تكملة بهيجة وحسنية وغرف الدردشة

[المنسي]

وهي عدنا لنشوف حسنية وبهيجة بعد ما عملو الدورة


طبعا تلعمو الصبايا مبادء الدخول للأنترنت ومباشرة على المواقع النبكية وهات لنشوف شو صار
==========================

بهيجة دخلت ولقت اسماء كثير طلعت وغير ت اسمها لأسم دلوعة النت



وحسنيه بأسم ملكة النت

بهيجة هاي حبايبي الموجودين
طبعا امتلى التكست بالترحييب ورسائل عامة وباقات ورد
حسنيه السلام عليكم ورحمة الله يا اخوتي الربع رد السلام والنص التاني بدو يلحق البرايفت تبع الهاي
بهيجه بتدخل برايفت لعند حسنية كيفك يا امورة




حسنيه : مليحة يا امورة الامامير طبعا حسنية عم تكتب هيك وعم تقول ال تضربي بهل السودة بدي اعرف ليش يحبوكي



بهيجه : اي حسونتي كم برايفت عندك لهلء

حسنية : عندي حوالي 22 وانتي
بهيجة: ههههههههههههههههههههههههه ههههه بس انا الكل معي برايفت 32 باريفت
حسنيه : انا البنات ما عم ارد عليهم
بهيجة :ولا انا انا بس عم اللعب بالشباب
حسنيه : كيف عم تلعبي فيهن
بهيجة : الكل عطاني ارقام تلفوناته والكل بده يخطبني والكل حبوني انا غنوجة وبنحب لأني
حسنيه ك حبك بورص ما يشوفو وجهك ليحرمو يدخلو على الانترنت
بهيجة : ياي حسون شوفي مين بيكتبلي
حسنيه : مين
بهيجة : لك هاد ****** ياي شو بدي اكتبله ما بعرف
حسنيه : العمى على هل الحظ الي عليها لهل البنت
بهيجة : كتبتله انه انا بنت من الشام وشقرا وعيوني زرق وبدي اشترك بملكة جمال الكون السنة المقبلة بعد ما اختاروني بمعهد الفنون
حسنيه :العمى شو بتكذبي لك بلكي عرفك مين انتي بيصير يستسخفك
بهيجة : وكيف رح يعرف ما دام ما بيقدر
حسنيه:فتحت برايفت مع الشب وبدت نشر غسيل هي هيك وهيك وهيك وبنت فلان وبنت علتان وهي صورة الها شوف وبكرة بتلاقيها
بمركز ال كمبيوتر وشوفها
الشب :والله انا ارتحتلك يا حسنية كأنك انتي الي بدور عليها من زمان بصدقها وبصراحتها هاد رقم موبايلي بس علميلي
وانا بتصل لا تتخسري شي
حسنيه : هووووووووووووووووووووووو واخيرا كشفتها لهي الملعبة
الشب :لبهيجة بتعرفي انا الي كنت بحلم بأنسانة بهيك مواصفات وطول الليل برسملك صورة بمخيلتي وما كنت بصدق انه رح اقابلك
على الانترنت
بهيجة : طبعا شربت ريد بول وطارت من الفرح ياي انت شو زوووووووء حتى الاغاني الي بتحطها كأنك بتعرف اني بموت فيها
الشب: لتعرفي انه من زمان بستناكي بس هي رفيقتك حسنية ما حبيتها
بهيجة: اي هي فعلا ما بتنحب دمها ثقيل وقصيرة ومكبتلة متل ربع الجيربة
الشب :انتي بتعرفيها منيح
بهيجة: لكان لك هي بتشتغل سكرتيرة عند دكتور وبتدخل الانترنت من عنده بدون ما يعرف
حسنيه: للشب وين غاطس ما بترد
الشب: لا تأخذيني كان عندي باد وكانت هي بهيجة عم تكتبلي برايفت ولي شو غبية هل ابنت
ومتل اللزقة رح اقلعها وبرجعلك يا ملكة الناس كلها
حسنيه: اي فعلا هي بنت ما بتنعطى وش لك هي بتدخل النت من عند رفيقتها وبتلزق وما بتحكي ولا كلمنة صدق
الشب :والله بعرف مو متلك الصدق باين مع كل حرف بتكتبيه
بهيجة : للشب يا امور وينك الشب معليش في شوية باد
بهيجة : ليك رح اكلم بابي يخليهم يلغو الباد من النت اناما حبيته للباد
حسنية: لبهيجة وينك انتي وين رحتي
بهيجة: والله جالسة عم شوف شو عم تكتب هل الشباب والله ما عندهم سالفة صار عندي الكل برايفت وانا ما عم ارد على حدى حتى هاد
الشب قلعته حسيته مولدن
حسنيه : نسخت الجملة الاخييرة وللشب مباشرة ما قلتلك انها بنت ملعبة
الشب :والله كلك زوق الي خليتيني افهم هيك ناس
بهيجة: لحسنية وانتي شو عم تعملي
حسنيه :انا متلك وهاد الشب رح يموت واناما عم ارد عليه
مباشرة بهيجة نسخت للشب ونفس الاسطوانة
الشب :لبهيجة والله انتي الي بتفهمي مو هيك عينات انا لازم اطلع ولا تنسي تعلميلي بالليل
الشب :لحسنية نفس الحكي والله اعلم لكم بنت نفس الشيء
تاني يوم التقو بالمعهد
بهيجة : بتعرفي حسونتي اليوم اتقدملي الشب بدو يخطبني وانا رفضت
حسنيه:معقول طلع من عندنا لعندكم ليخطبك لأنه كان عنا الصبح وبدو يخطبني وانا رفضته
(تقولو الشب دق باب البنت بعد صلاة الصبح بدو يخطبها ))
وكل وحدة عم تكتب رسالة
حبيبي انا ما نمت طول الليل بعد ما سكرت النت وانا عم افكر فيك حتى الكافي شربتها بالتخت
يا ريت ما تتأخر علي بمسجاتك
طبعا هي الرسالة رقم 654654654 والشب ما عم يرد ((لأنه بالاصل هو بنت عملت فيهم الفصل ))




وبالدورة ما خلصت باقي البنات من مغامرات بهيجة وحسنية ومن الشباب الي قتلت حالها لتكتب برايف



ومضت الايام وبعد فترة بيدخل واحد لعند بهيجة بيكتبلها انا عرفتك مين انتي وانا اخترقت جهازك وسحبت صورك منه

يا بتقابليني بكرة بالكفتريا الفلانية بالشام او بنشر صورك على الأنترنت وبخلي كل الناس تعرف مين انتي وتشوف صورك
بهيجة: ههههههههههههههههههههههههه ههههههه عميل الي بدك ياه اصلا هي صور رفيقتي حسنية وانا مخزنتهم عندي ههههههههههههههه
طبعا نفس الحكي لحسنية
بتجاوبه اعمل الي بدك ياه هي صور رفيقتي بهيجة وانا مخزنتهم عندي مشان امثالك
الهكرجي :طيب رح تشوفي شو رح اعمل وبينسخ رابط على العام المشرف بيبنده وبيمسح التكست بس في كم واحد فتحو الرابط
ولا صور بنات طبعا كل واحد فتح الرابط بعته للتاني برايفت وما في 5 دقائق الا وصور البنات صارت مع واحد صيني بجواله
طبعا ما عرفناكم بالشخصيات
بهيجة بنت عمرها 19 سنة تركت المدرسة من صف التاسع وابوها بيشتغل عامل بالسعودية وأجل سفرته
شهرين لبعتلها ثمن جهاز الكمبيوتر
حسنية مخلصة بكلوريا من 11 سنة وجمعت 110 بالواسطة وبعد 6546546 5 درس خاص وابوها بيشتغل بمطعم واحترق نفسه لجبلها
جهاز الكمبيوتر
رفيقتهم الي عملت دور الشب طالبة سنة ثالثة بكلوريا من كثر مو شاطرة هي السنة الرابعة وما عم تنجح بالبكلوريا
ابوها مقاول بالسعودية وبتدخل النت من 5 سنين
وبتجلس كل ي يوم 15 ساعة على نفس الوضع
وبالمدرسة بتنجح شحوطة وعلى قولتها ليش عملو جامعة مفتوحة مشانا نحنا ال ***** وكل يوم بتدخل مع هاد وهاد
وبتعمل فصل مع اي بنت جديدة
الهكرجي شب عمره 18 سنة بيستعمل برنامج أختراق مضى عليه الزمن ما بيمشي غير مع امثال بهيجة وحسنية




==========================

طبعا مثل كل مرة الاسماء وهمية ولا تدل على اي شخص معين
وبتمنا ينعطى رأيكم بكل منطقية وصراحة


الحلقة القادمة اختاروها انتم اي وحدة من الاثنين
بهيج وتحسين وغرف الدردشة
او بهيجة وحسنية والسقي

[فـراشـة الـربـيـع]

ممممممممممممممممممممممممم

موضوع حلووو وااايد اخي المنسي
ووصلت المعلومة الي انت حاب توصلها لكل بنت ولكل شب

بارك الله فيك .... ويعطيك العافية على الموضوع
مممممممممممم خلي الموضوع الجاي بهيج وتحسين ههههههههههههههههه


تحياتي

[فراشة butterflyالقمر]

موضوع الاشخاص هدول الي بيدخلو عالشات بهالطريقة مايهمني مشكور

[سواد الليل]

معاني من ماوراء السطور
مشكور أخي المنسي على طريقة كتابة القصة
الله يهدينا ويخفف من أمثال هيك بنات
لاحول ولاقوة الا بالله العلي العظيم
بانتظار باقي الحلقات........

[غصن الحياء]

يعطيك الف عافيه اخي المنسي
معنى حلووووووو وقصه حلوه

تحياتي

[Qassaam]

حلوة أخي المنسي

بس بتعرف ؟؟؟؟
كأنه تبعت الشباب كانت أقوى

يا إما إنت قصداً عمتجاملهم للبنات .... فأشي القصة

اعتـــــــــــــــــــرف

[المنسي]

الله يسامحك شريكي
لك بتعرفني ضد انا والبنات ولا كنت خطبت من زمان
بس كأنك ما مريت علىالقسم الاول من القصة
خود ابو شريك فوت لهون وشوف اي وحدة اقوى ال بنات ال :rolleyes: :rolleyes:
http://www.alnabkvb.net/vb/showthread.php?t=17528


يضرب حظي ال هارد ازرق ومزر اصفر منيح الي ما بدها معالج لونه زهر والرام اورانج وبالمرة مودم بني فاتح

[قصر الشوق]

حلو كتير مشان البنت يلي بتفوت على الشات يكون عندها الوعي الكافي وتعرف تتصرف وإلا احتمال كبير توقع بنفس المشكلة

[..**ROSE**..]

مشكووووووووور أخي المنسي قصة حلوة وشكرا لأنك خليتنا نضحك شووي ...

لأنو هيك نماذج انوجدت بس لينضحك عليهن للأسف ....

يا سيدييييييييييييييييييييي

الله يثبت علينا العقل والدين ويخلينا نعرف أنو النت موس ذو حدين...

ونعرف كيف لازم نستخدمو ...


روز......

[swan]

للاسف انو هاد الشي هوي واقعنا المبكي بقالب مضحك

مشكور المنسي اسلوب رائع جدا

[المنسي]

كل الشكر لجميع من وضع تعليقه بهذا الموضوع
يمامة القطة
ووصلت المعلومة الي انت حاب توصلها لكل بنت ولكل شب




هذا ماأتمناه ولكن ليس فقط ايصال الفكرة ولكن العمل على ردع السلبي منها
فراشة القمر

موضوع الاشخاص هدول الي بيدخلو عالشات بهالطريقة مايهمني مشكور

أن لم نعطي أمثال هؤلاء اهتمامنا فكيف لنا بتوعية جيل قد يكن معظمه قد طالته هذه الحالة
فكيف لي بمرور الكرام على أمثال هؤلاء دون أدنا محاولة للأصلاح والتوعية كتابي لهذه الاسطرلم يكن سوى من حرقة قلب

سواد الليل
معاني من ماوراء السطور


هذا ما أرنو له وهذا ما أريده هو قرائة ما بين السطور كل الشكر على تفهمك ما بين اسطري
غصن الحياء
كل الشكر على مرورك وتسطير بعض حروفك بموضوعي
قسام شريكي بتعرفني انا على طول مخرطش بس هات لنشوف وين بدنا نقوص ؟؟؟؟؟؟؟
قصر الشوق
شكرا على مداخلتك التي أوضحت كذلك ما بين السطور
ROSE

مشكووووووووور أخي المنسي قصة حلوة وشكرا لأنك خليتنا نضحك شووي

لقد قلتها بتعليق سابق
جعلت الموضوع يمحمل نوع من البهجة كي لا يكن ثقيلا على المسامع
ولكن من يضحك على من ولماذا وكيف
لا أظن أن احدا منكم لم يسمع قول الشاعر
لا تحسبو رقصي معكم طربا فالطائر يرقص مذبوحا من الألم
أن ظاهره يرسم البسمة اما التعمق بالموضوع سيذرف الدمع لأجل هذه حالات

لأنو هيك نماذج انوجدت بس لينضحك عليهن للأسف


أسمحي لي بمعارضتك بهذه النقطة ولسبب بسيط
بما انني اضحك على شريحة معينة فلابد أن يكن هناك من يحتسبني ضمن شريحة قد أكن وشريحتي محمل أستهذاء شريحة اخرى
فلنمد يد العون لهم ولتكن ضحكتنا عالية فرحا معهم وليس عليهم
swan

للاسف انو هاد الشي هوي واقعنا المبكي بقالب مضحك

أقول لنضع اليد باليد لنصل الى واقع مفرح
مرة اخرى كل الشكر لجميع من مر بالموع وترك بعض من لمساته به
وكذلك كل الشكر لمن مر ولم يتحفنا ويزين الموضوع ببريق حروفه


مع تمنياتي بالتوفيق للجميع

[سلاف]

مشكور اخ المنسي اقصة حلوة وفيها العبرة

[المنسي]

شكراً سلاف على مرورك الكريم

[أريج فلسطين]

قصة رائعة
تحمل في طياتها العظة و العبرة
مشكور أخي المنسي

[المنسي]

كل اشكر وردة الزبداني على مرورك الكريم