المساعد الشخصي الرقمي

عرض النسخة كاملة : ●•°سـينابارت حلـوان خطـبة هـادي°•●


●•°BaSmA°•●
20-01-2009, 09:34 PM
السلام عليكم ورحمة الله وبركاته


بمناسبة خطوبة أخونا هادي حبيت قدم الحلوان على طريقتي وبارك للعروسين
ألف مبرووك أخي هادي الله يتمم على خير وربي يوفقكن من عالي سماه


السينابارت الإسم غريب شوي لكن هو عاادي جداً بيشبه السينابون بس التشكيل مختلف
أولاً العجينة المستخدمة كالعادة على هالرابط :)
ودائما مع بسـمة أطيب (http://www.alnabkvb.net/vb/showthread.php?t=20756)


بعد ما تخمر العجينة بشكل جيد وبالمناسبة أفضل مكان لتخمير العجائن بتعرفو وين؟؟؟
فوق البراد ,,لا تستغربو ,,جربوها وادعولي الي ولصاحبة الفكرة


المهم بعد ما تتخمر العجينة نحضر صحن فيه زبدة سايحة وصحن فيه قرفة وسكر مخلوطين مع بعض
إضافة الى الكيري


نعمل كرات صغيرة من العجين نحشيها جبنة كيري ونغمسها بالزبدة ثم القرفة والسكر ونضعها في قالب صغير ممكن يكون قالب الكيك
وحجم الكرات مو بالضرورة يكون متساوي يعني الوصفة ما بدها قياسات المهم يكون الحجم متقارب نوعا ما
نترك مجال بالقالب حتى ترتاح العجينة من جديد ولما يتضاعف حجمها ندخلها على فرن حامي مسبقاً على درجة 180
شوفو مراحل العمل والتخمير ...
http://www.alnabkvb.net/vb/uploaded/1715_1232475668.jpg (http://www.alnabkvb.net)


نخرجها من القالب بعد مرور عشر دقائق وننتبه أن نسوي أطرافها بالسكين حتى ما يخرب شكل القالب
نزينه بالنسلة والهرشي أو على حسب الرغبة ممكن سكر بودرة ممكن توفي على حسب الرغبة
http://www.alnabkvb.net/vb/uploaded/1715_1232475974.jpg (http://www.alnabkvb.net)


وصورة أقرب


http://www.alnabkvb.net/vb/uploaded/1715_1232476123.jpg (http://www.alnabkvb.net)


إن شاء الله تكون نالت الرضا
وتعجب الكل
ومرة تانية ألف ألف مبروووك أخي هادي
وعقبال باقي الشباب والصبايا يا رب
●•°BaSmA°•●
20-01-2009, 09:37 PM
ملاحظة صغيرة : انتبهو على نوعية القرفة المستخدمة أن تكون من النوع الممتاز
حتى ما تخرب الطعمة وشكرا لكم
M-R-M
21-01-2009, 12:12 AM
الله يعطيكي العافية أختي بسمة....
دائما ما بتقصري , ما شاء الله عنك...
والله هادي بيستاهل , ليش الحكي ,
عقبال عنا و عند كل العزابية , مشان نعرف شو رح يكون الحلوان بس http://www.alnabkvb.net/vb/images/icons/icon7.gif
●•°BaSmA°•●
21-01-2009, 12:35 AM
أهلا بأخي محمد
ان شالله عقبالك وعقبال سومر وعقبال كل الشباب والصبايا
والحلوان موجود دائما بس عليكن تخطبو ونحنا بنفرح فيكن على طريقتنا
مشكور أنو جبرت بخاطر هالموضوع :)
ثائــ TH ــر
21-01-2009, 12:55 AM
يا عيني يا عيني وأنا عمقول شو هالريحة الحلوة
الله ريتو الف مبروك هادي وان شاء الله تقبل هالحلوان من الكل مو بس من بسمة

بس دخلك بسمة أنا إذا قعدت حضرو كم يوم بدي وكم واحد بدي يجلو وينضفو من ورايي
ولي أنا اذا تبعت القهوة عجقت الدنيا فيها شو بدي أعمل بهي
لأ لأ ما بدي خليها لحتى أخطب وبتعمليلنا ياها انتي حلواااااااان
●•°BaSmA°•●
21-01-2009, 01:13 AM
أهلا بأأخي ثائر
والله إذا العجينة جاهزة ما بدها شي والله سهلة وبتعملها براحتك
بس بدها تكون العجينة ناجحة وتمام
نورت وعقبالك ان شالله
Tiger_Hacking
21-01-2009, 02:50 AM
الله ريتو الف مبروك
عقبال لما بنتني انا وانت هادي
وعقبال كل العزبان
دلع القمر
21-01-2009, 03:30 AM
يسلموا باسمة شكلها طيبة رح نجربها أكيد
ومبروك هادي وعقبال عند العزابية جميع
●•°BaSmA°•●
21-01-2009, 03:45 AM
أهلا بأخي Tiger:rolleyes:
الله يسلمك أختي دلع القمر وصحة وهنا سلفا:)
worod
21-01-2009, 04:50 AM
شكرا بسمة
على طول بتساويلنا شي بيشهي
الف مبررررررررررررررروك للعروسين
MR.KOK
21-01-2009, 09:43 AM
مرحبا
شو هل شغل يا ريت كل واحد او وحدة تخطب حتى نتحلى
مباركة افراحكم ...هات لقوم غسل واشرب قهوة مرة وراها
هههههههههه
عفكرة م فترة عملوها بالبيت طيبة كتير
يسلمو
●•°BaSmA°•●
21-01-2009, 02:19 PM
غاليتي ورود تسلميلي يا رب شكري لكِ

أهلا بأخي mr.kok
ردك بشجع العالم تجرب السينابارت وإن شاء الله صحة وهنا
ويا رب تدوم الأفراح حتى نحتفل كل يوم ونبارك , والله يوفق الجميع
ياسمين زمزم
21-01-2009, 03:08 PM
السلام عليكم

ما شاء الله عنك أختي بسمة

دائماً صاحبة المبادرات الجميلة لأخوتنا الأعزاء في المنتدى


وأما الموضوع

تم الحفظ للتجريب
●•°BaSmA°•●
21-01-2009, 03:18 PM
تسلمي أختي الغالية يمام
وصحة وهنا سلفاً إن شاء الله بيعجبك :)
رحيق الزهر
21-01-2009, 04:11 PM
شو هاد يا اخت باسمة شكلها كتير حلو أكيد الكل حيجربوها وانشاالله الف مبروك للعروسين وعقبال كل العزبان يارب
●•°BaSmA°•●
21-01-2009, 04:54 PM
مشـــكورة رحيق الزهر على ردك المشجع :)
§Nosa§
21-01-2009, 08:57 PM
ماشاء الله عنك دائماً سباقة للخير... كل مرة بتزلي وصفة أطيب من اللي قبلا...عنجد شي بشهي وأكيد من كل بد وان الله راد لازم طبقها( صارت قائمة التطبيق عندي كبيرة بس الأيام جاية ان شاء الله..)وبرجع مع التطبيق ...يسلم دياتك يارب وعلى طول بانتظار الوصفات الطيبة والرائعة من مطبخك غاليتي..بوركتِ..وألف مبروك للعرسان مرة تانية وبالتوفيق يارب..
ma7aba
22-01-2009, 12:39 AM
شكلها بجنن

رح جربها بكرا ... بس ما بضمن النتائج

الف مبروك
نورالشمس
22-01-2009, 03:16 AM
ربي يسلم ايديكي
ويعطيكي الف عافية
والف مبروك اخي هادي
وعقبال العزابية يارب
نبضة قلب
22-01-2009, 06:47 PM
ماشاء الله عنك من قبل مااشترك بالمنتدى وأنا بتابع أكلاتك الطيبة
الله يعطيك العافية ويجعل كل شي بنتعلموا منك في ميزان حسناتك
●•°BaSmA°•●
23-01-2009, 01:13 AM
نوسا ..أشكرك من كل قلبي على تواجدك الرائع وبانتظار تطبيقك ورأيك ,ألف صحة وهنا سلفاً

محبة ...أنا بضمن النتائج طالما من تحت دياتك اطمني سهل جدا وإن شاء الله بيعجبك

نور الشمس ..أهلا بك من بعد غياب :) نورتي الموضوع بردك

نبضة قلب ..شهادتك بعتز فيها تسلمي يا رب وألف شكر لدعوتك الرائعة :)
ذو الحيـــاء
23-01-2009, 01:59 AM
السلام عليكم
والله منظرها كتير بشهي وبالنسبة للطعم اكيد كتير طيب
لأنو من تحت اديكي اختي بسمة
وإن شاء الله ألف مبروك للاخ هادي وعقبال عند الفرحة الكبيرة
~*سجى لّيل*~
23-01-2009, 04:23 AM
إممممم يا سلام كتير طيبي هالأكلي...!! أنا بساويها بس مو على طريقة القالب بساويها على طريقة خلية النحل ..
بس عجبتني هيك وراح جربها...
مشكورة إخت بسمة وصفاتك دائما رائعة...
Destiny
23-01-2009, 04:23 PM
ألف مبروك خطبة هادي وإن شاء الله التمام لخير

بسمة .. يا ترى اللي بيجي متأخر بيلحق شي من الحلون ؟

يعيشوا دياتك يا رب
●•°BaSmA°•●
26-01-2009, 03:03 PM
أهلا بك ذو الحياء تسلمي يا رب لمرورك وردك الحلو

أختي حنين طريقتك أيضا حلوة وممكن كمان نعملها بقوالب الcup cake
إذا بدنا كمية صغيرة المهم تكون العجينة ممتازة حتى تعطي نتيجة رائعة
نورتي بردك الموضوع

غاليتي Destiny
بعملك قالب سينابارت كامل لعيونك تكرمي :)
الف شكر لك
هـــادي عزالدين
04-02-2009, 10:19 AM
السلام عليكم...


ما شاء الله ما شاء الله...


والله احلى هدية بمناسبة الخطوبة منك يا اختي بسمة... طبعا ما شفنا الموضوع غير من فترة بسيطة وبنفس اليوم عقدت قراني انا وعروستي ... واعتبرنا ان هالهدية مزدوجة للمناسبتين...

وعالسريييييييع وبدون تردد قررنا نعملها ... وبسبب عدم توفر القرفة المطلوبة اعملنا وصفتك السابقة والي هي السينابون المالحة...

طلعت شغليييييييييييييي ... ومحلاها ما تكون شغلي...

وان شاء الله قريبا رح نعمل هي الوصفة كمان...

اختي بسمة كلمة الحق تقال... ما بظن رح يمر على هالمنتدى عضو او عضوة بنشاطك وتميزك بهالقسم... انعشتيه بعد ما كان خامل وخليتيه مضرب متل بين الناس ومقصد العوائل بالغربة ...

شكرا لمباركتك وعقبال عند ولادك يا رب...

هـــــادي...
●•°BaSmA°•●
08-02-2009, 02:13 PM
أهلا بأخي هادي
ومرة تانية وتالتة إن شاء الله ألف مبروك
موفقين يا رب والتمام على خير بإذن الله
ألف شكر لردك المميز فرحتني والله
إن شاء الله بكون دائماً عند حسن الظن .
دموع الورد
09-02-2009, 01:26 AM
اختي الحبيبة بسمة رح طبق لانو عجبني وانتي بتعرفي شو رايي فيكي وبشغلك
ان شاء الله ما تبلي
دموع الورد
09-02-2009, 01:30 AM
اعوذ بالله التهينا ببطنا ونسيت بارك لاخونا هادي ريتو الف ومليون مبروك اخي الكريم وعقبال الفرحة الكبيرة وبالهنا يا رب
lwoai
09-02-2009, 01:37 AM
ما شاء الله تبارك الرحمن

هلئ كل هاد بس لانو هادي خطب ( هات لاسوي متلو )

طيب الله ريتو الف مبروك لاخي هادي وعئبال العزابية

اخت بسمة ما قصرتي بالواجب ومعدنك الطيب خلاكي اتكوني السباقة بكل شي

بش شو مشان انو هادي هلئ كتب كتابو ورح يتجوز ونحنا بعدنا عم انبارك بالخطبة

الله ريتو الف مبروك وعئبال الجميع
●•°BaSmA°•●
11-02-2009, 08:22 PM
دموع الورد ..تسلميلي يا رب والله لا يحرمني من تواجدك المميز والراائع
أخي لؤي ..شكرا لك ولردك الكريم
وألف ألف مبروك لهادي كتب الكتاب وعقبال عند الجميع يا رب
أم عبد الرحمن
07-03-2009, 01:40 AM
الله يسلم إيديكِ بسمة

وألف مبروك للعروسين
وعقبال الفرحة الكبيرة
وبتعملي الكيك 15 دور
roza
07-03-2009, 02:34 AM
والله شي بشهي ازا الشكل هيك شلون الطعم بيكون شكرا اخت بسمة على الزوق الحلو والف مبروك للعروسين
●•°BaSmA°•●
18-03-2009, 04:24 AM
هلا وغلا بأم عبد الرحمن و روزا
ألف شكر لوجودكم الرائع والمميز
شمعة الحياء
18-03-2009, 04:38 AM
شكرا كتير بسمة
ما شاء الله عليك راااااااااااااااائعه
ابدعتي
ومبروك كتير اخي هادي وعقبال الفرحة الكبيرة
●•°BaSmA°•●
06-05-2009, 06:40 PM
ألف شكر لكِ شمعة الحياء
وبنقول ألف مبرووك الزواج لأخونا هادي
والله يجعل التمام على خير وعقبال كل العزابية .