المساعد الشخصي الرقمي

مشاهدة النسخة كاملة : أخبار النبك اليوم



خالد النفوري
13-08-2008, 10:01 PM
السلام عليكم جميعاً ورحمة الله وبركاته
نحن بلد نسبة المغتربين فيه نسبة عالية والمغترب يتمنى معرفة كل شاردة وواردة تحصل في غيابه 0
هنا أود من المتواجدين في بلدنا الحبيبة النبك وضع ملخص ليوم نبكيّ
وليذكر ملاحظاته العامة ولكن حذار أن ندخل في الخصوصيات

أخوكم : خالد شاهر النفوري

سران
13-08-2008, 10:47 PM
والله يا اخي مو نصيحة مافي خبر بفرفح القلب التلات ارباع مصايب والربع الباقي نص مصايب
ههههههههه
عكلن ما بعرف شوف راي الباقي بس هاد رايي بلالك ياها هالاخبار

خالد النفوري
13-08-2008, 10:59 PM
ههههههههههههههههههههههههه ههههههههههههههههههههههههه هههههههههههههههههه
أختي سران شفتي اللي كتبتي ملييييح أش في غارو
هي صلحنا سامحينا

pretty
13-08-2008, 11:17 PM
في مثل هذا اليوم مرقت شي 25 سيارة على شارع المشفى وصارو يزمرو ال عم يجيبو الصيغة

وتم بعون الله جيب دحلوكين و ان شاء الله بكرة الخطبة الله يوفق وهي اخبار كل يوم




ههههههههههههه شو بدي احكي عن أخبار النبك بس لنعمل شي جمعية بجيب الاخبار


يسلمو على الموضوع وعم نتنتظر نشوف شو في اخبار وان شاء الله كلو خير ...

سران
13-08-2008, 11:22 PM
:(اخي جوليو هي خبر جديد
انا بنت مو شب:rolleyes:

خالد النفوري
13-08-2008, 11:27 PM
أخيييييييي بريتي بأشؤد الدحلوك اليام اسأللي عنو أووم لإنو مابدي دحيليك بدي الله يخليك تبعت أخبور

خالد النفوري
13-08-2008, 11:37 PM
كمان بريتي طلعت بنت سامحونا
والله بالغربة نسينا حتى الأسماء وهون بنتعامل بس مع جنسنا سامحونا مرة ثانية

pretty
13-08-2008, 11:41 PM
هههههههههههه

عندي خبر بس مكرر الخبر هو انو كمان انا بنت


غرام من دحلوك = يا بلاش ... قريب ولا تجريب


ومشان الاخبار غيرو رح احكي انا عن الجو


والله مبارح اجا شوية بردات المسا بس اليوم رجعو الشوبات ...

خالد النفوري
13-08-2008, 11:45 PM
لازم كل واحد بنرد عليه نراجع ملفه الشخصي
سامحونا

معليش لو سمحتو ألقب خوليو وليس جولبو

pinkgloss
14-08-2008, 01:34 AM
أخبار أخ خوليو أصلا النبك كلها اخبار
بس دير بالك بكرة بينقلولك الموضوع على قسم الترفيه وبعدين بيحذفوا هههههههههههه
طيب شوف لقلك
كل يوم في عراس وخطبات وهالشباب عم تتذمر من الطلبات كتير بس رضيانة وساكتة من صارت العروس حدون بالسيارة بتشوف كل واحد منون طاير عقلوا ومو مصدق
بس المشكلة الفرق يللي عم يكون بينو وبين مرتوا أو بينو وبين خطيبتوا يعني بدل ما عم تقل هالشغلة عم تزيد يعني هلق كل شب بدو بنت 13 و14 وصارت بنت العشرين ختيارة للأسف انو هاد التفكير هلق للأسف يعني هلق يللي عم يخطبوا كل بنت عم يكون الفرق بيناتون 20 سنة وأكتر للأسف والمشكلة انو الاهل عم يعطوا
طبعا الشوارع عم تغلي من العجئة والناس والحكي ما في منو مهرب يعني بيبقى الواحد ماشي لو شو ما كان بينتقدوا وبيحكو علي ( ما علينا)
بكرة في خطبة واليوم في عرس ومبارح كان في صيغة وعلى هالعينة كنت بتمنى يكون هالصيف ملينا بالمحاضرات بس للأسف كانو رح يبدلوا المركز الثقافي صالة أفراح
وطبعا بعد كل عرس في قعدة وحكي عن التكاليف وخود وجيب يا أبو نجيب هاد يللي بقول عرس بيت فلان كلف 4 ملايين وهاد يللي بقول مكليون والتاني بقول ما كلف شي يستاهل وحكي وكر يعني النبك شو بدو يكون فيها وطفي كهربابس الجو كتير حلو بالنبك ما عدا بالنهار بكون كتير شوب
هي أخبار النبك
مليح اخ خوليو

ألأسطورة
14-08-2008, 02:00 AM
والله موضوع حلو قلنا مشان ما نحس بالغربة شكرا على الفكرة المبتكرة
وكانو عند سران كل الاخبار وقاطعتنا منها
ههههههههههههههههههههههههه هههههههه

المستبدة
14-08-2008, 02:06 AM
ههههههههههههههههههههه والله بضحكو هالأجوبة
هات لاقللكن يا هالمغتربين عن النبك
اول الشي بدكن تباركو للنبك لانو صار فيها منتزه عنجد شغلة هالمنتزه بس
كالعادة النباكنة بس بدهن شغلة تفتح بالنبك ليضلو فيها إذا رحتو على المنتزه
مستحيل تلاقو مكان تقعدو فيو اي وفي شرب متة وبوشار على الطاولات وفي مقصورات
للقعدة العربية
وشو كمان ؟؟؟؟؟؟؟؟؟؟؟؟؟؟ صاير بالنبك اي وكل يوم بتمرق شي ميت جوب صيغة وخطبات
واعراس والله يهني الجميع وبس

WAEL_M
14-08-2008, 02:45 AM
ليش هيك قلبتوا الموضوع هم بهم

لا تصدق خيي خوليو مبارح شي الساعة وحدة بالليل مدري شو صار بالسئي يعني تقول الغيم نزل لعنى تخيل الواحد ماشي بالشارع ومو شابف قداموا طبعا هالحكي كان بالسئي اما بالنبك لما وصلنا عليها ماتم شي يعني صدقني مبارح التمشاية بالنبك بتسوى تقلها يعني مو ناقصها غير ترجعوا .....

وفي خبر تازة لسى اليوم نزلتلك فراري عالنبك بتاخد العقل ماشاء الله على هالسيارة

خالد النفوري
14-08-2008, 04:13 AM
عشتو ياجموعة بس هوي اللللللللللل فراري يعني هيي أكلي بتتيكل ولا إسم عروس ههههههههه
اشو هويا واحد بقلك هومور وشي بقلك فري مدري فراري
شي مابنعرف طعمتو

خالد النفوري
14-08-2008, 04:40 AM
لا تؤاخذونا وسامحونا ( لإنو عمنخبص بالحكي ) ولكن والله لأنني أعمل في بلد على حدود اليمن ( في منفذ حدودي ) وأفش خلقي عندما أكتب بالعامية وبالنبكية خاصة
وأطير من الفرح عندما أسمع أخباركم وأظن كل مغترب بعيد عن بلده يشعر نفس شعوري
سامحونا ( ولا تدققوا علينا ) وأي كلمة تكتبونها تساوي الكثير عند كل مغترب منا
لا تنسونا مالأخبور أش ما كونت

$أســـامـــة$
14-08-2008, 12:22 PM
اي والله ياجماعة الغربة صعبة الله يعينا ويعين هل المغتربين
صايرن بنتصل على سوريا بنسأل كل مره شوفي أخبار؟؟؟؟؟
ج\والله مافي شي غلا وغلا وغلا كلشي غالي
كتر ماقالوا غالي صرنا نحس كيلوا البندورا
2000ل\س

على كل حال الحمد لله يعطيك العافيا اخي خوليو

فرح
14-08-2008, 02:07 PM
أنا من عندي بحب طمن كل المغتربين ..
الخبر بيصلكن قبل ما ينتشر بالنبك ..
و أنا كالعادة ما بوصل للخبر إلا بعد ما يصير قديم ..
و إذا وصلني خبر جديد .. بنسى النص ..
ههههه

●•°BaSmA°•●
14-08-2008, 02:31 PM
بتمنى الموضوع ياخد حقه من الأجوبة والكل يشاركنا بأخبار عامة بتخص النبك
الله يعينك أخي الكريم الغربة صعبة بس بتتفاوت صعوبتها على حسب مكان وطبيعةالشغل
الله يرزقك ويرزقنا ويرزق الجميع ...
فعلا نحنا هون بالغربة بنتلهف لنسمع خبر من النبك مع أنو متل ما حكت فرح أحيانا بيوصل الخبر لعنا
قبل النبك هههههه غريب والله
يلا خبرونا شوفي كمان ؟!؟

خالد النفوري
14-08-2008, 02:53 PM
إي هيك يامغتربين حركولنا هالمواطنين لإنهن ماحاسسين فينا وإذا بدكن بنخبركن عن أخبارنا لنشوف مين بيغلب وبالآخر الخسران من الذكور بنرفعو فلأة الحمد لله أنا مادقتها بس عالإدين
ما بنسى طعمتها كانت المعلمة أو الآنسة متل مابدكن سموها بمدرسة أم نايف طايل ورا الدريب
تقللنا أولوا يارب يعني نرفع إدينا التنتين وتبلش طاخ طيخ بس كنا وقتها متمسحين مانحس بالعكس نكون مبسوطين ونستنا المرة التانية
هي خبر من وقتلي كنا عندكن الدور عليكن يللا

●•°BaSmA°•●
14-08-2008, 03:22 PM
تقللنا أولوا يارب يعني نرفع إدينا التنتين وتبلش طاخ طيخ

الله يعينكن ويهدي هالمعلمات والمعلمين لأسلوب أفضل في التربية
لفتتلي انتباهي هالجملة
ضحكتني وزعلتني


شو ما في خبر جديد اليوم؟

خالد النفوري
14-08-2008, 04:10 PM
طمني بالك أختي بسمة
لإنو نحنا كنا نتبرع بإدينا لحتى تتسلى فيهن الآنسة
بس الله يعينهن علينا لإنو الإستاز (الأستاذ ) هو اللي آكلها من هالطلاب المؤدبة كتير
بتسمعي سمعات من عملات الطلاب بالأساتزة بتسوى منها كتب

هَيما
14-08-2008, 06:39 PM
حلو كتير
بس ليش كل الاخبار عن الخطبات و الزمامير !!!!
بدون ذكر اسماء ما إلها طعمة هل الاخبار لذلك بلاها احسن
المهم انا عندي شأفت خبر
من شي سنة تقريبا فتح مكتب بالنبك للبولمان نقل عل الشام اسمو بلاد الشام
طبعا البولمان مريح جدا جدا مكيف بالصيف و بالشتوية
االقعدة جدا مريحة يعني ما بتضطر تاخد كرستين هادا اذا قعد حدك حدا للانو البولمان واسع
فاغلب الاحيان بتكون جالس لحالك
بالاضافة الى انو البولمان ما برج متل الخلاط و بتوصل عل الشام و ما بتغير من خواصك الفيزيائية شي و بعد الغلا صار تسعيرة الركب نفس تسعيرة السرفيس
بس للاسف الشغلة ما تمت
سكر مكتب بلاد الشام
و رجعنا عل السرافيس
صحيح انو نزلاتي عل الشام قليلة كتير بس الواحد وقت بينزل نزلة مرتبة غير وقت بيوصل مخفوق بدنو
شو السبب و ليش سكر المكتب ؟؟؟؟
بتمنى اعرف السبب من حدا بيعرف
و عندي امنية وحدة يا ريت لو بيتبدل طقم هل السرافيس لباصات اكبر مريحة و واسعة
او لبولمانات
لانو المعروف انو السرافيس هي بس تخديم داخلي او نقل قريب جدا مو لمسافة اكتر من 80 كيلو متر !!!!!
في خبر جديد بمناسبة الباصات
طقم باصات اخضر جديد بالشام بديل عن السرافيس و الهوب هوب مريح جدا نضيف واسع و مو رجاج

§Nosa§
14-08-2008, 06:55 PM
الفكرة حلوة شكراً لك أخي خوليو..
طبعاً مارح أقدر أفيدكن بشي لأني كمان مغتربة أنا بس بفوت بشوف شوفي أخبار بس إذا صار وعرفت شي خبر قبلكن بفوت بكتبو أكيد..
أي هيما تمام الخبر عن الباصات الجديدة اللي مورجاجة اللي بالشام ...خطوة حلوة والله
بس كمان قبل هي الباصات كمان عزمن نزلتنا عالجامعة كمان ضموا الباصات الصغيرة مع شركة تانية وكمان ردوا هالباصات الكبيرة المريحة بطلت وماعرفنا ليش:confused:
ومشان الباصات الصغيرة :pرجعتيني بذاكرتي لورا سقى الله أيام النزلة عالجامعة بالباص والخضخضة :Dشكراً كتير أختي الغالية هيما...عم نستننى الأخبارمنك لا تنسينا:)وكمان من باقي الأخوة والأخوات اللي بالنبك..
بوركتم..

●•°BaSmA°•●
14-08-2008, 07:17 PM
يا فرحة ما تمت لكان
إن شالله تكون إجازة قصيرة لهالشركة وترجع من جديد
دائما الشي الحلو والمليح ما بدوم
غيرو؟...

هَيما
14-08-2008, 07:56 PM
هلا نوسا و بسمة
نوسا قصدك ع سراب اييييييييييه سقا الله هديك الايام
على فكرة بما انكن مغتربين الكن زمان اسمعوا هل الاخبار اللي هي مو تازة تازة
بس يعني جديدة بالنسبة الكن
هلئ انتو و فايتين من مدخل النبك ناح صالة الافراح يعني هديك النواحي
رح تتفاجئوا بمنطقة جديدة كليا عبارة عن شوارع مزدوجة واسعة و منظمة و ابنية جديدة
يمكن دوائر حكومية فيها دائرة خاصة بالجوازات
المنطقة كتير حلوة و يبدو انو رح تشهد تطور بالمستقبل
و في النبك ايضا انتو و رايحين على دير عطية مستشفى جديدة عم تتعمر يعني لساتها عل العضم اكتر من 8 طوابق كمان المنطقة هنيك عم تشهد تطور واسع و مشاريع

خالد النفوري
14-08-2008, 08:28 PM
معليش جملة معترضة
تعلم المبادئ وملحقاتها
Learn about prefixes and suffixes (http://www.alnabkvb.net/vb/showthread.php?t=22650)
ترجمة لما جاء بتوقيع الأخت بسمة
صح هيك ولا غلط

●•°BaSmA°•●
14-08-2008, 09:04 PM
أخي خوليو
الجملة هي عنوان لموضوع لي حول السوابق واللواحق في اللغة الانكليزية
إذا بتحب اللغة ممكن تضغط عالرابط وتتصفح الدرس
كان في غلط بالرابط وعدلت عليه

أختي هيما أخبار حلوة
سمعنا عن الجوازات وأنو صار عنا بالنبك دائرة جوازات وهيك وفرو علينا مشوار للشام
إن شاء الله بزورها بأول سفرة لأنو جوازي خلص ولازم يتجدد

ما قلتيلنا بالنسبة للمستشفى هل هي عامة أو خاصة أول مرة بنسمع فيها ؟!؟
إن شالله خير يا رب والله يكتر الأخبار الحلوة

هَيما
14-08-2008, 09:13 PM
عل الاغلب خاصة هيك سمعت

كنوز الدنيا
14-08-2008, 10:20 PM
والله الموضوع روعة ولازم اد ما بتحسنو تجيبولنا اخبار
لانو نحنا المغتربين بنزعل كتير وبس بدنا خبر عن النبك
وعلى طول هاد سؤالنا (شو في أخبار جديدة)
وانا كل ما بفوت على المنتدى بحس انو كتير قريبة من أهلي:(
وصار عندي تجديد وكسر للروتين والملل
وعلى طول حديثي عن المنتدى يلي آكثر من رائع:)
تقبلو مروري وتحياتي .................
وشكر للاخ خوليو

خالد النفوري
15-08-2008, 02:56 PM
ألو ألو ألو حول
النجدة النجدة النجدة حول
خبر جبر خبر حول
ماحدا عم برد حول
الخط مشغول عطريق السقي ...حول

خالد النفوري
15-08-2008, 03:06 PM
ألو ألو ألو حول
النجدة النجدة النجدة حول
خبر خبر خبر حول
الخط مشغول عطريق السقي ... حول

المستبدة
15-08-2008, 03:54 PM
آخر خبر المدارس رح تفتح 7\9 يعني ما رح نعطل
واااااااااااااااااااااااا ااااااااااااااااااااااااع

خالد النفوري
15-08-2008, 04:02 PM
شو يعني ما رح نعطل أختي المستبدة

المستبدة
15-08-2008, 04:07 PM
يعني نحنا رح نبلش نداوم بالمدرسة 7\9
مو متل الكويت والسعودية هني معطلين كل رمضان إلا نحنا بضرنا نعطل رمضان

خالد النفوري
15-08-2008, 04:14 PM
أظن في السعودية لم تحدد بعد

{ the heart of lion }
15-08-2008, 05:59 PM
خبر موحلو بنوب 7/9 المدارس

خالد النفوري
15-08-2008, 06:24 PM
خبر موحلو بنوب 7/9 المدارس
نحنا وقت كنا أدك كنا نقول نفس الكلام
بس هلأ بنقول ( سقى الله هديك الإيام )
وبكرا بتتذكر كلامي

Tiger_Hacking
15-08-2008, 06:34 PM
الموضوع رائع عم خالد ....
ولكن طبعا انا لازلت في اراضي السعودية
عند سفري ان شاء الله سأتابع معكم

خالد النفوري
16-08-2008, 09:46 PM
بشرى سارة لمرتادي هذه الصفحة ( أخبار النبك اليوم )



بعد أخذ إذن المشرفين القائمين على مايخدم المنتدى ورقيه لخدمة

الأعضاء والزوار الكرام



فإنه لامانع من :



إضافة السلامات والمباركات والتعزيات



مع الأخذ بالعلم عدم ذكر أسماء الأعضاء الذين لم يُفصحوا عن أسمائهم في
هذا المنتدى



مثالي أنا أفصحت عن إسمي julio ( خالد ) وtiger ( ماهر ) وغيرهم



فنرجوا من الجميع الإلتزام



وندعوا زوار هذا المنتدى الكرام التسجيل للمشاركة مع إخوانهم أخبارهم



ونتمنى للجميع أخبار سارة


وشكراً لكم مشاركاتكم

والله الموفق

هَيما
16-08-2008, 11:42 PM
مرحبا من جديد و نأسف للمبالغة بالخبر الذي نقلته مسبقا :rolleyes:
المشفى عبارة عن ست طوابق و ليس 8 و مع السطح و الأوبو بصيروا 8 :D
اسمها مشفى الحنان التخصصي برعاية شركة ريتشارد وولف الألمانية :cool:
عم تتعمر في منطقة عم تشهد تطور عمراني مشهود في النبك ناح الفتاح
انتو و رايحين شمال النبك
لحقوا حالكن و اشتروا بيت هنيك لأنو شكلا المنطقة رح تصير نار:eek:

@SWEET HEART@
16-08-2008, 11:48 PM
ههههههههههه
احترنا وين بدنا نشتري اراضي:p
والله كل كمشة من تراب النبك بتسوى تقلا دهب مو شرط المكان
ويا ريت تزيدو هيك أخبار بتفرح القلب
أول مرة بسمع إنو في مشفى راح يصير بالنبك
وعلى الوصف شكلوا مشفى على مستوى
شكرا لك هيما
والله يزيدها عمران وتطور يا رب
مـــــــ تحياتي ـــــــع

خالد النفوري
17-08-2008, 12:00 AM
http://www.alnabkvb.net/vb/attachment.php?attachmentid=277&stc=1&d=1218917012


هذه حارتي الدريب ( سقى الله ) هنا كنا نلعب بالطوبي والدحاحل والطميمة واللاحوق
والحضّار ( حِضّور مِئتي ولاّ خيور ) فعلاً أيام افتقدناها لن تعود
على يسار الصورة عند السيارة البيضاء بيت جدي أبو شاهر المرحوم ( نديم خالد النفوري ) وأخوه المرحوم فيصل 0 لهذا البيت مصطبة طويلة كان جدي يومياً يفرش الأرض ويجلس فيها ليحمص القهوة ويدقها بالمهباج مصدراً أصواتاً إيقاعية
تلفت الأنظار ويجهز المراكي وطبعاً المتة بالسكر المحروق وتبدأ رجالات الحي تتوافد للسمر فيدخل كل منهم إلى المنزول ليجهز أركيلته , في هذه الأثناء يقوم جدي بتجهيز القهوة العربية ويقوم بتقديمها لرواد الجلسة وهم يقرقعون بالأركيلة وبعضهم يكسر نعّوسته , وحديثهم ( اللالي عندي سقوي للفصة ) ( بأشؤد الشيهية الياوم )
( عشّات البؤور وجيت ) ( مبيرحا وِلدت عندي بأرة ) أحاديث بسيطة لفلاحين بسطاء , هم أصلنا وفصلنا ونعتز بهم
أما الآن غيييييييييييير ولا يسعنا أن نقول عن الماضي سوى (سقى الله )

خالد النفوري
17-08-2008, 12:20 AM
آسف ورد خطأ في المشاركة السابقة غيروا الكرة بالطوبي
لإنو الطوبي كونت بربع ورأة ( أما الكرة اليوم ؟؟؟ )
نأسف مرة أخرى ( التابي ) يعني التوبة

خالد النفوري
17-08-2008, 04:12 AM
http://www.alnabkvb.net/vb/attachment.php?attachmentid=278&stc=1&d=1218936482 http://www.alnabkvb.net/vb/attachment.php?attachmentid=278&stc=1&d=1218936482

§Nosa§
17-08-2008, 05:16 AM
تمام هيما ...هيك صار عنا مراسلة وماحدا أدنا....
غيرو:p
المشفى سمعت بالصيف الماضي عن فكرتها ..
أما بالنسبة للمنطقة اللي حد الصالة مالي علم عنها بس شي حلو كتير والله..بالتوفيق يارب..
بانتظار الجديد هيما:)وكمان الأعضاء اللي بالنبك وشكراً كتير إلكن...

خالد النفوري
17-08-2008, 06:21 AM
[quote=هَيما;358375]حلو كتير
بس ليش كل الاخبار عن الخطبات و الزمامير !!!!
بدون ذكر اسماء ما إلها طعمة هل الاخبار لذلك بلاها احسن

أخت هيما لا مانع من ذكر الأسماء إذا كنا واعين في ادراجها بالمشاركة
وإن كان لا بد من ذلك فلنذكر أسماء تخصنا
مثال : خطب أخي أو تزوجت أختي أو سلامي إلى فلان وفلان أو مبروك لفلان
وهكذا0000000
يبدو أنني لا أجيد الإقتباس معليش سامحونا وإذا سمحتوا علمونا

●•°BaSmA°•●
17-08-2008, 01:59 PM
شكرا هيما للتوضيح بس كأنو مستشفى على مستوى
وإن شاء الله ما بحتاج حدا يزورها لا هي ولا غيرها

أخي خوليو مشان الاقتباس
بخانة الرد عندك نوعية الكتابة ولون الخط والخط المائل و.....وفي متل شكل الرسالة اكبس عليها
بيطلع عندك كلمتين بين قوسين عمل نسخ للجملة اللي حابب تحطها اقتباس وبعدين لصق بين هالكلمتين
جربها وإن شاء الله بتظبط معك

Abdalkarem
17-08-2008, 02:58 PM
هل المشفى الجديدة مليحة لأهل النبك ومو مليحة الي
لانه بنوها مقابيل مزرعتنا يعني صار الواحد بدل ما يروح يشم الهوا بصير على سيارة اسعاف فايتة ومريض طالع الله يعافي الجميع
اللي ساكنين في النبك اشفي اخبار عن شوارع النبك محفرينها مثل كل صافية لأنهم بجوا للصيف وبحفروها مابعرف لاش !!!!!!!!!!!!!!؟؟؟؟؟؟؟؟

خالد النفوري
17-08-2008, 07:45 PM
أخي خوليو مشان الاقتباس
بخانة الرد عندك نوعية الكتابة ولون الخط والخط المائل و.....وفي متل شكل الرسالة اكبس عليها
بيطلع عندك كلمتين بين قوسين عمل نسخ للجملة اللي حابب تحطها اقتباس وبعدين لصق بين هالكلمتين
جربها وإن شاء الله بتظبط معك


بإذن الله ظبطت
شكراً جزيلاً أختي بسمة

المستبدة
17-08-2008, 09:10 PM
مرحبا اعضاء
مبارح كان بالنبك خسوووووف للقمر كتير كان المنظر حلوووو و بجنن بالنسبة لألي
وكان الجو كتير رائع برودة بالليل هي اخبار النبك مبارح

$أســـامـــة$
18-08-2008, 12:59 AM
http://www.alnabkvb.net/vb/uploaded/5252_1219009754.gif
عشتوا ياجماعه صاير احس انو انا في قلب النبك
وعايش هنيك
صحي اخبار بسيطه بس والله كل
خبر احلى من التاني
الله يعطيكن العافيه
http://www.alnabkvb.net/vb/uploaded/5252_1219010261.gif

baby3
18-08-2008, 02:47 AM
أخي خوليو ....لا تسأل شو الفراري لأنو أكيد عمتمزح و بتعرف انو سيارة باهظة الثمن
اٍسأال من وين جاب حقها؟

خالد النفوري
18-08-2008, 04:57 AM
أخي خوليو ....لا تسأل شو الفراري لأنو أكيد عمتمزح و بتعرف انو سيارة باهظة الثمن
اٍسأال من وين جاب حقها؟


أولاً نورتو الصفحة
طيب هي الفري طلعت سيارة 00000 والهامور شو هي بلا ظغرة

pinkgloss
18-08-2008, 03:48 PM
شوف يا أخ خوليو قلتلك شوية أخبار
وهلق الباقي من يومين صار حادث كبير بشارع حمص وصار الصوت متل صوت الانفجار
والواضح أنو الحادث كبير
وشي تاني أنو يوم الجمعة الماضية في تنين نسوان علقوا جنب السد ونتفوا شعور بعضون مشان السواقة ههههههههههههههههههههههههه

أما عن الهمر فهي كمان سيارة أميركية كانو يستعملوها للجيش الأميركي بس المشكلة انو هالسيارة عطول عاملة مشكلة بطريق السقي لأنو كبيرة
أما عن الفراري والله هي حلوة بس صوتها مزعج كتيييييييييييييييييييير بس أظن طرقات النبك ما رح تخليها تسلم بنوب بنوب ( وما بقول غير يا رب تسلم) بس السيارة كتير واطية على الأرض فأي مطب ممكن أنو يأذيها ( ما تقولوا صايرة خبيرة سيارات)
وهي الاخبار

§Nosa§
18-08-2008, 04:01 PM
شكراً جزيلاً ...متابعين..غيرو؟؟؟

WAEL_M
18-08-2008, 04:19 PM
مرحبا ما بعرف اذا حدا جبلكن هالخبر بس عم ساووا بينا وبين دير عطية جسر جديد مشان الجامعة عالطريق الدولي ((بس انشالله ما يطلع متل جسر يبرود ..الله يستر))

كنوز الدنيا
18-08-2008, 06:34 PM
اي هيك :)
ياعيني على الاخبار :rolleyes:
صحيح في اخبار بتزعل مثل( الحوادث والعلقات والمطبات ):confused:
بس بتضل حلوة لانو من النبك :p
متابعين معكن كل الجديد
يعطيكم الف عافية

قصر الشوق
18-08-2008, 07:21 PM
اكيد ومتل العادة اليوم في جيب صيغة وبدن يزمروا
ويمرؤوا من طريق حمص وشارع المستشفى
ويروحوا لعند بيت العريس ياكلو
الف الف مبروك

angel.alnabek
18-08-2008, 07:28 PM
اولا بحب سلم على كل المغتربين وانشالله الله بوفقكن وما بروح اغترابكن عالفاضي
اما عن اخبار النبك فما بعرف اذا سمعتو بالاشارات الجديدة يلي صارت بكل شارع آل يعني اتقدمنا وصار عنا اشارات
وصار في شوارع اتجاه واحد بس ما بعرف اي شوارع بس بعرف انو صار شارع امين اتجاه واحد تركوا كل الشوارع الديئة بالنبك ولحقوا شارع امين
والمخالفات طبعا شغالة 24ساعة
والله وكيلك الاشارات انحطت العصر وبلشو مخالفات المغرب
يعني ما عطوا للناس فرصة لحتى يتعودوا عليها دغري استغلوا الوضع
وطبعا بتعرف القوانين الجديدة عن النقاط انا ما بعرف كتير عن الموضوع بس يمكن بروح للواحد مدري كم نقطة على كل مخالفة وبالاخير بيسحبوا شهادة السواقة
فنصيحة انك اذا جيت عالبلد ما تجيب سيارة معك
المشي احسن وافضل للصحة وللجيبة

هَيما
18-08-2008, 09:08 PM
مرحبا من جديد
أخ بعيد عنك
أي في شي عم يصير هنيك
أها طلع جسر
برافو برافو
أخ أنجيل النبك
كمان خبر كتير منيح عل الاشارات اول مرة بسمع فيه انشاء الله يكون بداية خير
أما بالنسبة للاتجاه الواحد صحيح و بشارع امين بالذات و النزلة من شارع باسط جد كتير خطوة منيحة و بمحلها بالذات بهل المنطقة
لأنها منطقة حوادث رهيبة و بالذات بين طريق حمص و شارع أمين يعني بالسنة الوحدة بصير حوالي عشر حوادث عند هل النقطة بالذات بين خفيف و قوي و كلو بسبب اتجاه الطريق
طبعا اللي عايش بهل المنطقة بيعرف خطورة هل المفرق
كمان انشالله بداية خير و انشاء الله العالم تلتزم بالاتجاه

خالد النفوري
18-08-2008, 11:13 PM
شكراً للجميع عالأخبار الجديدة

وشكراً لخبيرات السيارات

angel.alnabek
18-08-2008, 11:59 PM
لا شكر على واجب
هاد اقل شي ممكن نعملو مشان اهلنا المغتربين
وانشالله على طول منكتبلكن آخر اخبار النبك ومنضل على تواصل
ويا اخ هيما انا اخت مو اخ

خالد النفوري
19-08-2008, 03:59 AM
أرجو من الأعضاء الكرام المشاركة بتزيين هذه الصفحة بصور من بلدنا


الحبيبة ( النبك ) مع ذكر تعليق عليها


فلو سمحتم لا تبخلوا على هذه الصفحة


وبالإمكان أيضاً عرض صور لرجالات النبك القدامى


الذين تواروا في التراب رحمهم الله ورحم جميع مَوتانا


ولتكن هذه الصفحة جامعة لتراث النبك وأخبارها


القديم والحديث


فهلا ساعدتموني في ذلك ؟


وبانتظار إقتراحاتكم في هذا المجال

خالد النفوري
19-08-2008, 04:26 AM
يتشرف معهد الأسد لتحفيظ القران الكريم في جامع بدر الحي الشرقي لحضور الحفل السنوي الكبير لتكريم الطلاب حفظة كتاب الله عز وجل وذلك بعد صلاة العشاء من يوم السبت 30 اب 2008 الموافق 29 شعبان 1429هجرية ويحيي الحفل فرقة الإخوة أبي شعر يوجد مكان خاص للنساء تقبل الله منا ومنكم

منقول للأستاذ ( فاروق النفوري )

angel.alnabek
19-08-2008, 07:09 PM
يا ريت عندي صور للنبك كنت عرضتها
في عندي خبر جديد
صار دوام المدرسة من الساعة 9الى الساعة2
شايفين هالطلاب شو مرفهين
يومين عطلة ودوام الساعة9
ما عرفوا يحطوا هالقرارات على ايامنا

المستبدة
19-08-2008, 08:06 PM
عنجد عنجد يســـــــــــــــــــــــ ــــــــعد الله عنجد انجل الدوام من الساعة تسعة
ليش انا ماخبرت عجيب عطيني شي دليل
وبعدين ليش عم تقولي مرفهين اي روحي شوفي هالترفيه مو طبيعي
خاصة هالمنهاج مرفه كتير
المهم انا بدي اتأكد إذا الدوام من التسعة

angel.alnabek
20-08-2008, 01:18 AM
انا اجتني مسج عالموبايل
بكرا بتاكد من الموضوع وبردلك خبر
ومن جهة الترفيه على اساس نحنا كان منهاجنا سهل
عالقليلة انتو عطلة يومين وكتب ملونة بتفتح النفس شوي عالدراسة

baby3
20-08-2008, 01:52 AM
أنا شفت ناس زكايا و بينحبوا بس متلك يا angel.alnabek ما شفت
يا هيك اخبار يا بلا

baby3
20-08-2008, 02:06 AM
كتير حلو موضوع اخبار النبك
شو بدنا نساوي هيما في السرافيس؟على فكرة هدول لنقل البضائع مو لنقل الناس
السرافيس بتكون مسكرة بس نحن فتحنالن شبابيك لا و كمان في النبك بيحطولك كرسي محل المرور
مرة اضطريت اركب على هاي الكرسي امت وصلت عالشام معي الدسك ههههههههههه

خالد النفوري
20-08-2008, 03:30 AM
أنا شفت ناس زكايا و بينحبوا بس متلك يا angel.alnabek ما شفت
يا هيك اخبار يا بلا

يامحلا التشجيع
يعني عمتستنوا خبر يقلكن ما عاد في شي إسما مدرسة ؟
أنا مبارح ما شفت بالمنام هيك شي 0

خالد النفوري
20-08-2008, 10:13 AM
السلام عليكم


إخواني حملوا هذا البرنامج وعدلوا إعدادات (خط الطول إلى 36.734 ) و (خط العرض إلى 34.025 )


لتحصلوا على أوقات الصلاة في النبك مع الأذان في المواعيد المحددة 0


الرابط هو : www.ela-salaty.com (http://www.ela-salaty.com/)


بإمكانكم تحديد خطي الطول والعرض لأي بلد في العالم بأن تحدد البلد المطلوبة من برنامج


google earth


ثم اضغط بزر الماوس الأيمن فوق البلد المحدد واختر اتجاهات من هنا فيعطيك في خانة البحث


lon أي خط الطول و lat أي خط العرض


عدلها في البرنامج تحصل على المطلوب

خالد النفوري
21-08-2008, 02:18 AM
سامحوهم
لأنهم ( مو فاضيين اليوم يخبرونا شي )

مدمن حب
21-08-2008, 06:07 PM
موضوع حلو والأحلا أنه يكون في مراسلين دائمين
النبك على حالها لا جيديد بالنسبة لبعض الأمور والي هي موسم الزواج كل يوم زمامير وجيب صيغة وصاير في موضة جديدة وهي الألعاب النارية بدل القواص كل عرس لازم يكون في بالسما اشكال الوان والظاهرة الثانية الملفتة للنظر بالنسبة لهي القصص هي تغير فرش الصالة على حساب الي عالملين العرس طبعا للتميز
هاد الي بيعمل البرادي من لون بدلة العروس بيحطله مبلغ وقدره وهاد بيعمل فرش الطاولات من لون بدلة ام العريس لكان شو العروس على راسها ريشة لتنعمل البرادي من لون بدلتها وفي مين بيعمل السقف من لون كندرة العريس خخخخخخخخخخ لأن بدلة العريس المسكين ما بيتغير لونها لازم تكون سودا
طبعا كلامي يمكن يكون بمنطق السخرية نوعا ما بس موجود وواقعي دخيلك الي ورث كم قطعة ارض اون شفط كم قطعة ارض وين بده يروح بالمصاري بيقلك بجيب مسايا ((برنامج تلفزيوني بيختص بالأفراح وعرضها ع التلفزيون )) بيجيبهن ليصوروله عرسه هي انتهينا من موسم الزواج
بنجي للطرق وبنتشكر ادارة المرور على تنظيمها لشوارع النبك الي قبلي زكروها وبنتشكرهن على طرز المخالفات للناس تعتبر وتصير نظامية بس الغريب انه بالنبك نعمل زفت لكل الطرقات وانطمرت الجور بس من وين عم تطلع هل الجور ما بعرف بتكون ماشي بسيارتك بأمان الله وما بتلاقي غير دججججججج بتطلع ولا جورة وانا على حد علمي انه السنة الماضية النبك كلها نحطلها زفت جديد لصارت اد ما بدك مزفتة بسكون الفاء خخخخ
الله راحمني انه معي سيارة جيب عالي واغلب المغتربين معهن هيك سيارات
هي من ناحية الطرقات بنجي للسقي كالمعتاد ما تغير شي كل يوم عمارة جديدة وهات حط رخام وسيراميك والزي منه والأهم برميل المندي اهم من خزان المي بالمزرعة مبارح مريت من جنب الي ببيبيع حطب اول السقي وبيعمل خبز تنور يا امي شو طيب هل الخبز اقل شي رجعنا لريحة الخبز الأصلي المهم سألته ليش كل هل الحطب الي منزله بيجاوبني كل يوم عندي نقله بتنباع انا استغربت معقول كل هاد الحطب بيوم بيجاوبني الله يخليلنا اليمن الي طلعت اكلة المندي لأن بالنبك في راميل مندي اكتر من اليمن بحد زاتها وهي خلصنا من طريق السقي
شو بعد في اخبار ممممممممممممممممممممممم
الموضة هي كل سنة فيها تجديد
يعني كل سنة عن الي قبلها في موضة جديدة يعني صرت تشوف موديلات القصاع وباب توما عنا بالنبك البعض مش الكل لما نعلق بلسان الناس
شو كمان ممممممممممممممممممممم
مبارح بالليل في حادثة اختطاف بنت ولا تسألني مين وليش وكيف ما بعرف بس الي شفته مبارح كنت بالسقي عم اشغل الغطاس بالمزرعة الساعة 11 بالليل ولا السقي قايم وقاعد سألت شو في قالولي بنت ضايعة بعد شوي وقفتني الشرطة وبما ان الشرطة من اصدقائي المقربين والي لازم اوقف مع واحد او اثنين منهم يوميا لأعزمه على الفطور او الغدا خطي واقفين بعين الشمس لازم نقوم بواجبهن بعدين هني غربة عن النبك ولازم ندعمهمن المهم ومن خلال توقفيهن الي بشكل يومي تقول فرض علي اقدم المعونة صارومن اصدقائي المقربين والي خلاني احسب حسابهن بالسفرة الجاية بنسبة من ارباحي اي الصديق الوفي هيك برح خصص نسبة 2% من الأرباح لأصدقائي الشرطة خطي متل ما قلنا غربا
المهم وقفوني وتفاجئت أنهم عم يدورو على بنت مخطوفة وطلبو يشوفو السيارة لك كل وم بمر من خلقتهن 50 الف مرة وجايين يفتشو عندي كيف لو انا مفيم السيارة وجديد بالنبك كان الله يستر بس بنشكرهن على عينهن السهرانة على جيوب ؟؟؟؟؟ عفوا على راحة المواطن لاتأخزني ما بعرف امسح الي كتبته وبالغلط طلعت جيوب المهم رحت انضبيت ببيتي وقلت الله يستروطول الليل وانا عم اسمع صوت سارات تقول بساحة رالي المهم قررت اني انام وخاصة انه المكيف عم يعطي برودات غير شكل لأن الليلة الماضية كان شوب احس حالي بجدة ليش ما اعرف وبما اني ققرت انام قرير العين ما حسيت حالي غير متل الي عم يسبح بالمي اتاري شو الكهربا مطفية بالنهار قلنا مو مشكلة في ضغط بس باليل شو في ووجه الصبح ليطفوها قلت امري لله بطلع ع البلكون وبكمل نومتي السعاعة 11 قبل الظهر بيتصل قريب الي وبيقلي قصة البنت الي انخطفت انا رجعت سالمة طبعا كمان لا تسئلوني اتفاصيل لأني ما بعرف الي بعرفه انه بدي انام لأني قررت ارجع لمضاربي بالسعودية هي مختصر عن اخبار النبك بس بتعرفو شغلة انه مهما صار وشو ما صار ليش بحب النبك ما بعرف ووقت بجي لهون ما بيمضى شهرين الا وبطق مرارتي بدي ارجع اسافر شو السر
مراسلكم مدمن حب من النبببببببببببببببببببببب ببببببببببببببببببببببببب بببببك
نسيت اقلك على النت ومشاكله ههههههههههههههههههههه هي بدها فشة خلق مرتبة وبدك الناس تنزلك صور لك اذا موضوع ويالله عم ينزل بدك صور
تحمد ربك انه في مشاركات بس انا رح اخد معي مجموعة صور وبنزلهن من هنيك بس اسافر تكرم عيونك

baby3
21-08-2008, 08:21 PM
شكرا مدمن حب عالاخبار
يعطيك العافية ضحكتني كتير طريئة كتابتك نبكية 100%100

●•°BaSmA°•●
21-08-2008, 08:29 PM
شكرا لك مدمن حب
ما شاء الله شو هالأخبار ؟:o

خالد النفوري
21-08-2008, 09:11 PM
ياسلام يامدمن فشيتلي خلقي وأخبارك حلوة وواقعية وخاصة هَي إنو سقف الصالة من لون صباط العريس ياسلام إي هيك بدنا الكل يشتغلوا من ألب ورب بس أحلى شي كمان شغلة المندي , والتنور بأول طريق السقي والله هالناس عمترف تشتغل 0 قول شغلة الزفت والجور معليش صارت من تراثنا يعني أولشنا عليها 0 بس بتعرف ؟ شو رأيك تضل عندك وتسويلك مطعم كبسة بخاري وبرياني ومضغوط ومثلوثة وتوابعو( لإنن كتار) وكلن رز ولحمة مو أحسنلك من السعودية على الأقل بتكون كل الأخبار عندك ولا تزعل سيدي بنعينك المراسل الوحيد للنبك وبنعطيك الوكالة يعني أي واحد بدو يشتغل هالشغلة لازم يكون عن طريقك وهيك بصيرو شغلتين (شو رأيك فكر فيها ) لإنو الشغلة بعدا بأولها وبكرا بتحما وبنعمل كلمة سر للصفحة وبنبلش أص عملة وهيك بتدمن عالأخبار وبتبطل شغلتك التانية الحب بتصير (مدمن أخبار ) والله فكرة جهنمية وأريح من شغلتك الأولى مو هيك شريك 0لا تنسانا من الأخبار حتى إذا مابدك نشتغل سوا, اتفقنا ؟

خالد النفوري
22-08-2008, 02:21 AM
لا تنسَوا ذكر الله

خالد النفوري
22-08-2008, 05:04 AM
سبحان الله وبحمده سبحان الله العظيم

خالد النفوري
22-08-2008, 05:08 AM
سبحان الله والحمد لله


ولا إله إلا الله


والله أكبر ولا حول ولا قوة إلا بالله

angel.alnabek
22-08-2008, 03:02 PM
آسفة على هالخبر بس مو انتو حابين تعرفوا شو في أخبار بالنبك
فلازم خبركن شو عم يصير بالنبك
هوي خبر بحزن
في ناس بعرفن كل مدة بروحوا عالتربة واليوم الصبح بكير راحوا
بس اليوم ما كان متل أي يوم تاني
شافوا منظر بأشعر البدن
شافوا أناني ويسكي وبايسون وبزر عالأرض حد القبور
متخيلين المنظر بالتربة
شايفين شو عم يصير عنا
ما ضل في احترام للتربة وللميتين
ما بعرف شو بدي علق أكترعالموضوع رح اترك التعليق الكن

●•°BaSmA°•●
22-08-2008, 03:15 PM
لا حول ولا قوة إلا بالله العلي العظيم
شو هالخبر وشو صار للعالم :(

baby3
22-08-2008, 03:21 PM
الله يهديهن .....ف التربة؟؟؟؟ لا حول و لا قوة الا بالله
هات لالكن على خبر حلو بس مو كتير طازة!!!!!!!!!!!!!!
في بنت في النبك من بيت الجلاب مجمعة في البكالوريا 239 ماشاء الله و لا قوة الا بالله
شكرا angel صحيح الخبر بيحزن فعلا بس كمان لا تنسي انو المراهق بساوي اشياء ما بيتوقعا الواحد
أكيد هدول مراهقين و بكرة بيكبروا و بيتندموا
يا جماعة كونوا اصدقاء لولادكن و تحاورا معن و لا تبخلوا عليهن بالحب
الصبيان المراهقين خاصة بدن طولة بال و محاورة و كتير مهم انو تغمروهن (اي اغمروا مراهقينكن )
كتير بياخدوا محبة و بترتفع معنوياتن الشخصية
الله يحمي اولادي و اولادكن و اولاد المسلمين جميعا











ا

خالد النفوري
22-08-2008, 04:21 PM
الله يجيرنا من الأعظم
لإنو كل هالشي ولسا ماشفنا شي
واليوم أسوأ من مبارح وبكرا أسوأ من اليوم
الله يتلطف فينا
آمين

خالد النفوري
23-08-2008, 02:38 PM
( المستطلعين كثر والمخبرين قلة)
مبروك لبنت الجلاب تفوقها
ونتمنى لجميع الطلاب سنة دراسية موفقة
ودعاؤنا للجميع النجاح

خالد النفوري
23-08-2008, 02:43 PM
عن البراء بن عازب قال قال النبي صلى الله عليه وسلم إذا أتيت مضجعك فتوضأ


وضوءك للصلاة ثم اضطجع على شقك الأيمن ثم قل اللهم أسلمت وجهي إليك


وفوضت أمري إليك وألجأت ظهري إليك رغبة ورهبة إليك لا ملجأ ولا منجا منك إلا


إليك اللهم آمنت بكتابك الذي أنزلت وبنبيك الذي أرسلت فإن مت من ليلتك فأنت


على الفطرة واجعلهن آخر ما تتكلم به قال فرددتها على النبي صلى الله عليه وسلم فلما


بلغت اللهم آمنت بكتابك الذي أنزلت قلت ورسولك قال لا ونبيك الذي أرسلت

كنوز الدنيا
23-08-2008, 07:57 PM
فعلاً الله يجيرنا من الاعظم
مشكورين على الاخبار
وشكر خاص الك baby3
على النصائح الحلوة والموفيدة كتير
الله يخليلك ولادك وكل الاولاد لاأهلهون
وشكر لاخ خوليو يعطيك الصحة والعافية

pinkgloss
23-08-2008, 11:49 PM
لا حول ولا قوة إلا بااله شو هالخبر هاد الله يهدي الشباب

خالد النفوري
24-08-2008, 04:49 AM
( دعاء القنوت )


اللهم اهدني فيمن هديت


وعافني فيمن عافيت


وتولني فيمن توليت


وبارك لي فيما أعطيت


وقني واصرف عني شر ما قضيت


إنك تقضي ولا يقضى عليك


إنه لا يذل من واليت


ولا يعز من عاديت


تباركت ربنا وتعاليت

ياسمين زمزم
24-08-2008, 06:44 AM
السلام عليكم

ما رأيك أخي أن تفرد الأذكار و الأدعية في موضوع آخر فنحن بحاجة لها

و هنا نضيع بين خبر و كلام عادي و دعاااء !!

$أســـامـــة$
24-08-2008, 01:40 PM
لا حول ولا قوة إلا بااله

( المستطلعين كثر والمخبرين قلة):confused:
اخي خوليوطول بالك شو بس انزل :D
على النبك كل الأخبار الجديده رح يصيرو عندك:eek:
;)

خالد النفوري
24-08-2008, 03:41 PM
السلام عليكم

ما رأيك أخي أن تفرد الأذكار و الأدعية في موضوع آخر فنحن بحاجة لها

و هنا نضيع بين خبر و كلام عادي و دعاااء !!

أختي إن قرأت ذِكراً وأنت تقرئين الأخبار فهل هذا ربحاً أم خسارة
وإن قرأت الأخبار من غير ذكر الله فهل هذا ربحاً أم خسارة
سؤال : كم نسبة من يتطرأ للقسم الإسلامي من جميع من يمر على هذه الصفحة
إعملي إحصاء ونجيب بعض بعد حين
سؤال ثاني : من قال أن ذكر الله يفصل عن أي شيء أو حالة
هذا عوضاً من أن تقولي جزاك الله خيراً أن نذكر القارئ بذكر الله
وهل هذه الكلمات تعيب الصفحة أم تزيدها منفعة
أود منك الإجابة عن هذه الأسئلة جميعاً وبعدها أجيبك 0

ياسمين زمزم
24-08-2008, 04:20 PM
السلام عليكم

أخي الكريم :

ربما لأني لست غاوية أي كلام ووجدت أذكاراً تدرج بينها ، شعرت بحاجة تلك الأذكار منفردة بعيدة عن أخبار بصراحة في الحياة العامة أغلق أذني عنها !!

لست مع فصل الدين عن الحياة لأني بالأصل أنظر على أن الدين هو الحياة كلها

فلِم للأخ سوء ظن بنا ؟؟!!

خالد النفوري
24-08-2008, 04:51 PM
أختي يمام
مع ال أي كلام لابد أن نذكر بعضنا ذكر الله
فإذاً لماذا بعضهم وهو يتكلم يقول لك صلي على النبي فتصلين على النبي وهو هنا يقول أي كلام كما عبرت أنت فهل بذلك ربحت بالصلاة على النبي أم خسرت أجيبيني 0

ياسمين زمزم
24-08-2008, 08:14 PM
السلام عليكم

و أجيبك ..

اللهم صلِّ و سلّم و بارك على سيد المرسلين و خاتم النبيين سيدنا محمد و على آله و صحبه و سلم

لسنا على جدال أخ خوليو

وفقك الله فيما أنت عليه

خالد النفوري
24-08-2008, 08:16 PM
سلمتِ أختي يمام

المستبدة
24-08-2008, 08:44 PM
آخر اخبار النبك:
اليوم الدنيا شتت شتت كتييييييييييييير ياعمي راح عليكن يا مغتربين منظر الشتي
وصار في سيل بالمخرج ييييييي هالمخرج صاركلو طيونة والناس كلها عم تصور ومبٍٍٍٍٍٍٍٍسوطة
والسقي كان كتيييييير حلو
وهاد غيــــــــــــــــــر السد اللي كان عم يخدق بالمي ال عم يقولو انو بعد بدو يجي سيل قوي
عاد الله اعلم شو بدو يصير
اليوم طول النهار انا وعم غني غنية وائل معقول تشتي بآب

●•°BaSmA°•●
24-08-2008, 08:49 PM
الله يبعت الخير
ما شالله اليوم بالنبك ومبارح سمعنا أنو في مطر بالشام ,سنة مباركة إن شاء الله
نحنا السنة الماضية ما شفنا المطر إن شاء الله هالسنة تكون سنة خير وبركة

خالد النفوري
24-08-2008, 08:56 PM
الحمد لله جعلها الله سقيا خير وبركة آمين

خالد النفوري
24-08-2008, 09:05 PM
أختي المستبدة لم لا تقولين سبحان الله بدل يييييييييي
سامحيني فذلك أفضل وأعتبريني أخوك الأكبر

خالد النفوري
24-08-2008, 09:23 PM
نوايا صادقة من عضو في المنتدى
أما النية لتكن الختمة الأولى مثلاً على نية صلاح أهل النبك و هدايتهم
و الثانية على نية الإغاثة بالمطر و الخير الوفير يعم بلدنا الحبيبة النبك خاصة والمسلمين عامة
و الثالثة على نية نصر الإسلام و المسلمين في كل الأراضي المحتلة

baby3
24-08-2008, 10:40 PM
الحمد لله رب العالمين على هل امطار يجعلها سقية خير و بركة يا رب
الشكر الجزيل عبر منتدانى الجميل لجماعة الهلال الاحمر في مدينة النبك,الله يعطيهن العافية

lwoai
24-08-2008, 10:51 PM
الله يبعت الخير ويجعلها سقيا رحمة

طيب ما التقى حدا فيكن يصور ويبعت الصور او الفيديو

ليش حابيت تحرئو بئلبنا

والله بينشد فيكن الضهر

يالله لشوف شي واحد ينزلو شوية صور خلينا انفش اهرنا شوي

الحبيب l7beb@
24-08-2008, 11:30 PM
السلام عليكم أخي أنا أحد المغتربين النباكنة
وعند لازم الواحد يعرف الشادرة والواردة عن النبك

لانو بعيد عنا

والله يعطيك العفية ومشكوررررررررررررررر على هالموضوع الحلو

سران
25-08-2008, 04:30 PM
كيف وشو وشو القصة لك شو قصة الدوام تبع الساعة 9 والتربة ومابعرف شو والله عمعرف اخبار النبك من هون وبس مع اني بنص البلد ليش هيك ماعمعرف شي حاستني متل الاطرش بالزفة مامعي خبر شي اذا بدي اعرف شو الجديد صايرة فوت عهالموضوع

خالد النفوري
26-08-2008, 04:50 PM
لاجديد حتى الآن
فلنذكر الله :

سبحان الله وبحمده سبحات الله العظيم

مدمن حب
27-08-2008, 02:06 AM
وهي شوية صور للسيل

http://www.alnabkvb.net/vb/uploaded/580_1219791008.jpg


وهي كمان وحدة

http://www.alnabkvb.net/vb/uploaded/580_1219791228.jpg


وهي وحدة للشجر والخضرة بالنبك وقت كانت بتمطر قبل السيل

http://www.alnabkvb.net/vb/uploaded/580_1219791909.jpg

بس يطلعو الصور
بعدين بنشوف شو في اخبار

●•°BaSmA°•●
27-08-2008, 04:23 AM
شكرا لك أخي مدمن حب
لسى من شوي كنت عم شوف مقطع فيديو للسيل بالنبك
ما شاء الله
إن شاء الله تكون سنة خير عالجميع
يعطيك العافية

baby3
27-08-2008, 11:12 AM
شكرا الك مدمن حب على الصور
الله يعطيك العافية و يجزيك كل الخير

مدمن حب
27-08-2008, 06:57 PM
وهي كم صورة كمان


http://www.alnabkvb.net/vb/uploaded/580_1219851434.jpg


http://www.alnabkvb.net/vb/uploaded/580_1219852143.jpg

http://www.alnabkvb.net/vb/uploaded/580_1219852559.jpg

§Nosa§
27-08-2008, 07:23 PM
ماشالله شكراً لكم وشكراً لك أخي مدمن حب على الصور وإن شالله تكون سنة خير على الكل يارب..
متابعين للأخبار معكم
بوركتم..

خالد النفوري
27-08-2008, 07:45 PM
ابتدا المشوار مع مدمن صور واخبار
هلأ بلش الفلم بالأول كان كلو مناظر (المقدمة اللي كانو يحطوها قبل الفلم بالسينما)كان زمان 0
يسلمو وماقصرت هَي الصور بس وين الأخبار 0

مدمن حب
27-08-2008, 09:26 PM
حديث الساحة هلئ هو السيل والي خلفه السيل من احاديث وخاصة دق ع البلدية الي لهاد الوقت ما نظفت الشوارع
والحال على ما هو عليه من خطبات وزمامير بأخر الليل
نسيت شغلة بعد نتائج البكلوريا ولهاد الوقت في كل يوم حفلة نجاح يعني الي جمعت 239 بتستاهل حفلة ولو كانت بنتي لعملتها حفلة ومولد وكل شي وبنص ساحة المخرج بس الي مجمعة 119 و123 و145 و167 بربكن على شو عاملة حفلة ودق ورقص وعازمة نص بنات البكلوريا ؟؟؟؟؟؟؟؟؟
بنجي للأخبار المرفشة صار عنا بساحة المخرج لوحة اعلانات تلفزيونية ((بروجيكتور )) عم ينعرض فيها دعاية للمحلات وفتح عنا مول صغير يعني اصغر من بندة مول وكارفور الي بالسعودية بشوي بتقدرو تقولو مساحته قد مساحة الرسبشن بالمولات الي بالسعودية بس خطوة حلوة انه جامع اكثر من نشاط تحت سقف واحد وخصوصي بعد ما شلعو سوق الجمعة من طريق المجمع الي كان منفذ حلو للشباب لا تفهموني غلط بس الي ماعنده مزرعة ولا عنده سيارة ليروح ع السقي يوم الجمعة كان يروح ع سوق الجمعة يكزدر هنيك طبعا ما لح نحكي عن مخلفات سوق الجمعة الي بتساوي مخلفات السيل بس انشلع من شرشو بالأخر
اي شو في كمان
ارتفع سعر اللحمة وعلى اساس بده يرتفع كمان ع رمضان يعني ممكن يوصل الكيلو لل 700 ليرة واللحامين عم تعطي انزارات بالرفع مشان ما يتفاجئ الزبون
بس منيح رمضان جاي بموسم البطيخ بنفطر بطيخ وجبنة :)
في خبر بس ما بعرف بيصير ولا بس حكي
سمعت من جماعة مبارح بسهرة انهم ناوين ع رمضان يوزعو مواد غزائية بقيمة مليون ونص ليرة اذا صدقو صدقنا واذا كزبو هني حرين :)
بس مو غريبة هيك امور ع اهل النبك معروفين بكرمهن وبنقول إن شاء الله يكونو من الصادقين

خالد النفوري
27-08-2008, 09:55 PM
ياسلام يا مدمن كل شغلك عالسريع وبخاف عليك شي يوم تضيع
بس بعدك بالنبك ولا رجعت عالتعتير والتغمير والتعفير
ومشكور عالصور والأخبار المشكلة وإذا في عندك شي تاني مافي مشكلة

كنوز الدنيا
27-08-2008, 10:14 PM
والله يا أخي مدمن يا هيك الأخبار يا بلا ويا هيك المراسيلين يا بلا
يسلمو على الصور كمان يعطيك العافية
متابعين مع كل الجديد
مشكورررررررررر

lwoai
27-08-2008, 10:26 PM
يالله

والله اخبار حلوي كتير وصور بتفتح النفس

ورمضان كريم يا جماعة الخير

شوفو هي من اولها ارتفع سعر اللحمة وصار بــ 700 ليرة

الله يبعت الخير يا رب

ورمضان كريم

خالد النفوري
27-08-2008, 10:27 PM
انبسط يالؤي وصلت الصور بس لو تتحرك هالصور شوي وتصير فيديو بدي أفتحها بغير برنامج بركي بتحرك
عم هز الكمبيوتر مافي فايدة

●•°BaSmA°•●
27-08-2008, 10:45 PM
ما شالله
أخبار مفرقة ومشكلة
وفوق هيك كلو جديد
متابعين معك أخي الكريم
يعطيك ألف عافية
بس الله يعين العالم شو هالغلا
هون وبالنبك والعالم شو بدها تتحمل وكيف بدها تعيش
الله يعين الجميع

baby3
28-08-2008, 12:02 AM
الله يعطيك العافية مدمن حب
متابعين معك الاخبار يوم بيوم
بالكي كمان بتصورلنا كل شي عمتحكي عنو (المول,و المنتجع الجديد وكل شي )من بعد ازنك

إشراقة
28-08-2008, 01:27 AM
الاخبار انووووو الفستق الحلبي والجوز رخصان بتعرفو ليش لانوووووو رخصان دهب هااااااااااااا هااااااااااااااا

مدمن حب
28-08-2008, 01:48 AM
نزلت رد بالغلط
لازم انزله بموضوع المتة :)بنرجع بعدين لهون

pinkgloss
28-08-2008, 06:17 PM
مراسل عنجد والله يا مدمن حب يلا هاتوا لنشوف شو عندكون كمان

خالد النفوري
29-08-2008, 07:25 AM
هذا اليوم (الجمعة ) يوم فضيل


مادعوا فيه أن يصلح الله أحوال بلدنا خاصة والمسلمين عامة


وأن يهدينا إلى صراطه المستقيم

§Nosa§
29-08-2008, 04:28 PM
الله يعطيك العافية أخي مدمن حب على الأخبار..بوركت..

خالد النفوري
29-08-2008, 05:20 PM
معاد للتنبيه وشكراً

يتشرف معهد الأسد لتحفيظ القران الكريم في جامع بدر الحي الشرقي لحضور الحفل السنوي الكبير لتكريم الطلاب حفظة كتاب الله عز وجل وذلك بعد صلاة العشاء من يوم السبت 30 اب 2008 الموافق 29 شعبان 1429هجرية ويحيي الحفل فرقة الإخوة أبي شعر يوجد مكان خاص للنساء تقبل الله منا ومنكم

منقول للأستاذ ( فاروق النفوري )

خالد النفوري
30-08-2008, 08:31 PM
كل عام وأنتم بخير
ورمضان مبارك

خالد النفوري
01-09-2008, 07:19 PM
يا داخلين النت طالب منكم طلب
لا تبخلوا علينا ولو بخبر قلب (يعني قديم)
بانتظار اخباركم من يوم الجو انقلب
ماخبرتمونا اليوم إنكن عاملين كبب
بخلانين علينا !!! معليش, بس الله بيعرف شو في بالقلب

eng.yousef
01-09-2008, 11:57 PM
الخبر اليوم انو بطريق حمص مضروب خط فيجة تحت الارض وعم يصلحو في وعاملين منو مطب شي بمخول عظيم جدا هال المطب يعني السيارة بتمر فوق المنو وما بتحس من كتر الرفاهية ....بقا خلوصونا صلحووووووا عيب هاد واجهة بلد ..موهيك..يا بلدية ..

خالد النفوري
05-09-2008, 02:08 AM
يا داخلين النت طالب منكم طلب
لا تبخلوا علينا ولو بخبر قلب (يعني قديم)
بانتظار اخباركم من يوم الجو انقلب
ماخبرتمونا اليوم إنكن عاملين كبب
بخلانين علينا !!! معليش, بس الله بيعرف شو في بالقلب
منقول لقلة الأخبار

خالد النفوري
10-09-2008, 02:17 AM
للذي لم يتغرب ندعو أن لا يذيقه الله الغربة وألا يحيجه لها
ومن كتب الله عليه الغربة يستجيركم بخبر مهما صغر فلم تبخلون عليه
هل نصبح شحادين أخبار
اعتبروا الخبر صدقة وتبرعوا فيه ولكم الثواب
أتريدون استجداء أكثر من ذلك
فمن مال الله خبر
يا محسنين خبر

baby3
10-09-2008, 02:48 AM
الليوم جماعة الهلال الاحمر وزعوا الصدقات للناس المحتاجين في النبك و حوليها و خصوصا لاخوانا العراقية
الله ييعطيهن العافية و يجزي كل متبرع الخير
صحيح الغربة صعبة يا اخ خوليو بس الحمد لله على كل حال

روح الريم
13-09-2008, 05:50 PM
سبق صحفي
أنا واليوم عم أقلب صفحات النت سمعت الدنيا عم ترعد
بس ما إستنيت لحتى ينزل المطر
قلت لحالي خبري خوليو خطي قلبو طاقق على شي خبر من النبك
هاد الحكي كان الساعة 6 إلا عشرة
صلوا على رسول الله
* صلى الله عليه وسلم *

روح الريم
13-09-2008, 07:24 PM
الحمد لله اليوم بعد الإفطار انهمر المطر غزيراً
ويخالطه بعض البرد
صلوا على رسول الله
* صلى الله عليه وسلم *

ابو الوليد
13-09-2008, 07:34 PM
والله يا جوليو موضوع حلو بس ما لقيت ولا رد بسر القلب معقوووووول الوضع صاير سيء لهل الدرجة ؟؟؟؟بس خبر المطر بفرح الحمد لله

خالد النفوري
13-09-2008, 08:02 PM
الحمد لله إنو التقى مين يحن علينا بخبر والله يبعت الخير
يا جماعة إذا قلتولنا إنو شفتو واحد ماشي آم وقف بنعتبرو خبر
حكولنا عن رمضان عن المسحر عن الزينة اللي سمعنا فيها انعملت برمضان أي شي بيخطر عبالكن لا تنسونا بالمرة 0

أحلام الدعوة
15-09-2008, 03:28 AM
في خبر قديم جديد هو مو خبر هو ظاهرة في النبك تحديدا برمضان وهي
لعب الراكيتة "التنس -المضرب "
يعني وين ما بتروح بشوارع النبك بالحارات والزقايق بتسمع صوت واحد: "طراق طريق "
صدقني ما عم أبالغ هاد هو الوضع واللعب عم يستمر حتى وقت السحور
والشي المميز إنو المسحر عم يشارك أهل النبك فرحتهم الرمضانية وهم عم يشاركوا بالتطبيل وشوية دبكات !!!! والله عن جد هيك
أنا مو ضد الموضوع أنا عم ضل ألعب مع ولاد الحارة للساعة ........

خالد النفوري
16-09-2008, 12:44 PM
خبر كتير حلو أخت أحلام وإنشالله الناس تضل على طول مبسوطة

yamyom
16-09-2008, 09:04 PM
السلام عليكم .....فيي ظاهرة حلوة كتير بالنبك هالسنة الا وهي تزيين البرندات بالاضواء تعبيرا عن الفرحة بقدوم شهر الخير والعطاء ......بصراحة منظر النبك بالليل بياخد العقل ......فما في بناية الا وفيها شقة او شقتين مزينين برنداتهم بالاضواء وبالعبارات ( رمضان كريم , كل عام وانتم بخير .....الخ ) فعلا منظر بحسسك بالفرح والسرور بشهر رمضان

وكل رمضان وانتو بخير يا اعضاء المنتدى المنورين

خالد النفوري
20-09-2008, 06:43 PM
بسم الله الرحمن الرحيم

الجمعية الخيرية الاجتماعية في النبك تدعوكم للمشاركة في مشروعها الجديد

فرحة العيد

يهدف المشروع إلى إكساء 100 طفل وطفلة من أبناء مدينة النبك وذلك بمناسبة

عيد الفطر السعيد

حيث تُقبَلْ :

1- التبرعات المادية

2- التبرعات العينية ( ألبسة - أحذية - إكسسوارات - ألعاب أطفال ) الجديدة فقط

3- الحسومات على مبيعات الألبسة والأحذية من المحلات المختصة


شاركوا بإدخال الفرحة على هؤلاء الأطفال وعلى عوائلهم وكل عام وأنتم بخير

للاستعلام يرجى الاتصال على الرقم : 7221290


منقول من إعلانات الجمعية

خالد النفوري
29-09-2008, 12:35 PM
كل عام وأنتم بخير
وعيدكم مبارك
وتقبل الله منا ومنكم صالح الأعمال


ومبروك الإنتهاء من ترقية السيرفر


ويعطيك العافية أخونا غياث

هَيما
29-09-2008, 02:33 PM
السلام عليكم
عندي خبر بس مو نبكي
بالاحرى قلموني
عم يتعمر مول ضخم في دير عطية قبل جامعة القلمون ناح النبك
و عقبال عنا و عقبال ما يتنفذ مشروع الاخ سيريان اللي تم طرحو بالمركز الثقافي
بهمة أهل النبك

أبو مصطفى
29-09-2008, 03:12 PM
السلام عليكم

الله يسمعنا الاخبار الطيبة

ما شاء الله الظاهر جامعة القلمون فتحت لنا ابواب كثيرة الحمد لله

●•°BaSmA°•●
29-09-2008, 04:22 PM
شكرا هيما على الخبر
وعقبال النبك ومشاريع أحلى وأحلى إن شاء الله

أبو مصطفى
29-09-2008, 04:51 PM
السلام عليكم

صحيح بكرا خطبة اكثر مشارك بهذا المنتدى عقبال عند الجميع هوي ما بدو يعلن هالشي غير لبعد الخطبة وانا ما رح جيب اسمو والشاطر يبحث ويعرف مين هوي

احد فردات الادارة اليوم بيوصل على سوريا

والتاني مجيم ما بعرف اش قتصو ممكن هاليومين ينزل بعد تعثر عدة مرات

يعني ادارتنا هاجرت الله يستر

خالد النفوري
03-10-2008, 02:13 PM
يبدو أن تايغر هو المقصود يا أبو مصطفى
بس يلي ضرب ضرب ويلي هرب هرب ويلي خطب خطب
وبالمناسبة في صفحة الأخبار نبارك للعضو صاحب أكثر مشاركات (تايغر)
خطوبته من الأخت قصر الشوق يلي لعبت في لعبة قياس الصبر في قسم الألعاب واستسلمت مباشرة معلنة عدم صبرها لمتابعة اللعبة ونقول لها التايغر غالي علينا كما انت غالية أيضاً ولكن الزواج بحاجة للصبر وأنتم بدأتم في طريق جديد وستودعون العزوبية قريباً إن شاء الله وأقول لقصر الشوق عودي لنفس اللعبة حتى تحصلي على نسبة 100% وأعلني النتيجة هناك وبعدها نحكم
متمنين لكما حياة سعيدة
وندعوا ونقول الله يوفقكم ويجعل التمام على خير

خالد النفوري
13-10-2008, 02:39 PM
لاجديد حتى الآن
فلنذكر الله :

سبحان الله وبحمده سبحان الله العظيم

eng.yousef
14-10-2008, 03:46 AM
اخر خبر يا جماعة انو في منهول بساحة المخرج انسطم وانضرب اجت البلدية لتصلحو وصار السياقات معبية الدنيا واظن انو هاي وواجهة بلد مو حلوة يضل هيك الوضع روايح كريهة ومناظر غير مرغوب فيها بقا ياريت من الجهات المعنية يدبرو الوضع قبل ما نختنق وشكراا لحسن الاستماع والقراءة ..

baby3
15-10-2008, 11:54 PM
اليوم شتت الدنيا في النبك
كان منظر المطر كتير حلو
صارلوا الجو كم يوم كتير حلو يعني لا برد و لا شوب
و في مشروع فيلات في منطقة ريما اللي عبالوا ايكون عندو فيلا يدخل فيه
الدفعة الاولى 750الف ليرة و الباقي في التقسيط بس ما بعرف اديش!!!!!القسط

●•°BaSmA°•●
16-10-2008, 04:29 AM
ما شاء الله
الله يبعت الخير وعقبالنا ان شاء الله
شكرا لك أختنا الغالية
أتمنى لك إجازة سعيدة وموفقة

سران
16-10-2008, 02:40 PM
الي بيقهرني انو انا بنص البلد وما بعرف شي من هالاخبار الي عمتقولوها ياترى شو السبب ؟

المرحوووووم
16-10-2008, 03:50 PM
الله يبعت الخير

صحيح كفلا سران ما معها هالاخبار؟؟

يمكن مو من جماعة القال وقلنا هههههههه

بالنسبه لاقساط الفلل يلي في ريما خمسين الف واربعين الف حسب المساحه

تحياتي لكم

baby3
17-10-2008, 03:05 AM
شكرا الك اختي basma تضلي بخير و صحة
بس شو يعني يا مرحوم جماعة القال و قلنا؟الله ايسامحك ازا كنت بتقصد شي تاني

خالد النفوري
17-10-2008, 03:36 AM
شكرا الك اختي basma تضلي بخير و صحة
بس شو يعني يا مرحوم جماعة القال و قلنا؟الله ايسامحك ازا كنت بتقصد شي تاني


إختنا سران قالت إنو مابتخبر بشي مع إنها عايشة بالنبك
وقصد المرحوم يعني يلي موتبع القال والقلنا يعني مو من الناس يلي بيطلعوا ويفوتوا وبيخبروا من هون ومن هون
وبكون الواحد بيتوتي يا دوب يخبر من أهلو
أو بكون ما بحب يتدخل بحدا يعني ما بياخد وبيعطي كتير مع الناس إلا يلي إلو لزوم
وأظن إختنا سران طبعا هيك

أحلام الدعوة
18-10-2008, 03:20 AM
خبر عاجل :
ما بحب القيل والقال بس في خبر خطبة مهم :
اليوم بحارتنا خطب شب عمرو 17 سنة لبنت عمرها 14
كبار مو

سران
18-10-2008, 03:38 AM
بالفعل ليش هيك اهلهم متاخرين عليهم مامعن حئ بنوب
سبحان الله عيش كتير بتسمع اكتر

خالد النفوري
12-12-2008, 12:46 PM
هل من جديد ؟


كل عام وأنتم بخير


--------------------

eng.yousef
12-12-2008, 11:17 PM
الجديد انو طريق المجمع عم يسب حالو لانو شالو المنصف مشان يوسعوا وكمان طريق الشام نفس الشي لانو عم يشلو المنصف والحمد لله وفروا لشباب الصايعة ساحة تفحيط مدللة ..غير انو جماعة معامل دوا الغسيل والمنظفات عم يقيمو شغل لانو زايد الضغط عليهن بسبب الغبرة الكثيرة والتراب والمتناثر بالطريق
يعني اللي مجنني انو طريق الشام من كل طرف بدون يوسعو متر ونص وطريق المجمع متر بمتر ؟؟؟
نحنا العرب ليش هيك ؟؟
يعني الطريق الواسع منوسعوا كمان ؟؟والطريق الضيق خلي عم يتحسر عحالو .؟؟؟

يوسعوا طريق المستشلى اللي عنجد بوقت الزحمة ما عم ينطاق ولا طريق حمص احسن بالصيف السيارات فيه بتوصل من الاشارة لشارع امين ؟؟

على كل حال الله يعطيهن العافية بس معليش بليز عجلو شوي لانو صاير معي فوبيا من التحفير بشوراع النبك ؟؟

نبكي وأفتخر
12-12-2008, 11:43 PM
يا جماعة الخيييير
يعني دورو على الأخبار الحلوة والله بتلاقوها
الحمد لله بيكفي انو أهل النبك وين ما رحت ولفيت بيبقو ولاد أصل
أنا عايش بالامارات
وصدف انو في معي شب نبكي بنفس شركتي
والصراحة الصراحة
ما بيقصر بمساعدتي لما بيقدر
الله يبارك بشباب وبنات النبك
ونشوف النبك عامرة بالخير والأمان والعلم9

الاستاذ
13-12-2008, 07:40 AM
أخبار حلوة للأسف ماعندي , و أخبار سيئة حابب ما انقلها أحسن , بس حابب وجه شكر سريع و عميق للأخ خالد النفوري على المواضيع المتميزة اللي عميطرحها في المنتدى و كل عام وأنتم بخير ...

خالد النفوري
30-01-2009, 12:58 AM
سؤال للأعضاء الكرام

هل ترون فائدة من تثبيت هذا الموضوع ؟

أود أخذ رأيكم به و أهميته بالنسبة لكم

و جزاكم الله خيراً
----------------------

fox barcelona
30-01-2009, 01:52 AM
هلا الفكرة حلوي
وخصوصا نحنا بلغربي من نتصل بكون بدنا خبر من تحت الارض
مع انو بتوصلنا اخبار احيانن اسرع متنتشر بلنبك
ههههههههههه


مشكور عل الفكرة خالدوليس غريبة عليك

جوبتير
30-01-2009, 02:20 AM
اخي خالد مشكور عموضوعك واللهي اول مرة انا بقراه وبصراحة عجبني وانا بايد فكرة التثبيت معي اني عايشة بالنبك والان لما قرات الموضوع من البداية للنهاية واللهي في كتير امور ما كان معي خبرها بتمنى يتثبت واذا كان فيه اخبار اجتماعية بتمنى وضع الحلول لها عن طريق هذا الموضوع فمثلا خطبة الفتاة بعمر 14 ليس تدخل بس حرام هيك من راي ؟؟؟؟؟؟؟؟؟؟؟؟

!عاشـ النبك ـق!
30-01-2009, 04:33 AM
والله للاسف يا ابن العم اليوم في خبر مو حلو

يا لطيف

في شب من بيت البدوي مخلص عسكرية جديد وكان بدو يسافر عالسعودية

عمل حادث عند جسر يبرد تقريبا وتوفى عمرو شي 21 سنة

الله يرحموا ويجعل مسواه الجنة

ولا حول ولا قوة الا بالله العلي العظيم

anjel
31-01-2009, 04:43 AM
انا اول شتوية بشتي هون الله يعين الي بالغربة
وشكر الك اخ خوليو عل الموضوع
يعني اي خبر يوصلن هونيك بطير عقلن وحتى لو يخبروهن مطفية الكهرباء

خالد النفوري
31-01-2009, 05:49 PM
مرحبا ابو علي
بتلاقي اكيد متل هالمواضيع بالمنتدى ...
عندك قسم شؤون نبكية و فيه بتلاقي بعض الاخبار وعندك قسم الوفيات و فيه الاستاذ فاروق النفوري الله يجزيه الخير بيخبرنا بأسما كل المتوفين ...
و كمان عندك موضوع للاخ خالد النفوري بقسم المنوعات بيهتم بأخبار النبك ...
و اهلا وسهلا فيك .
هذا رد لأخي mrm على أخونا شريف

ولذلك أرجو النظر في تثبيت هذا الموضوع وهو ما اقترحته سابقاً
-------------------

ثائــ TH ــر
31-01-2009, 05:55 PM
أنا مع تثبيت هالموضوع لأنو فعلا حلو كتير
مشكور عمي خالد
ومشكورين جميع الأعضاء اللي عمنقلولنا الأخبار من النبك
لأنو على الأقل إذا مانك قادر تشوفها بتسمع عنها وفعلا في أخبار كتير ماني دريان فيها

إتصورو إنو عمليةتوسيع طريق المجمع وطريق الشام ما معي خبر فيهن

مع إنو الغبرة واصلة لهون

charif
02-02-2009, 11:18 PM
===========================================
شكرا خالد وخوليوو شكراً لكل اللي شاركو بالموضوع
فكرة التثبيت حلوة و ما بظن في حدا بيعترض عليها

بس اللي ملاحظه إنو الغالبية العظمى من المشاركين مغتربين و هاد طبيعي لأنهن بحاجة فعلاً لهيك مواضيع بس بنتمنى يكون في مشاركة أكبر من المقيمين بالنبك -الله يهنيهم فيها و يرجعنا إلها بأقرب فرصة- و يخبرونا عن كل شي بالنبك

و لا بأس بشريط للمباركات و الإهداءات و مع أسماء إذا ما في مانع لأصحابها لأنه بتصدف نعرف أخبار عن حدا بنعرفه و بنشارك ان كان مباركة أو إهداء أو حتى تعزية -بعيد الشر عن أحبابكم جميعاً -و الله يرحم أمواتكم و أمواتنا و أموات المسلمين جميعاً و الله يرحمك يا إمي


بالمناسبة بعتبر حالي من اللي دفعو ضريبة الغربة غالي كتير,
أنا توفت والدتي و أنا بالغربة و ما قدرت انزل و كانت أصعب محنة مريت فيها بحياتي
سمعونا الفاتحة
و آسف على تعكير مزاجكن

عاشقة الوفا
03-02-2009, 05:02 AM
أخبار النبك باخدها من هاد الموضوع رغم اني بالنبك بس مش كتير بخالط الناس يمكن بيناموا الناس لفكر أصحى أنا
كمان توسيعالطرقات هاد عامل مشكلة عنا مافي إنارة بالشوارع ورح تخلص الشتوية ونحن ماكنا نخلص صف كم بلوكة
الحمداللله ع كل شي لاتزعل أخ شريف كل أنسان مر بزعله ع اي شخص فقده سواء كان جنبه ام بعيد عنه الموقفين متساويين بس ضريبة الغربة عم تكون كبيرة والله يغنيكم عنها يارب

charif
03-02-2009, 05:56 AM
شكرا عاشقة الوفا
و شكراً لأي حدا بقدم أي أخبار أو أي شي بيتعلق بالنبك الحبيبة الله يعمرها و يهدي كل شبابها و بناتها و يوفقهن ليقدمو شي بنفتخر فيه

الاستاذ
04-02-2009, 08:05 PM
بعد محاولات مستميتة لايجاد موقع قدم في المركز الثقافي في النبك لم أجد عزاء لهزيمتي في هذه المحاولات سوى العودة الى البيت وابلاغكم انه الآن وفي هذه اللحظات يلقي الناطق الرسمي باسم حركة حماس الاستاذ سامي أبو زهري محاضرة في المركز الثقافي ضمن فعاليات مهرجان انتصار غزة .

ثائــ TH ــر
04-02-2009, 08:08 PM
يعطيك ألف عافية إستاذ
وإن شاء الله بتلاقي الوسيلة لحتى تسمع هالخطاب
يعني الحال صار واحد نحنا وانت

يلا بسيطة المهم إنو النفس نفسها فرحانة بالإنتصار

وإن شاء الله يتذكر حدا من الأعضاء ينقللنا الخطاب عالمنتدى والفعاليات كلها إذا امكن

أبو الطيب
13-02-2009, 09:07 PM
وين المشاركات دخيل
الى كل من ينعم بهواء النبك وبردها : بلغونا عنها ولو كلمة

baby3
16-02-2009, 02:21 PM
اليوم 16-2-2009 جماعة الهلال الاحمر في النبك عميوزعوا كراتين مستلزمات للأسر الفقيرة في النبك و ديرعطية و لاخواننا العراقية المقيمين في بلدنا
الله يعطيهن العافية للشباب الهلال الاحمر و يجزي كل الجهات المتبرعة من مؤوسسات و افراد كل الخير.

charif
17-02-2009, 01:07 AM
الله يعطيهن العافية و كل واحد شارك بفعل الخير
و الله هي أخبار بتنسمع
موفقين انشالله

swan
17-02-2009, 01:34 AM
و الله خبر حلو
الله يقوي كل صاحب عمل خير و يعطي العافية و الصحة
و ان شاء الله بتعم الخيرات ع الجميع

ريال مدريد
17-02-2009, 10:22 PM
اليوم الثلاثاء 17\2 مافي شي
وشكرا

Syrian in Australia
28-02-2009, 11:35 AM
كل يوم في عراس وخطبات وهالشباب عم تتذمر من الطلبات كتير بس رضيانة وساكتة من صارت العروس حدون بالسيارة بتشوف كل واحد منون طاير عقلوا ومو مصدق



نحن البطير عقلنا ولا انتوووووووو!!!!!! o:

تحياتي للجميع :)

{ the heart of lion }
28-02-2009, 01:43 PM
اليوم الدنيا عمتشتي شوي وتلج شوي وهوا كتير الله يبعت الخير

وليد ابوعلي
28-02-2009, 06:45 PM
الله يبعت الخير
شــــــــكرا

dj boy
01-03-2009, 01:54 AM
اليوم كابسة الدنيا تلج بالنبك ..

الله يبعت الخير يارب

●•°BaSmA°•●
01-03-2009, 02:12 AM
ما شاء الله
الله يبعت الخير

*سهـــ الإحساس ـــــــم*
01-03-2009, 03:40 PM
ماشاء الله
الله يبعت الخير بس بدنا صور اذا سمحتو ...

Syrian in Australia
01-03-2009, 03:51 PM
والله اشتقنا لسورية. يلا ما ضل شي للصيف ليجي كم شهر ازا الله احيانا و يسرلنا امورنا ان شا الله.

MR.KOK
01-03-2009, 04:38 PM
ما شاء الله
الله يبعت الخير

والف للاخ خالد على هل موضوع المميز اللي فعلا بيستحق التثبيت وبجدارة

وين الاخبار الجديدة ؟؟؟؟؟؟؟؟؟
وين الهمة .... وين الشباب والصبايا ؟؟!!! خبرونا عن بلدنا

يا جماعة بالنسبة لموضوع الفلل اللي بريما واللي انذكروا من فترة ارجو اللي عندو خبر عن تفاصيلهم عن الدفعات وعلى كم شهر ووين بالضبط (كل التفاصيل ) يخبرني هون او برسالة خاصة وشكرا

عطر الياسمين
01-03-2009, 07:59 PM
الله يبعت الخير ما شاءالله احنا عنا شوب كتيير وغبرة والت واجب

swan
30-04-2009, 01:23 AM
يتم في النبك حاليا عمليات الحفر في الطرقات لتمديد خط مياه جديد
و الشوارع مليئة بالتراب و الغبار و الحفر
هذا كما ننوه الى ان عملية توسيع و رصف طريق دمشق لازال جاري على قدم و ساق منذ عدة شهور و ان شاء الله سينتهون من هذه الحفريات و التوسعات في السنة المقبلة
أكرم خزام الجزيرة موسكوووووووو\قصدي سوان النبك منتدي الشبكة:eek::p

الاستاذ
08-05-2009, 10:25 AM
في حفل افتتاح أحد المحلات المختصة بالأجهزة الرياضية قام اللاعب : محمد مكين الشلبي برفع ماوزنه 520 كغ بالطريقة المسماة " سكوات " ..
أقيم الحفل في ساحة المخرج بحضور عدد من رياضيي النبك و بحضور بعض الشخصيات النبكية ..
و اليكم الفيديو المرافق بحجم 587 كيلو بايت ( و اعذروني على درجة نقاء الفيديو بسبب التحويل و الضغط )
http://www.alnabkvb.net/vb/uploaded/4457_1241767100.rar

السر الغامـض
02-06-2009, 07:28 AM
يا جماعة الله يخليكم شوفولنا الريال بكم هاليومين لانو نازل بعد فترة و معي شي الفين ريال و عم افكر اخطب فيهم و اقعد شي شهرين..هام جدا جدا ههههههههههههههههههههههههه ه
و بتمنى ما حدا يطمع و يقلي ديني شوي!! ههههههههههههههه
و مشكور كتير ابن العم على و بتمنى اتعرف عليك و الي الشرف و انا شوفت عينكم جديد بالمنتدى و مشان هيك الرد تبعي متاخر و هالصفحة ( اخبار النبك ) رح تكون من اولوياتي و شكرا مرة تانية.

هَيما
02-06-2009, 10:57 AM
و لو انو الخبر مو تازة
و لكن تم افتتاح محلين جداد للألبسة في النبك تابعة لوكالة كاسوتشي محل رجالي و التاني نسائي بطريق المستشفى
يعني بعد ما فتحوا هل المحلين صرت عم حس حالي اما بالقصاع او بالحمرا
كتير اتغير طريق المستشفى وعقبال عند بقية الوكالات
و بما انو الاخ السر الغامض جاي و جايب معو الفين ريال بقلو
اخي بلالك شغلة هل الخطبة رح دوبك تلحق تشتري فيهن كرافة من هنيك بعد الحسم
عم امزح اكيد

am66f
02-06-2009, 05:55 PM
شو هل الاخبار اخت هيما وكالات ومحلات جديدة يعني اذا ارجعنا للنبك اكيد راح انضيع كل هل الاد اتغيرت النبك يعني ....... الله يخليك شوفيلنا وين محلات الباله حاكم ريالاتنا ما يكفو مشاوير لعند العروس ......... كمان عمبمزح

ammarroo
02-06-2009, 06:25 PM
الله يسمعنا الاخبار الطيبه
بس هيك صار بدنا دليل سياحي بالصيف مشان نعرف نلف منيح هههههههههه
خلونا عتواصل مع هالاخبار الحلوة

شو بيشبهك تشرين
02-06-2009, 09:09 PM
اب محمد الغولي منور المنتدى ياقلبي انت


وبتمنى اذا عتزت لحد الالف ريال انت وفي النبك مشون تخطب من عيوني

بأجل خطبتي اني هلسنتان لمهم انت تخطب


وسموع مني وخطيب ترى يا بتلحق يابسبئك اني وبخطب

swan
03-06-2009, 12:03 AM
هيما قلتيلي القصاع و الحمرة هههههههههههههههههههههههه
صحيح في تطور بالنسبة للمحلات و الألبسة بس بالنسبة للعملة و المظاهر
ف حدث ولا حرج
يعني الله يعين الفقير

خبر جديد بخص الشباب يعين من شان يعرفويلفو و يبرمو منيح بالصيف :rolleyes:
رح يطبق قانون مرور على شارع المشفى و شارع 8 آذار
بالنسبة لطريق المشفى يسمح بمرور السيارة باتجاه المشفى فقط و لن يبقى كما كان ذهاب و إياب
بالنسبة ل 8 آذار ف يسمح بمرور السيارة من الدوار الشرقي نزولا للمخرج و ليس العكس
يعني دوبكون يا شباب تدورو ع حارات من شان تلحقو تلفوو ترجعو و ما يفوتكون شي:eek:5
او ادفعو بالتي هي أحسن ;)

السر الغامـض
03-06-2009, 03:13 AM
نورك حبيب البي اب رسمية و مشكور كتير عالالف ريال و هيك صارو تلت الاف ريال يعني مستاهلين و بكفوني مشان اجيب البسة من الماركة الجديدة..
و مشكورة سوان على هالخبر المحبط و انا عم فكر ضل بالسعودية و بنخطب بعد وحدو وحدين سنة .
مشكورين على نقل اخبار النبك النا و بتمنى تكترو من الاخبار المشجعة.

شو بيشبهك تشرين
03-06-2009, 10:48 AM
اب محمد الغولي سموع مني وبلولك هلنزلة اش بدك في هلغربة يا اخي خليك هان هان بلدنا وتعودا علاها عود سموع مني ولاتتغرب وتنزل علنبك
بلدك بدون ريالات غربة
والغربة مع الريالات بلدك واعز
سموع مني وخليك هان لانو في الصيف ما في اللنا سوق ابن خاتلي ادام هلفطاحل اللي نازلين بلسياراة اللي اخر طرز وربك يعيني ويعينك

Tiger_Hacking
03-06-2009, 01:03 PM
ياعيني عليكم
والله هالموضوع نسيانو انا اليوم ذكرتوني فيه
بعد المحاولات المتعددة مع المركز الثقافي تم اخذ قرار من المديرية في دوما
ليعلن المركز الثقافي عن اتاحة اعطاء دورات icdl ضمن نمط وطريقة المركز وبأسعار رمزية


ايضا من المحلات الحديثة والمتواجد لها فروع في دمشق تم افتتاح محل لبدلات وتجهيزات العرائس
في النبك _ أول طريق السرايا

مع اتاحة امكانية التصميم

السر الغامـض
03-06-2009, 02:54 PM
اول شي بحب اشكرك كتير يا جاري العزيز ماهر و مشتقلك و الف تحية..
و اذا بتريد عطينا تفصيل عن الدورة انو كم يوم و شو الشهادة اللي بيحص عليها الشخص(شهادة حضور و لا في فحص معترف عليه من مركز معين) و مشكور جاري الغالي مرة تانية.

السر الغامـض
15-06-2009, 09:42 AM
اللي موجودين بالبلد وين الهمة!!!
وين الاخباااااااااار!!
انا قاعد هلأ ادام التلفزيون و نحنا بالغربة و عم شوف خبر : رالي سوريا في النبك
اللي بالنبك ليش ما عم تنقلولنا اخبار بلدنا
شدو الهمة يلاااا
الخبر مو كتير مهم بس نحنا بالغربة اي شي فيو كلمة النبك قلبنا بينشد الو

!محمود بحبوح!
18-06-2009, 12:37 PM
الموضوع حلو كتير
.................................

شو بيشبهك تشرين
18-06-2009, 12:53 PM
السلام عليكم ورحمة الله وبركاته
مشكورين على هلآخبار اللي عم تجيبوها عن النبك بس بتوقع انو مو هي الاخبار اللي نحنا بدنا نسمعها
موضوع الأخبار لازم تحكولنا عن الشغلاة اللي بتفيد مو عن هيك شغلاة فاضية متل الخطباة والجازاة
يعني احكو عن شي مفيد وبتمنى يكون موضوعكن عن شي صار بلنبك من الناحية العمرانية عن تحسيناة بلبد

هَيما
21-06-2009, 01:19 PM
نهار 21 حزيران هو الأطول هذا العام
أكد الفلكي أحمد محسن الجوبي أن نهار يوم الحادي والعشرين من حزيران الجاري هو الأطول في عام 2009 بالنسبة لشمال الكرة الأرضية والأقصر بالنسبة لجنوبها.
وأوضح الفلكي الجوبي في تصريح له أمس أن طول النهار بدمشق سيكون 14 ساعة و32 دقيقة و10 ثوان بينما يكون في العاصمة صنعاء 13 ساعة و17 دقيقة و43 ثانية. ‏
يعني اليوم هو اطول نهار بالنبك
و عمتم نهارا .....

المرحوووووم
21-06-2009, 03:00 PM
ومشان الرياض كمان اليوم اطول يوم ؟؟؟!!
شمس حراق ونهار طويل!!
كملة معنا اليوم

الاستاذ
22-06-2009, 03:44 PM
في قرية المشرفة المجاورة لمدينة النبك سقط مسدس:eek: كان ( يشكله ) أحد طلاب التاسع :confused:على جنبه و ذلك أثناء خروجه من قاعة الامتحان , و لحسن الحظ تبين أن المسدس كان خاليا من الرصاص , و السؤال الذي يطرح نفسه أرضا : طالب التاسع حامل مسدس لكان طالب البكالوريا شو بيحمل :confused: ؟؟ ..... مدفع رشاش !!
يبدو أن التدريس أصبح مهنة خطيرة فعلا .. الله يستر ..

●•°BaSmA°•●
22-06-2009, 06:34 PM
لا حول ولا قوة إلا بالله
مسدس ومع طالب تاسع ؟؟
شو كانت النية من حمل المسدس ؟
أكيد مو خير بكل الأحوال

مشكورين على نقل الأخبار

swan
23-06-2009, 12:20 AM
مسدس و طالب؟؟؟!!!!!!!!!!!
الله يستر من القادم

السر الغامـض
24-06-2009, 06:25 PM
استاذي الكريم لو قلت انو وقع منو قنبلة ما كنت ستغربت ، لانو بعرف قصص عن فليطة شي اكثر من خيال و هي تعتبر عادية للأسف طبعا .
الف شكر على الأخبار اللي بتزودونا فيها و يا ريت همة اكتر من هيك

أم عبد الرحمن
13-07-2009, 03:22 AM
في قرية المشرفة المجاورة لمدينة النبك سقط مسدس:eek: كان ( يشكله ) أحد طلاب التاسع :confused:على جنبه و ذلك أثناء خروجه من قاعة الامتحان , و لحسن الحظ تبين أن المسدس كان خاليا من الرصاص , و السؤال الذي يطرح نفسه أرضا : طالب التاسع حامل مسدس لكان طالب البكالوريا شو بيحمل :confused: ؟؟ ..... مدفع رشاش !!
يبدو أن التدريس أصبح مهنة خطيرة فعلا .. الله يستر ..

يمكن هاد الطالب راح يطلع عالتهريب بعد الامتحان
تهريب الأسئلة لاتفهموني غلط

#@Mr Lonely@#
16-08-2009, 05:43 PM
السلام عليكم ورحمة الله و بركاته

احببت ان اقترح اقتراح بالنسبة الى هذا الموضوع

لماذا لا نعمل مجلة الكترونية خاصة بنا على غرار سوريا نيور - صحيفة عاجل - صحيفة الرأي
اي سوف تكون هذه الصحيفة هي الشاشة الرئيسية للموقع فيها الاخبار و الصور و المقالات و غيرها و ايضا تحتوي الصحيفة على قسم خاص للمنتدى
وسيتم ربط الصحيفة بالمنتدى بشكل مباشر
حيث يوجد العديد من الصحف الالكترونية التي تلبي هذا الاقتراح ومنها (انفنتي - نيوك - مجلة )
وبما اني اعمل بشركة ابعاد المعلومات و هي من برمج و طور مجلة انفنتي التي تلبي احتياجاتنا و لا اخفيكم القول اني قد فكرت بهذا الموضوع من فترة و عزمت العمل على هذه الفكرة و لكنني لا اريد ان اعمل شئ مستقل ولا اريد تشتيت للزائر او العضو
لذالك ارجو من القسم المختص اخذ هذا الاقتراح على محمل الجد و المتابعة معي لشرح اوسع عن مجلة انفنتي

وهذه مجموعة روابط مهمة للتوضيح

موقع ابعاد المعلومات لتقنيات الويب المتكامل

http://dimofinf.net/ (http://dimofinf.net/)

موقع صحيفة عاجل

www.burnews.com (http://www.burnews.com)

صحيفة الصايرة الالكترونية

http://www.alsayra.com/ (http://www.alsayra.com/)

عذرا عن خروجي عن الموضوع ولكنني رايت ان هذا هو المكان المناسب لعرض مثل هذه الفكرة

swan
18-08-2009, 01:33 AM
اخ علي طيب
قد تم اقتراح فكرتك على الادارة
وتم اعلامي بان الفكرة هي من اهداف المنتدى و مازالت في فترة الدراسة منذ فترة و تأخر البدء بتنفيذها بسبب التطويرات و التحديثات التي تمت للمنتدى و لكن هم بصدد العمل على هذه الفكرة
و ان شاء الله سوف يتم انجاز هذا الهدف قريبا
و اهلا بمساعدتك و بأفكارك النيرة

#@Mr Lonely@#
18-08-2009, 12:04 PM
شكرا اخت swan (http://www.alnabkvb.net/vb/member.php?u=2747) على هذا التجاوب

انا جاهز لتقديم اي شي لمصلحة هذا المنتدى و كما سبق و ان ذكرت ان المجلة سوف تكون هي الواجهة الرئيسية للموقع و من داخل المجلة يمكن للعضو الدخول الى المنتدى و سيكون محتويات المجلة هو جديد المواضيع و جديد الصور و الخبار و المقالات (على غرار سوريا نيوز )

وشكراا

شادي(SAD)
22-09-2009, 10:05 PM
نجمة النبك يسلم تمك
ولله حطيتي ايدك عالوجع

نبضة قلب
22-09-2009, 11:45 PM
الفكرة كتير حلوة ومفيدة
وإن شاء الله بتخدم المنتدى

تحياتي

#@Mr Lonely@#
23-09-2009, 11:42 PM
السلام عليكم جميع
وكل عام و انتم بخير

كان اقتراحي لم يلقى اي تجاوب ؟؟؟؟؟

swan
24-09-2009, 02:41 AM
بالعكس اخي علي طيب
تم نقل اقتراحك الى الادراة و جائت الردود كالتالي

الاقتراح اخت سوان من ضمن اهداف المنتدى

ومنذ فترة طويلة قيد الدراسة

ولكن تاخر التنفيذ كان بسبب بعض الترقيات للمنتدى والامور الخاصة بالامور التقنية

ولكن قريبا سنرى النتائج ان شاء الله


الفكرة تناقش
منذ اكثر من سنة
وجاري اتخاذ القرار فيها ولكن بحذر وروية

يوجد مجلة مدمجة بالمنتدى في الاصدار الجديد من نسخة المنتدى


شكرا لاهتمامك اخ علي و أرجو ان تكون النسخة الجديدة مرضية للجميع

#@Mr Lonely@#
28-09-2009, 05:10 PM
اكثر من سنة :(

شاكر ردك اختي

ليلاس
21-11-2009, 02:25 PM
وااااااااااع
مشان الله بس قلولي شو اخبار النبك ليوم
لانو انا مو هنيك

ليـ welcome ـلاس

سران
21-11-2009, 02:36 PM
الاخبار االيوم
بداية هبوط درجة الحرارة الى ادنى درجاتها واحتمال حدوث صقيع
واليوم كل طلاب الي عمدرسوا الشام بدن يروحو عالشام
هي اخبار كل سبت يعني كل سبت نفس الخبر

Tiger_Hacking
21-11-2009, 02:47 PM
سيتم قريباً فتح سوق في النبك لبيع المبردات والخضار وغيرها من المثلجات
في الحديقة عند السروات على طريق حمص ....ديرعطية...الحالي ويتم التجهيز لذلك منذ فترة واصبحت الامور قريبة ايضاً ....
هذه من الاخبار لدي ...

سؤال واقتراح لما لا نجدد هذا الموضوع كل بعد 100 رد ما رأيكم ؟

المرحوووووم
21-11-2009, 02:50 PM
يا جماعة حدا عم يسمع انو صاير عنا حالات انفلونزا خنازير بالنبك
وانو عاملين بالمشفى قسم لهشي وفيو كم حاله؟؟؟؟
ولا اشاااااعااات

dj boy
21-11-2009, 02:53 PM
مررحبــآ . كيفكون يآغـوآلــي
أنا مع تـآيغر .. بكل شي بقولو .. وبمنآسبة انفلونزا الخنآزير بآلنبك ... ماسمعت بهالشي .. بس انا بظن انو في بالنبك مابقـل عن 40 حالة .. بعيد الشر طبعا .. بس مابتعرفو شو بصـير .. وآلمتة أكتر شي بينقل هالمـرض .. ياريت نحاول نقلل منها وخآصة بآلعزآيم والجمعيـآت

هَيما
21-11-2009, 02:57 PM
صحيح أخ مرحووم يوجد حالات بالنبك و لكن يوجد أيضا تضخيم للأخبار عن وجود عائلات كثيرة مصابة بالإنفلونزا .

ليلاس
22-11-2009, 03:39 PM
انفلونزا الخنازير في النبك !!!!!!!!!!!!!
مو معقول .......... هلق هي اخبار بتنجاب
بدنا اخبار حلوة مو انفلونزا و ما بعرف شو

وانا مع تايغر بأنو نجدد الموضوع كل 100 رد

ஐღᆻღஐليـ welcome ـلاسஐღᆻღஐ

روان,
19-01-2010, 07:44 AM
ليش ماحكيتو للإخوان المغتربين عن السيل والله شي بيمزع العقل والله يبعت الخير 18.1.2010

الاستاذ
11-04-2010, 10:41 AM
يقال أن الربيع كان جميلا مزهرا في بلادي هذا العام ... و قد وصلتني بعض من صوره .. أخوتي في النبك : لا تبخلو علينا بأخبارها حتى ولو بصورة لجبالها تخفف علينا وطئ شمس الغربة :

http://www.alnabkvb.net/vb/attachment.php?attachmentid=3094

http://www.alnabkvb.net/vb/attachment.php?attachmentid=3093

http://www.alnabkvb.net/vb/attachment.php?attachmentid=3095

هَيما
11-04-2010, 10:58 AM
كمان على طريق الشام فيك اتشوف أمواج زهور متداخلة ببعضها أخضر و أصفر و موف منتور فوق منها ازهار شقائق النعمان ، يعني فيك تقول صار فينا نعمل دعاية لباصات النبك و نقدمها بقوة ( استمتع معنا و انسى ضجضجة باصاتنا مع أروع المناظر على طريقنا )

خالد النفوري
10-06-2010, 12:32 AM
السلام عليكم

سأضع خبراً هنا بعد أن أصبحت هنا ( أي في النبك )

غبت مدة طويلة عن بلدي النبك و كنت أنتظر أن يوضع خبر جديد هنا كما الأستاذ ( حسان ) كان هنا و أصبح هناك ( في بلاد الغربة )

الخبر هو أن ( الصقعة ) أصابت موسم الأشجار المثمرة فلا مشمش و لا جوز هذه السنة إلا ما ندر

و سأسرد لكم جولة قصيرة قمت بها سيراً على الأقدام لوحدي في وقت كنت أود الترفيه عن نفسي قليلاً

كان ذلك وقت العصر حيث يحلو المشي بين بساتين بلدنا الحبيبة

سلكت الطريق من بيتنا الكائن في حي الدريب وتوجهت شرقاً بمحاذات المقبرة في الحي الشرقي و بالمناسبة

فلقد أزيل جدار المقبرة من جهة الجنوب كاملاً إذ كان من اللبن و أقيم مكانه - بعد أن وسعوا الشارع و أزالوا القبور

التي كانت بالقرب من الحائط القديم - أقاموا سوراً اسمنتياً

المهم تابعت المسير بمحاذات جدار المقبرة وفي نهايته وعند المدرسة التي درست فيها الصف الأول فقط انعطفت يساراً وتوجهت باتجاه الجنينات التي اشتقت لها

هنا وفي بداية الطريق يقع بيت أبو صلاح غنيمة أو ( بيت حميدة ) أظنها امرأة قوية كما يقال و لذلك سمي البيت باسمها

المهم من هذه النقطة انقبض قلبي حين واجهني أول جدار والسبب هو أن هذا الجدار لم يكن سابقاً إذ كان مدى النظر أطول

وهذا ما عكر مزاجي في نزهتي و بت أبحث عن الطريق الذي يوصلني إلى النهر وهنا كان أطفال يلعبون فسألتهم من أي طريق أستطيع الوصول إلى النهر

فدلوني على طريق ذهبت منه فإذ بجدران أخرى و أسوار شبك تقابلني فازداد قلبي انقباضاً

حينها أدركت مدى تباعد القلوب في بلدنا فسابقاً كنا نرى بعضنا من بعيد و نقول ( العويفي عالبركي ) فيقولون ( تفضل (تفضّoل) حوّل شميلك ( شمeeلoك )

المهم تابعت المشي و ما وصلت إلى النهر حتى اجتزت آخر شبك شائك

هنا وصلت إلى حقلنا الذي لم أعرفه ولكن ابن عمي أعطاني إشارة و علامة لأعرفه وهو ( غلق لمحل ) من هنا بدأت أؤلف شعراً و نثراً كنت أسمعها من تلك الأشجار السجينة داخل الأسوار سجنها أولئك الظّلّام أصحابها و قد كانت سابقاً حرة

المهم

كانت جولتي للترويح عن النفس و لكنها كانت عكس ذلك إذ أن قلبي انقبض أكثر و أكثر

كل شيء تغير إلى الأسوأ

عدت أدراجي ألى محلي و في الطريق صادفي ابن عم لي فقال لي تفضل

حقاً ما استطعت أن أرد عليه و لا بكلمة فكلمته بالإشارة و كأنني أقول له دعني و شأني

و ما أن وصلت و جلست على الكرسي في المحل حتى انهالت دموعي بغزارة

و هنا جاءت أخت ذلك الذي قابلني و قال لي تفضل و هي فتاة في الثامنة من عمرها و أنا أحبها كثيراً و قالت لي ما بك

هنا انفرجت أساريري و جاءت بالمنديل لتمسح دموعي

و أدركت أنه لا حب إلا حب الأطفال فهم لا يعرفون المصلحة

و حقاً فأبو تلك الطفلة يدعوني دائماً لشرب المتة عصراً في الكروم عندهم فأقول له لن أذهب إن لم تكن سناء معنا

بالفعل نأخذها معنا و نمر في طريقنا فتأخذ ابنة خالتها معها و هي من عمرها

و هناك أي في الكروم يجلس والدها لإعداد المتة

و لكن الطفلتين يعزمونني للعب معهم ( بالطميمة ) و غيرها من ألعاب الأطفال

و أنا لا أكذب خبراً كما يقولون و أنا أتوق للعب مع الأطفال إذ أصبح طفلاً أكثر منهم فأختبئ و أموه حولي بمسندة أو ببطانية أو غيرها

تمشيت مع الطفلتين و كانوا يطلبون مني التقاط الفراشات لهم فهذه تقول بحاربك إذا لم تمسكها لي و تلك تقول لا أعود أحبك

و أنا دائماً رهن إشارتهم

هذا لأنني أشعر بالحب الصادق حب براءة الأطفال و أنسى شرب المتة حتى أنني أنسى الدنيا كلها

كل ما تقدم قلته لألخص الكلام بجملة صغيرة

انعدم الحب و ما جمع اثنين سوى المصلحة

بنيت الجدران بين القلوب و لا حب إلا حب الأطفال

احمدين
10-06-2010, 01:34 AM
the subjegt is very important it is need to contienuse thank you mr> khaled

الاستاذ
10-06-2010, 09:27 PM
السلام عليكم ...
لما خلق الله آدم عليه السلام خلقه ليكون خليفة له في الأرض و قال الملائكة عندها متسائلين : بسم الله الرحمن الرحيم : "قَالُوا أَتَجْعَلُ فِيهَا مَنْ يُفْسِدُ فِيهَا وَيَسْفِكُ الدِّمَاءَ"؟ و كان الجواب : قوله تعالى : " إِنِّي أَعْلَمُ مَا لا تَعْلَمُونَ " ...
و كانت المهمة التي خلق لها بنو آدم هي : إعمار الأرض ..
من خلال سطورك أخي خالد نرى الافساد في الأرض في صورة جزئية صغيرة مقتطعة من الواقع القاتم المعتم و الذي يبعث كآبة و تشاؤما يمنع الكثيرين من سماع نشرة الأخبار لما تحمله من مآسي .. غير أن مايبعث في النفس التفاؤل و الاطمئنان هو الإيمان بالله عز و جل و بقوله : " إِنِّي أَعْلَمُ مَا لا تَعْلَمُونَ " .. صدق الله العظيم .

هَيما
23-10-2010, 02:39 PM
خبر اليوم مو تازة تازة و لكن لساتنا عم نعيشه و نعاني منو من غير ما انحس حيث انو رواتبنا خلصت قبل نص الشهر
شهر تشرين الأول
فيه :5 سبتات جمع سبت
و 5 أحدات جمع أحد
و 5 جمعات
و هل القصة ما بتصير غير كل 823 سنة على حسب ما وردني بالايميل اليوم
فكل 823 سنة و انتو دايمين و رواتبكن سالمين
ودايمين و سالمين

المستشار
23-10-2010, 10:50 PM
والله يا أخت هيما صدقت وهي معلومة جديدة تسلم الأيادي .
وإن شاء الله كل 823 سنة و منتدانا سالم و الكل بخير .

baby3
30-12-2010, 10:37 PM
اليوم في خبر حلو
على رغم البرد الشديد المفاجئ
نزل المطر بغزارة و الحمد لله
ان شاء الله سنة خير و بركة
عمنودع ال 2010 بالامطار
اللهم اجعلها امطار خير و بركة على الجميع

كريستينا
30-12-2010, 11:42 PM
الحمد الله الله يبعت الخير يا رب آآآآآآآآآآآآآآآآآآآآآآآآآ ىمين يا رب العالمين

ابو سكندر
18-11-2011, 10:13 PM
موضوع جيد مشان الواحد يعرف شو عم يصير في بلدو