المساعد الشخصي الرقمي

عرض النسخة كاملة : ●•°حلوان خطبة(Tigerوقصر)من بسمة °•●.


●•°BaSmA°•●
06-10-2008, 05:49 PM
السلام عليكم ورحمة الله وبركاته
حبيت قدم ضيافة على طريقتي لجميع أعضاء المنتدى الغالي ,بمناسبة خطوبة أخونا Tigerوأختنا الغالية قصر الشوق
دعواتكم لهم بالتوفيق والتمام على خير إن شاء الله,
ربي يوفقكم ويسعدكم وعقبال كل الشباب والصبايا


الجبنية
من مطبخ منال العالم
والمكونات
3كوب طحين
3 ملاعق صغيرة حليب بودرة
ملعقة صغيرة خميرة
نصف ملعقة صغيرة ملح
نصف ملعقة صغيرة بكنغ بودر
ربع كوب زيت
نصف كوب جبن سائل
تلات أرباع الكوب ماء دافئ
ربع كوب سكر
بيضة
رشة فانيليا



للحشو:كيري -تمر



تُعجن جميع المكونات وتُترك لترتاح مدة نصف ساعة فقط لا داعي للتخمير
نفرد العجين بالشوبك ونقطع بكأس دوائر صغيرة تُحشى بالكيري والتمر كما في الصورة
وتُشكل على شكل الملبس http://www.lakii.com/vb/images/smilies/smile.gifبواسطة الضغط بالابهامين والسبابين يعني لازم ما نخليها مفتوحة هي ما رح تأثر بالقلي بس المنظر بيطلع مو حلو
أرجو أن تكون الطريقة واضحة
http://www.alnabkvb.net/vb/uploaded/1715_1223299779.jpg (http://www.alnabkvb.net)
تُقلى في زيت غزير وتُرش بالقطر أو النسلة عالخفيف لأنو العجينة فيها سكر طبعا


http://www.alnabkvb.net/vb/uploaded/1715_1223300202.jpg (http://www.alnabkvb.net)


جربوها نصيحة
طيبة كتير وخفيفة
وللأمانة طيبة بنفس اليوم
يعني لحقو حالكن وكل واحد ياخد حصتو :)
عاشقة الشهادة
06-10-2008, 06:01 PM
يسلم اديكي
والحلو بيقدم حلو
وشكرا على البادرة الحلوة منك
الله يعطيكي العافية ورح جربها وردلك خبر
وبتقلك امي نزليلها حلو دايت لمريضي السكر
شايفة رديت أول وحدة مشان أخد حصتي على بكير
الله يعطيكي العافية يارب
م ماهر بحبوح
06-10-2008, 06:02 PM
هههههههههههههههههههههه يسلمو بسمة والله الضيافة مباينة من شكلها بتشهي هاتي لنشوف بلكي مننعدى من أخونا ومنقلو انشالله الف مبروك والتمام على خير انشالله

وانتم السابقون ونحن انشالله منكون من اللاحقون

تقبلو مروري والسلام عليكم
●•°BaSmA°•●
06-10-2008, 06:08 PM
أهلا بأختي الغالية عاشقة الشهادة
بصراحة عندي كم وصفة دايت بس ما بحب نزل شي مو مجرب
تكرم عينك وعين الست الوالدة بجرب هالوصفات وإذا طلعو تمام فورا بنزلهن
لأنو الكل بحاجة لتنظيم الاكل مو بس المرضى
والله يعافي الوالدة ويعافي كل مسلم يا رب

أخي ماهر مليح لحقت حالك واتضيفت وإن شاء الله بنفرح فيك وبكل الشباب والصبايا عن قريب

يا ميت أهلا وسهلا شرفتونا .....
§Nosa§
06-10-2008, 07:24 PM
ماشالله ...شي بشهي والله...تسلم إيديكِ يارب ..بدي جربها بكرة إن الله راد..باينتا طيبة وغريبة بنفس الوقت..
الله يجزيكِ الخير.. وألف مبروك للعرسان بالهنا والتوفيق يارب...
●•°BaSmA°•●
06-10-2008, 07:33 PM
أهلا بك غاليني نوسا
فعلا هالوصفة غريبة وما تخيلت تكون طيبة ولذيذة وخصوصا ان العجينة فيها جبنة طعهما كتير مميز
والأحلى من هيك أنو ما بتغب زيت بالقلي
جربي وعم استنى رأيك ان شاء الله
وصحة وهنا يا رب
pinkgloss
06-10-2008, 09:23 PM
يميييييييييييييييييييييي
شو شكلها طيب يلا انعدوا منون يا شباب مشان كل يوم نشوف اكلة طيبة
●•°BaSmA°•●
06-10-2008, 09:57 PM
يا هلا بنجمة النبك
عقبال لما نباركلك بنجاحك يا رب
هَيما
07-10-2008, 01:43 PM
يا سلام عليكي يا بسمة ما شاء الله شي بشهي
الله يعطيكي العافية
هلئ لكان انتي عليكي الجبينة و انا عليي الكيك
و البزر و الموالح و عدة المتة و التبولة على نوسا :d :d :d :d
هَيما
07-10-2008, 01:47 PM
لا توخذوني راح فكري لبعيد و اخدنا الحلوان من العرسان
لكان منأجل مشروع المتة لبعد المباركة ههههههههههه
●•°BaSmA°•●
07-10-2008, 08:02 PM
هههههههه
ضحكتيني هَيما :)
بعرف لوين راح فكرك ,وإن شاء الله بجهز الجبنية تكرم عينك أنتي بتأمري أمر
وألف مبروك للعرسان
§Nosa§
07-10-2008, 08:11 PM
هههههههههههه
أي موتكرمي هيما وكل شي علي أنا.. نحنا بس نلتقى ولاتعملوا شي أنا بعمل كل شي.. بس مشان مانزعل بسمة بتعمل الجبنية :rolleyes::cool:..
نبكي واعتززززز
07-10-2008, 11:20 PM
ماشاء الله عنك يا بسمة شي حلو وبشهي

هلأ الصور بدل على انو شغلك رائع بس يا ترى الطعم كيف لازمنا حكم يحكم

ومرحبااااااا
●•°BaSmA°•●
08-10-2008, 01:54 AM
أهلا بنوسا
أكيد ما بتقصري أدها والله
صار لازم نجتمع بزيارة وإن شاء الله بتكون قريبة

أهلا ب moon friend
والله بشهادة اللي حولي بقلك طيبة
وطيبة كتير لدرجة أنو أنا ما بحب القلي بس عملتها أكتر من مرة برمضان
لأنو الكل حبوها خفيفة ولذيذة
بس بدها شغل مو خرج العزابي يشتغل فيها لأنو بدها ترتيب وشغل هادي

بلك حدا بجربها وبيعطينا رأيه
شكرا لتواجدك أخي مون وأهلا وسهلا فيك
worod
08-10-2008, 02:06 AM
بسمة من إيديكي كل شي بيشهي وكأنو بتخلي الواحد على طول متل الصايم قدام أكلاتك الي بشهو
أنا بحب أجرب كل شي بتساويه ولونو ما هندي كتير وقت بس على طول بحاول واليوم رح جرب كاتو التمر وانشاءالله ينجح شكرا بسمة
مبروك للعرسان وانشاءالله يتوفقو دايما ويعيشو حياة حلوة سوا
دموع الورد
08-10-2008, 02:13 AM
اولا مبروك للعروسين وانشاء الله التمام على خير يا رب وعقبال كل العزابية والعزابيات يلي بالمنتدى وثانيا
اختي بسمة شهادتي مجروحة فيكي وبطبخك انتي بتعرفي قديش انا من معجبينك ومعجبين طبخك لذلك سوف اجرب هذه الطريقة وبردلك
يسلمو اديكي ويعطيكي العافية ;)
●•°BaSmA°•●
08-10-2008, 09:55 PM
أهلا بأختي الغالية ورود شكرا لإطرائك الحلو هاد من زوئك
وخبريني كيف طلعت كيكة التمر وصحة وهنا يا رب

عزيزتي دموع الورد
أشكرك من كل قلبي لمتابعتك مواضيعي وردودك المشجعة
وألف صحة وهنا يا رب
Tiger_Hacking
09-10-2008, 05:57 PM
يسلمو والله ويخليكي اختنا العزيزة بسمة الدنيا
ماشاء الله عنك
دائما سباقة

سلمت الايادي
بس شو مشان بنا ندوق الطعمة ؟؟؟؟


يعطيكي الف عافية يارب
ويسلم ايديكي مرة تانية
درة البحر
09-10-2008, 11:27 PM
السلام عليكم
نشكر مبادرتك حبيبتي بسوووم
حقيقة الصفحةالأولى ماعم تفتح معي إن شاء الله الي رجعة
بس حبيت أشكرك عزيزتي بسوم
‏
وأبارك لأخي تايغر وأختي قصر الشوق
الله يوفقم ويبارك لكم
‏
أتمنى أن تنال مباركتي المتأخرة القبول
‏
أختكم
●•°BaSmA°•●
10-10-2008, 10:33 PM
أهلا بأخي Tiger
أبارك لك مرة أخرى وبالتوفيق إن شاء الله

أهلا وسهلا بالغالية على قلبي درة البحر
من زمااان ما شفناكي عنا
نورتي الموضوع ونور قسم سوالف بنات
تسلمي يا رب وبتمنى تفتح معك الصفحة بالزيارة القادمة وإن شاء الله بتلاقي شي يعجبك
Destiny
12-10-2008, 03:35 PM
ألف مبروك لـ (تايغر وقصر) وبالتوفيق يا رب
إن شاء الله على طول بتضل أيام الجميع مناسبات سعيدة
وأكيد الحلوان منك بسمة إلو غير نكهة
وبنضيفها لقائمة اختبار القدرات :)
يسلمو دياتك ويعطيكي العافية يا رب
***al nabk pearl**
12-10-2008, 05:05 PM
مشاء الله عنك يابسمة
شو هل شغل هاد من ا لصور مبيني كتييييييييير طيبين
عقبال عند الكل اذ الحلوان هيك رح يكون
ياعيني

تحيـــــــــــاتي
●•°BaSmA°•●
14-10-2008, 02:09 PM
غاليتي ديستني
تواجدك بصفحتي دائما بفرحني
وردك المميز كتير بيسعدني
عقبال لما نباركلك بنجاحك يا رب
موفقة ان شاء الله

لؤلؤة النبك
ياأهلا وسهلا فيكي
زاد الموضوع روعة بردك الحلو
تسلمي يا رب

وعقباااال الجميع إن شاء الله
baby3
16-10-2008, 01:08 AM
يسلموا ايديكي يا basmaوالله شي بيشهي
و الف مبروك للاعضاء tiger ,و قصر الشوق
عقبال لما بنفرح باولادك و بنعملن الحلوان نحن
●•°BaSmA°•●
18-10-2008, 12:17 AM
أهلا بأختي الغالية
تسلمي يا رب
يخليلي ياكي وما بتقصري والله
نرجس
04-11-2008, 09:19 PM
والف الف مبروك للأخ tiger واخت قصر الشوق

ومشان الحلوان مبين انو طيب

وانشالله بدي ابقى جرب ساويه


مشكورة اخت بسمة
●•°BaSmA°•●
10-11-2008, 09:55 PM
أهلا بأختي نرجس
جربيه وإن شاء الله بيعجبك
ألف صحة وهنا