المساعد الشخصي الرقمي

عرض النسخة كاملة : السهر بالمقاصف و( رش ) ريالات مزورة على الراقصات


أحــــمــــودي
13-09-2007, 04:32 PM
بمتابعة لحركة مرتادي المقاصف الليلية المنتشرة على أطراف مدينة حمص , ألقت عناصر الأمن الجنائي بحمص القبض على أربعة سوريين وخامسهم سعودي , بينما هم يسهرون في مقصف العراد على طريق حمص طرطوس , ويرشون على الراقصات أموالاً مزورة .

وعلمت سيريانيوز أن الأربعة السوريين المقبوض عليهم ومنهم من يعمل بالسعودية , هم " محمد . ع " وابن عمه " محمد . ع " و" جمال . ه " و" مصطفى . ق " وجميعهم من النبك , فيما السعودي هو " خالد . أ " .
الشبان الخمسة كانوا قد مروا على مقصف " الشيزر " وقاموا بتصريف مبلغ خمسمائة ريال سعودي مزور , من صاحب المقصف . كما قام " جمال " برش مبلغ مائة ريال مزورة على الفنانات في القصف المذكور .
المقبوض عليهم أصروا أن " الريالات جلبوها معهم من السعودية دون علمهم بأنها مزورة " .
هذا وتعتبر المقاصف الليلية أماكن للترويح عن النفس ويرتادها الخليجيون بكثرة .
والجدير ذكره أن عدداً كبيراً من العاملين السوريين في دول الخليج يدعون كفلائهم لزيارة سورية في أيام الصيف .


منقول من السيريا نيوز


ودمتم بخير يا شباب النبك



:gh: تحياتي أخوكم أحمودي:gh:
Tiger_Hacking
13-09-2007, 04:36 PM
مابعرف بس الموضوع يلي عجبني
هو ان تركوا موضوع المقاصف وكما لو كان امر مسموح وبسيط
ولحقوا بعملية الاموال المزورة فقط


هل نسيوا ان الرقص والمكان ذاته مزورا

ام ماذا


لاحول ولا قوة الا بالله
أحــــمــــودي
13-09-2007, 04:38 PM
لا شريك هدول عم يرقصوا بإرادتن بعدين الرقص وال.... موهبة موهبة شو بيعرفك انت
ولازم يمارسوا هوايتن
mostafa_k
13-09-2007, 04:44 PM
الحمدلله اجت سيرة النبك بشي بيرفع الراس يا احمودي
يا هيك الشباب يا بلا
بس مين هاد مصطفى ق
بشرفي ما بعرف كيف طريق حمص
أحــــمــــودي
13-09-2007, 04:47 PM
مصطقى ق يمكن مصطفة قاضي ههههههههههههه ولا لتكون انت

رايح تسويلك شي سهرة تشوف كيف الأوضاع
Brave Heart
13-09-2007, 05:18 PM
ماشاء الله عندكن يا شباب النبك والله شي برفع الراس

عمتقيمو شغل يا شباب النبك
شكرا احمودي لنقل الموضوع
عــــمـــاد
13-09-2007, 05:39 PM
لكل عمل جزاء إن كان خيراً فخير و إن كان شراً فشر

و دمتم بخير
سلاف
13-09-2007, 06:02 PM
ما عندي تعليق بس الله يهدي ويصلح
مشكور احمودي على الموضوع
أحــــمــــودي
13-09-2007, 06:08 PM
مشكورين جميع على ردكم

ومشكورين على رفع راسنا يا نباكنة
قصر الشوق
13-09-2007, 07:33 PM
الله يهدي الجميع
مو الغلط انو يجي كفلاء المغتربين لسورية بس الغلط
انو يروحوا على هيك اماكن ومشان المال المزور الله اعلم ما منقدر نحكي شي
غير انو الله يهدي الجميع بهالشهر الفضيل
ومشكور اخ احمودي
LOooOVE HARP
13-09-2007, 07:37 PM
شوووووو شي بيرفع الراس .............
شباب المستقبل.............شوعم شوهو صورة النبك.............
شكرا احمودي...........
بس مو كل الشباب متل بعضهااااااااااا.............
لانو اصابع ايدك مو متل بعضهااااااااا.............
الله يهديهممممممممممممم ...................
نبكي واعتززززز
13-09-2007, 08:27 PM
هلأ الموضوع منزلو احمودي مشان السهر في حمص ولا مشان العملة المزورة؟؟

اذا مشان السهر في حمص الحمد لله هالعادة صارت عادية عنا وبعتبرو انو الشب

لازم يشوف حياتو ولازم يسهر ويسكر ويرش مصاري عادي كتير ووقت بروح يخطب الاهل عطول بيعطوه اذا كان زنغيل

لك والله شي بخجل بس شو بدو يحكي الواحد ليحكي؟؟؟؟؟؟؟؟؟؟؟؟؟؟؟؟

اما بالنسبة للمصاري المزورة فيمكن يكونو الشبوب ما معهن خبر انو مزورة
لانو في كتير عملة مزورة في السعودية

والله اعلم

ومرحبااااااااااااا
بوابة السماء
13-09-2007, 09:17 PM
هعععععععععععععععععععععع نباكنة يخرب عقلون
بس والله في تطور آل صاير عنا مزورين ومهربين وقتالين قتلة على مستوى العالم
هع
الله يهدينا
مشكور أندر على النقل
أحــــمــــودي
14-09-2007, 04:08 AM
مشكورين جميع على دكم والله يهدي جميع الشباب

ومون لا انا منزل الموضوع مشان المصاري المزورة هههههههههههههههههههه مو مشان حمص هههههههههههههه

يبعتلك حمى
جلنار
14-09-2007, 04:12 AM
اي كل شي بيصير
و غير انو هالراقصات ما بيستاهلوا اكتر من مصاري مزورة
الله يهدينا جميع يا رب
مـشــكور احمودي على نقل الخبر
أحــــمــــودي
14-09-2007, 02:51 PM
مشكورة اختي جلنار لك الرقاصات حتى المصاري المزورة كتير عليهن
mostafa_k
14-09-2007, 06:33 PM
وعلامشفى يا بو فهد
سواد الليل
15-09-2007, 01:09 AM
لاحول ولا قوة الا بالله العلي العظيم
فعلا صرنا بآخر وقت
أحــــمــــودي
15-09-2007, 01:17 PM
مشكورين جميع على ردكم وأبو صطيف مابحط بزمتي انو كاين معون
mostafa_k
15-09-2007, 03:32 PM
له يا شريك اصلا انت بتعرف اولا انا معي دراهم و يورو ما بتعامل بالريالات بعدين جماعتي بالشام (بالكفدروة) مو عند الخجر بحمص نحنا شغل (الطاحونة حمراء) عمي فتحي عينك ها
أحــــمــــودي
15-09-2007, 04:41 PM
صطيف فتح عينك هالأد @@ إي عرفت جماعتك جوزفين مو هيك كان اسمها

هههههههههههههههههههههه
سران
20-09-2007, 10:01 PM
شي بيرفع الراااااس والله
الله يهدينااااا
أحــــمــــودي
20-09-2007, 11:35 PM
اي والله شي بيرفع الراس للجو
eng.yousef
04-10-2007, 05:43 AM
ياجماعععععععععععععةةةةةةة ة انو بس بدي اعرف هالعالم شو عم يجيها من روحة المقاصف ا بشرفي صرلي سنة ونص عم ادرس بحمص بالجامعة ما فكرت شي انزل اتمشى فكيف اروح عشي مقصف واحد هن لهل الكابر بشق تيابو بالخليج هوي و عم يفلح ليل نهار وآخر شي بزوتو عالفاضي مشان وحدة خالعة والله عيب ,قلة فهم
أحمودي خليهن يجو لعندي ولعندك ولعند كعفور والشباب منضل نرقصلن عشر ساعات شو رأيك وبسعر مغري جداَََاااااا هههههه شو رأيك ؟؟؟؟
أحــــمــــودي
04-10-2007, 12:28 PM
انا من جهتي موافق

بس هني مو قصة رقص وبس سلامة فهمك :) هههههههههههههههههه
فـراشـة الـربـيـع
04-10-2007, 02:45 PM
الـلــه يـهـدي االـجـمـيـع

لا حولا ولا قوة الا بالله

لا تعليق اكثر من هذي

يعطيك العاافية احمودي

تحياتي
أحــــمــــودي
04-10-2007, 05:14 PM
مشكورة بنت خولتى يمومي على ردكى منورة الموضوع
ابو ربيع
04-12-2007, 03:18 AM
ترى هادا الخليجي هو نبكي بس بيلبس كلابية متل اهل السعودية والكلام على لسان واحد من الشلة تبعن يعني مصدر موثوق والله سترو ورجع من عباب المقصف وكان راح فيها لوما واحد من على الباب قلو رجاع من مطرح ما جيت لانو رفقاتك اخدوهن على بيت خالتهن
أحــــمــــودي
04-12-2007, 12:03 PM
هههههههههههههههه
كانوا ماحدا عرفوا مين هوهههههههههههه

وكانك ما شلئت بنوب
pinkgloss
06-12-2007, 09:50 PM
من وين بدوا يجي الخير يا أحمودي عن جد الله يسترنا والله هالشي لا بينشكى ولا بينحكى
يعني الواحد شو بدو يحكي وبنقول بعد النبك فيها ملتزمين وقليل يللي هيك
( أي كاننت بليف زات)
( ون تو جننتنو)
أحــــمــــودي
12-12-2007, 01:21 PM
وانا كمان مدري اشو بيليف ذات
maree
06-05-2010, 04:18 PM
العجيب انو مقصات الحلاقين عنا بتضل قوية ماعم تدق في قرون
الايخجل هؤلاء الشباب من جلب غرباء معهم ليدنسوا شرف بنات بلدنا
هل وصلنا لمرحلة الخنزرة
محمد دياب حمادة
16-05-2010, 06:14 PM
ما بنحسن انقول غير اللهم اهدنا في من هديت
مشكور اخي الكريم عل الموضوع
ولكل شخص ما هوا
هاك هني بدهون وهي جزائون
اما بل النسبة للسهر في الاماكن الوسخة
ما بروح عليها غير الاوسخ منها
ومع احترامي للجميع
اسمحولي اقول هيك لانو كتير موضوع بوجع القلب عم انشوف كيف عم يكسبو الرزق وكيف عم يصرفوه
وكل ما الله رزق واحد منهوم اول شي بفكر في حمص والله شي معيب
وانا عم احكي من واقع عايشو بين شباب الي بروحو عل المقاصف وكيف بكونو عم يحكو عل مراجلهون في السهرة
هاد الي رش 20 الف ريال وهاد بقلو بس انا رشيت اكتر
اصبح ما بتعرف تسهر
والله سوالفهون بتبكي
وعايش بين شباب تتمنى ان تجلس معهون
اجتهدو وصمدو فلوس ونزلو اتزوجو وعيشتهون كتير حلوة
اطلع في وجه الواحد من هل الشباب بتشوف الابتسامة بتشوف السعادة العايشينها
ما راح اطول في الرد لانو معظمنا شايفين هل الشئ وبعرفو شو معنات حياة من دون مشاكل من دون سيئات من دون حرام
اللهم ابعدنا عن الحرام في كل انواعه واهدنا واغفر لنا انت غفار الذنوب