أبو الليل
22-11-2007, 04:58 PM
كتب هذه القصة منذ أكثر من 10 سنوات، وأعتمد على عدة عناصرلأجعلها محببة ومبتكرة ومن هذه العناصر: اسلوب الزجل، الحكايات الشعبية، الكلمات البسيطة ... والنهاية غير المتوقعة ...
كانت قصة جميلي صور وألوان *** سهل ونهر وخميلي قصور وعمران
سكانا رجال بهمي قوة وعضلات *** فيها ألطف نسوان وأحلى البنات
والملك العادل طيب أمرو مسموع *** سوّى الأرض وبنّاها وجلّس الطلوع
الملكة جابت طفلي صار عمرا سنين *** عملوا بميلادا حفلي وعزموا الحلوين
شافا أمير القصة وحبا بالحال *** وهي صارت تدلل وتشوف الحال
برق ورعد وعواصف طفّوا الشمعات *** هد السور بدياتو وعالحفلي فات
مارد ماشافت أقبح من شكلو عين *** عرضو عشرين دراع وطولو تسعين
عمتقدح نار عيونو شعرو تعابين *** معلق شناقه بخصرو صيدو مساكين
لمست رباطة بوطو راس الأمير *** أغمي عليه بأرضو وبلش الشخير
الملكة صرخ صرخة بصوتا الهزاز *** طرشت نص الجمهور وهرت القزاز
والملك العادل جلط سخسخ بالأرض *** بصعوبي يسحب نفسو وع لسانو عض
المارد هدد وتوعد وقولو أفعال *** بدو يمسخ أبطالن يعملها سلال
خطف الأمير وحطا بجيبو الصغير *** قال لو خبرتوا الشرطة رميتا بالبير
رفرف بجناحو رفرف والخيمي طال *** توجه ع قلعة ستو بغرب السنغال
غاب المارد بالعتمي وخيم السكون *** سيحون دموع الناس وبردى وجيحون
الليلي أفراح الشر بتوقيتن عيد *** راح المارد لستو تاي يبوس الإيد
قدم هدية جابا من بلد بعيد *** الأميرة صارت تخدم بين العبيد
تطبخ تمسح وبتكوي تكنس وترش *** بتمشط شعر الغولي ودبان تكش
في عبد مشورب باين إنو قبضاي *** قلبو في حبا ولع بدو طفاي
قرر ينقذها حتى لو بدو يضيع *** شاري حب الأمير أبداً مايبيع
مرة شاف الختيارة بتنزل سرداب *** وقفلت وراها أكتر من عشر بواب
قال السر بها الغرفي والسر كبير *** لكن نزلتها صعبي كلها نواطير
تعربش ع سطح القلعة بسلم الحبال *** عبر بمدخنة الموقد والغرفي طال
الغرفي مافيها إلا صندوق نحاس *** مطَََعم بخيوط الفضة مرصع ألماس
قضى ليلو يتصفح يقرأ الكتاب *** التحت الصندوق مخبا مغبر بتراب
أسلوب السحر مدون أربع كلمات *** كذب خياني حقارة وسم الحيات
وكيف بتصنع وصفات تفرق أحباب *** وبتنشر حقد وغيري بين الأصحاب
لاقى ورقة مطويي بجلدة الكتاب *** يمكن صفحة منسيي أو إنها حجاب
كل حروفا ممحيي وباقي حرفين *** شالن بقلبو هديي وبرموش العين
هل الدمع اللي طفا الجمر الوردي *** والشوق مجرح قلبا بليل الوحدي
سمعت كلمي تواسيها تخفف هما *** شافت هاالعبد الأسود نسيت اسما
خافت ع باقي الجسد وشعرا الدهبي *** لاطفها بكلمي حلوي تتفل الرعبي
قلا جاي تا خلص بدر البدور *** وطلّع حبيبة روحي لديار النور
قالت لاتحلم فيي وتبني الأمال *** حبي نجمي عاليي لا ما بتنطال
رد عليها بكلماتو المتل البارود *** عمرو الباطل مابيخسر والحق يسود
إذا مابقينا بهالفرقة غيري وبغضاء *** بنضيع درب الرجعة ونفضل اشلاء
بهاك الصفحة المنسيي بعتمة سرداب *** مكتوب الحب وواضح والباقي غاب
حطت راسا ع كتفو وقالتلو روح *** قلبي ملكك ياقلبي وتفداك الروح
طلعوا بدياتن طلعوا وشنوها حرب *** تلاقى الأسود والمارد واشتغل الضرب
قلا الأسود غيثيني يابعد الروح *** كلمي منك تحييني وع الموت بروح
تاري الخوف مكبلها وعاملا لجام *** وكل الحب اللي وعدت كذب وأوهام
قلبي تقطع ع الأسود شلت المحاي *** محيت المارد بالقصة وخلصت الحكاي
كانت قصة جميلي صور وألوان *** سهل ونهر وخميلي قصور وعمران
سكانا رجال بهمي قوة وعضلات *** فيها ألطف نسوان وأحلى البنات
والملك العادل طيب أمرو مسموع *** سوّى الأرض وبنّاها وجلّس الطلوع
الملكة جابت طفلي صار عمرا سنين *** عملوا بميلادا حفلي وعزموا الحلوين
شافا أمير القصة وحبا بالحال *** وهي صارت تدلل وتشوف الحال
برق ورعد وعواصف طفّوا الشمعات *** هد السور بدياتو وعالحفلي فات
مارد ماشافت أقبح من شكلو عين *** عرضو عشرين دراع وطولو تسعين
عمتقدح نار عيونو شعرو تعابين *** معلق شناقه بخصرو صيدو مساكين
لمست رباطة بوطو راس الأمير *** أغمي عليه بأرضو وبلش الشخير
الملكة صرخ صرخة بصوتا الهزاز *** طرشت نص الجمهور وهرت القزاز
والملك العادل جلط سخسخ بالأرض *** بصعوبي يسحب نفسو وع لسانو عض
المارد هدد وتوعد وقولو أفعال *** بدو يمسخ أبطالن يعملها سلال
خطف الأمير وحطا بجيبو الصغير *** قال لو خبرتوا الشرطة رميتا بالبير
رفرف بجناحو رفرف والخيمي طال *** توجه ع قلعة ستو بغرب السنغال
غاب المارد بالعتمي وخيم السكون *** سيحون دموع الناس وبردى وجيحون
الليلي أفراح الشر بتوقيتن عيد *** راح المارد لستو تاي يبوس الإيد
قدم هدية جابا من بلد بعيد *** الأميرة صارت تخدم بين العبيد
تطبخ تمسح وبتكوي تكنس وترش *** بتمشط شعر الغولي ودبان تكش
في عبد مشورب باين إنو قبضاي *** قلبو في حبا ولع بدو طفاي
قرر ينقذها حتى لو بدو يضيع *** شاري حب الأمير أبداً مايبيع
مرة شاف الختيارة بتنزل سرداب *** وقفلت وراها أكتر من عشر بواب
قال السر بها الغرفي والسر كبير *** لكن نزلتها صعبي كلها نواطير
تعربش ع سطح القلعة بسلم الحبال *** عبر بمدخنة الموقد والغرفي طال
الغرفي مافيها إلا صندوق نحاس *** مطَََعم بخيوط الفضة مرصع ألماس
قضى ليلو يتصفح يقرأ الكتاب *** التحت الصندوق مخبا مغبر بتراب
أسلوب السحر مدون أربع كلمات *** كذب خياني حقارة وسم الحيات
وكيف بتصنع وصفات تفرق أحباب *** وبتنشر حقد وغيري بين الأصحاب
لاقى ورقة مطويي بجلدة الكتاب *** يمكن صفحة منسيي أو إنها حجاب
كل حروفا ممحيي وباقي حرفين *** شالن بقلبو هديي وبرموش العين
هل الدمع اللي طفا الجمر الوردي *** والشوق مجرح قلبا بليل الوحدي
سمعت كلمي تواسيها تخفف هما *** شافت هاالعبد الأسود نسيت اسما
خافت ع باقي الجسد وشعرا الدهبي *** لاطفها بكلمي حلوي تتفل الرعبي
قلا جاي تا خلص بدر البدور *** وطلّع حبيبة روحي لديار النور
قالت لاتحلم فيي وتبني الأمال *** حبي نجمي عاليي لا ما بتنطال
رد عليها بكلماتو المتل البارود *** عمرو الباطل مابيخسر والحق يسود
إذا مابقينا بهالفرقة غيري وبغضاء *** بنضيع درب الرجعة ونفضل اشلاء
بهاك الصفحة المنسيي بعتمة سرداب *** مكتوب الحب وواضح والباقي غاب
حطت راسا ع كتفو وقالتلو روح *** قلبي ملكك ياقلبي وتفداك الروح
طلعوا بدياتن طلعوا وشنوها حرب *** تلاقى الأسود والمارد واشتغل الضرب
قلا الأسود غيثيني يابعد الروح *** كلمي منك تحييني وع الموت بروح
تاري الخوف مكبلها وعاملا لجام *** وكل الحب اللي وعدت كذب وأوهام
قلبي تقطع ع الأسود شلت المحاي *** محيت المارد بالقصة وخلصت الحكاي