المساعد الشخصي الرقمي

مشاهدة النسخة كاملة : للأسئلة والإستفسارات عن الطعام



النسيم
02-09-2008, 02:47 AM
الســـــــــــــــــــــل ام عليكـــــــــــــــــــــ م




هـــاد الموضوع مشـــان نفيــد ونستفيد



أنا عندي سؤال

كيــف بـــدي أســوي الــرز بحليــــب ؟




تحياتي :



أخوكم نسيــــم

Tiger_Hacking
02-09-2008, 03:04 AM
فكرة رائعة
بس بدك عاد البنات تجاوب
لانو انا اذا بدلك عالرز بحليب بجوز يطلع معك برغل بفول مثلا

بس فكرتك رائعة

●•°BaSmA°•●
02-09-2008, 04:36 AM
أهلا بك أخي الكريم
اتفضل هالرابط فيو عيار الالماسية
وإذا بدك رز بحليب
ضيف قبل النشا رز مسلوق
ممكن ليتر الحليب ياخد كاسة شاي رز قبل السلق
ولطعم أحلى وأروع
حط بالحليب ورقتين من نبات العطرة وبتشيلن قبل السكب (إذا متوفرة )
وصحتين وعافية

تشكيلة منوعة من مطبخي بمناسبة شهر الخير (http://www.alnabkvb.net/vb/showthread.php?t=23343)

وأي سؤال أنا جاهزة إن شاء الله

م ماهر بحبوح
02-09-2008, 05:42 AM
الله يخليلنا الشيف بسمة

النسيم
02-09-2008, 05:02 PM
مســــــا الــــــورد


شكرا جميعا على الردود الطيبة


وشكرا أخت بسمة على الوصفة


ســـــــلام

أم عبد الرحمن
06-03-2009, 01:40 AM
:gh:السلام عليكم ورحمة الله
كنت مارة بأحد المواضيع وشفت اسم طبخة بحبها وما بعرف طريقة طبخها
فضوت اللمبة :confused:يعني جاتني الفكرة


الفكرة بتتلخص أنه كل واحد عايز مقادير وطريقة طبخ أكلة معينة
يسأل عنها هون وبنساعد بعض وبنتبادل الخبرات المطبخية

مين بيعرف كيف بتنطبخ الملقسة

سران
06-03-2009, 01:54 AM
والله فكرة كتير حلو
ومفيدة كمان في كتير شغلات ما بنعرفها
يعني مو بس عن الطبخ عن الشغلات المنزلية كمان
شكرا الك ام عبد الرحمن

●•°BaSmA°•●
06-03-2009, 01:08 PM
أهلا بأم عبد الرحمن
بعد سؤال الوالدة الله يخليلي ياها اتفضلي طريقة الملقسة :
يُسلق العدس واللوبيا بمقدار زبدية لكل نوع مع كيلو من البصل
ولما تستوي تضاف دحابيل العجين المكونة من كأس برغل وكأس وربع طحين مع الماء وطريقة عملها كالتالي:
((تعجن المكونات وتُحضّر دحابيل صغيرة بحجم حبة الحمص وتُضغط بالاصبع قليلا))
نضيفها هي وقطع البطاطا سويا
عندما تستوي البطاطا نعرف أن العجين استوى
ومن ثم نضيف تقريبا 3 زبادي حمص مسلوق مسبقاً
نعمل تقلاية من زيت الزيتون ويُضاف أخيرا مع الكمون
وصحتين وهنا إم عبد الرحمن
بانتظار الملقسة من أم عبد الرحمن تنور قسم المطبخ ;)

توريطة :)

M-R-M
06-03-2009, 02:03 PM
والله فكرة حلوة , والله يعطيكون العافية...
بعد إذنكن بدنا طريقة صنع الفلافل...لأنو أكيد بالبيت أطيب و أنضف من برا..
و إزا في مجال كمان بدنا طريقة المخلل...

●•°BaSmA°•●
06-03-2009, 02:29 PM
بالنسبة للمخلل جربت طريقة من فترة وكتير ناجحة الحمدلله
مرة عملت خيار وجزر طيب كتير ونااجح

ومرة عملت تشكيلة من الخيار والجزر والفليفلة وعض الملفوف
طلع طيب بس الملفوف أثر شوي على طعم مخلل الخيار
إذا جربت تعمله اعمل خيار فقط أو خيار وجزر ما بأثر وبقية الخضراوات مع بعضها
والطريقة هي
تضع 15 كاسة ماء مع 5 كاسات خل على النار مع كاسة ملح (رائحة الخل مزعجة شوي لكن النتيجة راائعة )
لما تبدأ بالغليان تسكبها فوق الخضار يلي مجهزها بمرطبان يُفضل زجاج
تُغلق المرطبان وانتظر النتيجة لمدة أسبوع بالكتير
وبتاكل أطيب مخلل صنع بيتي
وهي مخللاتي :)
احتفظ بالمخلل مبردا بعد الفتح
http://www.alnabkvb.net/vb/uploaded/1715_1236342260.jpg (http://www.alnabkvb.net)

إن شاء الله الفلافل في وقت تاني وإذا حدا عندو طريقة مضمونة يفيدنا فيها
شكراا للجميع

أم عبد الرحمن
06-03-2009, 09:26 PM
بيسعدني كتير تفاعلكم السريع مع الموضوع
مشكورة بسمة على وصفة الملقسة
لكن عندي سؤال البصل يسلق مع المكونات -يعني يقطع ويسلق مع العدس واللوبيا

طريقة الفلافل
ينقع الحمص يوم كامل بالماء الساخن
يطحن بمفرمو اللحمة مع قليل مكن الكزبرة الخضرة وثوم
يرش عليه الملح وبهارات الفلافل (بهرات خاصة للفلافل من البزورية)
تعجن المكونات جيداً وأخيراً معلقة كربونة
تقريبا معلقة أكل من الكربونة لكل كيلو حمص
وأثناء العجن يضاف قليلاً من الماء يعني مي قليل كتير

يحمى الزيت ونضع القالب المخصص للفلافل في صحن ماء ثم نضع فيه مقدار ملعقة من عجينة الفلافل
ويقلى وصحة وهنا

أم عبد الرحمن
06-03-2009, 09:32 PM
أما بالنسبة للمخلل
مخلل الخيار ما عم ينجح معنا في السعودية يمكن من طبيعة الخيار نفسه بسرعة بيصير طري
أما المخلل اللي بعملوا كتير هومخلل اللفت والشوندر
نقطع اللفت بعد تقشيره ويرش عليه ملح صخري
نقشر حبتين شوندر لكل كيلو لفت وتقطع أو يسلق الشوندر ونأخذ فقط ماء سلقه مع حبة شوندر
نضع ماء بمقدار القطرميز الذي سنكبس به المخلل
ونضع ملح بصراحة أنا ما بعير الملح بدوب الملح وأدوقه حتى يصبح طعم الملح زاكي نضيف ملعقة كبيرة من السكر للماء
ونضع اللفت والشوندر وممكن إضافة الجزر معهم ونتركهم حوالي أسبوع بيتخللوا ثم نضعهم بالتلاجة لأن مع الشوب في السعودية بيطروا بسرعة والمخلل أطيب مقرمش
بحاول أنزللكم صولر المخلل قريباً

أم عبد الرحمن
06-03-2009, 09:38 PM
مخلل الفليفلة المحشية
ننضف الفليفلة من البذور ونحافظ عليها كاملة بدون قطع الرأس
نقطع جزر وملفوف وخيار وقرنبيط بمقادير متساوية
نهرس حصين من الثوم وتخلط المكونات ونرش عليها الملح
تحشى الفليفلة بالخضار وتغلق بغطائها وتصف في القطرميز
ندوب الملح ويفضل الملح الصخري ونضع قليل من السكر وروح الخل
وأول ما يبتدى لون الفليفلة يتغير من الأخضر اللى الكموني توضع بالتلاجة لتضل مقرمشة
وصحتين وهنا

lwoai
06-03-2009, 10:56 PM
أما بالنسبة للمخلل
مخلل الخيار ما عم ينجح معنا في السعودية يمكن من طبيعة الخيار نفسه بسرعة بيصير طري
أما المخلل اللي بعملوا كتير هومخلل اللفت والشوندر
نقطع اللفت بعد تقشيره ويرش عليه ملح صخري
نقشر حبتين شوندر لكل كيلو لفت وتقطع أو يسلق الشوندر ونأخذ فقط ماء سلقه مع حبة شوندر
نضع ماء بمقدار القطرميز الذي سنكبس به المخلل
ونضع ملح بصراحة أنا ما بعير الملح بدوب الملح وأدوقه حتى يصبح طعم الملح زاكي نضيف ملعقة كبيرة من السكر للماء
ونضع اللفت والشوندر وممكن إضافة الجزر معهم ونتركهم حوالي أسبوع بيتخللوا ثم نضعهم بالتلاجة لأن مع الشوب في السعودية بيطروا بسرعة والمخلل أطيب مقرمشهالطريقة فعلا اختي ام عبد الرحمن طريقة سريعة وفعالة جدا وانا على طول بساويها بس ما بكبس مخلل بالقطرميز

بسوي في قارورة الماء الكبيري وبما انو عنقها كتير صغير فهالشي بساعد في نجاح المخلل لانو ما بنفس ولا الو مجال لتنفيس

شكرا على طرح الافكار ويعطيكن العافية وينولكن الرضا والعطا يا رب

swan
06-03-2009, 11:52 PM
ماشاء الله
ع السريع لبيتو النداء
و طبعا مشرفتنا بسمة دائما تلبي و تاتينا بالخبر اليقين متل ما بقولو
الفكرة كتتير حلوة اختي ام عبد الرحمن
شكرا الك على الموضوع
و من المتابعين معكون بلكي بصير اعرف اطبخ

أم عبد الرحمن
07-03-2009, 12:21 AM
بيسعدني تفاعل الرجال بقسم المطبخ
أخ أبوأحمد معك حق القنينة بتنفع للمخلل ماعدا الفليفلة المحشية
بس بدها وقت كبير بتعبايتها
أنا بستعملها بتحلاية الزيتون

أم عبد الرحمن
07-03-2009, 12:26 AM
ماشاء الله
ع السريع لبيتو النداء
و طبعا مشرفتنا بسمة دائما تلبي و تاتينا بالخبر اليقين متل ما بقولو
الفكرة كتتير حلوة اختي ام عبد الرحمن
شكرا الك على الموضوع
و من المتابعين معكون بلكي بصير اعرف اطبخ

هلا بسوان

شايفة ماشاء الله بارود اهربو

ردك وتشجيعك الحلو ولايهمك إنت سألي واللي بيعرف الرد بيجاوب
أنا تخرجت من الجامعة وتزوجت وسافرت عالسعودية يادوب كنت أعرف أقلي بيض ورز ببزاليا
وبعد أسبوع كنت مسوية جعيلة كشك بجزر
مع التصميم وكترة الأسئلة مافي شي صعب

أم عبد الرحمن
07-03-2009, 01:47 AM
شو رأيكم
نضيف للموضوع نكهة جديدة
نصيحة صغيرة بترافق طلباتكم

حتى تتخلصي من رائحة سلق الملفوف (اليخنة) ضعي في ماء السلق ملعقة طعام من الخل

جربي ودعي لي

●•°BaSmA°•●
07-03-2009, 02:45 AM
نعم أم عبد الرحمن البصل يُسلق مع اللوبيا والعدس

أما بالنسبة للفلافل أنا بعرف أنو بتنضاف بيضة للخلطة قبل القلي
فما بعرف يمكن الطرق بتختلف
حتى طريقة الوالدة فيها إضافات تانية ,بس أسألها بنزل الطريقة

بالنسبة للمخلل أنا عم اعمله بهالطريقة والحمدلله نال إعجاب الجميع وما صدقوا إنو شغل بيت :) وبالنسبة الي فرحانة بالنتيجة تمام مع أنو زاد الشغل :(بس بضل شغل البيت غير طعمة

أما بالنسبة للإضافات والنصائح بتمنى تورينا بهالموضوع وتقدميلنا النصائح الرائعة من مطبخ أم عبد الرحمن :)
http://www.alnabkvb.net/vb/showthread.php?t=25497

مشــكورة

أم عبد الرحمن
07-03-2009, 02:40 PM
هلا ببسمة
شكراً لك
شكراً الك على الاضافة
أنا بصراحة ماعملت فلافل على إيدي بعد بس سمعت وصفتها من ست بيت وسألتها عن موضوع وضع البيض قالت هي إضافات مشان تشبك العجينة متل هبلرة الكبة ناس بحطوا بيض أوكربونة وبيض وناس طحين أونشلء
بالنسبة للاضافات والبهارات في النبك بالبزورية موجود بهارات للفلافل محوجة جاهزة وبتقبل نكهة الكزبرة الجافة
يعني بالنهاية ماحدا فينا إجى من بطن إمه متعلم وبسبب غربتنا وبعدنا عن أمهاتنا الله يخليلنا ياهون بنستفيدمن بعض وبنسأل وبنتعلم مو غلط

أكيد طريقتك بالمخلل راح تكون ناجحة والدليل الصحن اللي مقدمتيه الله يسلم الأيادي
أناقلت بصراحة مابعير بقدر تقدير وبعتمد على تذوق الملح مشان هيك
الأفضل بالأول اعتماد المقادير المؤكدة متل ما تفضلت بسمة بمقادير الخل والماء وأنا بس لاقي خيار صغير وقاسي بجرب طريقتك يابسمة وبخبرك النتائج

أم عبد الرحمن
07-03-2009, 02:51 PM
صحن مخلل لفت:


http://www.alnabkvb.net/vb/uploaded/7550_1236430064.jpg (http://www.alnabkvb.net)

وصحن مخلل فليفلة محشية:

http://www.alnabkvb.net/vb/uploaded/7550_1236430160.jpg (http://www.alnabkvb.net)

وحديث المخلالات بشهي المجدرة
تفضلوا صحة وهنى:
http://www.alnabkvb.net/vb/uploaded/7550_1236430258.jpg (http://www.alnabkvb.net)

أم عبد الرحمن
16-03-2009, 08:14 PM
للأخت بسمة أقول:
بانتظار الملقسة من أم عبد الرحمن تنور قسم المطبخ

كأن الملقسة تأجلت للشتوية الجاية مع الشوب اللي طب علينا فجأة
وهي الأكلات موطيبة غير بالبرد


عندي طلب لو سمحتوا
عاوزة منكم عيارات للعوامة تكون مجربة ومضمونة
لأني جربتها مرة وفقعت في الزيت العجينة وطرطشت الدنيا زيت
وبسمع أنو الرجال شاطرين فيها أكتر من النسوان

طيب ليش شوالسبب؟؟؟؟؟؟

●•°BaSmA°•●
17-03-2009, 01:36 AM
أهلا أم عبد الرحمن
معك حق أكلات الحبوب أبداً مو مقبولة بهالشوب :(
للشتوية القادمة بإذن الله

بالنسبة للعوامة تفضلي طريقة نوسا
http://www.alnabkvb.net/vb/showthread.php?t=23574

وتفضلي العوامة من مطبخ الوالدة
http://www.alnabkvb.net/vb/showthread.php?t=23630

والطريقتين مضمونين بإذن الله
أهم شي عدم بل الاصابع بالماء متل ما البعض بيعمل
وعلى كل حال موضحة طريقة الشغل بموضوعي
وصحة وهنا

أم عبد الرحمن
17-03-2009, 11:07 PM
مشكورة كتير بسمة
الله يخليلك الوالدة هالعوامات ذكروني بسيدة نبكية ماشاء الله عنها عملتلنا عوامة في بيتها وكنا مجموعة كبيرة
المهم راح أجربها وبخبرك بالنتايج
عندي عيارات لحلاوة الجبن إذ بتحبي بنزلك ياهن

worod
30-03-2009, 04:53 AM
أم عبد الرحمن بحب أشكرك على طريقة مخلل الفت
بس عندي سؤال بس قطع اللفت ورش عليه الملح لازم أتركو مدة معينة ولا لا
وتاني شي بكبسهون يقطرميز ولازم يكونو مضغوطين ولا ما بيأثر اذا كان القطرميز غطاه عادي
يعني مو مضغوط
وشكرا

أم عبد الرحمن
12-04-2009, 11:41 PM
أم عبد الرحمن بحب أشكرك على طريقة مخلل الفت
بس عندي سؤال بس قطع اللفت ورش عليه الملح لازم أتركو مدة معينة ولا لا
وتاني شي بكبسهون يقطرميز ولازم يكونو مضغوطين ولا ما بيأثر اذا كان القطرميز غطاه عادي
يعني مو مضغوط
وشكرا
الأفضل تتركي اللفت مملح لفترة حتى يتشرب الملح
وموضروري الضغط أنا بكبسهن بقطرميز عادي يعني غطاه عادي
وأحيانا بحط على الوجه كام جزرة بس بقشرها ما بقطعها مشان تكبس اللفت
المهم وضع الشوندر أو ماء سلقه مشان اللون

وصحتين وهنى أسفة عزيزتي ورود على تأخري بالرد

heira
14-04-2009, 08:04 PM
ياجماعة الخير
بدي اطلب منكن طلب
بما انكن بسم الله ما شاء الله ما في شي بيصعب عليكن
اذا حدا بيعرف يعمل شوربة شوفان ....أو أي أكلة فيها شوفان
وشكراً سلفاً

أم عبد الرحمن
14-04-2009, 08:30 PM
ياجماعة الخير
بدي اطلب منكن طلب
بما انكن بسم الله ما شاء الله ما في شي بيصعب عليكن
اذا حدا بيعرف يعمل شوربة شوفان ....أو أي أكلة فيها شوفان
وشكراً سلفاً
تكرمي عزيزتي

راح أعطيك مقادير شوربة الشوفان بالدجاج:
1/2 كيلو دجاج
كوب ونصف شوفان
قليل من هذه البهارات ( قرفة -هيل -كمون-فلفل )
2 فص توت
حبة طماطم
عصير ليمونة

طريقة التحضير
نغلي الدجاج في الماء (وليتر ونصف ماء) ونزيل الزفرة
تضاف كل المكونات ما عدا الطماطم والشوفان
يترك الدجاج يغلي على النار حتى ينضج
ثم نضيف الشوفان وعصير الطماطم ويترك على نار هادئة لمدة ربع ساعة مع التحريك
وهكذا تكون الشوربة جاهزة ويمكن خلطها بالخلاط حتى تصبح متجانسة
تقدم ساخنة مع عصير الليمون

وإن شاء الله بتعجبك الشوربة
عزيزتي الشوفان ممكن إضافته لأطباق عديدة
أنا سمعت كثيراً عن فوائده ولاحتوائه على الألياف
يعني مع منزلة البزاليا والجزر وشوربة الخضار بضيفه ولقيته كتير طيب وبيعقد الطبخة

●•°BaSmA°•●
14-04-2009, 09:28 PM
مشكورة أم عبد الرحمن ما قصرت
بإمكانك استخدام الشوفان بعض الحلويات متل الكيك والمعجنات
بالنسبة الي بضيفو بكيك التمر بتطلع الكيكة صحية وكلها فائدة بوجود التمر والشوفان

بإمكانك تضيفي رشة مع الكبب الهندي كمان في ناس جربتها والنتيجة رائعة

وفي نوع بسكويت من الشوفان مكون من

1/2 كوب زبدة طرية
كوب سكر
1/2 ملعقة بيكنغ باودر
1/4 ملقعة بكربونات الصوديوم
1 بيضة
ملعقة صغيرة فانيلا
1 و 1/4 كوب طحين
1 كوب شوفان
1 و 1/3 كوب جوز هند
1 كوب تمر مفروم او زبيب

اخلطي جميع المكونات ما عدا الشوفان و جوز الهند والزبيب أو التمر
ولما يتجانس الخليط ضيفي خلطة الشوفان وحركي بالملعقة
الخليط رح يكون غير متماسك ,اعملي كرات صغيرة بايدك واخبزيها في فرن حامي عال 180

وإذا اتذكرت وصفات تانية بكتيها كمان
إن شاء الله تلاقي طلبك :)

heira
15-04-2009, 08:28 AM
يسلم ايديكن
أم عبد الرحمن شكراً كتير الك
basma والله ما قصرتي
يعني متل السحر ... شو هالسرعة ؟؟؟؟؟؟
بسم الله ما شاء الله الله يحميكم

أم عبد الرحمن
15-04-2009, 03:09 PM
يسلم ايديكن
أم عبد الرحمن شكراً كتير الك
basma والله ما قصرتي
يعني متل السحر ... شو هالسرعة ؟؟؟؟؟؟
بسم الله ما شاء الله الله يحميكم

ولاو العفو منك
هدفي من الموضوع أصلا هو تبادل الخبرات
وما لازم الواحد يبخل بأي شي بيعرفوا
ياعيني ماحدى إجى من بطن إمه متعلم
الحياة بتعلم كتير وخاصة الشغلات الجديدة اللي عم نشوفها ونسمع عنها القدامى ما كانوا بيعرفوها ومنها الشوفانفيه فيتامينات كتير وألياف وبيعطي نكهة للأكل ظريفة وبيساعد على تعقيد الطبخة يعني تشابكها

تيم الله
18-06-2009, 02:01 AM
مرحبا لو حد بعرف كيف بساوو الكستر
ممكن يقول
ومشكورين سلفا

●•°BaSmA°•●
18-06-2009, 02:50 AM
هل بتحب الطريقة السريعة للكستر ولا طريقة تحضير الكستر كامل بالبيت ؟
إذا الطريقة السريعة :
فهي نصف ليتر حليب (2 كأس) يوضع مع بودرة الكستر وهو بارد ويحرك ويوضع على نار هادئة مع التحريك ونتركه مدة دقيقتين بعد الغليان ثم نسكبه فوق الكراميل ويبرد
وإذا في أي إضافات من الأخوات أكيد ما بقصرو
إن شاء الله كون أفدتك

تيم الله
18-06-2009, 03:08 AM
مشكورة اخت باسمة عالرد السريع تعبتك معي

●•°BaSmA°•●
18-06-2009, 02:23 PM
أهلا وسهلا
ما عملت إلا الواجب شكرا لك

أم عبد الرحمن
20-06-2009, 03:07 AM
أخ تيم الله

تفضلت الأخت بسمة باعطاء طريقة الكسترد أو حتى الكريم كراميل الجاهز

عندي وصفة لعمل الكسترد بالبيت وهي
المكونات:
2 بيضة -برشة ليمونة
100 غرام زبدة
1/2 كوب سكر
2 ك حليب
معلقة كبيرة نشاء
طريقة التحضير
-تخفق على البارد جميع المكونات
- توضع على النار مع التحريك المستمر حتى الغليان ومن ثما تجمد
- تصب بقوالب أو حسب الرغبة

تيم الله
20-06-2009, 03:16 AM
مشكورة إخت ام عبد الرحمان وانشاءالله رح جربو

تيم الله
27-07-2009, 10:45 PM
مرااااحب
ممكن تخبروني كيف بساوو الباشاميل
ومشكورين كتير

●•°BaSmA°•●
27-07-2009, 10:57 PM
اتفضلي هالرابط للجوهرة الغالية الغائبة عنا

؛؛ لــــعيون دقة قلـــــــب 000 اطيب طبق سباكيتي بالبشاميل ؛؛ (http://www.alnabkvb.net/vb/showthread.php?t=10046)

للأخت أريج الجنة

معكرونة بالبشاميل والدجاج (http://www.alnabkvb.net/vb/showthread.php?t=25611)


إن شاء الله يفيدوكي :)

تيم الله
28-07-2009, 01:35 AM
مشكورة اخت باسمة على ردك
والله يعطيكي العافية

YalowSnow
30-07-2009, 10:58 PM
السلام عليكم

ازا في امكانيه طريقه تحضير المعكرونه بميه البندوره او البن !!!

وازا في وجبه تانيه خفيفه التحضيرا يرجا ارفاقها

فضلاً لا امراً
ومشكورين سلفاً

●•°BaSmA°•●
31-07-2009, 02:04 AM
أتمنى أن تفيدك هذه الروابط أخي الكريم وأهلاً بك..

معكرونة بالبشاميل والدجاج (http://www.alnabkvb.net/vb/showthread.php?t=25611)

هي تسكيتة جوع وتوفير وقت (http://www.alnabkvb.net/vb/showthread.php?t=25801)

أكلات معاكرين { بس شغلة غير شكل } (http://www.alnabkvb.net/vb/showthread.php?t=25583)

معكرونه ليبية من تحت اديي (http://www.alnabkvb.net/vb/showthread.php?t=24168)

سباكتي بالجزر والبازلاء (http://www.alnabkvb.net/vb/showthread.php?t=25482)

تشكيلة معكرونات (http://www.alnabkvb.net/vb/showthread.php?t=24269)

معكرونة قواقع (http://www.alnabkvb.net/vb/showthread.php?t=20913)

طبخة خفيفة ........الاسباكيتي بالفطر (http://www.alnabkvb.net/vb/showthread.php?t=17498)

؛؛ لــــعيون دقة قلـــــــب 000 اطيب طبق سباكيتي بالبشاميل ؛؛ (http://www.alnabkvb.net/vb/showthread.php?t=10046)

http://www.alnabkvb.net/vb/images/misc/subscribed.gif أما شو عشاء بيجنن ولا تنسو الحلو بعدو { ولا تزعلو والعصير كمان ما نسيتو } (http://www.alnabkvb.net/vb/showthread.php?t=25758)

@ اللـــــــــــــــزانيا @ (http://www.alnabkvb.net/vb/showthread.php?t=28448)

YalowSnow
31-07-2009, 02:11 AM
سلمت يداكي

عذرا لاكني لم الاحظ هذا الموضوع

مرعي أبو سما
06-09-2009, 07:38 AM
الله يعطيكن العافية بدي نشط هاالموضوع لحتى اسأل الإخت بسمة من خلالو

على عيار للمعمول غير هاد هوي هاد طيب جربتو بس موكتير


وبعدين صادفتني مشكلة انا وعم اعمل معمول انو الطبعة تبع القالب يعني صورة الوردة

بس عم اشوي الصينية عم تروح الرسمة بالكامل مع انو عندي قالبين جداد والرسمة بتطلع على المعمول
اما بس اشويها بصير السطح املس معقول من العجينة فيها شي غلط ؟؟

وشكرا وكل عام وانتو بخير

●•°BaSmA°•●
06-09-2009, 04:15 PM
أهلين أخي أبو سما
السبب لما بتروح الرسمة عند الشوي بكون الدهن المستعمل زايد شوي
وبما أن هون العيار بالكاسات فممكن يفرق حجم الكاسة المستعملة وبظن هاد السبب
كيلو الطحين بالكاسات المعيارية بساوي 6 كاسات
يعني هالعيار كيلو ونص وكاسة
عيارك كان على هالأساس ولا كيف ؟

دموع الورد
07-09-2009, 03:32 AM
بظن انو لازم ترتاح العجينة كتير مشان ما تروح الرسمة
ويعطيكن الف عافية

مرعي أبو سما
07-09-2009, 05:34 AM
شكرا لردك اخت بسمة والله انا استعملت العيار بحزافيرو يعني بالكاسات بس طبعا نص هالعيار

يعني كل شغلة اقسمها بالنص لأنو كتير علينا العيار كامل

بس انا سؤالي مافي غير هالعيار

يعني مابنحطلو خميرة مثلا او شي ينكه لأنو مو كتير طيب على رأي الي داقو

وليوم كنت بدي جرب القراص اخدت العيار الي كاتبتي انتي

بس صادفتني مشكلة انو مالقيت خميرة حلو دورت كتير وماحدا بيعرفها هون ولا الها غير اسم؟؟؟

وشكرا مرة تانية

●•°BaSmA°•●
07-09-2009, 06:26 AM
هلئ مشان عيار معمول طيب ومضمون صراحة أنا ما جربت
بس في هي الطريقة ,مع أنو يلي بعرفه أنو المعمول فيو طحين وطحين فرخة اللي هو السميد الناعم

بس شفت أنو في كتير عالم مدحت هالمعمول وناوية جربو بأقرب وقت وهو

كيلو طحين (6كاسات)
400غ زبدة
1 كأس حليب بودرة
1 كأس زيت نباتي
1 كأس سكر ناعم
2بيض
نص ملعقة من (خميرة-بكنغ بودر -فانيلا-شمر -حبة البركة )

بنترك الزبدة في جو الغرفة حتى تسيح ونخفقها مع الزيت ثم السكر ثم البيض ثم الفانيلا
نخفق المزيج حتى يصير متل قوام القشطة
نضع الحليب والشمر وحبة البركة والبكنغ بودر والخميرة على الزبدة مع الاستمرار في الخفق
نضيف الطحين تدريجيا حتى يصير عنا عجينة متماسكة





إذا حبيت جرب هالطريقة ومتل ما تفضلت حضرتك جرب بنص المكونات أحسن وأضمن كأول تجربة



وبالنسبة لخميرة الحلو
أم يوسف ما قصرت الله يجزاها الخير من فترة سألتها نفس السؤال بموضوع القراص وقالتلي
اسمها نشادر وتوجد في (الصفصاف +معرض الفاكهة في اسواق عتيقة)
أنا هدول المحلات ما بعرفن اشتريتها من شارع المنتجات السورية والاردنية

موفق يا رب وصحتين وهنا
ولو جربت المعمول أو اي طريقة تانية ونجحت معك يا ريت تخبرنا
وأنا إذا جربته ونجح ,بنزل تجربتي فوراً إن شاء الله

●•°BaSmA°•●
07-09-2009, 04:39 PM
لقيت عيار معمول كمان حبيت فيدك فيه
6 كاسات سميد
3 كاسات دقيق
كوب ونصف حليب بودره
كوبان ونصف سمنه سائله
ربع كوب سكر
ربع كوب ماء زهر
نصف كوب ماء ورد
نصف كوب زيت قلي
ملعقة صغيره خميره
ملعقة صغيره محلب
ملعقتان يانسون مطحون ناعم

يُنقع السميد مع السمنة قبل بيوم وتاني يوم بنخلط باقي المكونات

هالعيارو العيار الاول صراحة عجبوني وشفت تطبيقات حلوة عليهن بغير منتديات
لولا كتر التطبيقات عليهن ما بحط المكونات هون
وإن شاء الله بالايام الجاية بجرب العيارين
اختار يلي بترتاح لمكوناته أكتر وبالتوفيق يا رب

مرعي أبو سما
08-09-2009, 07:02 AM
الله يعطيكي العافية اختى بسمة واشكر اهتمامك والله انا ليوم جربت العيار الي حطيتي والصور معي
بدي نزلك ياهن بس ام سما نايمة وانا مابعرف حمل الصور
المهم والله انا العيار عجبني اكتر من القديم بكتير والشكل مرتب اما الي داقو قالولي انو لازم يكون

هش اكتر من هيك وهلأ وقت شفت العيار الي فيوو سميد الت لازم يكون هادا هوي بلكي بنجربو

بما اننو المكونات بعدا موجودة وصحي لقيت الخميرة عند الصفصاف مع اني رحت لعندو اول شي وسألتوعلى خميرة حلو الي مابيعرفها
ليوم رحت التلو نشادر دغري عرفها وشكرا مرة تانية اختي بسمة ان شاء الله بجرب هالعيار وبخبرك

●•°BaSmA°•●
09-09-2009, 01:28 AM
صحتين وهنا يا رب
أول شي نقلت الردود على هالموضوع يمكن حدا يشوف الاستفسار ويعطينا عيار معمول طيب
وحبيت قلك أنو جربت معمول السميد وما طلع تمام
بيختلف كتير عن معمولنا
السميد واضح فيو تمام
وهاد غير انو بعزب كتير بالشغل وبفتفت وعالشوي مو المعمول يلي بعرفه
هاد غير طريقة بنوب

أنا عم دور على طريقة مضمونة يكون فيها طحين لحاله او سميد الفرخة الناعم
إن شالله نلاقي طريقة طيبة وناجحة

ولو طبقت شي طريقة ونجحت يا ريت تنزلها
بالتوفيق يا رب

تحسين ابو نقافة
09-09-2009, 06:08 AM
الله يجزيكي كل الخير انت عارفة انوا نحنا عزاب اكتر اكلنا النواشف والاكل الجاهز
يشل حركة الجهاز الهضمي
انا بحب الملوخية كتير كيف اسرع طريقة لعملها
والله يخلي لزوجك ولايحرموا منك لانوا لعندو فنانة متلك بضلو شب
شكرا كتير

●•°BaSmA°•●
09-09-2009, 10:22 PM
شكرا لك أخي تحسين
يخليلك أهلك وأحبابك يا رب
للأسف ما في طريقة سريعة للملوخية
بس ممكن نعملها على مراحل يعني تجهيز مسبق وهيك بنخفف علينا وقت الطبخ
1-بنجيب ملوخية خضرا وبنيبسها بمكان فيو تهوية جيدة غير معرض للشمس
2-لما تيبس بشكل جيد بننقعها بالمي مدة ساعة مش أكتر
3-نغسلها عدة مرات بالماء حتى تنضف من الاتربة الموجودة فيها
4-نعصرها بشكل جيد ونقليها بشوية سمنة ولية
5-على جنب بنكون غتينا وسلقنا لحمة موزات أو دجاج
6-بنضيف الملوخية فوق اللحمة مع كزبرة خضرا مقطعة ومغسولة وكم سن توم مهروسين والملح وهدول كافين لإعطاء الملوخية طعمة طيبة أنا ما بضيف مطيبات عليها غير الكزبرة والتوم
7-بنتركها على نار هادية حتى تستوي وتقل كمية المي يلي فيها
وصحتين وهنا
ممكن متل ما قلتلك تعملها على مراحل يوم تيبيس (وإذا بدك شي سريع ممكن تلاقيها ميبسة خالصة بالسوق )
ويوم بتغسلها وبتلفحها وبتطبخها ايمتى ما حبيت
هيك ما بتحس بالتعب منها
إن شاء الله كون أفدتك .

البطيخ
30-09-2009, 02:09 PM
بدي طلب من طباخين المنتدى :كيف بدي ساوي الدفين +رزبالحليب ومشكورين

●•°BaSmA°•●
30-09-2009, 10:53 PM
بالنسة للرز بحليب بتلاقي الطريقة هون
●•°حلويات رمضانية °•● (http://70.38.49.13/vb/showthread.php?t=23630)
أنا نزلت القمح بحليب بإمكانك تستغني عنو بس إذا موجود ضيفي بيعطي طعمة طيبة وفائدة أكبر بإذن الله

أما الدفين
بعد ما تغتي اللحم ويفضل لحم بعضمه بتسلقي للحم بالبخار أو بشكل عادي ولما يسوتي بتضيفي البرغل مع الملح حسب الرغبة
كمية البرغل تقريبا كأس برغل لاربع او خمس كاسات مي
لما يستوي البرغل بنضيف السمنة العربي للبرغل متل ما بنضيفها للرز وصحتين وهنا

البطيخ
01-11-2009, 08:59 AM
السلام عليكم جميعا ممكن استفسار بسيط ليش قسم الطبخ ماعم يتجدد كل يوم بفوت متشجعة لشوف شو نازل اكلات جديدة بس مابلاقي شي وكتير معتمدة على هالقسم بتعلم الطبخ فوينك يابسمة وياام عبدالرحمن وياكل الشيفات بهالمنتدى عمأستناكن ولاتأخذوني

●•°BaSmA°•●
01-11-2009, 11:05 PM
أهلا بالغالية
أول شي بشكرك لمتابعتك قسم المطبخ
تاني شي كلمة شيف أنا كبيرة علي لسى عم أتعلم وجرب وغامر بعالم الطبخ والنفخ :d
ومعك حق المطبخ تغير بالفترة الأخيرة بسبب انشغال الأخوات وظروف السفر
وبالنسبة لي فأنا في فترة إجازة ان شاء الله ما تكون طويلة
وبوعدك إن شاء الله المطبخ رح يرجع متل أول وأحسن إذا تيسرت الظروف
وإذا بتحبي مواضيع معينة يا ريت تخبريني أو تبعتيلي عالخاص
وإن شاء الله بنشوف مواضيعك وتطبيقاتك و تخبرينا عن تجاربك بقسم المطبخ

لميس*
05-12-2009, 11:09 PM
بصراحة ماما حابة تعمللنا مرتديلا بابيت
وحابة حدا يساعدني اذا بيعرف
بلللللللللللللللللللللللل لليز جواب

●•°BaSmA°•●
06-12-2009, 01:05 AM
تكرم عينك لميس
اليوم صدفة شفت طريقة عملها
لي عودة إن شاء الله لأكتبلك بالتفصيل :)

●•°BaSmA°•●
06-12-2009, 01:35 PM
عدنا
مبارح شفت طريقة مرتديلا لحم البقر على الطريقة الحلبية
والطريقة سهلة كتير
كيلو لحم هبرة مفروم يُفضل تكون هبرة عجل أو خروف لأنها بتكون أفضل وأجود
قطعة لية مفرومة ناعم
كأس خبز مطحون أو بقسماط
بيضة
توم مهروس
ملح _فلفل أحمر _شطة _بهارات مطحونة مشكلة حسب الرغبة
مكسرات استعملو فستق حلبي

تُخلط جميع المكونات بشكل جيد مع بعضها حتى تتجانس
بنفرد قسم على ورق نايلون مرشوش بشوية مي وبنلفها بشكل اسطواني مع الانتباه للضغط الجيد بهالمرحلة حتى ما ينتزع شكلها عند السلق
بعدين بننقلها لورق قصدير بنلفها بشكل محكم وبنسقطها بمي عم تغلي مع شوية خل
بتاخد وقت ساعة ونص تقريباً
تُبرد وتُقدم

طريقة مرتديلا الدجاج نفس الخطوات السابقة باستخدام نصف كيلو صدوردجاج مخلاة من العضم مع نصف كيلو أفخاد دجاج مخلاة من العضم
ان شاء الله ما كون نسيت شي
إذا جربتوها خبرونا وألف صحة وهنا
سلام للوالدة الكريمة :)

لميس*
09-12-2009, 11:17 AM
شكرا الك اخت بسومة
يعني ما بعرف كيف بدي اشكرك
ماما بتسلم عليكي
وانشا الله باقرب وقت بجربها

لميس*
09-12-2009, 11:47 AM
عفوا بس انا حابة كمان اسأل سوأل تاني
يعني ممكن اني كون كتيرة اسالتي بس عن جد الاخت بسومة شجعتني كتير
وصرت اي سوال يخطر على بالي ما اتردد ودغري اسألو
المهم:
ممكن اعرف طريقة عمل الشوربة بالفطر
بالبيت
وشكرا كتير

●•°BaSmA°•●
09-12-2009, 12:00 PM
أهلا بالغالية لميس
الله يسلمك ويسلم الوالدة ويخليلك ياها يا رب
شوربة الفطر والله ما جربتها
بس ممكن أعطيكي رابط بالمنتدى للأخت ورود إن شاء الله يكون هو المطلوب
شوربة الفطر والدجاج (http://www.alnabkvb.net/vb/showthread.php?t=24153)
ورابط تاني لشوربة الفطرمُضاف إلها البروكلي
شوربة كريمة البروكلي والفطر (http://www.alnabkvb.net/vb/showthread.php?t=27128)

لو عملتي بحث بغوغل عن شوربة الفطر بيطلعلك وصفات وطرق كتير
ممكن تستفيدي منها كمان
وصحتين وهنا يا رب :)

لميس*
09-12-2009, 03:53 PM
صحيتين على قلبك
بصراحة انا بفضل انو يكون الوصفات يعني من حدا موثوق
بحيث انو اتكون دقيقة اكتر
بس رح دور عليها وشكرا كتير الك
بصراحة كنت عضو جديد
وانتي هلق عم تشجعيني اني صير عضو فعال ودائم بالمنتدى
شكرا يا غالية

●•°BaSmA°•●
09-12-2009, 04:01 PM
أهلا وسهلا فيكي يا لميس
بصراحة أنا لما بحب جرب شي جديد بدور على طرق كتير وبالأخير الطريقة يلي بتعجبني وبلاقي مكوناتها سهلة وما فيها شي غريب بخاطر وبجربها :)
المهم التزمي بأي خطوة وبأي نصيحة بتخص الوصفة
وطالما في محبة وحرص منك على عمل شي طيب فأكيد النتيجة بتطلع ممتازة
ألف شكر على ثقتك الغالية
وبتمنى تصيري عضو رائع ومحترف معنا :)

am66f
08-01-2010, 10:04 PM
مرحبا يا طباخين
بدي استفسار منكن عن كيفية طبخ الدفين
لا اتاخذونا هون بالغربة الشباب عمتتوحم جاي على بالن يطبخو هل الاكله النبكية الشهيرة
افيدونا جزاكم الله كل خير

●•°BaSmA°•●
08-01-2010, 10:43 PM
أهلا وسهلا فيك أخي الكريم

سبق وكتبت الطريقة بهالموضوع
تفضل

الدفين
بعد ما تغتي اللحم ويفضل لحم بعضمه بتسلقي للحم بالبخار أو بشكل عادي ولما يستوتي بتضيفي البرغل مع الملح حسب الرغبة
كمية البرغل تقريبا كأس برغل لاربع او خمس كاسات مي
لما يستوي البرغل بنضيف السمنة العربي للبرغل متل ما بنضيفها للرز وصحتين وهنا

وإذا في أي استفسار أنا حاضرة
صحتين وهنا يا رب

لموسي
21-01-2010, 01:29 PM
السلام عليكم
يعطيك العافيه اختي بسمه انامن زمان متابعه مواضيعك وبمااني سوريه ومقيمه بجده حبيت اسئلك من فين بقدر اجيب الكشك هنا؟؟؟ترى حتى بحلب مابنعمله يعني ممكن اجيبه جاهز ولومن سوريه اذا بتعرفي دليني وبكون شاكره لك لانه كتير متحمسه اعمله ومشتهيته

●•°BaSmA°•●
21-01-2010, 03:28 PM
أهلا وسهلا بالأخت لموسي
أولاً شكراً الك ولمتابعتك وبتمنى تكوني من الأعضاء المتابعين والمتميزين في منتدانا
نورتي والله :)

تانياً بالنسبة للكشك معروف أكتر شي عند بعض السوريين واللبنانين من أهالي الأرياف فما بظن يكون متوفر لأن مش كل الناس بتعرفه وبتطبخه
إذا في محلات للمنتجات السورية عندك بجدة اسألي فيها مع أني بفضل نشتري هيك مواد من سوريا ومن أماكن محددة ومضمونة ,لكن إذا مضطرة اسألي ويا رب تلاقي الكشك وتجربيه,
إذا عندك معارف من لبنان ممكن تسأليهن عن الكشك لأنو في البعض منن بيستعملو وبجيبو لهون متل أي مونة :)
وبالنسبة لسوريا ما بعرف وين بينباع بالزبط لكن هو مشهور جداً بالنبك لأنه بيدخل بكتير من وصفاتنا النبكية
يا ريتك قريبة مني كنت بعتلك الكشك وجربتيه وما خليتك تتعذبي بالسؤال :)
وأي سؤال أو استفسار أنا بالخدمة
أهلا وسهلا فيكِ مرة تانية ....

لموسي
21-01-2010, 10:59 PM
مشكوره ياعمري اصلا هدول هنن بنات سوريا غنيين عن التعريف .....كرم وتعاون ..الله يحفظك راح اشوف بلكي بجرب كشك عبيدو اللبناني الله يحفظك لعيلتك
55

●•°BaSmA°•●
22-01-2010, 02:05 PM
تسلمي يا رب على دعواتك الحلوة
ربي يسعدك ويوفقك
الكشك اللبناني متل السوري
إن شاء الله بكون نوعية ممتازة وتعملي أطيب أكلات
وصحتين وهنا يا رب :)

دودو00
23-01-2010, 07:36 AM
حبيبتي ممكن تعطوني عيرات المحلى بلبن يلي مشهور كتير عندكم في النبك وشكرابس بلكوب لان بحب يكون العيار مظبوط وشكرا كتير

●•°BaSmA°•●
23-01-2010, 07:54 AM
المحلى باللبن
المكونات
3 بيض
ملعقة صغيرة فانيلا
ملعقة صغيرة بكنغ بودر
كأس لبن
كأس سميد
كأس جوز الهند
كأس طحين
كأس سكر
بشرليمونة

قطر(كأسين سكر +كأس ماء مع ملعقة عصير الليمون توضع على النار وتغلي مدة 7 دقائق ويُبرد)

نخلط جميع المواد مع بعضها وتسكب في صينية الفرن مدهونة بالطحينية وتترك لتختمر من ساعتين الى 3 ساعات
وتخبز في فرن حامي مسبقا ولما تطلع من الفرن نعمل بها شقوق بواسطة السكين او الشوكة ونقسمها بالسكين ونسكب عليها القطر حتى يتغلغل فيها بشكل جيد أو على حسب الرغبة ونزينها ممكن جوز هند مع فستق الحلبي ولما تبرد بنقدمها
إن شاء الله ألف صحة وهنا يا رب
__________________

maree
14-06-2010, 11:27 PM
بدنا من اي اخت كريمة تكتبلنا طريقة طبخ المجدرة ولها كل الشكر
مغترب مفجوع ورح يبيض من كتر اكل الدجاج البلاستيكي

ألماسة
14-06-2010, 11:32 PM
هادا ياسيدي بتحط اللوبي في الطنجرة وبتحط فوقا مي وبتسلقها شوي اذا عندك لوبي اذا ما عندك مو مشكله بتزبط كمان بلاها
وبتحط عدس قبل ما تستوي اللوبي شوي وبتسلقو وقبل ما يستوي شوي صغيري بتسقط البرغل
وبتهدي وقت بتستوي المجدره بتحمي زيت زيتون وبتحطو فوقها
وبكون مقلي هالبصل بزيت الزيتون وبتصبن بصحن التقديم وبتجللهن بالبصل واضريب اذا بتضرب يا امي شهيتنا المجدرة

ألماسة
14-06-2010, 11:36 PM
نسيت قلك انو حدا صحن سلطه ومخلل وهالشغلات المو طيبه
بنوب ودوق اذا بدوق شغله كبيري السلطه معها بس ما تكون ما بتعرف تساوي سلطه مشكله وقتا

maree
14-06-2010, 11:45 PM
بعد 14 سنة خدمة في ثانوي بتقلي أأقف
مشكورة اختي الكريمة وبكرة بنطبخها ويكتر خيرك

حلااا
22-06-2010, 01:11 AM
مررررررحبا جميع
يلي بيعرف الملقسة أمانة يخبرني عنها
أكلة كتير طيييييييييييييبة وللأسف مابعرف أسويها

●•°BaSmA°•●
22-06-2010, 01:18 AM
أهلا بكِ أخت حلا
تم نقل إستفسارك لموضوع خاص بالطلبات والاستفسارات

بالنسبة للملقسة سبق وكتبت طريقتها
تفضلي الطريقة


يُسلق العدس واللوبيا بمقدار زبدية لكل نوع مع كيلو من البصل
ولما تستوي تضاف دحابيل العجين المكونة من كأس برغل وكأس وربع طحين مع الماء وطريقة عملها كالتالي:
((تعجن المكونات وتُحضّر دحابيل صغيرة بحجم حبة الحمص وتُضغط بالاصبع قليلا))
نضيفها هي وقطع البطاطا سويا
عندما تستوي البطاطا نعرف أن العجين استوى
ومن ثم نضيف تقريبا 3 زبادي حمص مسلوق مسبقاً
نعمل تقلاية من زيت الزيتون ويُضاف أخيرا مع الكمون


وصحتين وهنا يا رب
بس بنصحك تجربيها بالشتوية لأنها بتعطي حرارة للجسم وبهالصيف مو خرج :)
موفقة يا رب

حلااا
22-06-2010, 04:22 PM
مشكورة كتير بسمة عالوصفة وأنا بعرف أنو هاي الأكلة مابتنعمل الا بالشتوية ههههههه
ورح أسمع نصيحتك والله يخليلنا اياكي يارب لأنو انتي بسمة المنتدى
تحياتي الك

أحــــمــــودي
22-06-2010, 05:53 PM
بعد ازنكن في رفيق الي حابب يعرف كيف بيعملو اليبرق

هاتو لنشوف عطونا الطريقة بعد ازنكن

●•°BaSmA°•●
22-06-2010, 09:14 PM
أهلا فيكي حلا :)
صحتين وهنا سلفاً غاليتي ...

تفضل أخي أحمودي هالروابط

http://www.alnabkvb.net/vb/showthread.php?14956-من-أطيب-الأكلات-النبكية-اتفضلوو

http://www.alnabkvb.net/vb/showthread.php?17154-ملفوف-ورق-العنب-(-اليبرق-)-بالطريقة-العزوبية..

صحتين وهنا يا رب

*نبكية والهيبة ملكية*
25-06-2010, 03:13 PM
انا بدي طريقة عمل الكبسة
لانو مرة عملتها طلعت بتشبه كل شي الا الكبسة
فكرةةة رائعة يسلمووووووو

السلطان
22-11-2010, 12:40 PM
ممكن تساعدوني لاعرف كيف بسوو البربارة لما بطلع اول سن للولد واديش الوقت الي بسلقو فيه القمح بطنجرة البخار او بلاها

alleady
22-11-2010, 01:12 PM
أخ السلطان

أول شي ألف مبروك السن

البربارة من أهم ما نقدمه فيها هو القمح متل ما تفضلت وباقي المكونات تبولة جيلي كاتو وبيتزا ويالجلي00000000عمإمزح كل واحد حسب ما بيرغب

هلأ أهم شي القمح:بنغسلو وبننقعو شي نص ساعة وبنحطو باطنجرة وبفضل العادية وبنغمرو بالمي شي نص إصبع فوق القمحات ولما بيغلي بننوس تحته وبنتركو يستوي على نار هادية وإذا نشفت المي وبعدو ما إستوى ممكن نسئي شوي شوي

وبس يستوي بنصبو وبنرش عليه سكر وجوز هند وألف صحة وهنا

●•°BaSmA°•●
22-11-2010, 01:14 PM
أهلاً بك أخي السلطان
أنت بحاجة لقمح عادي مصوّل ومغسول
بعد التصويل(وهو عبارة عن تنضيف القمح من الحصى إن وجد)بتضيف عليه كمية وفيرة من الماء
كمية الماء يلي بيحتاجها القمح قريبة لكمية الماء يلي بنحتاجها لطبخ البرغل ويمكن أكتر
يُفضل الطبخ بالطنجرة العادية

بعد الانتهاء من الطبخ ,نسكب القمح في الطبق المخصص ونضيف جوز الهند والسكر
وألف صحة وهنا ومبروك السن يارب

السلطان
22-11-2010, 01:45 PM
طيب هلا القمح بوزعو للقرايبين او بعزموهن عالبيت

●•°BaSmA°•●
22-11-2010, 01:52 PM
لا بدك تعزم عالبيت ,هيك جرت العادة عنا .
ومو شرط الأقارب بس ,ممكن الأصدقاء والمعارف .

السلطان
22-11-2010, 02:04 PM
مشكورين عذبتكن معي مشكورين الليدي وبسمة

السلطان
11-12-2010, 02:23 PM
بدي عذبكن تاني مرة بلا أمر عليكن كيف بساوو الممدودة

●•°BaSmA°•●
11-12-2010, 02:44 PM
أهلا بك أخي السلطان
وما في عذاب ولا شي
الموضوع لخدمة الأعضاء والإفادة والإستفادة

بالنسبة لطريقة الممدودة أو اللحمة بالصينية
بتحتاج للحمة مفرومة ناعمة متل لحمة الصفيحة وفيها نسبة دهن مليحة
بتفرم معها بصلة وشوية بقدونس وبتضيف ملح وفلفل أسود وبهارات حلوة رشة خفيفة جداً (حتى ما تطغى طعمة البهارات على اللحمة )ويمكن الإستغناء عن البهار إذا في بصل
بتمد اللحمة بصينية الفرن وبتصف حلقات البندورة وممكن إضافة حلقات البصل والفليفلة
بتدخلها لفرن حامي على حرارة متوسطة 160 ولما بتستوي طلعها من الفرن وضيف عليها ملعقتين من دبس الرمان ورجعها مدة خمس دقائق عالفرن هو ومطفي حتى يتغلغل طعم دبس الرمان فيها

ممكن في طرق تانية للمدودة ,,هي طريقتي وصحة وهنا يا رب

السلطان
11-12-2010, 02:49 PM
شكرا كتير بس تقريبا اديش بتاخدوقت لتستوي

●•°BaSmA°•●
11-12-2010, 03:04 PM
على حسب كمية اللحمة وعلى حسب حرارة الفرن
لو كيلو لحمة ممكن بعد تلات رباع الساعة تفتح الفرن وتشوفها
حاول تغز سكين او ملعقة وبتبين معك إذا استوت او بدها وقت أكتر ..

يا عين لا تبكي
20-02-2011, 11:15 PM
السلام عليكم جميعاااا

انا طلبي صغير ,,

بس بدي طريقة عجينة الشيشبرك المظبوطة .. والمقادير بالظبط تكون لـ 4 اشخاص
لان هي اول مرة رح جرب اعملها

والكم جزيل الشكر ..

R007 2lmama
20-02-2011, 11:23 PM
هلا اختي عجينة الششبرك اكتير سهلة وانا مجربتا وهي طبعا أكلتي المفضلة
وهي عبارة عن كيلو طحين ومي ووشوية ملح حطي مي شوي شوي للطحين وخلطي لحتى تمسك العجينة
ولفحي ع جنب كيلو لحمة مفرومة مع بصلة
وباشري بالتطبيق
واز عندك اي سؤال عنها مو مشكلة بس انتي بس بدك طريقة العجينة

اكليل الجبل
20-02-2011, 11:53 PM
اخت ياعين لاتبكي
بالنسبة لعجينة الششبرك مابدها عيار
بس لكمية اربع اشخاص بتصور بدك شي اربع كاسات طحين
رشي عليهن رشة ملح وعجنيهن بماء فاتر مائل للبرودة صبي المي شوي شوي وعجني بنفس الوقت وضلي عجني لحتى تحسيها
ماعادت لزقت بايدك وعجنيها كتير منيح وتركيها لترتاح شي عشر دقائق بعدين اشتغلي فيها كتير سهلة
بالنسبة للحمة لفحيها ببصلة وملح وفلفل لتستوي
رقي العجينة بالشوبك وقطعيها دوائر وحشيها وشويها بالفرن لتستوي وسقطيها باللبن وصحتين وهنا
اذا في اي شي ثاني انا جاهزة ...

●•°BaSmA°•●
21-02-2011, 12:03 AM
ما قصرو البنات الله يعطيهن العافية
لو لقيتي الكمية كبيرة ممكن تسلقيها بمي ونشا وملح (ليتر مي ,ملعقة طعام نشا ,رشة ملح )وبس تبرد فرزيها بتلاقيها بوقت تاني
وأهلا وسهلا فيكي :)

يا عين لا تبكي
21-02-2011, 12:15 AM
يسلمو ايدكم والله ويعطيكم الف عافية
وان شاء الله رح سويها انا بس العجينة ما كنت متأكدة من مقاديرها وماشاء الله عليكم ما قصرتوا

مشكورين كتير ..

يا عين لا تبكي
21-02-2011, 12:19 AM
نسيت شغلة الاخت باسمة قلتيلي مشان التفريز اذا فرزتهم ورجعت اطبخهم المرة التانية بدهم شوي او لا؟

اكليل الجبل
21-02-2011, 12:22 AM
لا شكر عواجب اخت ياعين لاتبكي
واجبنا نساعد بعضنا مو هيك....
ان شاء الله تجربيها وتعجبك
عفكرة طريقة الاخت بسمة كمان مجربة وناجحة
انا بعد الشوي بحطهن كمان بالفريزة ولما بدي ياهن بدوب التلج
عنهن وبسقطهن باللبن المغلي فورا
عم انتظر ردها للاخت بسمة لشوف بعد السلق والتفريز شو بصير....وصحتين وهنا

●•°BaSmA°•●
21-02-2011, 12:24 AM
والله أنا ما بشوي الششبرك أنا بعرف أنو طريقتنا هي السلق
والشوي سمعتها بوصفات شامية وعربية
يعني أنتي بتكتفي بالسلق بس مو لازم الشوي
ولما تطلعي الششبرك من الفريزة استني ليدوب وفورا عاللبن
لو حبيتي تشوي عجينة الششبرك يُفضل تضيفي شوية زيت نباتي للعجينة

يا عين لا تبكي
21-02-2011, 12:49 AM
يسلم ايديكي اختي اكليل الجبل .. ويعطيكي العافية

خلص بجرب فرزهن بعد الشوي

ويسلمو لكل الي ساعدوني ..

ويسلمو اختي بسمة .. وشكراً لردك

واذا قدرت رح صور الطبخة وحطها بموضوع لحالو طبعا اذا نجحت معي :) بما انو اول تجربة الي

●•°BaSmA°•●
21-02-2011, 01:05 AM
بانتظار تطبيقك و تجربتك وإن شاء الله بتاكلو أطيب ششبرك
ولا تنسي الصور :)
وأهلا فيكي مرة تانية