أقراص

[ابورائف]

السلام عليكم واذا أمرتو بدنا تشرحولنا كيف يتم صنع أكلة الأقراص وخاصة بالعيد وشكرا سلفا

[●•°BaSmA°•●]

أهلا بأخي أبو رائف
وعذرا للتأخير
تفضل المكونات

5كيلو طحين
2.5كيلو سكر
ملعقة كبيرة فانيلا
ملعقة كبيرة بكنغ بودر
نصف أوقية محلب
ربع اوقية خميرة حلو
ربع كيلو جوز هند
2كيلو حليب
800غ زبدة
ربع كيلو سمن عربي
زبدية صغيرة زيت نباتي
2 زبدية لبن

الطريقة نخلط المواد الجافة بشكل جيد ثم نضيف المواد السائلة
بالنسبة للزبدة والسمنة بكونو سايحين بحرارة الغرفة يعني بدون تسخين
بعد عجن المكونات بشكل جيد بنخليها ترتاح تقريبا ساعتين
ومن بعدها بتم تشكيل الاقراص كما هو معروف
وبننتبه انو نغطي العجينة وما نعرضها للهوا حتى ما تنشف
وتشوى بفرن حامي وما بتاخد وقت طويل وصحتين وهنا يا رب

[ابورائف]

السلام عليكم أخي بسام المحترم شكر لطفك وذوقك وسلامي لكل العاملين لانجاح المنتدى وشكرا

[مرعي أبو سما]

أهلين اخي ابو رائف شرفتنا بسؤالك الكريم

والي رد عليك هوي الأخت بسمة مشرفة قسم سوالف بنات

مو الأخ بسام!!!!!

وأهلا وسهلا فيك

[دموع الورد]

ما شاء الله يعطيكي العافية بسومة بعرفك ما بتقصري مع حدى

[ابورائف]

:)أخت يسمة شاكر فضلك وكرم الاعضاء والنبك بلد كرم مما شجعني ان أطلب منك طريقة عمل أكلة مابنساها وهي محلى بالبن والله يرحم أبو عبدالله محلاية أشهر وأفضل من صنعها وشكرا

[خالد النفوري]

أخي أبو رائف ذكرت محلا باللبن ففتقت جروحي الذوقية
وخاصة إن أخذت سمكاً وكانت ( مسقسقة ) بالقطر مممممممممم

-------------

[●•°BaSmA°•●]

أهلا بالأخ أبو رائف
المحلى باللبن سهل جدا وفعلا من أطيب الحلويات
المكونات
3 بيض
ملعقة صغيرة فانيلا
ملعقة صغيرة بكنغ بودر
كأس لبن
كأس سميد
كأس جوز الهند
كأس طحين
كأس سكر
بشر برتقالة

قطر(كأسين سكر +كأس ماء مع ملعقة عصير الليمون توضع على النار وتغلي مدة 7 دقائق ويُبرد)

نخلط جميع المواد مع بعضها وتسكب في صينية الفرن مدهونة بالطحينية وتترك لتختمر من ساعتين الى 3 ساعات
وتخبز في فرن حامي مسبقا ولما تطلع من الفرن نقسمها بالسكين ونسكب عليها القطر حتى يتغلغل فيها بشكل جيد أو على حسب الرغبة ونزينها ممكن جوز هند مع فستق الحلبي ولما تبرد بنقدمها
إن شاء الله ألف صحة وهنا يا رب