المساعد الشخصي الرقمي

عرض النسخة كاملة : أولكرر سكسيك


worod
15-10-2008, 06:04 AM
السلام عليكم هذه أول مشاركة الي بالمطبخ بتمنى تعجب الكل

المقادير

http://www.alnabkvb.net/vb/uploaded/1715_1224292706.jpg (http://www.alnabkvb.net)
2علبة قشطة عادية
2علبة بسكويت سادة
1ظرف كريمة دريب ويب بودرة
و4 ملاعة كبار سكر
و4 ملاعق كبار كاكاو
ورشة فانيلا وجوزهند أو شوكلاتية للتزيين

أما الطريقة سهلة كتير بنخلط كل المقادير مع بعض ما عدا البسكوت وبيطلع عنا مزيج ثخين شوي
بنحط المزيج 10 دقايق بالثلاجة

http://www.alnabkvb.net/vb/uploaded/1715_1224292736.jpg (http://www.alnabkvb.net)
وبعدين بنجيب البسكوت وبنصير ندهن كل وجه بسكوتة ونلصقها بالتانية
هيك حتى يصير عنا قالب كامل

http://www.alnabkvb.net/vb/uploaded/1715_1224292763.jpg (http://www.alnabkvb.net)
وبعدين بنغطي القالب كلو بالمزيج وبنحطو كمان 5 دقايق بالثلاجة وبعدين بنبرش فوقو الشوكلاتية وجوز الهند
http://www.alnabkvb.net/vb/uploaded/1715_1224292922.jpg (http://www.alnabkvb.net)

وعند التقطيع لازم نقطعو مثلثات حتى ما يبين انو معمول من البسكوت


http://www.alnabkvb.net/vb/uploaded/1715_1224292814.jpg (http://www.alnabkvb.net)
وصحتين وهنا بتمنى يعجبكون


http://www.alnabkvb.net/vb/<a href=http://www.alnabkvb.net target=_blank>http://www.alnabkvb.net/vb/uploaded/411-123952243.jpg
●•°BaSmA°•●
15-10-2008, 04:03 PM
هلا بالغالية ورود
وهلابهالوصفة الذيذة
كأنو طيبة وشكلها جديد
بس يا ريت لو تحملي الصور من جديد لأنو ما في صور :(
وأهلا وسهلا فيكي بمطبخنا
نور القسم بموضوعك الحلو
ANGEL LOVE JAME
15-10-2008, 04:43 PM
فكرة حلوة
وكأنها طيبة
يعطيك العافية يا ورود وكأنك أسم على مسمى هيك حاسة
شكرا كتير
worod
17-10-2008, 07:57 PM
شكرا بسمة على الإطراء الحلو وانشاء الله بكون عند حسن ظنك وفرحتيني بالرد


وكمان شكر كبير الك غصن الحياة والله خجلتيني بكلامك الحلو
شكرا لمرورك على الموضوع
§Nosa§
17-10-2008, 09:13 PM
تسلم إيديكِ يارب الفكرة حلوة وباينتا من المكونات إنو طيبة ....الله يعطيكِ ألف عافية يارب..وبانتظار تحميل الصور لنشوف القالب وإن شالله بدي جربا لأنو بحب أكلات الحلويات اللي فيها البسكويت..بوركتِ
سران
17-10-2008, 10:43 PM
بايتنو بيشهي من مقاديروا ( لانو ما طلعتلي الصور ) :)
بس كانو خرج ريجيم :Dيعني هيك مقاديروامو دسمة بنوب :D:rolleyes:
خلص انشالله راح اسوي باقرب فرصة
ومشكورة كتير اختنا ورود
swan
18-10-2008, 12:16 AM
بشكرا على الوصفة سهلة و بسيطة و اكيد طيبة
ع الاغلب هون بالنبك عم يسموها حجار القلعة ما نمي متأكدة لو الصور ظاهرة كنت اتأكدت
بس ولا يهمك مشكورة و عم ننتظر الصور
worod
18-10-2008, 02:24 AM
السلام عليكم جميعا

نوسة الغالية نورتي بردك وأنا كتير بتشكرك على الكلام الحلو متلك
وصدقيني بنصحك تجربيها كتير طيبة وأنا فكرت انو الصور نزلو معا بس ......
على كل حال رح جرب مرة تانية نزلون وشكرا كتير

مرحبا سران ...هوي الحقيقة الرشاقة مطلوبة لكل بنت وست بس من جهتي انا ما بقاوم الأكل الحلو
وهاي الوصفة أو الطبق بس يخلص وتدوقيه ما بتحسيه انو حلو كتير كتير
وشكرا لمرورك الطيف

حبيبتي swan
والله معك حق لأنو أنا بصراحة بصراحة تعلمتا من وحدة نبكية كتير شاطرة
بأكلات الحلو بس هالطبق عجبني لأنو وقت بتقدميه قطع ما بيباين أنو معمول من بسكوت
وشكرا كتير الك
worod
18-10-2008, 02:33 AM
http://www.alnabkvb.net/vb/uploaded/4114_1223952190.jpgأسفة بس أنا لهلق ما عم يركز معي تنزيل الصور بس رح ضل حاول
worod
18-10-2008, 02:41 AM
http://www.alnabkvb.net/vb/uploaded/4114_1223952243.jpg (http://www.alnabkvb.net)
رؤى
18-10-2008, 02:45 AM
انا جي ع بالي الحلووووو
و بحب هالنوع من الحلو السريع التحضير و سريع في زيادة الوزن انا من الليباكل حلو كتتير و ما بقدر قاوم الحلو بجميع انواع
مشكورة ع الوصفة اللزيزة
دموع الورد
18-10-2008, 03:36 AM
تسلم اديكي ورود وصفة شهية بس ظبطي الصور مقلوبة ان شاء الله اجربها عن قريب يا قمر
●•°BaSmA°•●
18-10-2008, 05:28 AM
تمت إضافة الصور أختي الغالية ورود
ما شاء الله الفكرة رائعة وبسيطة والمكونات طيبة بنفس الوقت
تُضاف إلى المفضلة ....
وبانتظار وصفاتك وإبداعك بإذن الله
ربي يعطيكي ألف عافية
worod
18-10-2008, 07:37 PM
شكرا للجميع وبعتذر مشان الصور بس الواحد اذا ما عرف من أول مرة بيتعلم
رؤى هالأسم كتير بحبو وهلأنور بموضوعي اسمك شكرا الك

أما دموع الورد نحنا متشابهين بالورد وأنا متأكدة انك كتير أنسانة مذوقة من اسمك
لأنو الي بحب الورد لازم يكون هيك

أما بسمة فأنت الورد كللو شكرا بسمة
ملكــ النبك ــة
20-10-2008, 08:18 PM
الله يعطيكي العافية اختي ورود شو هالشغل بس بدي قللك هلأ انا بعمل أكلة حلو اسمها كعكة البراد وبنسميها سكسيك غير هي الأكلة تماما مشان هيك استغربت من اسم الاكله
ببقى بعملها ان شاء الله وبنزلها ونحنا بانتظار جديدك
cute betterfly
21-10-2008, 02:25 AM
ورود يسلمو كتير وصفة مميزة

من حيث الطعم وسرعة التحضير

بس انا كنت إعملها من قبل وأخي يفكرها

سندويشة وياكلها متل ما هي هههههههههههه

تقبلي مروري

كـــــــــــــــــــــاتي
worod
21-10-2008, 04:33 AM
مرحبا مرحبا أسم على مسمى
صحيح يا ملكة النبك هديك السكسي بتختلف شوي والي فيها بيتكسر البسكوت
بس كلو سكسي جربيها وصحتين وهنا وشكرا لردك


شكرا كاتي
والله بيني ويبنك انا كمان وقت كنت اطالع القالب من البراد ما احس انو قطعة تكفيني بقا جيبو كلو
وبالا شعور ما يضل فيه غير الفتافيت
على كلا هوي حلو اذا جايي لعندك ضضيف قصدي بتساوى بسرعة
شكرا الك ولمرورك
المتغربة
03-04-2009, 04:03 AM
شكرا ورود هاي يمكن أسمها حجار القلعة يمكن هيك
بس كتير طيبة أنا مجربتها
شكرا وتقبلي مروري
worod
03-04-2009, 04:43 AM
أهلا بالمتغربة والله ما بعرف يمكن الو أسماء كتير
المهم الطعمة طيبة
شكرا لردك ونورتي الموضوع