أكبر وأجمل التهويلات

[سومر مالك]

في كل يوم تمر علينا مواقف جميلة وكلامات لاتُنسى تبقى ذكرى جميلة

والتهويلات أو المبالغات في وصف حالة أو سرد قصة تعطي صور جميلة ومضحكة لا يمكن نسيانها

فخلونا نتذكر شو سمعنا مبالغات ونهفات وقصص تهويلية مرت معنا او سمعنا عنها

ورح أبدأ

بالشتوية الماضية هون بالرياض كان البرد شديد
اتصل فيي أحد الأصدقاء بدو يوصف شدة البرد
قال شغلت سيكارة من القداحة شلت إدي عن الكبسة ما انطفت القداحة :D
هزيتها ما انطفت :confused:
نفخت عليها ما انطفت :confused:
مديت إدي على النارة وإذ وقعت على الأرض وانكسرت :eek:
قال الشعلة تجمدت وانكسرت على الأرض :eek: :eek:
==============================
أحد الشباب كان عسكري قرب بحيرة الأسد ومرة كان عم يسبح بأمان بالبحيرة فتعب :(
وكان رح يغرق لما فتحوا أحد بوابات السد
وتشكلت دوامة كبيرة
ماشاف إلا دلفين أنقذه من موت محتم :eek:

============================

كان صديق كان عسكري بالريف :cool:
وجنب السكنة كان في مشروع بقر:(
ومرة كانت بقرة عم تولد وصابها عسر بالولادة
فصاحب المزرعة استنجد بالشباب على البوابة
وإجو الشباب مع ملازم بالسكنة
وصارو يشدوا بالعجل ما يطلع
وآخر شي ربطوا البقرة بسيارة وانيت
والعجل بسيارة مرسيدس
وخمس عساكر عم ينطوا على بطن البقرة
والسيارات عم تشد بإتجاهات متعاكسة وانقطع الكبل المربوط بالبقرة
وراحت الوانيت وقعت بالوادي القريب
والمرسيدس احترقت الماكينة
ورجعت العساكر على المهجع لأنو صار وقت الإجتماع الصباحي
ولسا لهلأ ما عرفو شو صار بالبقرة :confused: :confused: :confused:
=====================

هي 3 قصص متذكرها هلأ
هاتوا لنشوف شو سمعتوا من تهويلات
على ما أتذكر كم قصة :rolleyes: :D

:D :D :D :D :D

[THE KING]

السلام عليكم
ماشاف إلا دلفين أنقذه من موت محتم :eek:
ولسا لهلأ ما عرفو شو صار بالبقرة :confused:
تهويلات بتااااخد العقل
هههههههههههههههههه
هاد في مرة واحد صاحبي من زمان من ايام الابتدائي
قال اخوه اول من جاب كمبيوتر من روسيا المهم
و كان قاعد يشغل الكمبيوتربمرة من الايام ومايشتغل
فشال ايدو وضرب الكمبيوتر وعلى قد مو الكمبيوتر ذكي
قال طلعلو واحد من الكمبيوتر وقللو:
(الرجاء عدم استعمال العنف معي)
هههههههههههههههههههههههههه
احدى التهويلات التي لا تنسى
وبانتظار باقي التهويلات
مشكوووووووووووووور مهلب
اخوك الكنغ

[توفيق التلا]

المهلب

والله فكرة كل واحد يقول شي تهويلة

والله مافي غير الشبح راح يفوز بالتوهويلات المميزة ههههههههههههههههه

هات لاشوف أنا شو متذكر تهويلة مرتبة مممممممممممممممممم

مرة ياطويل العمر كنا عم نتعشى في المزرعة و الي طابخ هو خالي ...... وخالي عايش في ليبيا نص عمرو والنتيجة (( بيحب الحد كتير ))

كانت الطبخة كبسة وجنبها عمل صلصة ......

لما بلشنا ناكل متل العادة الواحد بدو ياكل شي ماوي فمديت المعلقة على طاسة الصلصة ورفعتها وأنا منتشي بريحتها الحلوة وحطيت المعلقة في تمي وإلا ماحسيت في شي ......

لك وين المعلقة ......

تطلعت هيك وغلا دابت في الصلصة من كتر مو حدة

ههههههههههههههه

تهويلة من العيار المتوسط


وعلى سيرة الحد

واحد صاحبنا بالدمام مرة طبخ أكلة كواج يمكن هيك متذكر ومن كتر مو حدة بعد ماخلصو أكل قاموها وحطوها في البراد لتاني يوم

وتاني يوم لما طلعوها ليسخنوها لقوها بعدها سخنة وعم تغلي ....... طبعا من الحد

ههههههههههههههه

اي مو مقبولة هالتهويلة .....

هات لنشوف شو في عندكن كمان تهويل والله أنا نسيان كتير تهويلات

عراسي الشريك

[syrian]

عشت مهلب
دائما بتختار أفكار حلوة و تستمر
أنا عندي تهويلات كثير , بس رح أذكر تهويلات من شخص مشهور جداً في النبك و مشهور بتهويلاته رحمه الله و هو أبو زيد دوبا و الذي له قصص لا مثيل لها و ممكن أن تؤلف مع بعض لو جمعت كتاب شبيه بكتاب الجاحظ ,

خليني اتذكر شو بعرف و أبلش بقصة عن البرد مثل ما بلشت يا مهلب :

قال كان ابو زيد نازل عالمخرج و راكب الوانيت تبعو قام شاف واحد غريب مقطوع بالبلد فركبوا معه و كانت الدنيا شباط و بتعرفوا برد شباط مو مثل برد كوانين بالنبك فقلو الغريب لأبو زيد : لك يا رجل شو هالبرد عندكن بالنبك و لله سأعت , فقلو ابو زيد أي بعدك ما شفت شي يا زلمي , و لك هلأ أنت بنعمي ما تكون جايي من شهر شو كنت قلت ؟ و لك بتعرف هالوانيت هاي اللي راكبها شايفها مليح ؟ الو الغريب أي شايفها , قلو ابو زيد هاي قبل شهر كانون ما يجي كانت نساف رمل قلاب و من البرد كشت و صارت وانيت و شغلي معطل عم استنى حزيران ليجي مشان ارجع شغلها بنقل البحص.

قصة تانية :
قال أبو زيد مرة حبسوه الشرطة شهر لانهم ضبطوه و معه مسدس بلا رخصة و حكموا عليه شهرين بتهمة حيازة سلاح , و بعد ما طلع و من كثر ما شاف الهوايل بالسجن , كان قاعد بالبيت قام دق الباب , فتح وإذ شرطي , قلو للشرطي ولك شو جايي تسوي بعدك عندي , و لله العظيم لا عندي سلاح و لا عندي بطيخ و لك حتى شفرات الحلاقة كبيتها و هلق عم احلق ذقني تنتيف مثل النسوان.


قصص ابو زيد كثيرة و كل ما تذكرت وحدة بجي و بحطها هون

تحياتي

[Tiger_Hacking]

ههههههههههههههههههههه
عراسي مهلب
عرااااااااسي
راااااااائع
مشكور جد حلوين

[دقة قلب]

مشكور أخي المهلب فكرة الموضوع حلوة والقصص اللي ذكرتهم طريفين...
مو متذكرة شي تهويلة بس اتذكر برجع ان شالله..

متابعة لاشوف قصص الاعضاء

[سواد الليل]

مشكور أخي المهلب
فكرة كتير رائعة وحلوة والقصص أحلى بكتير
وشكرا أخي syrian
قال كان ابو زيد نازل عالمخرج و راكب الوانيت تبعو قام شاف واحد غريب مقطوع بالبلد فركبوا معه و كانت الدنيا شباط و بتعرفوا برد شباط مو مثل برد كوانين بالنبك فقلو الغريب لأبو زيد : لك يا رجل شو هالبرد عندكن بالنبك و لله سأعت , فقلو ابو زيد أي بعدك ما شفت شي يا زلمي , و لك هلأ أنت بنعمي ما تكون جايي من شهر شو كنت قلت ؟ و لك بتعرف هالوانيت هاي اللي راكبها شايفها مليح ؟ الو الغريب أي شايفها , قلو ابو زيد هاي قبل شهر كانون ما يجي كانت نساف رمل قلاب و من البرد كشت و صارت وانيت و شغلي معطل عم استنى حزيران ليجي مشان ارجع شغلها بنقل البحص.
ههههههههههههه الله يرحمك يا أبوزيد مع أني مابعرفوههههههههه
بس أتذكر شي تهويلة بكتبها
تحياتي

[ابوعبده]

ههههههههههههههههههههههههه
اولا ربي يعطيك الف عافية على فكرة الموضوع المميزة جدا
وهذا ليس بغريب على المهلب
والتهويلات حلوة كتير وعلى سيرة ابو زيد انا عندي كتير لابوزيد كونه في قربة الله يرحمه
بس الواحد قبل مايبدى بالناس خلي يبدا بنفسه اول ونشان هيك راح احكيلكن تهويلتين
عن ناس بتهمني
الاولى:
هاد الوالد الله يرحمه ويرحم امواتكم جميع كان معروف بالنبك بالنكت وروحه الطيبة
مرة من ذات المرات
انا جدي كمان الله يرحمه ابو الوالدة كان عايش على القلب المساعد او الي معروف عنها البطارية ومرة من ذات المرات تعب شوي جدي وعصب صار يرجف كتير وكان عنده الوالد المهم اتصلو في الدكتور اجا الدكتور شافه وخلص
بعدها كنا جالسين برا سئلوه للوالد شو الي صار مع عمك قلن انا اول مرة بشوفه بهالحالة
انا شكيت انه البطارية فضيت نطيت متل البرق على السيارة فكيت بطارية السيارة وجبت كبل اشتراك
شبيتو ماياخد حاولت ماياخد بعدين اتطرينى جبناله بطارية تريله ومعها شاحن لحتى تساعد
والحمد لله شبينا ومشي الحال والان بنضل محتاطين نخلي بطارية تريلا بالبيت منشان مايقطش
هههههههههههه
التانية :
كمان لواحد صديق النا كتير الله يرحمه ومعروف عنه النكته والتهويل
هاد مرة قال كان نايم وصحي لقى حاله في التربة سئلو ليش
قلهن من كتر مافي برغش (ناموس) ليلتها قال حملوه اربع برغشات حطوه بالبطانية وحملوه وزتو بالتربة منشان يعملو عليه وليمة لانه التربة قريبة على بيتهن

هاد الي حاضرني الان وان شالله بنزيدهم
الف شكرة مرة تانية على الموضوع
تحياتي

[GODLOVESYOU]

و الله كل هالتهويلات شغلة بس ما بعرف اذا صايرة .


بس أنا في مرة عم يحكي معي صاحبي هو من حمص المهم عميحكيلي عن بطولات
أبو و كيف سافر عأميركا ليحج ((على فكرة رفيقي مسلم)) و
زينولو للحج و فرشولو من بعد كيلو متر عن بيتو بساط أحمر وكذا من
هالزينات وو قها فكرتو عم يمزح ..آخر شي قلتلو حاجتك بياخة طلع الأخ عميحكي عنجد وحلفلي ميت يمين وعظيم انو البابا حسب ما بقول كان بيحج بأمريكا و لهلأ
بعدو مصر انو أبو كان عميحج بأمريكا.
حتا حكالي شو صار معو مرة
انو كان ماشي بسيارة بلا نمرة فوقفتو الشرطة بقا قلون نحنا بسوريا منمشي بدون نمر فالشرطي مشا مباشرةً.

[غصن الحياء]

حلوه الفكره مهلب
بانتظار تهويلات جديده
ههههههه


تحياتي

[أوراق الشرقيه]

هههههههه
موضوع حلو
شو هالتهويلات فلته

[سومر مالك]

يا مرحبا كل الي ردوا والله يسعدكم كلها تهويلات بتجنن

في قصة عن التهويل بس مابعرف أبطالها وهل هي حقيقية أو لأ

واحد الو رفيق بيتهول كتير كتير
ومرة قلو يا أخي فضحتنا خفف تهويل قلو والله ما بنتبه على حالي قلو خلص انا بصير أنبهك مشان تخفف واتفقو انو ينظر الو نظرة (( زوْرة ))
ومرة قاعدين قال المتهول انو كان قاعد بمنزول مبارح طولو 800 متر
فأكل زورة من رفيقو
و كمل حديث الرجال بعد مانتبه على التهويلة وقال وعرضو 80 سانتي

[أوراق الشرقيه]

طولو 800 متر
وعرضو 80 سانتي
:eek: :eek: :eek: :eek:
هههههههه

[كمال فخر الدين]

السلام عليكم
خيه مهلب عنا في النبك يقال أنو بيتهول أكثر من القازه
ومن تهويلاته المشهورة

سوف أكتب باللهجة النبكية لضرورة الشعر

مرة القازه كون في الصحرا على الموتور وفجأة انقطوع من البينزين
وهو في هل حولي مرت طيورة قوم اتصل فيها وخبرها انو مقطوع من البنزين
قوم وقفت الطيورة في السماء وطلع البورودي يلي معوه وضرب خزون البنزين
خله البنزين ينزل قوم فتوح غطا دبو البنزين تبع الموتور وعبوه على الشفي
وبعدان طلع البورودي مرة تاني وضرب الخزان في نفس المكون الأول قوم سكرو
وهاك كمل طريقو وكذلك الطيارة:cool:

مع تهويلة جديدة نلقاكم:eek:

[الشبح]

هههههههههههههههههههههه

حيو حيو خيي مهلب ...


لكان هيك أخي مغترب يعني طلع علينا اللبق بالتهويل من بعد داك الموضوع
ههههههههههههههههههههه

مشان هيك رح أحكي تهويلات من غيري مو من تهويلاتي ..

____________________________

في واحد بالنبك مدري أبو زيد مدري أبو حسن
المهم مانا بالطويل ..

هاد الرجل لهلأ لساتو عايش ..
ومن المعروف عن هالرجل أي واحد بشوفو بيستغرب من كثافة شعرو
فعلاً شعرو مكزبر وكثيف ومجعد بشكل ..

هاد صاحبنا عندو طرزينة بيشتغل عليها بنقل الطحين والحمص والعدس
للمحلات ...

وكان صاحبنا كمان مشهور أنو ما بيتغسل من السنة للسنة ..

وكان كل ما يكون عم ينقل على كتافو بهالعدس والحمص و ..و ..

يوقعلوا شوية عدس وحبوب بشعرو ..وغير قدرة ربكن ما تعود تطالعهن من بين شعرو المجعد الكثيف ..ولا هوي بيتحمم غير بالمناسبات ..

مرة من المرات مطرت الدنيا عليه هوي وعم يشتغل ...


بعد كم يوم ولا منبت العدس والحمص براسو

( يعني متل ما كنا بالمدرسة الابتدائية نزرع الحبوب بين في القطن )

____________________________________-

بالنسبة لآزا أخي الكلمي الطيبي ...
رح حكي قصة عنو ...مدري هيي نفس القصة براوية تانية
مدري مرة تانية انقطش من البنزين..


انقطش أخونا آزا من البنزين بالصحرا... ولا كازية ولا هم يحزنون..
ولا في حدا يجبلو لترين بنزين يدبر حالوا فيهن ..

مشي بالصحرا ولا لقى راعي غنم ...

صار يحلب بهالغنم ...ويحط بدبو السيارة حليب غنم بدل البنزبن ..

ضرب مرش .... دارت المكنة ...
تشكر آذا الراعي ومشي بطريقو....

هوي وماشي ولا في صوت ورا السيارة ...

اطلع لورا ...ولا اشتمان السيارة عم يزت قراص جبنة ..

_________________________________

معقول ما عندي أنا ولا تهويلة من احترافي ؟؟؟؟

مممممممممممممممممم

ما حاضؤ شي هلأ والله ,,,,

لبين ما أتذكر ...

أكبر تهويلة بالمنتدى !!!! ..بس عنجد هيك صار ....
http://www.alnabkvb.net/vb/showthread.php?t=9711&highlight=%C3%DF%C8%D1+%CA%E5%E6%ED%E1%C9


استعرجعوا معي هالكم تهويلة ...وركزولي على تهويلة أخونا إنسان ( المستبد سابقاً )

وإلنا رجعة ....

[The Grieved]

هههههههههههههههههههههههههههههههههههههههه


يلللللللللللللللللللللللي حيووووووووووووو

شووهــاد الشبـــــــــــــــــح

هههههههههههههههههههههههههههههههههه

في هذه الامـور تحـــــــدث كثيــــــــــر

شككككككككككككراً

أخ المهلللللللللللللللب

[أبو خليل]

لكـــــــــــــــــــــــ ــــــــــان اسمعوا هذه التهويلة:

لي صديق كان يدرس في جامعة حمص, المهم كان أستاذهم في الجامعة عم "يبيض" عليهم و عم يأرجيهم منجزاته و مأثوراته. المهم, و الحديث للمدرس, أنو كان عم يحارب في حرب تشرين و شاف أن القتال خف شوي, فقال: "خليني أحلق دقني". المهم طلع عدة الحلاقة بس كان نسيان المرايا في البيت. دور دور ما لقى غير "مراية الدبابة", بالفعل ركز المرايا و بدأ يرغي الصابون ثم بدأ يحلق. و بعدو ما كمّل الجنب الأيمن من وجهه إلا وشاف في مراية الدبابة صاروخ من بعيد هاجم عليه. من فزعو طخى, و عينه ما تشوف إلا الصاروخ ضرب المراية. انكسرت المراية بس الدبابة ضلت في حالة جيدة. فكمّل الحرب نصف ذقنه محلوق و الآخر غير محلوق!!!!!!!!!!!!!!!!!

[الشبح]

هههههههههههههههههههههههه

هي تهويلة من الطراز الأولي أخي أبو خليل
ههههههههههههههههههههههههههههههه

مو طبيعي بنوووووووووووووووووووب

[سومر مالك]

أبو خليييييييييييييييييييييييييييييييل يا لطيف عالتهويلة هههههههههههههههههههه

شغلة شغلة ههههههههههههههههههههههههههههههههههههههههههههه هه

[سومر مالك]

من التهويلات الجميلة

أن كاتب الموضوع الجديد في هذا المنتدى عندما يفكر بضغط زر إعتماد الموضوع الجديد وتأخر كبس الزر دقيقة واحدة
بكل تأكيد سيصبح رد تايكر هاكنج سابق الموضوع

الرد لتايكر هو المشاركة الأولى والمشاركة الثانية هي الموضوع

[Tiger_Hacking]

له
له
له
له
له
له
شو هاد لحقني النتف و وصل الدور علي
يا حصرتي عليك يا تيجورة
لك ايــــــــــــــه
تركتكن كل الصيفية عوقت عالشتوية هههههههههههههههههه
يلا مو مشكلة بسيطة

عراسي مهلب

تسلملي
هههههههههههههههههههههه
هههههههههههههه

[سومر مالك]

;) واجبنا حبيب قلبي تايكر ولو:cool:

[شما في البراري الخضراء]

مشكور كتيرمهلب عالتهويلات
هلأما في شي ببالي
بس عن جد تهويلات
مشكور
تحياتي

[وردة البساتين]

شكراً على التهويلات أخي المهلب و لا تقطعنا من تهويلاتك


أختكم وردة