المساعد الشخصي الرقمي

مشاهدة النسخة كاملة : مجادلة شعر وعتابا من تاليف الاعضاء



خالدحموش
06-11-2008, 10:53 PM
السلام عليكم ورحمة الله وبركاته
اخوتي الكرام هذا الموضوع من شعرالعتابا احب هذا الشعر وأرى فيه متعة بالرد على المنافس وفيه الكثير من الفائدة ومنه امتحان للشخص على الرد في القدرةوتعليم للشعر الموزون ولو تجادلنا قليلا بالكلام نبقى اخوة واسرة واحدة وسوف ابدأمعكم بهذا الامتحان ومتمنيا من الجميع الخوض في هذه المعركة لنرى قدرتنا في هذا الامتحان لاتترددو انا معكن بس مابنا زعل

قالوا ان كنت شاعر تغنى بإسمي

اقول بحرب الاشعارفريقين إسمي

انا خالد حموش و معروف إسمي

بلبل للموسيقا وبالبلاغة حسون

ياريت حباب قلبي فيي حسون

تلاميذي فوارس ركابهم بالمجد حسون

انا ابن النبك وهواهاالى قلبي غزالي

ومنخاف لو الف فارس بالساحة غزالي

ابعدو عن عرين السبع ياغزالي هي ما

تعلمتو من كتاب الشعر والدواوين

انا الحكيم انا الطبيب لمن يدور الدوا وين

حاجي ياولاد بلادي تعملو لنا دواوين

وانا بليلتي برجف شعار الاداب

Destiny
06-11-2008, 11:23 PM
بتعجبني العتابا بس مالي فيها باع طويل

يللي لزوم الجفا فيكم عناوين
ما يرضى الحال سوا دروبكم عناوين
ترى الخيّال قصد داركم وعنا وين
ما إلنا محال سوى حرق الأعصاب

وهاد اللي الله قدرني عليه هلء
متابعة معكن .. وكل الشكر لك

لؤلؤة الشرق
07-11-2008, 04:28 AM
شعر الزجل بضلو خالد
عتابا وميجانا بالمعنى خالد
اهلا ومرحبا بشاعرنا خالد
ابن حموش تفضل عال نزال


انا للنبك بعشق ترابها
بردها وحرها وامطارها
يانبك عالية بسماها
ملفى للخلان والضياف










ومنكم نستفيد

خالد النفوري
07-11-2008, 05:45 AM
هلا بأختنا لؤلؤة الشرق
أخت الرجال
وضرّيبة العتابا
-----------------
بس بدي ياكي تغلبي جاري خالد حموش
يلي نازل عالساحة وريشو منفوش
خلي يطلع آخر العتابا شعرو منكوش
بس ما تسوينا قد القشة وع المي نفوش
أنا ما بفهم بالعتابا بس بتابع معكن وإذا علقتو بنحوش
وأنا بعرف أنو هادا مو عتابا بس جايي أقعد تحت الدوش

خالدحموش
07-11-2008, 08:55 PM
الىDestiny


على مزهرية الشعراقبلت وردي


تاأدعي ربي يحفظى بصلاتي ووردي


مع الغزلان عا منهل شعري ووردي


عنواني واضح كاشمس الحجاب


الىDestiny


يامن شعرك للمنتدى عطا رق


باب البي عمرو ماتسكر عطا رق


وعلى مفرق دربك اطلعي عطارق


بتلائي حول منك كل الحباب


الى لؤلؤة


كلمة نزال شعرك كلو لؤلؤة


وعند نقاد الادب كلو لؤلؤة


انا البحار وعلئتي بشبكتي يالؤلؤة


بغنيمة صيدي تااغني الكتاب
ملاحظة العتابا تنتهي بالباء او حرف الالف اختي لؤلؤة انت كتبتي الضياف اكتبي الحباب وكتبتي النزال اكتبي الحراب وكما قلتي اخت لؤلؤة


انا للنبك بعشق ترابها


بردها وحرها وامطارها


يانبك عالية بسماها


ملفى للخلان والضياف


الى لؤلؤة


انا بدفع الغالي حتى اراضي


ضيعتي يلي بسماها اراضي


ومهما غليت بها الدنيا اراضي


ماتسوى من النبك حفنة تراب


الى الاخ والجار خالد النفوري ابو علاء


ياقاعد تحت الدوش نعيما حمامك


يسعدلي ياجاري اوقاتك ويسعد ايامك


ولحتى بالسما إطير وتحقق احلامك


تستعين بريش ال ذكرتو بريش حمامك


ولولا عا لسما طرت وزاد هيامك


وشفت الؤلؤة ولوحتلا في كلامك


ونزلت من سابع سما والبحر ادامك


تاتفطر بغوصك وتخبر الؤلؤة عن صيامك


وتا ما بالبحر يصيرو ياجاري رفئاتك سمك


وتاانقذك من الغرق تراجع يانفوري عن كلامك


الى خالد النفوري


انا شلال الحب ساكن نفوري


وإذا قلبي نفر عن حبكم نفوري


مختار المنتدى ابو علاء نفوري


حلال المشاكل وشيخ الشباب

خالدحموش
07-11-2008, 09:04 PM
وين الاعضاء

لجل من النبك مايوم اسمع عتابا

بورود الجوري تا افرش عتابا

طلو يااهل المنتدى عاشعر العتابا

وكونو كالمطر النازل من السحاب

Destiny
07-11-2008, 09:33 PM
جمعت حروف لعيونكم وأمرها
بمنزول النبك حاضرة وأمُرها
يابي ما اصعب فرقتها وأَمَرها
سوى بابكم ما للغريب باب

حموش وصفك نصوغ منو ذهب
ما زاغ تعبك ولا مرة ذهب
ترى لزين قولك الكل ذهب
وما تركت إلنا أبد غير المتاب

خالد النفوري
07-11-2008, 09:52 PM
إحنا لو طلع الكلام يا خالد ما نسحبا


ولو صار السيف على الرقاب ما نسحبا


إحنا النفوري للغرقان نسحبا


يا جاري يا أغلى الأحباب

swan
08-11-2008, 12:52 AM
طالبتنا بعتابا احنا اهل النبك بالعتابا
من صنع و تاليف اهل النبك عتابا
حاجي حكي حاجي للنبك عتابا
دعوة للشغل و للشعر حاج العتابا
محاولة:o:eek:

لؤلؤة الشرق
08-11-2008, 03:33 AM
نحن بنات النبك وبال علا علينا
بشهد علينا حاضرنا وماضينا
الرجال نحنا ال علمنا و ربينا
وبالشدة بنكون رصاص للي يعادينا

خالدحموش
08-11-2008, 08:56 PM
الى Destiny

على قولك السليم الشاعر حن عودو

وكروم النبك من بعد اليبس اخضر عودو

عودوعلى الضيعة ياخلاني عودو

بتلائي قلبي مضافي للحباب

الىDestiny

لولا قصرت حبابي بالشعر بعينا

ويادنيا لحباب القلب بعينا

ويلي شافت شعري ذهب بعينا

الذهب مايشوفو الا الذهاب

الى الاخ خالد النفوري

مابهاب عنتر لو بجيوش جاني

انا سيفي لرقاب العدا جاني

وحالك ياجاري انت صرت جاني

وخليك مع القوي بعمرك مابتنغلاب

الى swanيلي قالت (محاولة)

ياسوان اذا خالد عاسما الشعر مشمش

اذا ابتعد عن روض النبك مشمش

ويلي يحاول يقطف من اعلى غصن مشمش

الاو ماينال مطلبو من بعد التعاب

الى الؤلؤة( هاد زجل )

نعم يازماني نسوان النبك الاصيلي

حلوين متل الريم والغزالي الكحيلي

ومهما الصقر غاب تا يجيب الغنايم

بتم انثاه ترعى العيلة الجميلي

نعم ورا كل رجل عظيم جفن صايم

عن النومي الهنيي في الليل الجليلي

ومكان شفنا شيوخ واصحاب العمايم

لولا الام المؤمني الحرة النبيلي

صلاح الدين الايوبي نسر حايم

حررالأقصى وعيش القدس الاتيلي

هيهات يانسوان النبك بتربو متل صلاح

تايرجع الاقصى ويقول للعداولي عالرحيلي

خالد النفوري
08-11-2008, 09:23 PM
يا خالد ياجاري أنا منا بجاني

على هلي والله منا بجاني

بس وبس عالورق أنا ترا جاني

حبيبي يا خالد يا أعز الصحاب

Destiny
08-11-2008, 09:54 PM
كريم الطبع كنت ومضياف وفي
فيه بميزانك صنوف الدرّ و في
معاني الأصل والطيب تمّ وفي
بها سطور حفظتا بلا كتاب

معاتبي شوف الزمن والعتب خَلّو
جفت الايام والخلّ عاف خِلّو
ونسي القريب يقول بعيد خَلّو
ما عاد الحمل يتحمل صحاب

بياض الثلج
09-11-2008, 01:22 AM
الأوف والميجنا والعتابا خلقت لنا
وأنت يا خالد حموش تتحدى ومنك أدنا
إن كنت عازف بأوتر الأوركك لنا
وتعلمت منو عتابا هي أصل لنا
نحنا بهل منتدى من دون أوركك
رح نبدع ونكتب ونكون قدك
وبيت العتابا يلي إبتدى من عندك
بينتهي من عندنا وبيكون حدك
بتتحدى مفكر حالك أنت وين
هاد منتدى بيرقصك على اللونين
إستهدي وهدي وتهدى وفكر ياعين
تراك خسران معنا على الحالتين
بتقول العتابا وبتنهي باالجدل
وبتلف بأبياتك على الأصل
أوركك أكيد إلو عليك الفضل
وفضلك علينا فتح للعتابا ألف باب
من دون أوركك بنكتب وبنقول
وبننزل عساحة تحدي وبنصول ومن جول
وبراهان حكي شوف رد كل الأحباب

خالدحموش
09-11-2008, 09:36 PM
الى خالد النفوري

يامحلاكي يابحور لما هديتي ورقتين

وهديي عموجاتك ببعت ورق تين

وبحروف شعري رح اكتب ورقتين

ورقة حب لخالد وورقة للجواب

الىDestiny

انا شجرة الحب بتفاخر بظلي وفيي

وحب النبك عايش فيكي وفيي

وياDestinyانتي بأشعارك وفيي

مأصلي يابنت الحسب والنساب

الىDestiny

انا بجرار الحب اختمر خلي

وعاهدت رب السما ماخون خلي

وياDestinyعيشي الحب وبعيد عنك خلي

الجفا والصد ودروب العذاب

الى بياض الثلج

يابياض الثلج في شعرك تهدي

تا غنيلك عا أورغي الف ردي وردي

انا بي الاوف والعتابا والميجنا

ومتل الام الحنوني بعطفي والمودي

الاورغ الله خلئو قطعة جماد لنا

وماكان يحيا لولا اصابعي وحنية يدي

ماكان بيرقصو على الدبكة حبابنا

لولا الموسيقا يلي ورتني ياها جدي

ويابياض الثلج مافي مجد انبنا من دون بنا

تهدي شوي وللعشرة ومن بعدا عدي

الى بياض الثلج

يامن من بعد غيبي اعلنتي النزال

وقلتي ياخالد عن سرج مجدك انزال

إلساني بقطعو لو مرة بالغلط انزال

انطرني ياجبل قلمون لو جيتك عمر

تغنيلك عتابا وطول بسنينك عمر

كم تمنيت يكون لي رقبة جمل متل عمر

قبل مااعلن كلامي عمسمع منتدانا

انا استاذالشعربرفع مستوا من تدانا

ويابياض الثلج انتي لجينة ومانتي دانا

احترمي هيبة الذهب بعين الغزالي

ومابرهب لو من بعد غيبة الثلج غزالي

انا الذهب انا الشمس واسالي عني غزالي

ياما ياثلج دوبتك بشعاع حري

وخليت الطير يطير بالسما مع حري

روحي اسألي ياثلج وعن حالك حري

مانتي الخليتي بثلجك الناس بالبيوتي

تعي يامي تاعمرلك من اشعاري بيوتي

وغنيلك على لحن اورغي بيوتي

وروح ياطير لحباب قلبي بالغة

يزينو الشعر عمسمعهم بالغة

ولحتى نشوف يابياض مين افصح بالغة

تفضلي عالساحة والشاهد علينا الحباب

ابوشفيقة
09-11-2008, 10:48 PM
انا على بواب شعري كل شويعر باس التوبي وتاب
وخالد وخالد بوجودهم بتحدى جيوش الشعرما بهاب
اهل كرم ونخوة وكلمتهم بلسم لكل مجروح و مصاب
يامتحدي احنا من الشرق النا الصدارة دون العتاب
احسن الك تطلع و تنسحب وانا بأيدي بفتحلك الباب

بياض الثلج
10-11-2008, 04:54 AM
أنا من بعد غيبة جيت وهليت
وللعتاباوللتحدي وقفت وتحديت
يلي تنكر فضل أورغك وما إستحيت
وبتقول عنو جماد يظهر إنك نسيت
إنو بفضلو من بعد الله ما عليت وتعليت
ياحسرة عليك تتنكر لأعز الأحباب
أصابعك لعبت أوتار أورغك
بس أورغك شغل عقلك وفكرك
وبأي حفل إن جيت وحدك
ما بتلزمنا تجي من دون أورغك
شو يرقصنا قدك وحسنك
ولا أورغك يلي جمادو دهب
عم تمدح حالك وتحكي و تجير
شو مفكر حالك أنت الزير
ثلجي لو كان برد و زمهرير
بتهرب منو وحدك وبتلحق نار السعير
أما الناس كلها بتفرح وتطير
ثلج ابيض على كل باب
خالد زيح عن دربي أنا الثلج
بياض للدنيا وللقلوب أفلج
بتعيرني بياضي وبردي ياأعوج
إركز ترى بياضي أغلى طلب
أوعى تفكر بتحداك وحدي
ترى كلنا باالمنتدى يد وحدي
شوف ردودنا كلها وحدي
بنتحداك وبنخفيك ب ليلة وحدي
البنات وخالد وأبو شفيقة وثلج حدي
ينضيعك يلي مسمي حالك أبوالعتاب

خالد النفوري
10-11-2008, 06:16 AM
يا جماعة المهم ما يصير الحكي شخصي ( وخلونا أحباب )

Destiny
10-11-2008, 04:15 PM
خلّي الأصيل لنهر عزّكم وارد
ما منّا جهل ولا بالفعل وارد
حيّا الشهامة غصنها لكم وارد
نعادي عداكم يا شعلة شهاب

قال خير الناس للناس ساري
وطبع الوفا حنّ بالدم ساري
كيف يكون ومفعول صدّهم ساري
يتوب العمل وما جففّت هداب

سمعت جموع حولك للسّهل حَلّو
قالوا لك ترجّل لأن سيطك ما حلّو
ما عرفوا بأن لغزك صعب حَلّو
قولي معك بلا نذور ارهاب

خالدحموش
10-11-2008, 09:13 PM
ا لى ابو شفيقة


ياابو شفيقة ياخليل الروح


اسمك بلسم لكل مصاب ومجروح


ويشهد لك بالمراجل طيور الدوح


ومافي داعي تعصب وتهز بدنك


لحالن بيطلعو والباب مفتوح


الى بياض الثلج


يلي جيتي من بعد غياب هلا فيكي ومرحب


شعري كاحبة بلدي وشعرك مرحب


انا الفلاح وياما عابيدري مرحب


علمني حب بلادي كيف انظم شعر


معي الاورغ سهران باليالي نجدل شعر


وانتي يابياض الثلج بكلامك في شعر


لاهوي عتابا ولا هوي معنا


نحنا بنظم الشعر اغلاط ماعنا


زعلتيني عليكي وصفي البي معنا


وإذا عااللالاغنيت تعي غني علالي


مافي شاعر بالدنيا صوتو علا لي


بحيث قولي سليم وساكن علالي


روحي يابياض الثلج بورق شدي نجمي


وعزمي رفئاتك الغيمي والنجمي


انا كأص البستوني بالسما ساطع نجمي


اذا رحت عالاعراس بكحل جفوني وعيوني


لانو اهل بلدي على فني وعيوني


فجرت ينبوع الشعر ونهور وعيوني


وخليت ارغي بالاعراس يحكي نبكي


واذا يابياض الثلج بالتحدي ضحك نابكي


عخسارتك كلنا بالمنتدى رح نبكي


بعدك على الحرب صغيري وبعدك بالشعر برعم


انا بحر الشعر وفيضي برعم


رح وصيكي عن سيفي هربي تما ضر


بجمهورك والبنات ويلي تما ضر


واذا مفكري حالك الخنساء تما ضر


انا ابو الطيب المتنبي ونزار قباني


والاخطل وجرير والشنفرىبعيار قباني


انا اسمي خالد حموش اشهد من علم


مش متلك يابياض متعود عا علم


ولحتى نشوف مين عندو اكثر علم


نقي موضوع تا نفيد الحباب

خالدحموش
10-11-2008, 09:40 PM
اخوتي الكرام العتابا من صفات بلدنا وجميلة المحاورة فيها وطبعا اخدين الامور بروح مطاطية وما في اي زعل بالعكس فيها متعة جميلة ونحنا اخوة بالبلد والاخص بالمنتدا والحمدلله تجريح مافي وفي كلامنا معاني للكلمة بلغتنا العربية تؤخذ على عدة معاني والكلمة هي نفسها وفيها فصاحة جميلة لمن يدقق في معانيها وارجو ان تكون هذه الكلمة وصلت سليمة الى قرا ئها ويا اخوتي اليوم وضعتو ردي للاخت بياض الثلج التي هي اخت احترمها كثيرا واقدرها لانها انسانة معطائة وادعو لها بكل خير وربي يسلمها لاولادها ولاني اعتز بها كا اخت وصديقة لزوجتي وربي يحميها
والمضمون من الرد او اخر ردي لردها فيها كلمتين لننتقل الى مرحلة اخرى
وهي انو ننتقي موضوع وندخل به ولدينا عدة مواضيع ومنها
الرجل والمرأة
الغربة والوطن
السمرة والبيضة
القناعة والطمع
الغناالفقر
بنت المدينة بنت الريف
العلم في المدارس
العلم في الفطرة
فانا اقول اختارو ونحنو معكم اخوتي في كل ماتريدون ان تختارو ولكن بالعتابا
والاجمل ان نأخذ المرأةوالرجل المرأة تأخذها النساء في الشعرالعتابا والرجل يأخذ دور الرجل
طبعا من الاعضاء لاننا ماشاء الله كل مواضيعنا عن الرجل والمراةوخلافاتهم
واما الاخت داستاني اعتذر على الرد لضيق الوقت ولكن اقول لنا لقاء في ماكتبتي من ابيات لها وزنها وقيمتها وارجو من كل الاخوة ممن لديهم الخبرة او ان يخوض في هذه التجربة ان يشاركنا

ياسمين زمزم
10-11-2008, 11:49 PM
السلام عليكم

أحسنتَ صنعاً باعتذارك أخي خالد فما ظننا سوى أنكم إخوة تكنون المودة و حسن التعامل للجميع

متابعة معكم بإذن الله

Destiny
11-11-2008, 06:50 PM
فليكن
الفكرة تسهّل المهمة .. وتغنِي المضمون
ولك تحديد الموضوعات والبداية والخاتمة لكل منها

بياض الثلج
12-11-2008, 11:45 PM
زعل من مين من بعضهم مايزعلو الاحباب


ونحنا بنتم اهل مهما كترت الاسباب


وهاد فن العتابا فيو سؤال وجواب


وبنشرط على منبرنا يكون من تاليف الالباب


عتابتي ماهي فصاحة ولا لغة وآداب


هي محاولة لنفتح للشعر باب


وإذا انتو اهل بالعلم ياصبايا وياشباب


المرأة والرجل موضوع اصل الدني


بامنا حوا وأدم الاصلو من تراب

خالدحموش
12-11-2008, 11:50 PM
اشكركم اخوتي ymamو Destinyعلى المتابعة وكما اشكر الاخت بياض الثلج على الرد الجميل وسوف نبدأبالمرحلة الثانية وكما طلبت الاخت Destinyوقالت الفكرة تسهّل المهمة .. وتغنِي المضمون
ولك تحديد الموضوعات والبداية والخاتمة لكل منها
وكما تشائون سوف نبدأ

خالدحموش
12-11-2008, 11:55 PM
يابن بلادي في بعدك تروى




وشوف الهجر فينا شو سوى




معك عم سافر السفرة البعيدي




فينا سيف الغربة للجرح كوى




كل يوم عم نحترق في نار الاسيدي




وماحدا عم يشعر فينا من جوى




بعين الشمس والرطوبة الشديدي




بركان الشوق لبلادي دوى




ولجل لولادي جبت البدلة الجديدي




كنت كالصقر وجنحي ابد ماطوى




كلو من اجل ولادي شمعات عيدي




ملقاهم كما غيث المطر للارض روى




ولحتى كون صادق ووصل بريدي




اسمعيني شو رح قلك ياثمرة حوا




(فكرة اولية وهي المصروف )




ياثمرة حوى في كلامي تمعني




بالصدق رايد قلك شو بني




ياما وصلت لايديكي الوف




عاحالك تصرفي وبالعيلي تعتني




رحتي بالتبذير شهرتي السيوف




وصرتي تقولي مين اكتر مني غني




كان ظني توفري شوي في المصروف




أرجعت ولقيتك من جارتك عم تديني

أبو وليم
13-11-2008, 02:36 AM
حيوووووو اب حموووووووووش

Destiny
14-11-2008, 04:27 PM
الغين غرور يحوّش لنا مالو
والراء روح معذّبة تصيح مالو
والباء بريد شوق الغايب وَمالو
والتاء تينة ميتة بأرض الاحباب

أما ما يخص ردّ المرأة فهو ليس برأيي الشخصي وإنما استلزمه العصر ... والعتابا

مقياس الرجال بهالزمن معروف
لا تقلّي شوفي الأصل معروف
بدي دهب وتياب مع روف
فقر الحال ما بيعمل حساب

قبل ما تقول لبلادي أنا راجع
قوم دفتر ديونك وقِيس راجع
صهرك لبيتك حلف مو راجع
لتملى عيون كل الاصحاب

قصر الشوق
14-11-2008, 04:58 PM
متأكدة اختي بأن ما كتبتي ليس رأيك ولكنه مفهوم خاطئ فمفهوم الرجل واحد لايتغغير ردي على ماكتبتي::::::


الرّجال في كل زمان معروف
الرجال اليوم متل قبل مضمون
اخلاق وشهامة وهالشي محسوب
كرم وهمة ومع الحق مصفوف
وبدونهن لا رجال يحكي ولا رجال يقول
الرجال كلمة واللى مو قدها مو موجود
ياصهر بدك البنت منك مطلوب
غنى روح ونفس مو غنى الفلوس
مين قال تغير مفهوم الرجولة اليوم
الرجال رجال في كل العصور



قصر الشوق

م ماهر بحبوح
14-11-2008, 07:07 PM
لك وين كان متخبي هالموضوع قولو

الاحباب بالشعر يتجادلو وباجمل الكلام يجودو

رح اقول شعري بكل عز وافتخارو

كلام من الواقع وليس وهما او خيالو

شعر من قلب ماهر لن أثقل العيارو

ليس مسروق من كتاب او دفترو

انه مرتجل من عقلي واهديكم معانيه

يا منتدى النبك الجميل

قد جمعت ابنائك من كل جيل

ومن عيونك داعبنا هواء النبك العليل

وجمعتنا بصفحاتك كأرقام في الدليل

وجعلتنا عائلة مؤلفة من اخ وصديق وزميل

واعطيتنا الكثير ولم نعطيك الا القليل

انك جمعت النبيلة والنبيل

انت فعلت المستحيييل

فما نحن الا قسم من عمرك الطويل

بوركت يا منتدانا وعلى هذا الدرب اكمل المسير

سلام لك ولمشرفيك من الكبير الى الصغير

ولاعضائك من الاخ الى الصديق الى الزميل

تقبلو مروري مع اجمل التحيات

خالدحموش
14-11-2008, 08:17 PM
اولا بشكر الاخ ماهر وبرحب فيك على هذه الصفحة البيضاء وطبعا اخ ماهر نحن سعداء بك في مشاركتنا هذا الحوار الجميل في الشعر والعتابا وانا بشكرك من كل قلبي على هذه الكلمات الجميلةالتي تنبع من قلب صافي ونحن يااخ ماهر اذا قرأت البيوت في العتابا تجد اننا متحاورين حول موضوع يخص الرجل والمرأة ويسعدنا انضمامك الى ساحتنا واسميها ساحة ومعركة حب وشعر العتابا بين الاخوة وكي لا نبتعد عن الموضوع الذي نحن فيه حول العتابافيما بين الرجل والمرأة احببت ان ابعث لك ردا وليس شعرا فيما قلت كي لا اخرج عن الموضوع واتمنا ان تكون بيننا فيما نتحاور من بيوت العتابا حول المرأة والرجل وأعود واشكرلك هذه الكلمات التي عبرت عنها فيما قلت متمنيا ان تبقى معنا ولك الخيار في هذا الحوار في الشعر ان تختار الرجل ام المرأة وعلى اي احد منهم تدافع بالشعر والعتاباواشكرك اخ ماهر وكما اشكر الاخ ابو وليم على المرور

خالدحموش
14-11-2008, 08:46 PM
الى Destiny


اللام لهيب الشوق لبلادي فضا


الواو وين الذي بالرحلة بالملقى فضا


الطاء طائي الكرم صرف دهب وفضا


النون نادى للضيف ونحر اصيلو عالبواب


الى Destiny


لكم بلقي ياحبابي بالفقر خطابي


واسئلو عن الاصل لودق بابكم خطابي


ولا تنسو الخليفة عمر ابن الخطابي


بتوب مرقع حكم لبلاد العراب


الى Destiny


ردك عن الرجل ياDestinyعجبني


انا سقا الحب مأرسل وردي عجبني


بنت الاصل بتعيش عخبزي وعجبني


ومابدها من الحرير ازها تياب


الىDestiny


انا مهمني التوب لو كان مهرا


همني ببنت الاصل لو غبت تكون مهرا


وان جاني صهر مؤصل لبنتي بدفع مهرا


وبملي عين يلي مابيمليها تراب


الى قصر الشوق


طيرك ياماهر عقلب القصر خطابات


يسلم ثغر من عظم الرجل بخطابات


دعائي لربي يبارك لكم خطابات


ويكون الو فق نبراس الحباب


فكرة ثانية


يابنت حوى لا سؤالي عللي


زيني كلامي وفي جوابي تأملي


انا الي سرجت ظهور العيس


وعدرب الغربة رحت ماشي هرولي


مأ كلي رز وعدس وتميس


وصمت من اجل جبلك قرص العسلي


وماكان جسمي بالتعب يرتاح ولا يقيس


من اجل جمع مهر زندي ينسى مللي


وإنتي ياناطرة عافرس ابيض يجيكي عريس


ويغرد في قفص زواجك بالحب بلبلي


صرتي تشوفي حالك كالدر النفيس


وعلينا بالمهر العالي تطلبي وتدللي

بياض الثلج
15-11-2008, 01:44 AM
ياجماعة في مشكلة عم عاني منها بالرد الرد ماعم روح كل يلي كاتبتو وصرلي من مبارح باليل عم حاول شو السبب مابعرف

قصر الشوق
15-11-2008, 07:16 PM
تسلم ايديك يا أخي يا خالد حموش
بس حوى عطول عليها حكم المظلوم
ونسيتو انو ورا كل عظيم حوى بتكون
لك لا بدنا مال ولا جاه وقصور
نحنا بنات حوى في الأصل منجود
بدنا هالعريس يقدر على طحنا بالو يطول
بدنا حب وعاطفة ومنعيش ع خبز التنور
لك يا مسافر في الغربة فيها لا تطول
بنت الأصل يلي بتحبك وعيونك بتصون
وبنات حوى في الأصل منجود
جمال وأدب والدلال لينا مسموح
ويا صهر منك مو كتير مطلوب
انت هالبنت اخترت
ولازم بعيونك عيونها تصون




قصر الشوق

بياض الثلج
16-11-2008, 03:58 AM
اخ خالد عم حاول رد بس ردي ما عم يكون منثق.والكتابة تصير على شكل اسطر متلاصقة..اتمنى معرفة السبب ممن يعرف السبب؟؟

خالدحموش
16-11-2008, 09:40 PM
قصر الشوق

كلامك ياقصر الشوق كلو قيمي

ويابنات حوى خففومن النميمي

واتذكروا الغلطة الكبيري بالتفاح

المنها هبطنا عالارض من شجرة عقيمي

وانا متل آ دم بها الدنيا مابرتاح

والسبب بالغوى قوة عاطفتك الحميمي

كنت بعدني بالجنة وبالكوثر انا سباح

بجنات الخلد مربع على الكرسي الفخيمي

ونعم يابنت حوى معك اقوى سلاح

بسمة ونظرة وبحة صوت رخيمي

وشعر كما الشلال بالهوى لواح

وقوة صبر وسكينة وعاطفة سليمي

وعندك الامان طيب كالزنبق الفواح

وعندك بقلبك من الحب قوة عظيمي

معناتها مين انتي ؟بسأل الارواح

اكيد انتي الجنة وبها المعلومي انتي عليمي

وانا المضيع الجنة ولبوابها انتي المفتاح

افتحي بواب جنتك لآدم بقوة وعزيمي

أبــو حــلا
06-01-2009, 04:59 PM
لئيم النفس بعمري ما عزتو
وكريم النفس بقلبي معزتو
والراعي الي ما بيتفقد معزتو
لا يأمن عليها من الدياب

أبــو حــلا
06-01-2009, 05:05 PM
سلوا سيوفهم بالكبد حكمو
وجرحي ما قدر دكتور حكمو
ومتل ما بيفرض المعبود حكمو عليّ
بيحكمو عيون الحباب



دمتم بخيروادام الله
مجاهدي غزة وبابل
ومنتظر الزيدي وصلاح الدين
وعبد العزيز الرنتيسي
وصدام حسين


اخوكم ابو حلا

خالدحموش
09-03-2009, 11:29 PM
تشكر اخ ابو حلا على البيوت واذا كنت جاهز للحوار بالعتابا وللمتابعة نحن جاهزون وخبرنا برد بسيط لنكمل المشوار واذا كان من الاخوة حدا حب يتابع معنا بتكون المحاورة اجمل فيامرحبا بالجميع