الهريسة النبكية تفضلو دوقوا

[ماسة الابداع]

الهريسة النبكية:
تفضلو إخوتي الأعضاء تحلاية للمنتدى بعد أكلة البرياني لأختي العزيزة بسمة الدنيا
وهي الهريسة طبعا أطيب من الجاهزة بكتير وبعض العائلات عنا بتساوييها بالبيت
أولا هذا العيار لصينية كبيرة(صينية فرن) مشان تكفي لكل الأعضاء مو حلوة مايدوقو الكل
http://www.alnabkvb.net/vb/uploaded/596_1170798897.jpg
يا الله بسم الله نبدأ

المقادير 4كأس سميد
2كأس سكر
2كأس حليب
ملعقتين سمن عربي حموي
ملعقة أو باكيت بكم بودر
مكسرات منوعة فستق حلبي لوز كاجو جوز هند
حسب الرغبةممكن تشكيل الوجه كل قسم بنوع ليناسب كل الأذواق خاصة نحنا ذويقة
عيار القطر
4كأس سكر
2كأس ماء
ربع ملعقة ملح الليمون
ويعير له ربع ساعة عند وضعه على النار
طبعا يجب أن يكون بارد محضر من قبل
نخلط السميد والحليب والسكر والبكم بودر ونبقيهم منقوعين لمدة ساعتين على الأقل
ندهن الصينية بقليل من الطحينة ونسكب المزيج ونضع المكسرات على وجه الخلطة
ونحمّي الفرن قبل نصف ساعة فقط من الأسفل ثم نضع الصينية ونبقيه فقط من الأسفل لينضج أسفله أولا
ويزهر أسفلة ثم نشغل الفرن من الأعلى ثم نخرجها عندما يزهر لون الوجه ونخرجها وندهنها بالسمن العربي
بالفرشاة ثم يضع القطر باردا ونتركها لتبرد ونقطعها


تفضل أخي مغترب أكيد انت دقتا صحتين وهنا وكمان لأخي أبومصطفى تفضل مد ايدك ليش خجلان
وبهديها لكل البنات الغاليين على قلبي في المنتدى بتمنى تعجبكن وتنجح معكن موتطلع

معكن متل اكلة ونيس طبقوا الوصفة بحذافيرا بتظبط وصحتين وألف هنا

[دقة قلب]

ربي يسلم دياتك يارب
شوفي جربت اكتر من خمس وصفات للهريسة بس بصراحة مو كلها ظبطت
بدي جرب هالعيار واكيد رح يظبط عكفالتك
والصورة بتشهي كتيررررررررر
خلص بدي جربها وارجع رد هون لاقلك شو صار
ومشكورة مرة تانية

[فـراشـة الـربـيـع]

يسلمووووو ماسة
بس بصراحه انا ما احب الهريسة بس سجلت المقادير عشان امي تسويها لابوي الانه وايد يحب الهريسة النبكية واحلى و اطيب هريسة
يسلموووووو
بس شهتني هل صينية هههههههههههه
ميــــــــــــاوو

[الجوهرة]

ممممممممممممممم يا عين يا عين ياعين

شو هالحلا يا ماسة شي ناهي تمام

دقة يو دقة جربي وابعتيلي صحن زكاتك :p

يسلم هالانامل يا ماسة

[دقة قلب]

اي موتكرمي حبيبتي الجوهرة غالية والطلب رخيص
هي تظبط وخدي الصينية كلها

[Tiger_Hacking]

سال ريقي
ياربي
والله انا من غير شي عمرقص بدون دف
والله حرام عليكن
هون الهريسة على اساس هريسة كلها قطر ياربي دخيلك شو اعمل


يسلمو ماسة الابداع
ما بقبل بدي تبعتولي علبة على مصر رفقاتي هالكم يوم جايين
مين بتبرع ببعتلي علبة ؟؟؟
هههههههههههههههههه

[ماسة الابداع]

وايديكي يا دقة قلب انشاء الله دوقيني ابقي مشان نشوف النتائج
يا يمامة لودقتي هي الهريسة رح تاكلي اصابعك وراها معزومة لعندي انشاء الله
شو ياجوهرة وايديكي يارب انشاء الله بتعرف عليكي وبدوقك ياها مشكورة حبيبتي على اطرائك
تكرم عينك اخ تايغر شو بدك تقارن الهريسة النبكية بالمصرية مافي مقارنة اكلهم بنوب مو طيب
ماعندهم ذوق بالأكل الله يعينك

[فـراشـة الـربـيـع]

اي تسلميلي يا رب
بس مو القصد انه ما احب الهريسة
انا ما احب اي حلو يدخل فيه القطر الانه حلو وايد
بس بالنسبة للشــــــوكــــــــــولا فأنا بعشقها عشق
مثل المخدرات بعيد عني ههههههههههه
ميااااااو
اي راج اجي بس متى موعد العزيمة مشان اجي
هههههههههههههه
ميااااااااااو

[Tiger_Hacking]

اي مزبوط
يلا مستين العلبة انا
دبروني
ما دخلني

[kaldroobi]

الله يعطيك العافية مجهود تشكري علية

جاري الطباعة حتى أوصلها لمدامتي حتى تجرب هي الطريقة تحياتي لك


خالد الدروبي ................. الرياض

[أوراق الشرقيه]

امممممممم شكلها لذيذه
تسلم ايدك من يد مانعدمها
تذكرني يوم انا بسوريا
طول المشوار من حماه لشام
نتسلى عليها

[●•°BaSmA°•●]

ممممممم
مشكورة ماسة
من زمان ما عملتها منظرها بشهي كتير
كأنو اليوم رح أعملها
يسلمهن يا رب ومشكورة عالمشاركة الحلوة

[سومر مالك]

الحقيقة أنا كامن دقتها وبالعلامة أكلت من الطرف الي فيو سنوبر 4 قطع
ومن الطرف تبع الفستق الحلبي 3 قطع

كرف الكاجو كان بالطبقة التحتانية من العلبة ما لحقتو

الله يسلم دياتك ماسة مشكورة عالهريسة اللذيذة
والحقيقة كان مغترب خافيهم عن الأنظار لولا شريكي وصديقي مؤنس ما كنا شفتاهم :)

حتى الكبة قال داعيني أجي أتصور صورة حد كياس الكبة الملينة بالبراد يعني فضل علينا مغترب ورح يفتحلنا البراد لنتصور جنب الكبة

ومن هنا أطالب كافة الجمعيات بإعطائي ترخيص أكل كبة من البراد حتى الإشباع مقابل طنجرة شوربة عدس

[سران]

اممممممممممم
طيبة يسلموا ايديكي
بس انا اكيد ماراح سويها
لانو بتصير مشروع هريسة بالصينية

[توفيق التلا]

الحكي غير الشوف بنوب بنوب

ياجماعة الخير الي ماداق هالهريسة الي في الصورة ماداق بنوب

شكلاً و مضموناً

الله يسلم ايديكي يا ماسة والله الابداع في هالهريسة شغلة مدللة

مهلب تفضل بكرا على الكبة من ايدين خالتك ام توفيق ومية أهلا وسهلا وحاول قبل ماتجي تتغدى غدى خفيف لأن بيطلعلك كبايتين و نص بس

مشكورة ماسة ونحن بانتظار المزيد من أهم مطبخ في النبك وهو مطبخ (( إم ماسة الابداع ))

[الـبرنس]

السلام عليكم ورحمة الله

صراحة اطلعت عالموضوع متل الولاد

يعني ما قرأتو ولا شفت المقادير

بس اتفرجت عالصور

وشي ناااااااااااااااااااااااا ااااااااااااااااااااهي

الله يعطيكي العافية واذا حدا طلب المقادير ان شاء الله ما برجع الا لهالموضوع

مشكورة ماسة الابداع

[غدير]

شميت ريحة مو طبيعية جيت اشوف

امممممممممممممممممممممم

شي طيب

يا سسسلام
بدي اعملها وابعتلكن لكل واحد علبة ماشي



اذا زبطت معي وما احترقت هههههههههه

[ماسة الابداع]

مية اهلا وسهلا يا يمامة انت حددي ونحنا حاضرين الستضيف مابيحدد زيارة الضيف

ومشكور اخي خالد الدروبي على المرور وبانتظار التجربة

الله يسلم ايديكي اختي اوراق الشرقية

اي بسمة النجاح مضمون اذا مانسيتيها بالفرن

صحتين وهنا اخي المهلب دعمهن بالشوربة بلكي يحنو عليك

وايديكي اختي سران لا جربيها مابتندمي

شو اخي مغترب هل من مزيد للبرادات تشحن الاكل بوقتو جاهزين لكل ساعة صنف شكل

صحتين والف هنا حرام بحبح الكبايات لاخوكن المهلب قلو حلت البركة , لا تتباخلو احنامعروفين بالكرم

الله يعافيك اخي البرنس ومشكور كتير

شو غدير علب فرد مرة طولي بالك لنشوف النتائج بعدين وزعي

[smartcat]

يا ماسة الابداع مو حرام عليكي شهيتينا بها الصورة
:confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused:
مشكورة على المجهود الكبير:)

[حنين]

مممممم فعلا مبينة من الصورة طيبة كتير

رح جربها وقلك النتيجة...بس أكيد من ايدك أطيب ماسة الابداع مظبوط;)

يسلمو اديك

[ماسة الابداع]

هلا فيكن شكرا لك أخي smartcat على المرور
هلا بحنين مية أهلين كيفك اشتقتلك ان شاء الله بدوقك ياها من ايدي
انت وكل البنات ان شاء الله وايديكي يارب

[دقة قلب]

سلام من جديد:
بس جيت قلك ياماسة إنو عملتها ونجحت الحمد لله
عن جد شكراً كتيررررررررررر ويسلموا هالديات:)
وبانتظار وصفات جديدة;)

[مغفرة]

ماسة اتأخرت بالرد قلت لجرب بالأول
كتييييييييييير طيبة الله يسلم هالايدين
شكراااااااااا


والسلام

[Brave Heart]

امممممممممممممممممممممممم مممممم

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

[منذرجميل]

سكري مليون ولااستطع مقاومة طعمها ولزتها

[ماسة الابداع]

انشاء الله تكون نجحت حبيبتي دقة قلب وايديكي الغاليين يسلمو كمان

وصحتين وهنا يامغفرة وايديكي لا شكر على واجب

جربتها اخي بريف هارت ولا بس من الصورة وصحتين

الله يبعد عنك السكر أخ منذر شكرا لكم اخوتي جميعا على المرور