سومر مالك
25-03-2007, 03:17 PM
يعني رجعتونا لأيام زمان أيام الطبخ والتفنن
وهلأ بعد ما استقريت بالبيت واشتريت أدوات البطبخ والنفخ :) صارت تنبع الذاكرة من أكلات الماضي غير البعيد
واليوم تذكرت العصملية بس بدكم ما تعملوا متلي لما سويتها لأول مرة عزلت أمي المطبخ من بعدي
المقادير 2 كيلو كنافة خيوط
1.5 كيلو قشطة بلدي يعني حموية والقشطة إذا ما تواجدت بدول متل السعودية في إلها حل مو مشكلة بحكيلكم عنها آخر الموضوع
المهم أول شي بدنا كنافة تازة وإذا مجمدة كمان مو مشكلة بس بدكم تخلوها لحتى تذوب عالآخر قبل فتح العلبة مشان ما تنشف مو متل النابلسية لأنو انا لما بعمل النابلسية بالمجمدة بستعملها مجمدة مشان سهولة التنتيف :)
وهيك بكون عنا الكنافةكاملة بدون تقطيع بنفردها على صينيتين بشكل متساوي بسماكة 2 سم أو أكتر شوي لكل صينية بس المهم تكون بشكل مستوي ومتساوي ومهم تكون الصينيتين قد بعض وبيدخلوا ببعض بتحط وحدة فوق وحدة وصينية فاضية فوقهم وبنحط فوق الكل ثقل يكون مستاهل (( قنينة غاز مثلاً ))
هلأ بنجي لمرحلة الشوي أو القلي بالأحرى
وقبل ما أحكيلكن عن القلي بدي أقلول شغلة لهواة الحلويات أنو لازم يكون في عندكن شي كيلو سمنة أو أكتر شوي خاص للحلويات وقلي الصنوبر واللوز يعني الزايد من القلي ما بينكب بنحتفظ فيو لهيك شغلات
والعصملية إذا ما في سمنة خاصة للقلي والحلويات أكلة خسرانة بكل تأكيد يعني بنروح لعند تبع الحلويات بنوصيه على صينية أرخص :)
المهم انو بنجيب السمنة (( العربية أطيب )) الدايبة ونسكبها فوق الكنافة المكبوسة لحتى نغمرها سمنة غمر وبندخلها للفرن أو على الغاز بس بالفرن أحسن مشان تتوزع الحرارة بندخل الصينيتين وبنضل مراقبينهم لحتى يصير لون الكنافة ذهبي
وفوراً بنشيلو وبنحط الصينية فوق وعاء تاني بالميل مشان نفضي السمنة من الصينية ونفس الشي بنعمل مع التانية بحيث ما يضل سمنة على الشعيرية
والميزة انو الشعيرية ما بتغب سمنة بس بتتحمص وبعد ما نشيل السمنة بنغمرها بقطر عيار 3 كاسات سكر لكاسة مي مضاف له ماء الزهر وكمان بنصفي القطر نفس طريقة تصفية السمنة وبعدين بنقلب الصينية على قاعدة صينية تانية أو لوح خشب خاص للتقطيع وبنحطوا عالميل مشان تخلص من كل القطر العالق على الكنافة بحيث تصير كنافة حلوة مش كنافة مشربة قطر
هيك بتكون خلصت كل مراحل الأكلة الصعبة بنفرد القشطة الي حضرناها بوضع شوية قطر قلال وشوية فستق حلبي مبشور وخلطناهم ببعض على طبقة من الطبقتين وبنحط الطبقة التانية فوقها وبنرش عليها فستق حلبي مبشور
وصحة وهنا ممكن انو نحط حد الأكل شوية قطر للي بحب الحلو زيادة
http://www.alnabkvb.net/vb/uploaded/916_1174820685.jpg
بالنسبة للقشطة
للمتواجدين بالسعودية وحتى بسوريا وما بدهم قشطة حموية
بنجيب 1.5 حليب ونص كاسة سكر و3 علب قشطة معلبة
ونشاء شي تلت أرباع كاسة شرب أو أقل شوي
بنحط الحليب عالنار يغلي مع السكر وبنكون ذوبنا النشاء بكاستين حليب بارد أو كاسة ونص
بعد ما يغلي الحليب بنحط الكبجاية بقلبو وبندور بسرعة وبنضيف الحليب البارد مع النشا شوي شوي مع التحريك الدائم وبنضيف الحليب البارد بشكل خيط
وهيك لتخلص كمية الحليب مع النشا ونحنا عم ندور الحليب
وهك بيجمد الحليب فجأة وبنطفي الغاز وبننتظر ليبرد الحليب
بعد منها بنضيف عليه القشطة المعلبة أو القشطة الحموية وشوية ماء زهر مشان يقضي على نكهة النشا
وبصير عنا قشطة مطبوخة بسموها وكمان طيبة كتير
وإلى اللقاء مع الأكلة الجاية الي هي كوب كيك بالزبدة والأشلميش
كتير طيب وهو من أنواع الكيك هلي بحبها كتير
وهلأ بعد ما استقريت بالبيت واشتريت أدوات البطبخ والنفخ :) صارت تنبع الذاكرة من أكلات الماضي غير البعيد
واليوم تذكرت العصملية بس بدكم ما تعملوا متلي لما سويتها لأول مرة عزلت أمي المطبخ من بعدي
المقادير 2 كيلو كنافة خيوط
1.5 كيلو قشطة بلدي يعني حموية والقشطة إذا ما تواجدت بدول متل السعودية في إلها حل مو مشكلة بحكيلكم عنها آخر الموضوع
المهم أول شي بدنا كنافة تازة وإذا مجمدة كمان مو مشكلة بس بدكم تخلوها لحتى تذوب عالآخر قبل فتح العلبة مشان ما تنشف مو متل النابلسية لأنو انا لما بعمل النابلسية بالمجمدة بستعملها مجمدة مشان سهولة التنتيف :)
وهيك بكون عنا الكنافةكاملة بدون تقطيع بنفردها على صينيتين بشكل متساوي بسماكة 2 سم أو أكتر شوي لكل صينية بس المهم تكون بشكل مستوي ومتساوي ومهم تكون الصينيتين قد بعض وبيدخلوا ببعض بتحط وحدة فوق وحدة وصينية فاضية فوقهم وبنحط فوق الكل ثقل يكون مستاهل (( قنينة غاز مثلاً ))
هلأ بنجي لمرحلة الشوي أو القلي بالأحرى
وقبل ما أحكيلكن عن القلي بدي أقلول شغلة لهواة الحلويات أنو لازم يكون في عندكن شي كيلو سمنة أو أكتر شوي خاص للحلويات وقلي الصنوبر واللوز يعني الزايد من القلي ما بينكب بنحتفظ فيو لهيك شغلات
والعصملية إذا ما في سمنة خاصة للقلي والحلويات أكلة خسرانة بكل تأكيد يعني بنروح لعند تبع الحلويات بنوصيه على صينية أرخص :)
المهم انو بنجيب السمنة (( العربية أطيب )) الدايبة ونسكبها فوق الكنافة المكبوسة لحتى نغمرها سمنة غمر وبندخلها للفرن أو على الغاز بس بالفرن أحسن مشان تتوزع الحرارة بندخل الصينيتين وبنضل مراقبينهم لحتى يصير لون الكنافة ذهبي
وفوراً بنشيلو وبنحط الصينية فوق وعاء تاني بالميل مشان نفضي السمنة من الصينية ونفس الشي بنعمل مع التانية بحيث ما يضل سمنة على الشعيرية
والميزة انو الشعيرية ما بتغب سمنة بس بتتحمص وبعد ما نشيل السمنة بنغمرها بقطر عيار 3 كاسات سكر لكاسة مي مضاف له ماء الزهر وكمان بنصفي القطر نفس طريقة تصفية السمنة وبعدين بنقلب الصينية على قاعدة صينية تانية أو لوح خشب خاص للتقطيع وبنحطوا عالميل مشان تخلص من كل القطر العالق على الكنافة بحيث تصير كنافة حلوة مش كنافة مشربة قطر
هيك بتكون خلصت كل مراحل الأكلة الصعبة بنفرد القشطة الي حضرناها بوضع شوية قطر قلال وشوية فستق حلبي مبشور وخلطناهم ببعض على طبقة من الطبقتين وبنحط الطبقة التانية فوقها وبنرش عليها فستق حلبي مبشور
وصحة وهنا ممكن انو نحط حد الأكل شوية قطر للي بحب الحلو زيادة
http://www.alnabkvb.net/vb/uploaded/916_1174820685.jpg
بالنسبة للقشطة
للمتواجدين بالسعودية وحتى بسوريا وما بدهم قشطة حموية
بنجيب 1.5 حليب ونص كاسة سكر و3 علب قشطة معلبة
ونشاء شي تلت أرباع كاسة شرب أو أقل شوي
بنحط الحليب عالنار يغلي مع السكر وبنكون ذوبنا النشاء بكاستين حليب بارد أو كاسة ونص
بعد ما يغلي الحليب بنحط الكبجاية بقلبو وبندور بسرعة وبنضيف الحليب البارد مع النشا شوي شوي مع التحريك الدائم وبنضيف الحليب البارد بشكل خيط
وهيك لتخلص كمية الحليب مع النشا ونحنا عم ندور الحليب
وهك بيجمد الحليب فجأة وبنطفي الغاز وبننتظر ليبرد الحليب
بعد منها بنضيف عليه القشطة المعلبة أو القشطة الحموية وشوية ماء زهر مشان يقضي على نكهة النشا
وبصير عنا قشطة مطبوخة بسموها وكمان طيبة كتير
وإلى اللقاء مع الأكلة الجاية الي هي كوب كيك بالزبدة والأشلميش
كتير طيب وهو من أنواع الكيك هلي بحبها كتير