حلى قهوتي الرائع(تطبيقات الأعضاء ص/3) [الأرشيف]

worod

17-01-2009, 09:04 AM

السلام عليكم ورحمة الله وبركاته
حبيت قدم نوع هاحلى الخفيف لأني بحب البسكويت كتير
وهاحلى منقول عن أختي مشمشة
المقادير 2علبة بسكويت سادة
1علبة حليب مكثف محلى
علبة زبدة أو أصبع واحد
شوكلاه جالكسي سائلة

نطحن البسكويت جيدا بهذا الشكل

http://www.alnabkvb.net/vb/uploaded/4114_1232171377.jpg (http://www.alnabkvb.net)

ونضيف الزبدة بعد تذويبها والحليب المكثف ليصبح الخليط مثل عجينة
نفردها على قصديرة مدهونة بقليل من الزيت حتى لا تلصق ونصب فوقها الجالكسي السائلة ونلفها اسطوانة الشكل

http://www.alnabkvb.net/vb/uploaded/4114_1232171465.jpg (http://www.alnabkvb.net)

ونغلفها بالقصديرة
http://www.alnabkvb.net/vb/uploaded/4114_1232171504.jpg (http://www.alnabkvb.net)
ونضعها بالبراد ساعتين وعند أخراجها نقطعها حلقات وتقدم باردة

ولا تنسو القهوة ووصحة وعافية

http://www.alnabkvb.net/vb/uploaded/4114_1232171552.jpg (http://www.alnabkvb.net)

http://www.alnabkvb.net/vb/uploaded/4114_1232171646.jpg (http://www.alnabkvb.net)

خالد النفوري

17-01-2009, 12:22 PM

إن هذه الحلوى من الحلويات التي نصنعها في بيتنا

فهي سهلة التحضير ولذيذة مع فنجان القهوة

بارك الله بك أختي worod

ويعطيك العافية

--------------------

●•°BaSmA°•●

17-01-2009, 01:03 PM

يسلمو غاليتي عالحلى البسيط والرائع
والشكر موصول لصاحبة الوصفة اكيد

أبو مصطفى

17-01-2009, 01:49 PM

السلام عليكم

مشكورة أخت ورود حلى رائع وباعتبارو اختصاصي هالمواضيع رح ازيد عليك شوي

انو تسويه في بسكوت نخالة مش بالضرورة النوعية

مع طبقة كراميل خفيفة

يعطيكم العافية

ثائــ TH ــر

17-01-2009, 05:57 PM

الله يعطيكي العافية ورود
يجري التجريب اليوم وان شاء الله تظبط
وبكرا بخبرك بالنتيجة يا بتطلع للكب يا بتطلع لل.. ما بعرف اليوم بالليل بشوف
بس الك جزيل الشكر عالحالتين

بنت ابوها

17-01-2009, 08:48 PM

يسلمووووووووووووووو

منة الله

18-01-2009, 12:43 AM

واااااااااو منظر بشهي وأكيد الطعمة طيبة_
بس عجبتني فكرة الأخ محمد التلا بأنه نستخدم بسكويت نخالة انا كتير بحب طعمه بعدين مشان الحمية!
بانتظار ثائر يخبرنا كيف طلعت معه _اذا نجحت معه بنجربها

swan

18-01-2009, 03:13 AM

وصفة سهلة و لزيزي
شكررا على الوصفة
و دايمة ع القهوة

سران

18-01-2009, 03:32 AM

باينتو شي طيب
خلص راح جربوا وخبركم شو بيصير
شكرا ورود

عاشقة الشهادة

18-01-2009, 02:26 PM

أهلا وسهلا بك
وورود مطبخ منتدى شبكة النبك وشكرا لك على هذه الحلى الرائعة

ونتمنى تواجدك معنا دائما
رح طبقها وردلك خبر

ذو الحيـــاء

18-01-2009, 02:30 PM

السلام عليكم

الصراحة شكلو كتير حلو وباينتو طيب
خلص اكيد رح جربو
مشكورة وورد

قصر الشوق

18-01-2009, 02:38 PM

يم يم يم
شوطيبة
حبيتها شوكلا وبسكويت مافي اطيب من هيك
مشكور worodيعطيكي العافية

ثائــ TH ــر

18-01-2009, 05:56 PM

احم احم
ولي هلأ منة الله وكتار كمان عميستنو لحتى يعرفو كيف طلعت معي
بنبلش
أول الشي حطيت لما طحنت البسكوت ما طحنتو بالطاحونة طحنتو بإيدي قام طلع خشن
ولما حطيت الزبدة والحليب فوقو
بما إنو خشن قام غبن كلن ولا كأنو حطيت شي
فرجعت ضفت علبى حليب وقالب زبدة
قامو صارو كتير مرقين قمت رجعت ضفت شوية بسكوت
وبعد عناء طويل وجلي كتير
مشي الحال وظبط عيار العجينة
مديتها وحطيت فوقها الشكولا
ولما قعدت الفها قامت طلعت العجينة وبما إنو خشنة فارطة كتير
يعني طلعت الأكلة فراطة بسكوت مع شوكولا
لفيتهن بالقصديو وهنن مو ماسكين حالهن بنوب
وحطيتهن بالبراد
واليوم الصبح قمت لحتى آكل منهن شوي ......
شو لقيت يا حزركن .......
...
...
...
...
لقيتهن متل شي علبة بسكون بشكولا حاططها بإيدك وعمتخبط فيها لحتى فرطت وما ضل لا بسكوت ولا شوكولا
فكان وللأسف مصيرها ال ....
بس اليوم بدي جربها كمان
بس هالمرة بدي أطحن البسكوت مليح مشان ما تفرط وبكرا كمان بخبركن بالنتيجة

●•°BaSmA°•●

18-01-2009, 06:31 PM

ممتاز أخي ثائر أنو حاولت وجربت http://www.alnabkvb.net/vb/uploaded/1715_1195580388.gif (http://www.alnabkvb.net)

خيرها بغيرها وان شالله تاني مرة بتكون أفضل :)

هالنوع بدو شغل تمام يعني لازم تطحن البسكوت بشكل جيد ليصير معك متل الطحين وتتشكل معك عجينة ناعمة سهلة الفرد وبنفس الوقت متماسكة

بصراحة أنا ما جربتها ما بعرف اذا ورود جربتها وبتحكيلنا كيف طلعت معها بما أنو الحلى منقول
يعطيكن ألف عاافية

سران

18-01-2009, 06:32 PM

هههههههههههههههه
وانا اليوم جربتها
بس يا حزركم شو صار

عنجد عنجد والله االعظيم هيك صار لا تفكروني عمكذب او اتهول

هاد
قال جبت علبة نسله و وزبدة (طبعا نسيانة البسكوت نهائيا )
وحطيتن بالخلاط (يا اختي انا هيك ما بحب طبق كل شي بحذافيرو )
المهم
خلط الزبدة والحليب (وامي جنبي عمتشوف النتييجة)
وشوقللها لامي اي وايمت ليصيرو عجينة
شو تقلي امي انا ماعم استوعب حليب وزبدة كيف بدو يصير عجين قلتلها عمهلك شوي هو هيك مكتوب بالموضوع
المهم
مديتهن عالقصدير واستنى وما يصيرو عجين ههههههههههههه
ولهلا بعدن بالبراد لحتى جيت وشفت الموضوع
قام طلعت منقصة البسكوت وهو اهم شي
عاد لا تاخذينا ورود

ثائــ TH ــر

18-01-2009, 06:37 PM

ههههههههههههههههههههههههه ههههههههههههههه سران أنا كنت مفكر حالي إنو كتير مخبص
بس اللي بشوف مصيبة غيرو بتهون عليه مصيبتو
هههههههههه ما شاء الله
بس ان شاء الله تكوني متذكرة الشوكولا :confused:
ولا كمان ما دخلها
خلص خلص أنا اليوم بدي سويها مظبوط وبكرا بدي جيب الصور كمان

عاشقة الشهادة

18-01-2009, 06:44 PM

http://www.alnabkvb.net/vb/uploaded/1715_1195580388.gif (http://www.alnabkvb.net/)http://www.alnabkvb.net/vb/uploaded/1715_1195580388.gif (http://www.alnabkvb.net/)http://www.alnabkvb.net/vb/uploaded/1715_1195580388.gif (http://www.alnabkvb.net/)http://www.alnabkvb.net/vb/uploaded/1715_1195580388.gif (http://www.alnabkvb.net/)http://www.alnabkvb.net/vb/uploaded/1715_1195580388.gif (http://www.alnabkvb.net/)http://www.alnabkvb.net/vb/uploaded/1715_1195580388.gif (http://www.alnabkvb.net/)

برافو ثائر وسران ...لأ ان شاء الله قدامنا جيل باهر

لاناكل هم

تمام تمام

سران

18-01-2009, 06:45 PM

اي هلا رايحة ازبطلن الوضع وحط البسكوتات
لا واحلى من هيك انو حلفت يمين اذا ماصارو عجين اقلبها مرحومة ههههههههههههههه

ثائــ TH ــر

18-01-2009, 06:46 PM

شو عليها يا عاشقة الله يسامحك شمتانة فينا
بكرا وشوفي الصور والله لتكون بتشهي
بس يا حزركن الغول وين { الغول / الهدف يعني } { المضحك }
إنو ال تبع مطاعم وما مطاعم يعني شيف :d
يا سلام ملا شيف والله

●•°BaSmA°•●

18-01-2009, 07:13 PM

هههههههههه
سران ضحكتيني وأنا تعبانة
بتصير ولا يهمك وسلمي عالوالدة كتير
اتخيلتك واقفة مع امك وعم تقنعيها انو ممكن من النسلة والزبدة يصير شي اسمو عجين هههههه
تمام
ما شالله
افرحي يا ورود وهي سران وثائر طبقوها عالحارك
وبانتظار الصور
وعم استنى بفارغ الصبر
لو الخلاط ناشف كنت طبقتها عالسريع وجربت
بس لا... بشوف شو بصير معكن بالاول:rolleyes::confused::D
عم نستنى النتائج :)

heira

18-01-2009, 08:21 PM

عنجد شكراً سران وثائر ضحكت من قلبي وما رح جربا لشوف شو عم يصير معكن .......نسينا نشكر صاحبة الموضوع .شكراً ورود

worod

19-01-2009, 12:53 AM

السلام عليكم ورحمة الله وبركاته
أولا بعتذر لأني طولت بالرد على الجميع بس كتير فرحت بردودكن جميعا
خالد النفوري شكرا أخي لمرورك
بسمة شكرا ونورتي يا غالية وشكر كبير لأخي محمد التلا وشكرا
ثائرههههههههههه أكيد عندك غلط أنا قبل ما نزلها جربت وزبط بس أنت كمان
لازم تشوف العجينة كيف قوامها ولا تزعل متل ما بيقولو التجربة هي أم الأختراع
شكرا لردك الحلو
بنت أبوها ألف شكر حبيبتي
منة الله شكرا شكرا
swanردك دايما ومشاركتك بتفرحني
سران متل ما قلت لثائر التجربة أم الاختراع أول ما تعلمت الكيك كبيت شي 3 قوالب
بس هلق كل مرة تمام
عاشقة الشهادة مشكورة غاليتي للمشاركة
والف شكر كمان ذوالحياء وبتمنى يعجبك الحلى على التجريب
قصر الشوق شكرا
وheiraشكرا لذوقك ومرورك نورتي
وبتمنى ما كون نسيت حدا
شكراااااااااااااااااااااا ااااااااااااااااااااااااا ااااا

§Nosa§

19-01-2009, 01:09 AM

ماشاء الله ...هالحلو باينتو طيب وبالفعل كل الحلويات المصنوعة من البسكويت طيبة..تسلم دياتك يارب..ان شاء الله بطبقو عن قريب وبردلك خبر كيف كانت النتائج..بوركتِ عزيزتي ..سران شو صار معك؟؟:p

worod

19-01-2009, 02:08 AM

شكرا nosa
وأنشاءالله تجربيها وتركز معك بس خبرينا شو صار معك شكرا لمرورك ودك

سران

19-01-2009, 03:46 PM

رجعت افرجيكم النتيجة
يا جماعة بعد ماحطيت البسكوت وصارت عجينة اخيرا
وتعذبت كتير باللف وحطيتها بالفريزة لليوم هي النتيجة

http://www.alnabkvb.net/vb/uploaded/78_1232369030.jpg

بس الله بيشهد الطعمة شغلة كبيرةمع انو المنظر مو كتير

http://www.alnabkvb.net/vb/uploaded/78_1232369137.jpg

وشكرا الك ورود عالتشجيع
بس انشالله المرة الجاي بتزبط

بنا نشوف ثائر شو صار معو

●•°BaSmA°•●

19-01-2009, 04:19 PM

يا عيني يا عيني
سران وين مخباية
تطبيق فعلا راائع ومميز
تسلم دياتك وان شاء الله بطبق هالوصفة بأقرب وقت ممكن
تسلم الايادي يا رب

ثائــ TH ــر

19-01-2009, 05:57 PM

احم احم جيت انا
مرحبا
والله الظاهر يا سران أنا طلعت معي أحلا من معك شوفي وهي الصور
http://www.alnabkvb.net/vb/uploaded/7360_1232376715.jpg

http://www.alnabkvb.net/vb/uploaded/7360_1232376741.jpg

http://www.alnabkvb.net/vb/uploaded/7360_1232376760.jpg

http://www.alnabkvb.net/vb/uploaded/7360_1232376776.jpg

الله يعطيكي العافية يا ورود على هالوصفة والله آكل وأدعيلك
بس يلا هلأ عطوني رأيكن أي وحدة أحلا أنا ولا سران ......؟؟؟؟؟

●•°BaSmA°•●

19-01-2009, 07:11 PM

ما شاء الله
تطبيقات بتفتح النفس كلو أحلى من بعضو :)
للأسف ما عندي شوكولا تكفي
بس جيب بطبق ولنشوف شو بصير

ثائــ TH ــر

19-01-2009, 07:16 PM

لك لك أنا ما حكيتلكن شو صار معي
طبعا الواضصح إنو الأكلة ناقصها شوية شوكولا بس يا حزركن ليش !!!!!!!!
أنا جبت ست حبات جالاكسي
وقررت إني حط حبتين بالأكلة
بس شو هية طريقة التدويب .....؟؟؟؟
أول طريقة حطيت الحبتين بالمكرويف قامت دابت القشرة البرانية ونزلت الشوكولا بأرض الميكروويف وضليت ساعة أفرك لحتى طلعو .... ما بنصحكم بالميكروويف بنوووووووب
تاني طريقة قشرتهن وحطيتهن بقلب القلاية ... قام شو صار يا حزركن ....
دابو بس ......... لزقو بالمقلاية وطلعت فيهن طعمت لدع قام كبيتهن وضليت كمان ساعة لحتى نضفت القلاية
أما الطريقة التالتة فهيي إنو قشرت الحبتين وحطيتهن بكيس نايلون وحطيتهن فوق طنجرة عمتخلي مي ..... يعني حمام بخار بس بعد شي خمس دقايق تشنجت أيدي وما دابو فقررت إني نزلهن شوي بقلب الطنجرة
قام داب الكيس ووقع نصهن بقلب المي
بس ربكن حميد إنو ضل النص التاني وقدرت أعمل فيهن كمية بسيطة
ولي ولي ضليت للأربعة الصبح عمشتغل :mad:

LOooOVE HARP

19-01-2009, 07:49 PM

والله شكلها لذيذة وطيبة
خلص بدي جربها ان شالله
شكرا ورود....

heira

19-01-2009, 09:37 PM

سران الله يعطيكي العافية ...والله وقت شفت أول صورة صار معي اكتئاب بس وقت شفتن مقطعين مبين شكلن حلو ........................أما ثائر الله يعين امك بالله بس بدي أعرف اذا بدك تطبخ بامية أو محاشي شو رح يصير بالمطبخ ...بس شوبدنا بالحكي الحق يقال شكلن حلو ومرتب ......هلأ صار لازم تبعتولي عينات بدي دوق مشان أعرف أي أطيب

سران

19-01-2009, 11:10 PM

ثائر ليش هيك عجينتك فارطة
بس بتعرف
انو استحيت من حالي
انت بالترتيب اشطر مني مع انو لازم انا كون المرتبة لاني بنت
ههههههههه
بس والله شغلة كبيرة يا ثائر طالعة معك
والطعمة طيبة موووو؟؟؟؟؟

عاشقة الشهادة

20-01-2009, 01:20 AM

السلام عليكم

ماشاء الله جد
جد
هالمرة بدكن برافو وبكل جدارة الله يعطيكن العافية بالفعل ضحكتونا وفرحتونا بتطبيقكن وعم نستنا الطبخة الجاي يلا لنشوف مين بدو يأدملنا أول

برافو
http://www.alnabkvb.net/vb/uploaded/1715_1195580388.gif (http://www.alnabkvb.net/)http://www.alnabkvb.net/vb/uploaded/1715_1195580388.gif (http://www.alnabkvb.net/)http://www.alnabkvb.net/vb/uploaded/1715_1195580388.gif (http://www.alnabkvb.net/)http://www.alnabkvb.net/vb/uploaded/1715_1195580388.gif (http://www.alnabkvb.net/)http://www.alnabkvb.net/vb/uploaded/1715_1195580388.gif (http://www.alnabkvb.net/)

منة الله

20-01-2009, 01:32 AM

يعني حلو التجريب بس لا تعيدوها مرة تانية

Tiger_Hacking

20-01-2009, 08:24 AM

ياعيني ياعيني
شي مدلل ماشاء الله

بتعرفو مشاركات سران وثائر ... ذكروني بأيام عيشة الدراسة بالسنوات الماضية
عمتذكر من مطبخ ثائر كيف لما قعدت اعمل فطاير واساوي العجينة
يمكن يومها صار الطحين ينقط من الشبابيك

worod

21-01-2009, 04:45 AM

ههههههههههههه الموضوع كان حلو بس أعضاء المنتدى أحلى
يعني الواحد بيعرف من الردود الروح المرحة الي بتجمع الأعضاء

شكرا لكل الاعضاء وكل الي شارك بالموضوع
شكرا