عروض أزياء صيف نبك 2007

[أحــــمــــودي]

من مشاهد السيل التي أذهلت شعب النبك وهول الموقف لجيل الشباب كونه مشهد نراه للمرة الأولى ننتقل إلى مشاهد من نوع آخر أو لنسميها ظواهر مدهشة أو ظواهر مغرية أو أو ...........
سأترك المجال لكم لتسمونها الاسم المناسب
شو هي هالظواهر الكل عم يتساءل فالأحسن ندخل لصلب الموضوع لما تملوا بس عم اعمللكن حبكة درامية للتشويق .......
حاليا يخضع طلابنا الأعزاء طلاب التاسع والبكالوريا للامتحانات النهائية التي بدها تنجهحن أو لأ وبرأي إنو نسبة النجاح رح تكون السنة عالية كتير كتير السبب ليش؟؟؟؟؟؟؟؟؟؟؟؟
السبب إنو البنات رح ينجحوا بس مو بالفحص لأ رح ينجحوا بجدارة بشهادة عالمية للأناقة والزوء والله إنن مزوقين بالتياب ليش الحكي
ما عدنا بحاجة لقناة الفيوتشر والإل بي سي لنشوف البنات الي بنحب نشوفن ليش نعذب حالنا وعنا هالشي هون بالنبك ؟؟؟؟؟؟؟؟؟؟؟؟؟
لك إيه لاتستغربوا والله أنا يوميا بهالأيام عم شوف شوفات بشوفها على القنوات الفضائية إذا مو أكتر لا تقلولي لا تبالغ بالحكي يللي كنا نشوف تياب ديقة شوي نقول ماشي الحال بس إنو نشوف تياب ديقة وناقصة شوية قماش شوي كتير يعني فهون تخنت وتخنت كتير كمان .
نسينا أخلاقنا ومبادئنا وديننا ولا كل شي لحاله يعني كل شي بوقته حلو والله غفور رحيم
وهالشي مالو علاقة بالدين والأخلاق ايه صحيح هي حرية شخصية للبنت ايه آسفين لكن بس خلوني كمل ..............
السؤال الي محيرني معقول نحنا بالنبك صار عنا هيك صرنا حضاريين ومتحررين بأفكارنا ومتحررين من القماش ؟؟؟؟؟؟؟؟؟
رح تقولوا هي الحضارة إيه بالتلفزيون الحضارة إنو البنت تطلع هيك فعنا رح يتغير؟؟؟ يعني عنا شي مفهوم تاني للحضارة إذا في قلولي
كمان في سؤال تاني بدي منكن جواب إنو هالبنات هدول رايحين يقدموا فحص ولا رايحين على enterview شو يعني enterview يعني فحص مقابلة إذا شي موظف بدو يتوظف لازم يعمل enterview بس شروط enterview إنو يكون الموظف أو الموظفة بأبهى حلته وما شاء الله البنات عم يكونوا مو بس بأبهى حلتهن لك عم يكونوا أحلى من البنت بليلة عرسها
فتصور يرعاك الله !!!!!!!!!!!!!!!!!!!!!!!!!!!!!!!!!!!!!!!!!
بس أنا بدي قول الله يعيننا بس لا مو نحنا اللي الله يعينا الله يعين هالمراقبين شو بدهن يراقبوا ليراقبوا بدن يراقبوا الغش ولا يراقبوا عروض الأزياء يعني نحنا يا دوب بتمر البنت من حدنا بنسطل شوي بس هالمراقبين الي قاعدة البنت مقابيلهن شي ساعتين تلاتة وعم يراقبوا أديش بدهن يضلوا مسطلين
إذا بدهن أنا بروح براقب عنن وتبرع مني لوجه الله
وآخر سؤال عم يخطر ببالي يا ترى هالمنظر الي عم تروح فيو البنت عالفحص إلو علاقة بالنجاح والرسوب يعني البنت اللابسة هيك بتنجح والي مو لابسة هيك يا حرام راحت عليها بتعيدها السنة الجاية
يا جماعة حبيت انا فش خلقي شوي واحكي الي بقلبي وهي فشة خلق
وبدي اطالب انا بطلب لهلشباب المساكين والله صرنا مساكين يا بنات النبك رفقا بشباب النبك شايفين انقلبت الآية وصرنا نحنا نطالب بحقوقنا وهالشي من ابسط حقوقنا عنكن يا بنات ارحمونا ليرحمكم الله
:( :( :( :( :( :( :( :( :( :( :( :( :( :( :( :( :( :( :( :( :(


:gh: تحياتي أخوكم أحمودي:gh:

[الاحساس الغريب]

مشكور احمودي على ها الموضوع الي بالفعل قوي
وبتمنى من البنات تستفيد من الحكي وترحم ها الشباب
وبالفعل لازم نصير نطالب بالمساواة
ولا تاخذونا يا بنات ما عم نشمل في بنات في النبك بيفتخر فيهن
وبتمنى من كل بنات النبك نفتخر فيهن
من اخلاق وحشمة وعلم

[أحــــمــــودي]

على راسي شركو

وانا بقول كمان أنو ماعم نشمل الكل لانو في بنات أكابريات ومحترمات لدرجة كبيرة

بس نحنا قصدنا على البنات يللي عم يخففوا شوي شوي من هاللبس

[Tiger_Hacking]

يا سلام
شي حلو

سؤال فقط لانو الموضوع بكفي وبوفي ولو انو بالمشرمحي
بس سؤالي هو
وين الاهل ؟ و وين دورهم ؟

[أحــــمــــودي]

شريك ولووووووووووووووووووووووو وووو بكونوا نايمين وقت بيكونوا الشبيحة رايحين على الفحص

[Tiger_Hacking]

نايمين ؟
معقول اب وام ما بيعرفو ولادهن وبناتهن بالاخص شو بيلبسو وشو عندهن ملابس يا ترى وشو نوعيتها
يالطيف

[أحــــمــــودي]

أحسن شيييييييييييييييييييييييي يييي

الله يسترنا من الأعظم

[شام]

والله يا اخ احمودي موضوعك دخل مزاجي مظبوط
ومن زمان حابة كنت اطرحه وانت ما شاء الله ما قصرت
انا بسمع من بنات كتير انو شو بدنا نلبس على الفحص وبكونو عم يجهزو ملا بسهن من قبل اوان ومكياجهن وبوصو على التياب مخصوص من السعودية ليكونو مميزين
وكتير بستغرب بهالنوعية طبعا مو كل البنات هيك
وفي بنات يمكن ما بتلحق تغسل وجههاوتمشط شعرها شو من كان لتروح على الفحص لانو هي الامور التانية ما بتهمها الي بهمها فحصها ومستقبلها
يعني مرة جلسة جلسة كنت عم اسوي مقارنة بين البنت الي ما همها الا لبسها ومكياجها وبين البنت الي عم تركض وتدرس يعني ما بتتخيل اديش في فرق
بغض النظر عن الموضة هودا شي تاني
وما بنقول الا الله ينجحهن ويستر عليهن

[أحــــمــــودي]

مشكورة إختي شام

بس هالإيام صاير أنو كل ماقصرت التياب كل ماكانت نسبة النجاح أكبر

على كل الله يستر عليهن وينجحهن

[Brave Heart]

يعنتي اش بدنا نحكي يا شركووووووووووووو
التعا لسانا وما حدا رادد
مليح يلي ما عمفيق الصبح واشوف هالشافوت
والضهر عمحبس حالي بالبيت
يعطيك العافية شركو

[أحــــمــــودي]

حيالله شركو


المصيبة أنا عز جيتي على المحل بيكونوا هنن طالعين من الفحص



أما الصبح هني ورايحين ربك حميد أنو ماعم شوفهن

[السندرلا]

الكل غلطان من الاهل والبنت وصديقة البنت وانتوا كملن الشباب
اذا مرت هيك بنت من جنبكم لاتعطوها اهمية لا تحسسوها انها لفتت انتباهكم وهيك مرة عن مرة البنت لحالها بتدوب بتيابها بس اذا شافتكم لا حقينها على باب البيت وكلام حلو اكيد بدها تزيدها

[أحــــمــــودي]

مشكورة سندريلا

ليش هلأ إختي سندريلا وين ماعم نطلع عم نشوف بنات حتى أنا وماشي وحاطط راسي بالأرض عم شوف بنات فكيف مابدنا نتطلع فسريلي ياها

[pinkgloss]

شكرا أحمودي على موضوعك الحلو كتير
هي ظاهرة عم نشوفها هي يا محلاها بتبقى الوحدة رايحة على مناسبة او زيارة بتبقى متلبسة بس على الفحص كمان
بس كمان لقيت مبالغة بالحكي شوي يعني إنت ما عم تشوف لا الحفر و لا الشورت بجوز في كم وحدة
على كل حال يللي عم تطلبوا مو حق هو لازم يصير بس ما بتحسن تغير كل شي و
بعدين لا تنسى غنو انتوا ما لازم تتطلعوا بالبنت بنوب لوشو ما كان على كل حال هاد رأيي
يا رب ما كون عجتك
و حاجة تقولوا إنكون مظلومين ما بيكفيكون يللي إنتو في

[السندرلا]

اخت نجمة النبك انا من رايك بس ما حدا الواضح هلاايام بدوا يتحمل مسؤؤلية غلطه

[pinkgloss]

يا ساتر شو صرلك هي صورة فيروز طول بالك
شكرا يا سندريلا و انا بوافقك

[أحــــمــــودي]

مشكورين بس إختي نجمة كوني محلنا مابتغضري مابتطلعي وين ما تطلعتي رح يطلعلك منظر ابشع من لاتاني


ومشان صورة فيروز هي اليوم الصبح ماكانت فيروز سألي سندريلا شو كانت


وإزا ماقالتلك انا بقلك كانت صورة بنت كانت مستعجلة وقت كانت عم تتصور مو فيروووووووووز لانو تم التعديل

[سواد الليل]

والله يا أخ أحمد معك حق بكل كلمة
يعني والله شيء مخجل هالمنظر يلي بتطلع فيه البنت من بيتها
يعني حكينا عالحجاب يلي مو كامل وانو لازم يكتمل بصيروا ان شاءالله
الله يهدينا كلنا
بس أنو تصير هالملابس وهالشوفات كأنو على كورنيش لبنان
اي لأ هي ماحدا بيريدها بنوب
وبتصور مو البنات لحالها عم تشتري تيابها أكيد الأهل عم يشوفوا
مابعرف أحسن شي الله يهدينا
أخي أنا واثقة أنك بتعرف من الأفضل تغض نظرك عن هالمناظر
ولو أنو هالشي صعب
اللـه يهدينا ويحسن عاقبتنا
فعلا هالحياة صعبة
شكرا لاهتمامك أخي أحمد

[نجمة الفضاء]

لا اله الا الله بصراحة شوقتوني اني اترك اختباراتي في السعودية واجي اشوف هالشوفات يللي عندكم بس عنا بضل احسن من عندكم لانو عنا احنا البنات مو منلبس بنطلون منلبس مريول وعباي عالراس كمان بس مو يعني انو ما في موضة ؟؟؟!في تلبيق الحذاء(الله يعزكم)والبكلة(الشكلة) والساعة ووووالخ ....
بس بضل بقول انو اهل النبك مع احترامي لكل من في المنتدى فيها شوية تخلف
(مع احترامي)لانو فيها تقليد وتشبه بالكفار و الفساق والمطربين والاجانب ومساري وعساري و هالمغنين قليلين الادب .الله يستر ما يجينا اعصار غونو كمان لانو مو بعيد علينا . شكرا ان شا الله لحق حالي وشوف كم شوفي :confused: :confused:

[أحــــمــــودي]

مشكورين على ردكم

والله يهدينا على كل حال شباب وبنات وأولهن انا

[pinkgloss]

يارب يستجيب لدعائك يا أحمودي
بس يعني لهلق ما فهمت إنت عم تشوف شي حلو و لا شي مو حلو

[أحــــمــــودي]

أنا يا إختي شايف شي غير أخلاقي مو قصة حلو ولا مو حلو

[الكعفور AKJ]

يعني والله ما بعرف انا بقول انووو.............. او بلاها اخ احمودي انت بتعرف اش رأيي ومشان البنات يلي هيك والله صار عنا بنات شي رفع طبعا لا تتطلعو ببس على يلي بشلطو كمان احمودي دير بالك م تبعات العبايات وتبعات المتحشمين ع اساس
ومشان موضوع الاهل هني السبب الكبر والتخلف هو الاكبر لانو في اهالي شو فكرتن بالحياة انو بنت عمك او بنت خالك او بنت عمتك او خالتك لابسة هيك اي لبس يا امي أأطع منها طبعا ما بتئول أأطع بس هاد المعنى
تانيا في موضوع الغربة يلي دبحنا انو الأب غائب والأم مستغيبة
يعني الاب مسافر ما عم يشوف شي والام يلي مأمن فيها زوجها ملتهية بالتبولي تبعت الجمعية والبنت بتضل مقابل التلفزيون يلي عم يفتحها ع أمور مو من جيلها
ويعني انا متل ما عم اشوف صارو البنات الصغار بخوفو اكتر من الكبار اصدي بالصغار انو صف سادس سابع تامن تاسع والله عم شوف مو عم اسمع ها انتبهو عم شووووووف بعيوني والله يجيرنا من شي اعظم

[smartcat]

عجبني ردك يا كعفور
شكرا لك.....................

[أحــــمــــودي]

مشكورين

وعلى راسي الكعفور والله كلشي قلتوا صح وأكتر شي أنو الرجال بيكون عم يلتعن أفطاسوا بالسعودية والكويت وبالغربة والام هون مو فارقة معها لا هي ولا بنتها

[فراشة butterflyالقمر]

تركتو كل شي مشاكل وبلاوي بالنبك وخاصة من الشباب ولحقتو لبس البنات الله يسترنا ويهدينا جميع
لا تعليق ثاني
مشكور

[الكعفور AKJ]

لك يا فراشة مو تركنا كل شي بلاوي بس ربنا ال < ان كيدهن لعظيم > وانا برأيي انو كل شي بلاوي في البلد من ورا البنات كيف يعني
يعني انا كشب لما بشوف هالشوفات ادامي وين بدي اروح بحالي والله الشب فينا عم يموت ميت مرة باليوم هالحكي ناقشتو انا والمفتي الاستاذ ياسر حافظ وطبعا شو كان جوابو ؟ انو اي معك حق وما غضر يجاوب اكتر من هيك هي هاد المفتي يلي حكاني هالحكي اول شي اعد يقنعني بس في الاخير قنعتو وبامكاني اقنع عشرة غيرو
بس مو العبرة في انو انا شب بشوف هيك يعني لازم اقوم بالغلط انا معك يا فراشة انو في كتييييييييير من الشباب جدا متهورين وطايشين وما بفكروا ابعد من خشمن بس هالشي صار بسبب الانفتاح المفاجئ عالعالم واستخدامنا للحداثة بشكل مو بس غلط بشكل غريب كمان
و.و.و.و. الخ بخصوص هاد الموضوع في حكي كتييييير وما الو نهاية نهايتو انو الله يجيرنا

[فراشة butterflyالقمر]

< ان كيدهن لعظيم >
طيب ياكعفور كم من أيات كمان بتحكي عن الرجل وكم من حكم شعبية وأمثال بتحطو كل شي عالمرأة لا ياسيدي انا مو تحيزا لجنسي بس برأي مجتمعنا ذكوري بحت ولهلأ ورح يضل كل عمرو القانون معو والمجتمع معو لما عم يصير طلاقات بسبب الرجال ولما البنات عم تلبس هيك بسببن كمان ولما عم تدهور الحال الاقتصادية والاجتماعية بالعيلة بسببن هاد رأي الشخصي مشكور عالنقاش

[أحــــمــــودي]

مشكورين كعفور وفراشة

وأحسن شي الله يهدي هالبنات ويعمي البن

[الكعفور AKJ]

طيب فراشة انا معك انا مو ضد انو مجتمعنا ذكوري وبحت وهي نزار قباني ليكي شو قال :
ما زال قانون القبيلة حاكما
جسد النساء .. فحاولي ان تحكُمي
يعني انا مؤمن في هالموضوع بس بضل عنا موضوع حق الشب وحق البنت
انا مو ضد انو البنت تلبس وتنبسط بس يا عمي بدها تلبس ضمن بيتها بين اصدقائها وفي عنا موضوع وهو من اكبر الاخطاء عنا بالبلد وهاد الشي يلي خلّا الشباب ياخدو راحتن في البلد انو عنا في النبك في قاعدة ويلي بتقول انو : انت شب ما بعيبك شي سوي يلي بدك ياه ؟؟؟؟؟؟ شو هالحكي انا ضد هالمقولة وهي اكتر شي خلت الشباب يفلتو مع احترامي بس يا عمي كمان انا برجع بقلك انو انا لما بشوف هالشوفات ادامي شو بغضر اعمل لا تقولولي انو لا تتطلع لانو كيف ما فتلت في شوفات الله يجيرنا
ويعني انا شب ومتل ما البنت بدها تتزين وتتغندر وتشلط انا بدي اطلع واشوف واحرء في البي بس شو طالع في الايد لدرجة انو قمت لاخطب ما لقيت بنت اخطبها؟؟؟؟؟؟؟ يا سلام لا صاير الوضع شي تمام
وبرجع بقلك انا مو ضد حقوق البنت بس في حدود وضمن الادب
وبرجع بزكرك انو الشب ما بعيبو شي هي يلي نزعتناااااااااااااااااااا اا
وبتحبي اشرح واوضح كمان ما عندي مانع وانا في رأيي انو الشب والبنت لازم يكونو متساوين من جميع النواحي حتى نعرف نعيش

[pinkgloss]

مبين علقت على المظبوط
طولوا بالكن شوي شوي
والله كل واحد بفكر حالوا الصح
انا برأي رأي أحمودي وكلامو هو الصح هلق وبس

[lwoai]

السلام عليكم اولا

اما عن ثانيا فاليكم الاتي :
من الذي موجود في النبك ؟؟

انا ساقول لكم : الموجودين هم امي وامك ...... اختي واختك ... جارتي وجارتك ... اريبتي واريبتك ........... الخ

معناها اولا واخيرا كلنا طلعنا ارايب وبنعرف بعضنا فلان بيعرف فلان ونلان بيقرب فلاني وفلان اتجوز من فلاني وصارو العيلتين ارايب
فما فائدة النطجية والبلطجية بالنبك وما فائدة ان يقال ان فلان اتعرف على فلانة وفلان بصبص على فلانة ومشان شو ؟؟
مشان يمتع عينو لمجرد دقيقة عابرة يحمل فيها اثم النظر واثم الكلام الذي سيتكلمه واثم ما سيفكر به من جراء هذه النظرة فيا اخواني
اليس الاجدر بنا ان نحفظ ماء وجهنا من هذه النظرات والغمزات اللا اخلاقية والتي ان دلت تدل على خيانة الناظر لعرضه لان لاسبب نعروف وهو ان فلان رح يلطش اخت فلان بس بنفس الوئت رح يكون في واحد عم يلطش حدا بهمو

اما عنكم يا معشر البنات والنساء

كتير فرحانين لما بتمرو ادام الشباب وعم تتمايلو يمين وشمال وكتيلر بتكونو مبسوطين لما بتسمعولكن شي كلمي برات الطريق !!!

عفوا انا مواصدت الاساءة ولكن اذكركم بان المتل اللي قال المال السايب بعلم الناس السرقة فما في داعي انطلع بكشف وفتحة سقف وما في داعي نشمر على زنودنا لنعرف الشباب سمر ولا بيض نحنا

يمكن حكيت بما فيه الكفاية وانتو اعرفتو شو بقصد

وزبدة الكلام احفظ الله يحفظك وتوكل عليه تجده معك

والرسول عليه الصلاة والسلام قال : الحمو الحمو الحمو( بفتح الحاء )

واسف للاطالة

[أحــــمــــودي]

مشكورين على ردودكم

وخير خير شو رجعكن للموضوع بعد غياب زمن عليه

[ليث البراري]

بعين الله يا احمودي شو بدك تعمل هي التطور شو بيعمل فينا

[أحــــمــــودي]

لكان عمي لكان عم نتبع التطور بس بالألبسة أما بشي تاني لشو التطور