الحب على مقاعد الدراسة

[قصر الشوق]

حافز للمنافسة عند البعض ومضيعة للوقت عند البعض الأخر
الحب على مقاعد الدراسة ..... هل يؤثر على التحصيل العلمي؟؟؟؟
نقل فؤادك حيث شئت من الهوى ................. ما الحب إلا للحبيب الأول
بهذه الكلمات ترنم الشاعر العربي معبرا عن رونق وتأثير الحب الأول ورسوخه في القلب والروح ... والذي غالبا ما يكون على مقاعد الدراسة فأبناء الجيل اليوم في سن المراهقة عاطفيون رومانسيون ويحرصون على الحب وهم على مقاعد الدراسة
البعض يغرق في ذلك على حساب المستقبل والدراسة والحصول على الشهادة
والبعض يكون الحب لهم هو الدافع الأول للعمل والدراسة والسعي للحصول على الشهادة
ومعظم الشباب (شباب وبنات) يؤمنون بهذا الحب فيما نسبة قليلة منهم ترى فيه علاقة عابرة لا تمتلك مقومات النجاح
ما رأيك ؟؟؟ وما رأيكِ ؟؟؟
أو هل كان للحب تأثير سلبي على دراستك؟؟؟؟؟؟؟؟
أم كان له تأثير إيجابي ؟؟؟؟
حدثنا عن تجربتك أو عن رأيك
قصر الشوق

[ياسمين زمزم]

السلام عليكم

عفواً أختي و لكن ما نوع الحب الذي تقصدين ؟
هل حب الطالب لمدرسه ؟
حبه للعلم ؟
حبه لكسب المعلومات ؟
ومعظم الشباب (شباب وبنات) يؤمنون بهذا الحب فيما نسبة قليلة منهم ترى فيه علاقة عابرة لا تمتلك مقومات النجاح
أممممممممممممممممم الحب الذي نخشى منه و هو حب فتاة لشاب أو العكس و الذي لا يبنى على أساس صحيح ؟
أم هو تفريغ تلك العواطف في أحد الطرق السابقة ؟

[فراشة butterflyالقمر]

اي انا حبيت بايام الدراسة وفعلا كان مضيعة للوقت وبس مو اكتر مشكورة بس كانت ايام حلوة وكان حب برئ خالي من هي التشوهات الموجودة بايامنا

[قصر الشوق]

هلا اختي يمام وأنا اقصد حب الفتاة للشاب أو العكس واذا كان تأثيره سلبي او اجابي على التحصيل واذا ما كان اله تأثير بنوب

[بوابة السماء]

أخت قصر الشوق اللي ما بيتعمر هههههه عم أمزح

أنا ما فهمت أي نوع من الحب بتمنى توضحي أكتر إذا ما في مانع

ودمتم سالمين

[قصر الشوق]

يا اختي بوابة السماء اقصد علاقة الحب يلي تحصل بين الشاب والفتاة على مقاعد الدراسة

[بوابة السماء]

ايوة هلأ فهمت والله ما جربتها لسة

ولا رح جربها مممممم وما عندي خبرة بهالشي أو أدنى فكرة عن الحب

مشكورة يلا أنا هون عم أسمع آراء الباقي

[ياسمين زمزم]

السلام عليكم

أشكرك على التوضيح
بصراحة الأمر واضح خطورةً و خطأ و ليس غريب بالنتائج الوخيمة من هذا السلوك

طبعاً الوضوح لا يراه سوى من تملكه تلك العواطف الجياشة المنصبة دفعة واحدة داخل الشاب أو الفتاة في تلك المرحلة و هنا تبدأ المشكلة التي لا يتنبه لها الأهل أو حتى القائمين على تربيتهم في المدرسة لأن هؤلاء يشكلون جزء كبير من الفئة التي لا تستطيع الوصول لفهم مشاعرهم و من ثم توجيها التوجيه الصحيح
إذ تنقاد الفتاة لشاب ربما لم تره مرة أو مرتين و ربما ذاك الشاب طالب أيضاً و هذا ما يحصل غالباً و هذه نقطة واضحة في خطأ ذلك الحب لأن لا مستقبل له و الذي للأسف سنجد الطرفين يعرفان هذا و لكن يبقى الحلم معلق على حبال الأمل الذي كلنا نحمله انقضاء همومنا لألا تكون عبء علينا و على عقولنا

هل يؤثر على التحصيل الدراسي ؟

بالتأكييييييييييييد و إن لم يتم التراجع الكامل
يكفي أن العلم الذي ستتعلمه و يتعلمه لن يكون زاداً للمستقبل لأنه سيركن إلى المنسيات بعد الامتحان على غير الآخرين الذين سيتعمقوا في أي مادة دراسية بدون أن يشعروا بذلك و بالتالي مصيرها العقل الباطن و ليس هباء منثورا


أطلت الرد
عذراً منك
لكن للأسف هذه القضية موجودة و إن قل العدد

[sad smile]

مشكورة قصر الشوق
والله و أنا ما جربتها وما حابة جربها لأني أنا الخصرانة

وكمان بأيّد رأي يمام وبحترمو كتير

[اللؤلؤة المكنونة]

الحب على مقاعد الدراسة نادراما يكون صادق
لأنو البنت أو الشب بكونو لسا تحت تأثير المراهقة
وهو فعلا تضييع وقت وممكن يأثر عالتحصيل العلمي
لأنو البنت أو الشب بهالمرحلة بفكرو انو حب حقيقي
وما بيصحو الا بعد ما مرور الوقت
يعطيكي ألف عافية قصر الشوق

[قصر الشوق]

شكرا لجميع على المرور وكان بدي أراء اكتر
شكرا اخت يمام

[..**ROSE**..]

مرحبا.....

ههههههههههههههههههههههه شوفي اختي الكريمة هو من جهة الحب أنا مع انو صرت هرشة من بعد ما خلصت

البكلوريا بس ما جربتو لا على مقاعد الدراسة ولا عالكنباية عنا بالبيت ولا عالطراحة ولا حتى عالبلاط ....

المهم ... انا صحيح ما جربتو بس بركي بكرا حبيت!!!

بس بهالحالة بكون حبيت وأنا على مقاعد قاعة المحاضرات بالجامعة ... الله أعلم مع إنو مافي أمل احب بحياتي ...


على كل حال نوبروبلم راح اجاوبك على سؤالك من منطلق قناعتي ومبادئي بالحياة ...أنو ماعندي تجربة سابقة...

برأيي أنو الحب الحقيقي لا يؤدي إلى التقصير في الدراسة أبدا بل على العكس ...

إن الحب الحقيقي هو حاااااااااااافز للنجاح في جميع المجالات في الحياة لأن المحب الصادق يحافظ دائما على أن

يظهر بأجمل صورة أمام حبيبه وأن يكون أمام حبيبه ناجحا في حياته ... سواء العلمية أو العملية ...

الا اذا كان حابب شي واحد فاشل قام بيصير طنجرة ولقت غطاها ...

وطبعا هاد شي راجع لنوعية الأشخاص .. ومدى وعيهن ومدى اتساع نظرتهن للحياة أو ضيقها ...

بتمنى أكون وصلت الفكرة بكلماتي هذه ...

ومشكورة فعلا على طرح موضوع هاااام ويجب مراعاته في مجتمعنا ...

والتفكير فيه بشكل أعمق وليس بسطحية ...

روز

[فـراشـة الـربـيـع]

ممممممممممممممممممممم
انا اعتقد بهل فترة يمكن يكون في حب ويستمر
وبنفس الوقت بهل فترة يعني فترة مراهقة والمشااغر غالبا ما تكون متحركة وتتغير
يعني ممكن ما يستمر هل حب

يعطيكي العافية
مشكرو اختي قصر الشوق على الموضوع

والحب بين الشب ولبنت على الحالتين مو محببة

تحياتي يميوم

[Qassaam]

موضوع حلو منك أخت قصر الشوق

أعجبتني الردود .. وأحب أن اتابعها.

[جنــــــــــا]

انا مع يمان 100ب 100
انو الاهل الون الدور الاكبر بانو يحصل هالحب ولا لاء
عمر المراهقة بيحتاج لعنايه و حب و اهتمام كبيييييييييير من قبل الاهل اذا ما لقوا هالحب و الاهتمام بالبيت اكيد رح يدوروا عليه برا البيت
وانو بهل العمر العاطفة عندون باعلى درجاتها لازم تتوجه بشكل صحيح
و طبعا هو شي غلط و لانو البنت و الشب بيكونوا مو شايفين عيوب بعض ووقت بيصير الجد كل واحد منون بينسحب
بدي قول شغلة للي بيحبو وهنن لساتون بوقت الدراسة لشو تحبو وانتو عرفانين انو هالحب اخرتوا انو تتركوا بعض ولشو تكسروا قلوب بعض على شي انتو عرفانين و مايقنين انو مالو نجاح بالاخير

على كل حال هادا رايي

واخيرا مشكورة كتير على الموضوع الرائع اختي قصر الشوق

[..**ROSE**..]

مرحبا... أخ قسام ... متابع ومتابع بطريقك عطينا رأيك ... يعني ليش انت تعرف اش رأينا وإحنا ما نعرف ؟؟؟ بدنا نعرف ... هههههههههه متابعة معكم واحب الاستماع لبقية الأعضاء .. روز

[pinkgloss]

والله ما بعرف شو بدي قول
انا يمكن مرة حسيت حالي يا بعدي هيك
بس طلعت الشغلة مسخرة ههههههههههههه يعني كنت عم أضحك على حالي بس بعدين عقلت الحمد لله
وتاني شي بالنسبة للتأثير الدراسي:
إذا كان الحب حقيقي أكيد لأ ممكن يكون حافز وخاصة إذا كانو الطرفين بيشجعوا بعض على بناء المستقبل
أما إذا كان ضحك ولعب وتسلاية فأكيد شي مضمون رح يؤثر
وانا متاكدة غنو في حب حقيقي وممكن يستمر ولا تنسوا في كتير دلائل وهلق هاأزواج عاشو بسبات ونبات وهنن بيحبوا بعض
على كل حال الله يهدينا جميع
شكرا أخت قصر الشوق

[جلنار]

هو غلط لانو مالو مستقبل
نحن ما عم نحكي عن الحب بشكل عام
و نحكي عن الحب وقت الدراسةاو اللي بالمدارس
متل ما قالو الكثير من الاخوات ان سبب هذا الحب هو قلة اهتمام الاهل
و حاجة الشاب او الفتاة لحنان بهذه الفترة العمرية
اما بالنسبة اذا انو بيأثر على الدراسة
أظن اي
بس يمكن ما يكون التاثير كبير
لانو بالنسبة لفتاة بس عرفت انو في شب مهتم فيها
ما بتعود توقف تفكيرها
و صعب تركز بدروسها
و عفكرة هيك حب عواقبو رح تكون اكبر من انو بس نخفاض المستوى الدراسي


مرة كانت معلمتنا الدين عم تحكي على الحب اللي متل هاد و حكت هالعبارة و عجبتني كتير
الحب بهذا الوقت عبارة عن
(( بحبك يا عنايات بحبك يا حسن بس مش لاقي شقة نتجوز ))
يعني اظن نادر جدا حدا حب وحدة معو بالمدرسة و بعدين تجوزوا
لانو بيكون عاقلون طاقق هداك الوقت و فجأة بيعقلو
و بتبدا نار الحب تنطفي


و مشكورة اخت قصر الشوق على طرح الموضوع

[قصر الشوق]

شكرا جميع عالردود هلا بنت العم روز منورة
منور اخ قاسم وياريت اعرف رأيك

[كاملة الأوصاف]

هاي أنا فعلا جربت هذا النوع من الحب لكن ما تأثر على تحصيلي ولا أزال أحصل على المراتب الأولى بالمدرسة

[كاملة الأوصاف]

فعلا معك حق يا قصر الشوق

[Brave Heart]

هو الحب اصلا كلو مضيعة للوقت
بس
حلووووووووووووووووووووووو وووووووووووووو
شعور الواحد وقت بكون حابب

اما بالنسبة للتأثير على التحصيل العلمي اكيد بأثر بس بدرجات مختلفة يعني حسب الشخص اسألوني الي
تنزكر وما تنعاد

شكرا قصر الشوق عالموضوع

[smartcat]

و الله الحمد لله أنا ما حبيت حدا لوصلت للجامعة
لا أستطيع أن أقول هناك سبب واضح لذلك الا أن الله كان وجيهي في تلك الفترة من دون علم أو ارادة
و لكن يمكن أن أقدر أن هناك أكبر سبب لهذا الحب الطائش و هو سماع الأغاني قد تعجب بنت بصبي أو العكس و هذا طبيعي و لكن الغير طبيعي كلما سمعت غنية تقوم أو يقوم بدبلجة هذه الغنية على شريكه الوهمي و هذا بدوره يؤدي لزيادة الحب الوهمي و بالتالي ضياع الوقت
و للطرفة أنا كنت أدبلج سمع الأغاني على موادي الدراسية :) فمثلا عندما كنت في الثانوية
كنت عائدا أنا و زميلي من المدرسة و كانت طالعة غنية كاظم (أكرهها و أحب كرهي لها ) طبعا زميلي دبلج الغنية على حبيبتو الي متقاتل هو و ياها و أنا يا حسرتي دبلجة الغنية على مادة اللغة العربية اللي عقدتني في الدراسة:D
النتيجة يا بنات و يا شباب ديرو بالكم من الأغاني و الله هيي مفتاح البلا و ضياع المستقبل بمبرر اسمه الحب الوهمي

[eng.yousef]

باختصار الحب على مقاعد الدراسة فاشل جدا وما جيب غير المصايب ديروااا بالكن يا حبيبة مقاعد الدراسة؟؟

[pilot2007]

ممكن يأثر بس اهم شي يكون في محبه واخوه وصداقه وليس اللللللللللللللللللللللعك س للأنا كل انسان له قلب وعقل ومشاعر ويجب ان يكون هناك تساوي بينهم

[Soledad]

هلا قصر
اسفة ع الرد المتاخر
بس برايي انو الحب على مقاعد الدراسة بفوت ب ستميت حيط
يعني هو صحي ع قولة بريف انو حلووووووووووووو
بس بظن انو بضر اكتر ما بفيد
بقى شو بدكن بوجعة هالراس
بلا حب بلا بلوط


soledad

[قصر الشوق]

هلا بريف وسمارت ويوسف وبيولت وسولي داد بنت العم شو هالحكي
والله انكن عانتوا كتير من الحب وانتوا بالمدرسة
\\\\\\
بس يلا هي تجربة
مشكورين جميع على المرور

قصر الشوق

[Soledad]

هلااااااااا بنت العم
اي والله عانينا كتير
انا اكلت خبطة ع راسي وبوكس ع عيني منو ولي شو عانيت
مشان هيك رح جرب حظي عالكنباية
خخخخخخخخخخخخخخخخخ

[قصر الشوق]

اي جربي دانا سويلي داد يعني
فكري انو الك رأي تاني
يلا ام شريك
مشكورة جربيه وين ما بدك

[eng.yousef]

رجوع اخر للموضوع انا بكره الحب على مقاعد الدراسة بايام المدرسة الثانوية ومتعقد منو لانو بصارحة ومن دون لف ودوران كنت احب وحد لما كنت انا بالحادي عشر وهيي بالعاشر بس للاسف ضلينا حوالي السنة مع بعضنا واكتر شوي بعدين تركنا بعض لاسباب تافهة لهلق ما بعرف ليش انا وياها تركنا بعضنا بس يلا هيك احسن اذا كنت عزابي وطليق وحر الي رجوع تالت؟؟

[Omar Al_Adib]

أنا في الزمانات حبيت قام طحنوني:eek:

لك أنو حب بهالشوب يعني معتقدين أنو في شي إسموا حب أنا برأي الحب هو أنوا إذا قالوا للحبيب بتموت ليعيش حبيبك رح يقلن إي بس مين يلي عم يسوي هالشي الشب يلي عم يحكي مع 100بنت غير يلي بحبها ولا البنت يلي إمت ماحست في شي أحسن من هالحبيب تركتوا وفلسعت فوين الحب بالموضوع وأما بالتأثير عالدراسة فهو نفس الشي

[نرجس]

اي اخت قصر الشوق

انا صحيح ما جربت بس انا مو مع ها شغلة

اي الحب على مقاعد الدراسة لانو اغلبيتها بتكون تضيع الوقت



موضوع جيل مشكورة قصر

[قصر الشوق]

نظرة تشأوم غريبة
هلأ هو شي متوقع بس كنت مفكرة اني رح لاقي تفاوت في الاراء
صحيح أنا يلي كاتبة الموضوع بس من باب قناعاتي
الحب ممكن في غالب الاحيان يكون سبب قوي للدراسة والمنافسة والتحصي
بس اذا كان حب بكل معنى الكلمة لأنو يلي بحب بنت أكيد رح يقويها ويشجعها على هالشي أو العكس
أو تفكير أخر بفكروا في البنات بعد ماعملت احصاء بين رفقاتي
انو البنت وقت بتحب بتسعى لانو تأجل سن خطوبتها وفي الحالة انو تتعلم وتشد همتها الوسيلة الوحيدة
لضمان هالشي وقتها في حال طلع الشب كذاب هي بتكون ربحت وما خسرت
ومع هيك المفروض يكون هالحب ضمن حدود لانو اذا تجاوز حدود الادب والاخلاق رح يتدمر كل شي

هاد رايي مطول شوي
بس بقتنع فيه

مشكور تاج ويوسف ونرجس عالمرور والمشاركة

[eng.yousef]

لك اي انا معك انو الشب لما بكون ابن حلال بيقوي البنت وبيعطيها حافز ودافع قوي كتير للدراسة ؟؟؟بس تعي نشوف السلبيات ...لما بتكون علاقة سرية وبتجي بنت حبابة بتروح بتشمسهن للشب وللبنت ؟؟؟فينك تقلليلي وقتها شو النتيجة اكيد ضربة موجعة لصيت البنت ..وقد ما ياخد الواحد حذرو بدو يجي نهار ويوقع وينكشف ...من هيك انا مابحب الحب على مقاعد الدراسة وخاصة انو جو مدرسة وجقجة وفضايح ومصصايب ؟؟؟يعني مارقين بهالفترة وشفنا شو صارمعنا ومع غيرنا الله لايورجيكي ..مشكورة again يا قصر الشوق ..

[سيال]

انا ولا مرة جربت الحب ع مقاعد الدراسة لانو بكل حصة كنت اتألع ماكان يجيني الوقت المناسب ههههههههههههههههه
مشكورة ع الموضوع ...

[قصر الشوق]

والله الواحد في الحب ما بيعرف يحكي
لانو الو توقعات كتير
بس فكرتي انو هو مو عطول رح يكون الو تأثير سلبي
ممكن كتير انو يكون اجابي
مثلا في فترة الخطوبة ممكن تفيد البنت اذا الشب بدو ياها تتعلم

او الشب يتعلم لانو بنت بحبها هيك بدها

مشكور أخ يوسف

ههههههههههههه اخ سيال انا مو قاصدة بالموضوع تحب رفيقتك بالمقعد قصدي تأثير الحب على الدارسة ومشكور عالمرور

[تمرحنة]

الموضوع حلو ورائع يسلمووووووووووووو