للمقبلات على عالم الطبخ ... نصائح بتهمك

[ma7aba]

مع اني لا اعد من المحترفين في عالم المطبخ الا اني سمعت لنصائح عديدة منذ بدأت تجاربي الاولى فيه ... و لاني استفدت من هذه النصائح احببت ان انشرها لكم و بخاصة للفتيات الجدد مثلي لانه حقا من اسعد لحظات الحياة في المنزل هو النجاح في تنفيذ المهمات باتقان كل حسب موقعه و لنبدأ ::


اولا لنبدأ ببسم الله فان احدى الصحابيات اشتهرت بتميز طبخها و لما سألها البعض اجابت انها تذكر الله الف مرة و هي تعد الطعام فلما بتبدأي طبختك ابدأيها ببسم الله

تاني شي النصيحة الاهم لابد من السؤال و لاستفسار دائما ... و لا تعتقدي انك خبيرة طبخ لاني جربت هل الموقف قبلك و عملت جرائم طبخ وعدا عن انك رح تتعبي ع الطبخة و يكون انسب مكان الها للأسف " كيس الجاجات"... ورح تسمعي عن الطبخة عشر وصفات وعشر طرق طبقي وحدة منها بحذافيرها و مرة ع مرة بتصيري تعدلي عليها حسب الشي اللي بناسبك.

تالتا : نصحتني بسمة من فترة اني سجل وصفاتي بدفتر و بالفعل دغري جبت دفتر و نظمت الوصفات و بهيك بكون الطبخ اسهل و اضمن

للبنات اللي بدهم يدخلو للمطبخ جديد رح ينصحهم البعض بنظرية توفير الجلي ... يعني انتي و عم تطبخي توفري جلي قد ما بتقدري مشان يسهل عليك الموضوع ... بس انا بنصحك انك تتأني ع طبختك و تتقنيها حتى لو بدو يصير المطبخ كلو ع المجلى لانو الطبخة وقت بتنجح رح تنسيكي كل التعب و رح تعطيك دفع للأمام انك تتقني عملك ومع الايام بتصيري تعرفي تتقني الطبخة و تخففي الجلي .

تعودي و عودي عائلتك من بداية حياتك على الأكل الصحي و الاستغناء عن اكل السوق ... يعني خففي ماجي قدر الامكان و استعيضي عنها ببعض البهارات... السمن العربي و الزيت البلدي برأي هني افضل من كل المنتجات الموجودة بالسوق ... حاولي تطبخي الاكلات بمواسم الخضرا و تخففي من التفريز لانو مضر و الحمد لله نحنا بعدنا بالنبك بناكل كل شي طبيعي من الحليب و اللبن و اللحم و كل شي من احسنو ... و هي مسؤولية تقع على عاتقنا اتجاه بيوتنا للحفاظ على صحتنا فهي قبل كل شي مسؤولية امام رب العالمين.و اعتمدي على اكلات الحبوب و البرغل لانها مفيدة جدا و ذات قيمة غذائية عالية

للبنات اللي بعدهم ما اتحملو مسؤولية بيوت و عم يدرسوا انا بنصحهم يبدوا يتعلموا الطبخ و لو بمبادئه الاساسية لانك لما بتصيري ببيت لوحدك و بتدخلي المطبخ رح تتفاجئي انك ما بتعرفي تعملي شي ... و شعور سيئ جدا لما بصير وقت الغدا بس غدا مافي !!!

جربي تطبخي كل الاكلات اللي بتسمعي عنها و خاصة الصعبة او اللي بتتخيلي انها صعبة و اكسري الحاجز بتكون ثقتك بنفسك كبيرة تجاه المطبخ . صحيح انو احتمال الفشل وارد جدا في البداية بس بيسترها الله ... اذا ما جربتي ما رح تتعلمي

النار الهادية ... هي من اهم النصائح للطبخة المميزة و خاصة للحومات ... لان اللحمة بتمر اثناء استوائها بمراحل فإذا ما طلعت المي منها و تبخرت فرح يضل فيها نكهة مو طيبة و ممكن اذا كانت النار قوية تحترق من برا و تضل من جوا ني .خلي الوقت زيادة شوي و الطبخة بتطلع اطيب .

التوازن الغذائي شي مهم يعني لابد انو نسق بين كميو اللحم و الخضار و النشويات اللي عم ناكلها ... بدون زيادة او نقصان ... بنتفادى مشاكل السمنة و بنفس الوقت بنضمن غذاء صحي .

و هدول بكفوا اكيد بسمة و نوسة و باقي الاعضاء عندهم نصائح افضل مني خلونا نسمعهن ...

[●•°BaSmA°•●]

فكرة راائعة محبة
سيتم تثبيت الموضوع وأتمنى من كل الأخوة والأخوات المشاركة بالنصائح والفوائد التي اكتسبوها من خلال الطبخ والدخول إلى المطبخ
ولي عودة إن شاء الله
بارك الله بك غاليتي

[worod]

<P>شكرا &nbsp;موضوع حلو كتير وكل شي حكيتيه صح %1 </P>
<P>انا كنت مفكرة بعرف أطبخ كل الأكلات وسافرت على غربه و بس فتت على المطبخ</P>
<P>صرت قول ليش ما كنت جرب&nbsp; بالبيت هالاكلة مع اني كنت ساعد أمي كتير </P>
<P>بس بالجلي والتقشير والتقطيع وهيك وما كنت قرب من الطنجرة للأسف</P>
<P>وتعلمت بعد ما قريت دفتر امي كانت مسجلتلي فيه كل شي الله يخليلي ياها</P>
<P>والله لولاه كنت لهلق عم جرب وكمان من هالمنتدى تعلمت كتير </P>
<P>وبهالمناسبة بشكر الكل وخاصة بسم</P>
<P>&nbsp; وبنصح كل وحدة&nbsp; تتعلم الطبخ لأنو الطبخ فن </P>
<P>شكرا للموضوع الجميل</P>

[amal]

الحب أساس الإبداع بكل الأعمال ... ونصيحتي لكل ربة منزل لا تخلي الطبخ

واجب وبدك تخلصيه ... خليه هواية وحبيه بتبدعي وما حدا بيجاريكي فيه

وأحلى نصايح من أطبّخ محبة ... إييييه سبحانه مغير الأحوال

[M-R-M]

نصائح رائعة أختي محبة...
مو بس بتفيد البنات , أكيد بتفيد الشباب كمان , خصوصا الموجودين بالغربة , واللي الهم مراق بالطبخ متل حكايتنا, نحنا بما أنو ما عنا أخوات بنات بالعيلة , فاستفدنا من الوالدة كتير بمجال الطبخ , و الحمد لله قليلة الطبخات اللي بنعجز عليها أنا و أخواتي,
المهم وقت بيقوم الشب أو البنت تطبخ يكون حابب الشغلة اللي عميساويها لأنو أهم الشي بالطبخة هو النفس,أما إزا عميعملها بدون رغبة ...حتى لو بيكون عميحط صحن مكدوس ما رح يلاقيه طيب..
وفي شغلة تانية عمنشوفها عند كتير من بنات هالايام و هي ابتعادن عن عالم الطبخ , مو إقبالهن عليه!!!!
يعني بتلاقي بنات بيتباهوا بأنهن ما بيعرفوا يقلوا بيضة !!!!و كأنو صارت عدم معرفتهن بأمور المطبخ من ضرورات العصر, يعني كأنو من صفات البنت المرفهة عدم معرفتها بالطبخ.....
فيا ريت كل البنات يحاولوا ياخدوا من امهاتهم ولو بعض المبادئ البسيطة للطبخ و يحاولوا يطبقوا أي طبخة بتخطر عبالن ,
و مشكورة محبة على نصائحك القيمة مرة تانية.....

[●•°BaSmA°•●]

عدنا...
بصراحة محبة ما شاء الله عنك اتكلمتي عن أهم الأمور اللي بتهم المبتدئات بالمطبخ
وأمل ايضا تكلمت عن شي كتير مهم وهو حب المطبخ وجعله هواية وليس كعمل أو واجب علينا
خبرتي بالمطبخ الحمدلله نص نص :)
لسى أمور كتير بالمطبخ عم اتعلمها
معلمي الأول بالحياة هي أمي الله يخليلي ياها ولا يحرمني منها
اتعلمت منها الأساسيات ولسى لحد الآن بسألها وبستفسر كتير
طبعا ما بنسى سجل على دفتري كل الملاحظات حتى ما أنسى شي

*نصيحتي لكل مبتدئة :جربي تعملي الأكلات اللي تعودتي عليها ببيت أهلك بادئ الأمر
ولما تحسي حالك أنو أبدعتي فيها ونجحتي وقتها ممكن تجربي وصفات مختلفة ممكن من الصديقات ممكن من النت

*التقيد بالمكونات من أهم الأمور التي يجب مراعاتها أثناء الطبخ وخاصة الحلويات والمعجنات

*نزع سلك التلفون ووضع الجوال في غرفة بعيدة أثناء الطبخ هههههههه
هي نصيحة أمي من يوم يومها
من فترة كنت عم أعمل جبنية وهاد النوع من المعجنات ما بدها تخمير ابدا يعني بنشكلها وفورا عالقلي
لما خلصت تشكيل إجاني تلفون وطبعا ما قدرت يومها اعتذر لأنو اضطراري
رجعت لقيت الجبنية مختمرة وطبعا شكلها بيختلف وحلاوة الوصفة بشكلها
كملت قلي وطلعت تمام
الطعمة طيبة بس الشكل خرب لأنو اختمرت

*متل ما قالت محبة :أختي الغالية حاولي تدخلي عالمطبخ وتساعدي الوالدة بعمل أي شي وخلي عندك دفتر خاص اكتبي فيه الأكلات اللي بتحبيها
أنا بس كنت ساعد أمي بأشياء بسيطة وصدفة عملت دفتر وسجلت فيه شوية حلويات وشوية أطباق رئيسية وبعد سنة تزوجت سبحان الله والدفتر ساعدني كتير كمان

بكفي اليوم :)
لي عودة إذا خطر ببالي شي مهم

[ma7aba]

شكرا بسمة لان فعلا انا بستفيد من قسمك ومواضيعك

ورود مليح اللي كان معك دفتر امك ... انا كنت تاركتها ع التوكل ع أساس انا بعرف اجلي وقطع و واتذوق فمعناتا انا دغري رح انجح بالمطبخ

امل سبحان مغير الاحوال اي والله

محمد معك حق الطبخ نفس سبحان الله اذا الواحد عم يطبخ بدون رغبة كيف بتطلع الاكلة

مستمرين مع نصائحكم

[swan]

نصائح مهمة جدا
و خاصة الي لانو ما بعرف شي بالطبخ بس ما بفقد الامل مع انو محاولاتي قليلة بس
لازم حاول و جرب و اسأل
اهم شي انو ما حدا خلق متعلم كلو كان ما بيعرف بعدين صار بيعرف يعني اي بنت او شب حبو يتعلمواالطبخ رح يقدرو يتعلموا و يضيفوا و يخترعوا وصفات جديدة
مشكورة اختي محبة

[منة الله]

ان شاء الله بنوبكن فينا ثواب كلها نصائح مفيدة
كتير حبيت الموضوع

[ma7aba]

هلا بسوان مع التجربة بتصيري تعرفي تفاصيل بالطبخ كتير ضرورية بس مع الحكي ما بيزبط معك شي

ا ن شاء الله ...الله يسمع منك و كتير حبيت ردك

[●•°BaSmA°•●]

تسلميلي أختي محبة ما عملت غير واجبي وبانتظار مشاركاتك معنا بقسم المطبخ بشكل أكبر

غاليتي سوان أكيد ما حدا خلق متعلم ونحنا لحد الآن لسى عم نتعلم ولسى عم نسأل خبرتي بالمطبخ ما بتتجاوز ال 4 سنين ومع هيك الحمدلله تعلمت كتير وفي شغلات أكتر لسى ما تعلمتها ودائما على اسئلة واستفسارات :)
إن شاء الله بنشوفك معنا بالمطبخ عن قريب عم تقدمي أكلاتك ووصفاتك الرائعة

[§Nosa§]

أولا كل الشكر لك عزيزتي محبة على النصائح الهامة والتي كل مااقرأ كل بند من بنودها أعود بذاكرتي للوراء وأتذكر بدايات أيامي "المطبخية" إن صح التعبير..
لربما أول مايتبادر إلى ذهني خاصة في عصرنا الحالي ومع تطور التكنولوجيا هو المايكرويف والذي الجدل حول ضرره لازال قائماً فالبعض يشير إلى ضرره والآخر يقول طالما أن الدراسات لازالت قائمة ولم تثبت ضرره فسنستمر باستخدامه إلى أن يثبت العكس..إلا أني أفضل عدم استخدامه بكثرة فأنا مثلا استخدامه بالنسبة لي قليل لأبعد الحدود وقد أقول معدوماً..وتسخين الأكل على الغاز العادي أو بالفرن أضمن وأفضل للصحة وللنكهة..اندهشت عندما سمعت أن بعض النسوة يطبخون بعض الطبخات بالمايكروف كطبخة الكباب هندي او الداوود باشا فبدلاً من استخدام الفرن أو القلي أصبحن ينضجن اللحمة بالمايكرويف:confused:...
والنصيحة الثانية والتي لابد من أن تعلمها ربة المنزل من بداياتها بالمطبخ حتى وإن لم تنجب بعد وهي أنه أن تمنع بتاتاً أطفالها الصغار من دخول المطبخ خلال تحضيرها للطعام فكلنا نعلم عن الطفل وعن فضوله لاكتشاف والتعرف على العالم من حوله وهو لايدري بما يكمن من مخاطر لذلك علينا الحذر والتوخي جيداً في هذه الناحية...وعند استخدامنا للأواني ذات الأيادي الطويلة علينا أن تنتذكر دوماًبأن نترك اليد تتجه إلى الداخل وليس خارجاً..
والبند الثالث الذي أود إضافته هو الاختيار المناسب للأوني المستخدمة في الطهي فلها النسبة الأكبر في نجاح ماتطهين...وبالنسبة لي فأنا لاأفضل استخدام أواني التيفال بكثرة وعند استخدامها لابد أن نستخدم معها ملاعق الخشب كي لا تُخدش باستخدامنا باقي الأدوات معها وكلنا نعلم مدى ضرر ماينتج عن مادة التيفال عندما تخدش وأفضل الأواني للطهو هي الستانلس ستيل 10\18...
هناك بند ذكرته أختي محبة وهو توفير الجلي أنا برأي الخاص لا أوفر الجلي على العكس أقوم بجلي كل كمية صغيرة تتراكم أفضل من أن تتراكم المجلى بعد الانتهاء من كل شئ هذه طبعاً وجهة نظر خاصة وتعود لطبع كل ربة منزل ولكن وددت أن أضيف هذه النقطة ...
حاولي في المقادير التي تحتاج وزن أو كيل أن تتوافر لديكِ الحاجيات الخاصة كالميزان المطبخي والكؤوس الخاصة بالكيل والملاعق أيضاً فهي مفيدة جداً و توفر عليكِ الكثير خلال التحضير وخاصة للحلويات..
هنالك الكثير والكثير من النصائح التي أود ذكرها ولكني أتوقف الآن لأعود لاحقاً كي لا أسبب الملل بالإطالة..
مرة أخرى شكراً لكِ أختي الغالية محبة لطرحك هذا الموضع الأكثر من قيم والمفيد وبذلك نفيد ونستيفد من بعضنا البعض..وشكراً لك من قدم نصايح هامة جزاكم الله كل الخير..
لي عودة بإذن الله...

[swan]

شكرا الك اختي محبة و شكراا الك اختي بسمة
و ان شاء الله بوجودكم معنا و مساعدتكم رح نتواجد بالمطبخ و نعمل اكلات مميزة و نتفوق ع الشباب اللي متحمسين للطبخ و عم يطبخوو كتتير شغلات و ينزلووها بالمطبخ
بالتوفيق للجميع

[●•°BaSmA°•●]

ما شاء الله نوسا ذكرت نصائح مهمة جداً
بارك الله بكِ أختي نوسا وجزاكِ كل خير

وأهلا بـswanالغالية
بانتظار مشاركتك معنا حتى تنورينا بقسم المطبخ

[ثائــ TH ــر]

يعطيكي ألف عافية محبة وشكرا كتير على النصائح

بس شو مشان ما قلتيلنا شو الناصائح للشب اللي بدو يفوت عالمطبخ جديد :D

يعني كل النصائح للبنات مع إنو شايف إنو الشباب عمأبدعو بالأكل ما شاء الله أكتر من البنات :rolleyes:

[ma7aba]

أهلا بنوسة و بنصائحها وبالفعل اللي حكيتيه من الاساسيات و الامور المهمة تسلم ايديكي

سوان عم ننتظر المشاركة

ثائر كمان عم ننتظر مشاركتك بشي طبخة ... بعد تطبيق النصائح طبعا

اما النصائح هي فعلا بيستفيد منها الشب و البنت بس الشب اذا فشلت طبختو بضل اسمو شب و مابنعتب عليه

بس الحسرة ع البنت اذا فشلت موقف لا تحسد عليه

[أم عبد الرحمن]

مشكورة محبوبة موضوع هام وشيق بكل حرف يحتويه
في البداية نصائحك رائعة
وأنا بالفعل ابتدي بالتسمية باسم الله في بداية كل عملفي المطبخ
والردود أيضاً رائعة
ذكرتني نوسا بنصائح أمي دايما بتنبهنا عن مخاطر دخول الأطفال للمطبخ
ماقصرتوا جميعاً اله يعطيكن العافية
اسمحوا لي بإضافة بسيطة
يقال أن لكل ست نفس في الطبخ ونسوان بتسبك الطبخ وبتعملوا أفضل من غيرها
أنا برأيي أن كل ست يجب أن لاتتكبر عن السؤال والتعلم حتى من الأصغر منها وبتستفيد وبتعطي المطبخ وقت كبير لأن الطبق على مهل أطيب وألذ من المستعجل وبترش على طبختها بهارات سرية خاصة مكونة من (محبة زوجها وعيلتها -الحرص على تقديم الأفضل لهم ولضيوفها)
تقبلوا مروري

[أم عبد الرحمن]

طريقة لجعل المعجنات تبقى طرية و محتفظة بالكثير من الرطوبه
ضعى وعاء او كوب معدنى

وبه ماء على سطح قاعدة الفرن السفلى حتى يكون الفرن

مشبع ببخار الماء أثناء الخبز(انا افضل هذه الطريقه مع البيتزا )

[●•°BaSmA°•●]

شكرا لكِ أم عبد الرحمن
بالنسبة لوجود الماء في الفرن أثناء الخبز فهذه النصيحة تنطبق على المخبوزات التي لا تحتوي أي نوع من أنواع الزيوت
وبما أن عجينتك تحتوي على أي نوع من الدهن فأنتِ لستِ بحاجة للماء
العجينة لو كانت تمام ستعطيكي الطراوة والهشاشة التي تحبين بدون استخدام بخار الماء
أنا استخدم العجينة التي أذكرها دائما بمواضيع الممعجنات والحمدلله تبقى طرية وناجحة ولو بعد أيام
المهم تغليفها بشكل محكم حتى لا تتعرض للهواء

[لميس*]

شكرا حبيبتي
والله هل النصائح حقها مصاري
انا بصراحة عم اتعلم الطبخ
وهيك اي نصيحة عم اسمعها عم دقق فيها
شكرا كتير
وتقبلي مروري