●•°كـيكـة التمـر طيبة وقليلة الدسم °•●

[●•°BaSmA°•●]

http://www.alnabkvb.net/vb/uploaded/1715_1217806574.gif (http://www.alnabkvb.net)


كيكة اليوم مفيدة وطيبة كتير والأحلى من هيك قليلة الدسم
بتناسب الجميع إن شاء الله
وبسم الله ....نبدأ بالمكوناات


كوب تمر منزوع النوى ومهروس
كوب ماء ساخن
نصف كوب سكر
نصف كوب لبن
نصف كوب زيت نباتي
رشة فانيلا ,بيضة واحدة
نصف ملعقة صغيرة قرفة (حسب الرغبة)
كوب ونصف طحين
ملعقة صغيرة بكنغ بودر +ملعقة صغيرة بيكربونات الصوديوم +رشة ملح
نصف كوب جوز مجروش


التحضير ....سهل جدا
نخفق التمر مع الماء الساخن بشكل جيد ثم نضيف السكر واللبن والزيت والفانيلا والبيضة والقرفة
ونخفق حتى يتجانسو وأخيرا نضيف الطحين والبيكنغ بودر والكربونة والملح ونخفق إلى ان يصبح الخليط متجانس
نضيف الجوز المجروش ونحرك بالملعقة ونضع الخليط في قالب مدهون بالزيت
و يُوضع في فرن على درجة حرارة 180


http://www.alnabkvb.net/vb/uploaded/1715_1217807481.jpg (http://www.alnabkvb.net)
يأخذ وقت حوال 45دأو أكثر حسب الفرن عندما ينضج نحمر الوجه وبالهنا والعافية


http://www.alnabkvb.net/vb/uploaded/1715_1217807659.jpg (http://www.alnabkvb.net)


وتفضلو هالصحن مع كاسة متة5


http://www.alnabkvb.net/vb/uploaded/1715_1217807772.jpg (http://www.alnabkvb.net)
ملاحظة:يُفضل وضعها بالبراد ليسهل تقطيعها لأن نوعيتها تختلف عن الكيك العادي
http://www.alnabkvb.net/vb/uploaded/1715_1217807865.gif (http://www.alnabkvb.net)

[عاشقة قاسيون]

http://www.alnabkvb.net/vb/uploaded/4277_1217810670.gif




مشكور بسمة

[●•°BaSmA°•●]

العفو ..أهلا ومرحبا ياسمينة

[سومر مالك]

شو هالشغل يا بسمة ما شاء الله عنك

كانها طيبة ومميزة هالكيكة بس ما رح أجربها انا

على فكرة بسمة كل مواضيعك عمجمعها بدي أجمعها بكتاب وأقدمها هدية (( للمهلبة )) بعد العرس أقلها تفضلي كل هدول بدك تجربيلنا ياهن

وبعد التجربة بسمة رح نجي انا والمهلبة نرد على المواضيع موضوع موضوع مع الصور :)

[amal]

ِشكرا على الوصفة ...

توضع تحت التجربة

[Tiger_Hacking]

مشكورة أختنا بسمة .....
تبدو كيكة شهية... مع اني بحب كيك الكريمة اكتر
الي مراء بالدسم

يسلم ايديكي ويعطيكي الف عافية يارب

منظر بشهي

[§Nosa§]

ياعيني عليكِ يابسمة ...شي بشهي تسلم الأيادي يارب...
راجعة إن شالله بعد ماساويها ....بوركتِ...
بانتظار المزيد من وصفاتك الشهية..

[●•°BaSmA°•●]

أخي سومر شكرا لك ولردك المشجع وإن شاء الله بتكون جميع الأكلات عند حسن الظن
ويا رب تيسر أمور أخي سومر وتبعتله بنت الحلال اللي تسعدو وتعملو كل هالأكلات وأكلات اطيب منها كمان
وبانتظار التطبيقات وإن شاء الله بتكون عن قريب

أمل ...الغالية بتمنى تكون التجربة ناجحة صحي الطعمة بتختلف عن الكيك العادي بس مميزة أكتر ومفيدة طبعاً

أخي ماهر ..الكيكة قليلة الدسم بس شهية كتير وبتختلف عن جميع أنواع الكيكات اللي بنعرفها خلي الوالدة تجربها وإن شاء الله بتعجب الجميع

Nosa......أختي الغالية صحة وهنا سلفاً وإن شاء الله بتعجب الكل وخصوصاً الولاد لوجود التمر والجوز فيها والفائدة الكبيرة اللي فيهن

مشكورين جميعاً أسعدتني ردودكم جداً
بارك الله بكم

[سومر مالك]

الله يسمع منك ويسلمك أختي بسمة

وبهي المناسبة (( بمناسبة الدعوة )) بما أني بستغل المناسبات
بالزمان أمي عملت تشكيلة واسعة من البطاطا المسلوقة عملتها بأكتر من 14 شكل
مو متذكر منها غير الممعوسة والملفحة بزيت وبصل
بقا بلكي بتتكرمي علينا خيتو وبتدلينا على كم طريقة تانية لتحضير الأطباق المتعددة الطعمات من البطاطا المسلوقة

[هَيما]

الله يعطيكي ألف عافية ست بسمة
و الله المطبخ من دونك سلطة
و وصفاتك لذيذة و سهلة
و كالعادة رح حطها في قائمة رح اعملو

[●•°BaSmA°•●]

أهلين أخي سومر
ما شاء الله 14 نوع من البطاطا المسلوقة الله يخليلك الوالدة ويطول بعمرها
بصراحة مو كتير بعمل البطاطا المسلوقة بس في نوع تالت مفركة البطاطا بلحمة
لحمة ملفحة وبنضيف البطاطا والملح والفلفل مع المي وبتستوي على النار وبتتقدم مع اللبن
وأنا أكتر شي بعمل البطاطا المشوية اللي بهالرابط
لأنها سهلة وما بدها شغل كتير وبالفرن ساعة زمن
جربها كتير طيبة وبتنفع للبر كتير والشوي على الفحم
http://www.alnabkvb.net/vb/showthread.php?t=21830

وإن شاء الله ببقى بسأل الوالدة عن أكلات بتخص البطاطا المسلوقة بجربها وبنزلها


أهلين هيما الغالية
جربيها وألف صحة وهنا
وإن شاء الله تكون التجربة عن قريب :)

[swan]

بسمة انت كل مرة بتجبيلنا اكلة اطيب من اللي سبقتا
و هلئ ريحتها و شكلا و المقادير بتشهي جاي ع بالي تكون قدامي و ادوق
بس يلا رح جرب اعملها و دوق و خبرك النتيجة مع انو متاكدة انو طيبة و كتتير
يسلم هالايدين

[المستبدة]

مع انو ما بحب الكيك يكون بلا كريمة بس منظرو بشهي
يلا عم اجمع كل يوم بقول بدي اسوي شي اكلة من هالأكلات اللي عم تعرضوها
بس بحتار لانو الكل كانو طيبين
مشكوووووووووورة

[●•°BaSmA°•●]

أهلا بصبايا المنتدى المتحمسات
بانتظاار تجاربكن وتطبيقاتكن الحلوة أكيدد
أهلا بـswan والمستبدة
نورتو

[Destiny]

كأنو كترانة الطيبات بغيابي
يلا بيجي يوم وبطبق كل هالحكي يا بسمة ولا يهمك
بس لضيق الوقت هلء نكتفي بالجبنة والخيار
يسلمو دياتك ويعطيكي ربي ألف عافية

[●•°BaSmA°•●]

أهلا بالغالية ديستني
نور المنتدى بوجودك أختي العزيزة

[سومر مالك]

الحقيقة أنا جبت المواد مشان أجربها بما أنها سهلة

بس قلت بكرة بجرب ما جربت قلت مو مشكلة لتاني يوم
وهييييييييييييييك لخلصت مدة اللبن

ما عمصحلي وقت أجربها بس أظن يوم الخميس يصحلي وقت لأنو هاد الخميس ما عندي طلعة برات البيت :)

[●•°BaSmA°•●]

أهلين أخي سومر
بهالمناسبة بحب قول كم ملاحظة وخصوصاً للشباب والبنات اللي بحبو يعملو الكيك أول مرة
*ننتبه لتاريخ صلاحية جميع المواد اللي عم نستخدمها
*تكون نوعية القالب المستخدم لشوي الكيك ممتازة ما تكون خفيفة
*يكون الفرن مناسب لشوي الكيك

لأن في ناس عجبتهم طريقة الكيك وأخدو العيار وعملو كذا مرة وما نجح والسبب كان
انتهاء مدة الكربونة ويمكن نوعية القالب كان من النوع الخفيف اللي ما بينجح فيه الكيك

وإن شاء الله صحة وهنا على قلب الجميع

[وردة البستا ن]

بارك الله فيك ويسلمو ايديك
مشكورهههههههههههمن كل قلبى

[غصن الحياء]

تسلم الابادي باسمه
بس اللبن هل هو اللبن او الحليب او الزبادي
؟؟؟؟؟؟؟؟؟؟

تحياتي

[غصن الحياء]

تسلم الابادي باسمه
بس اللبن هل هو اللبن او الحليب او الزبادي
؟؟؟؟؟؟؟؟؟؟

تحياتي

[●•°BaSmA°•●]

أهلا بأختي وردة البستان ...تسلمي يا رب
أختي غصن الحياء اللبن هو الزبادي شكراً لمرورك وصحة وهنا يا رب

[الجوهرة77]

يسلمووووووو

فعلا شهية ورح جربها

[●•°BaSmA°•●]

أهلا بالجوهرة جربيها وخبريني بالنتيجة
وصحة وهنا سلفا

[دموع الورد]

تعيشي وتعمليلنا اكلات طيبة بسومتي تسلم الايادي
الكيكة بنتي بتساويها على طول كتير طيبة

[●•°BaSmA°•●]

ودياتك غاليتي دموع الورد
فعلا الكيكة طيبة ومفيدة بنفس الوقت
نورتينا ...