح ياعالم شو طالع بإيدي







بقلم : (عمـر غنـوم أبو سـن)

[@المحب@]

كلام رائع تسلم إيدك يعطيك العافيه مشكور تقبل مروري

[الفراشة الصغيرة]

قصيدة رائعة جدا وبالفعل هذا هو الواقع في بلدنا النبك
لكن يجب الا نضع كل اللوم على ام البنت فهناك أسباب كثيرة اخرى
تقبل مروري أخ منذر

[منذر]

مشكورين على مروركم أخ محب واخت فراشة أخوكم منذر