مـدري القصــايد فيـك وش ممكن تكـون ؟

[خلودي]

قرأت هذه الأبيات و نقلتها إليكم...



لو تختلف كل الأماكن والأزمان
ويحل قوم ويرتحل بعدهم قوم
أبد ماوصل لمكانتك أي إنسان
غلاك يزداد من ذاك اليوم للحين

http://alsgr.com/vb/images/icons/004r.gif

هب الشمال وجابت الريح لي ذكرى
ياليت لي في بال الأحباب طاري
ياما على وصلك تحريت ذكرى
وياما عطاريك عطرت داري
لمصافحك كفي من العالم عذرا
تغار من لهفة يميني يساري

http://alsgr.com/vb/images/icons/004r.gif

واشلون ماأصيح بإسمك وأكشف أوراقي
وإنت مثل حلم ماني قادر أوصل له
آآآه لو اوصلك ياويلك من أشواقي
وإن مت في حضنك هذا الشرف كله
إتصدق إن حبك خرب اخلاقي
لأني إذا شفتك اطنش خلق الله

http://alsgr.com/vb/images/icons/004r.gif

منك أنا مدري وش الذي صار
بس أدري إنك صرت تعنيني
أحن لك وأشتاق وأغار
واموت لو لحظه تجافيني
وين أبتدي وكيف أبتدي محتار
إحساسي اللي لك يناديني
ماعاد أتمنى ولا اختار
دامني لقيتك إنت تكفيني

http://alsgr.com/vb/images/icons/004r.gif

طبع الوفي يوفي مع كل الاحباب
مهما يطول الوقت جاني إتصاله
سر الوفا مزروع مابين الاحباب
واللي يخون العهد يبقى لحاله
بارسل لك سلامي ولاتقفل الباب
باتصافحك عني حروف الرساله

http://alsgr.com/vb/images/icons/004r.gif

أنا أشهد إنك على القلب غالي
وحبك بداخل القلب محفور
ابيك دايم طول عمري قبالي
يامهجة أفكاري ويازاهي النور
غلاك بقلبي ماهو بإتصالي
ولاشعر فوق الورق منثور
غلاك انفاسي وروحي ومالي
وبسمات طفل كله إحساس وشعور

http://alsgr.com/vb/images/icons/004r.gif

تدري فقدتك حيل وضاق فيني الكون
لما تذكرت ثارت دموع العين
أحبك موت وأشتاق لك بالحيل
وقلبي في غيابك صار لي قلبين
قلب يحبك موووووت
يشتاق لك
يغليك
وقلب يخاف عليك من هالزمان الشين

http://alsgr.com/vb/images/icons/004r.gif

ياللي تظن بغيبتك أقدر انساك
لافي غيابك مابقى لي بقايا
أقولها من قلب صادق فقدناك
شف دمع العين والجروح العرايا

http://alsgr.com/vb/images/icons/004r.gif

ذبحني البعد لاني جربت قربك
والله يالغالي بنور عيني أشتريك
ماحسبت المسافه بيني وبينك
بس حسبت ألف خفقه تحتريك
مدري أقول إشتقتلك ولا وحشتني
لكن اللي أعرفه إني اموت فيك

http://alsgr.com/vb/images/icons/004r.gif

في لمة الأشواق تطري طواريكم
وينتابني شوق يهز العظامي
في داخلي شوق عظيم يناديكم
وقلبي وعيني من بعادكم ضوامي
هذا شعور إنسان بالحيل يغليكم
ومعه المحبه والغلا والسلامي

http://alsgr.com/vb/images/icons/004r.gif

مدري القصايد فيك وش ممكن تكون
لاصرت صفحه مالها بالغلا طي
ماأبيك تسأل كيف أنا احب واشلون
الحب كله فيك انا أشوفه شوي
يكفي أشوفك كل شي بهالكون
وأشوف كل الكون دونك ولاشي



علموه ..
من غاب عني لايطول غيابه
علموه ..
إني اعاني من جفاه ومن عذابه
علموه ..
إني اموت بغربته احيي جدابه
الكون كله عقب ماقفا خرابه
علموه ..
اللي يحبه جن وشقق ثيابه
علموه..
بدمعي اللي هلته عيني صبابه
علموه ..
بكل جرح في خفوقي من سبابه
علموه ..
بحالي اللي عنه غافل ومادرى به
صرت انا وهموم ليلي والحزن فينا تشابه
وبيني وبينه والالم واليأس والغرابه
لاتقولوا كيف صارت والله صارت لاغرابه
علموه ..
إن كان يرضى صاحبه يفنى شبابه
إيتغلى يستمر في دربه اللي هو مشابه
يبتعد عني ويرحل لايفكرني إيابه
لايهمه حال خله دام ماهمه كتابه
لايهمه ماوصل له من رسايل أو كتابه
دام مافي باله أصلا لسؤالي إجابه
وإن نوى الموت لخفوقي وش بقى فيني هلاااابه
يمكن أرحم لي ولكن إدفنوني عند باااااابه
دامني محروم حضنه يكفي يحضني ترابه