ايهم اصدق المراة ام الرجل بلدموع؟

[nataly]

الدمعة ابسط تعبير عن الغضب


الدمعة احلى تعبير عن الفرح


الدمعة هي التي تريح القلب


حينما يكون مثقلا بلالم والهموم


عندما تنزف اخر دمعة من العين


فانها تريح معها اخر وهلةمن الهم اللذي بلقلب


لذلك فهي نعمة من الله


لكن الدمعة تختلف من شخص لاخر


تختلف دمعة الرجل عن دمعة المراة والسؤال هناااااااااااا



من يكون الاصدق في دمعته؟الرجل ام المراة ؟


هاتو رايكن لاشوف

[ma7aba]

الصدق ليس له جنس

المرأة تبكي في عيونها و الرجل يبكي في قلبه

,قد يكون اي منهما صادقا و قد يكون كاذبا بدموعه ... بكلامه ...بتعامله ... و حتى بايمانه

و دائما نقول الله اعلم

[م ماهر بحبوح]

انا بعرف انو المرأة على اي شي بتبكي مهما يكون بسيط ودمعتها سخية وايمت ما بدها تبكي بتقدر تبكي

اما الرجل اذا ما حصر الزعل والغضب لاخر درجة ما بقدر يبكي

فأكيد الرجل لما ببكي بكون دمعتو اصدق لانها بتكون على شي مستاهل

مشكورة نتالي وتقبلي مروري

والله يبعد عنا البكاء والدموع وتكونو على طول مبتسمين

[nataly]

شكرا محبة على مرورك رد حلو كتير وموزون فعلا الصدق ما بيعرف جنس معك حق
وكتير شكرا

مشكور يا ماهر عمرورك وفعلا انا بنظري كمان ان دمعة الرجل ما بتنزل الا للشديد القوي وربي ما يفرجيكم بكى بحياتكم بس لا تظلم المراة مو كلنا بنبكي لاي سبب ومنهم انا والله ما ببكي الا لاكون علاخر
وشكرا لمرورك

[عاشقة الوفا]

يؤيؤيؤ ماهر هاد الي طلع معك انو بنبكي ع اي سي سخيف
لا موهيك نحن دموعنا غالية مابتنزل غير ع شي غالي
مادخل الصدق بمرأة ام رجل لا انما الظروف الي بنجي ع الانسان وبتبكيه هي الي بتحكم سواء رجل ام مرأة بس بتضل المراة دموعها اصدق مابعرف هيك بحس
الدمعة هي التي تريح القلب والله لايبكي حدا من قلبو ماهر ابكي من عيونك

[خالد النفوري]

في كلمتين بيتألفوا من نفس الأحرف متحسس ومتمسح
يلي بيتحسس من أي شي بكون حساس يعني متل ما بقولوا قلبو رقيق
ويلي ما بيتحسس من أي شي بكون متمسح وقلبو قاسي
ومو يعني الرجال يلي بينزلو دموعو انو ناقص رجولة أنا ماعندي كبير غير الله وباكل قراشة الملح بلا ملح بس في ظروف كتيرة الدمعة على طول بتنزل مني وذكرت مبارح بموضوع معاكسة فتاة المنقول إني وقت القريت الموضوع نزلت دموعي وبظن نتالي من هديك اللحظة بلشت كتابة هالموضوع لانو الها رد بموضوعي هداك
وفي مرة داقت عليي الدنيا وصار عليي ديون آجار بيت ومصروف عيلة ومطالبات عمال من شغلة خسرت فيها فوقت يلي رفعت اديي ادعو الله صرت ابكي متل الولاد الصغار
وفي مواقف كتيرة فأحياناً بكون متابع تمثيلية وبحس انو واحد مظلوم والكل عليه بتهر الدمعة وإذا شفت كنة عم تظلم أم بحس امي هي يلي بالتمثيلية بقوم بطفي التلفزيون على طول فهادا بيرجع لحساسية الواحد
وهون بقول انو النساء عندن الحساسية اكتر من الرجل ودائماً حقهن مهضوم بمجتمعنا فالرجال بحكمة طلعتو وفوتو وانو بياخد حقو بايدو وبيحسن يرد لللاساءة بكل جراة اما النساء ففي كتير شغلات بخلوها بقلبن وممكن تنفجر باي لحظة بتحس حالها مظلومة بس بتكون عم تبكي وتفش خلقا عن ميت شغلة محبوسين من زمان يعني بيطلعو مرة وحدة ببكاء شديد ونحنا ما بنلوما لانو حقها مهضوم باكتر الاوقات بمجتمعنا واذا حكت وفشت خلقا بتكون يعني قليلة ادب هيك مجتمعنا يلي بيطلع للرجال ما بيطلع للمرا
وسامحونا

[nataly]

مشكور عمرورك يا خوليو بدي اسئلك انت خوليو ولا جوليو ؟
المهم كلامك كتير فيه اصلا كلو صدق حسيتو وفعلا كلامك صحيح
والله لا يعود يفرجيك ايام تدايئك ولا انت ولا كل انسان ما بيستاهل يا رب

[ألأسطورة]

دمعة الرجال الحقيقية والصادقة غالية كتيررررررررر
ودمعة الانثى المحبة هي الي بتحبس دمع الرجل لانو بلاقي انو في مين عم يبكي عنو
وهي وجهة نظري بس بشكل عام دموع الرجال اصدق لقلتها

[الاستاذ]

الجواب محسوم يا نتالي الرجل طبعا أصدق بدموعه لأنها لا تخرج الا من فؤاد مجروح أو من شعور عميق ,أما المرأة فالدموع عندها سلاح تستخدمه " غالبا " حسب الحاجة و حسب الظروف ولديها قدرة بارعة في التحكم بغدد الدمع لديها لتعصرهم عندما يكون الوقت مناسبا لذلك وهذه ميزة فريدة يمكن أن نسميها " ادارة الدموع " وهنا أحب أن أفرق بين الدموع والعاطفة فالقدرة على استخدام الدموع لا تعني القدرة على استخدام العواطف فهذه الأخيرة قليلون من يتحكمون بها سواء من النساء او الرجال , مع عدم الانكار ان المرأة عاطفية أكثر من الرجل ولكن هذا لا يعني بالضرورة أن دموعها صادقة دائما .و الله أعلم ...

[بسمة الروح]

انا بلاقي دموع الرجل اصدق لانه ما بيبكي الا على شي مستاهل
أما المراة احيانا بتبكي على شي ما بيستاهل البكي والحزن
والله لا يبكي حدا

[nataly]

مشكورين اسطورة والاستاذ وبسمة الروح بس فربكن لا حدا يتحيز مع الرجل ويقول انو نحنا بنبكي لاي سبب والله دموعنا غالية علينا ومارح عمم موكلنا

[pretty]

الدمعة الصادقة ليس لها جنس ..

المعروف انو المرأة حساسة لذلك دمعتها أسخى من الرجل ..

وبرأي الدمعة غالية... وإن فاضت مو لازم حدا يشوفها ..

شـــــــــــــــــكرا لكـ ...

[nataly]

مشكور بريتي عمرورك واي فربكن بلا تحيز

[دلع القمر]

برأيي فعلا الصدق ليس له جنس
تقبلي مروري
ويسلمو

[$!LoLo CaTy!$]

انا براي وبكل صراحة


دموع الرجل اصدق

وهاد مو يعني انو دموع المراة مو صادقة


هلئ الرجل مابيبكي غير بلوئت يلي لازم يبكي فيه باوئات بتكون كتير صعبة عليه

انا المراة لانها رئيئة يمكن تبكي بمجرد انها شافت ولد ضايع من اهلو وعم يبكي

او يمكن على دعاية تلفزيون


وكل شخص عندو حرية راي

بتمنى انو يعجبكن رأي

تحياتي

[لولوالصغيرة]

السلام عليكم

أنا أول مرة بشارك معكم وبتمنى تتقبلوني أخت جديدة بأسرتكم

بالنسبة لي أرى أن الصدق مسألة فردية فهناك إمرأة كاذبة وهناك رجل كاذب

لا أعتقدأن دموع الرجل أصدق لمجرد أنه لايذرفها بسهولة

ولا دموع المرأة كاذبة لأنها تذرفها بسهولة

وقانا الله وإياكم شر الكذب والكاذبين بدموع وبغير دموع


لكم تحياتي