هل تعلم...أن أساس الحب هو ...الثقة

[ألأسطورة]

أعزائي سمحولي بخمس دقايق من وقتكن الغالي مشان وضحلكن فكرة
بسيطة بس هي النقطة البسيطةو هي الزاوية المظلمة بالحب وهي المسؤولة عن نجاح العلاقه او فشلها
مو ضروري علاقه بين بنت وشب قصدي علاقة الحب بشكل عام
بس لاكون بينتلكن انو الموضوع معقد أسف اذا حسيتو بهشي الموضوع اسهل مما بتتصورو بس مطلوب منكن ومن اي واحد بيقرا الموضوع انو يدقق شوي بكلامي مشان احسن وصل الفكرة صح......
بدراسة أجرتها على حياتي وعلى المواقف والتجارب الي خضتها أستنتجت
أنو أساس ومركز الحب هو الثقه يعني الأبن وقت بحب ابو مو بس بحبو لانو ابو
لأ هو بحبو لأبو عم يعطي ابو ثقة مستحيل يعطيها لحدا تاني فأذا خذل ابو ما طلع قد الثقه فهي رح تكون صدمه للأبن وصدمة كبيره كما انو رح تغير حياة الابن
ونفس الشي بنسبه للام
أما بنسبه:لحب الشب للبنت فهي مراحل وقت بكون الشب مراهق وصغير بيعطي البنت ثقة هي ما بتقدر تحملها ومسؤوليه هي بتتملص منها مشان هيك اغلب المراهقين علاقاتهم فاشله صح
المرحله التانيه:وهي انو البنت تعطي شب الثقه الكامل ومندون ما تحسب انو ممكن يكون ما نو قد حمل هي الثقه وهون بتخسر البنت سمعتها وبتنلام هي قدام مجتمع النبك بينما الشب ما دخلو مع انو هو الغلط علية....... المهم
المرحله او الحاله التالته والأهم:وفيها بكون الشب نضج عاطفيا وزاد وعيو بالمجتمع الي من حولو هون بيطلب من البنت الوثوق فيو ولاحظو انو هو الي طلب مو متل المراحل الي قبل يعطي وتعطي الثقه.... فهون طلبو مبني على رغبه عندو بالبحث عن المرأة الي بدو يكمل معها حياتو فطلب الثقه من البنت الناضجه كمان هو تحدي بنسبه للبنت وتحدي كبير وأذا تعدت التحدي ولقت انو الشب الي عطتو ثقتها هو شب فعلأ كفو انو يحاز على ثقتها بس يا شباب هاد الشب مو اي شب هاد الشب شب
1.ناضج عاطفيا2.واعي للمجتمع الي بحيط فيو
ومشان هيك انا بنصح الشباب يتبعو الخطوتين هدول وبنصح البنات يعرفو يقدرو الشباب الي فين الميزتين هدول
ويدرج كل ما يتعلق بالحب انهو تابع وفرع للثقه بعد ذالك وبالقياس على ذالك
وفي الختام ارجوا واتمنى انكم استفدتو او على الاقل حصلتو على أضائه للزاويه المظلمة الي حكيتلكن عنها بالاول
وشكرا

[امجد لطوف]

من طول الغيبات جاب الغنايم

هلا تنطح هلا تنطح هلا من دبي للرياض

هلا بالاسطورة الغالي والله

شو التوقيع اللي بيجنن حركااااااااااااااااات

[إياس مسكة]

مشكورة أسطورةعلى هالموضوع؟؟
بس وين الثقة هالايام؟؟
بالظاهر موجودة اما بالباطن معدومة
مشكورة

[ألأسطورة]

هلا بلي يهلي هلا بزعيم الاولي بس ما عطيتني رايك بالموضوع رايك بهمني هه
اما بنسبه لنور العين اول شي شكرا على مشاركتك تاني شي شو مشان مشكورة انا الأسطورة شيخ الشباب ههههههههههههههههههههههههههه
بعدين الي بدور على الثقة فهي موجودة باي مكان وباي زمان بس مشان
تلاقيها لازم تتعبي شوي ولازم تتركي لقلبك الاختيار

[سران]

شكرا كتير اخ الاسطورة

والفكرة وضحت


ان شائ الله

[الـبرنس]

السلام عليكم

؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟

يعني اذا وثقت بأي بنت وهي وثقت في عطول نبلش مشروع الحب؟؟؟

يلا لنروح ندور

مشكور شيخ الشباب عالنصايح

[samer]

السلام عليكم

أخي الاسطورة بشكرك لأنك نورتلي زاوية مظلمة بحياتي

لك برنس

شبك يا زلمي ليش هيك عطول معارض

لك هاد الحب أسمى ما في الوجود شبك.؟؟؟؟؟

بعدين إذا انت ما حدا عم يعبرك ويقيمك من أرضك بتصير تسيء للحب ؟؟

لك عيب عليك

بكرة وقت بتلاقي شي وحدة تقبل فيك ابقى واجهني لشوف؟؟؟

[ألأسطورة]

هلا ب سران والبرنس وسامر وشكرا على المشاركه وبتمنالكم الافاده
تحياتي أنا الأسطورة

[الـبرنس]

ياأبو سمرة

هلأ عم أدور بسوق الثقة

بلكي بتظبط معي هالمرة وببقى واجهك

ولنشوف

ترى الهامور حكالي موضوع أخر سهرة سهرتوها وعطيتو الدليل

[ألأسطورة]

معليش برنــــــــــس مشاريعك الخاصة مع ابو سمرة مو عندي بتتناقش فيها هون موضوع للأستفادة والنقاش البناء مو للسوالف والحكي الخاص
يعني أول مشاركة قلك تماديت فيها ومع هيك عديتها وكأني ما شفتها بس ترجع تطاول نتبه خط أحمر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
ملاحظة أنا الحكي الي حكيتو حكيتو بكل أدب وجدية وبعتزر من كل المشاركين

[عمـــ المنتدى ـــلاق]

شكر كبير للأسطورة على هالمواضيع المتميزة
بس صدقني حتى وقت عم نطلب ثقت البنت وعم تعطينا ياها
بنص العلاقة بتصير تخترع أعذار مشان تبعد وأنا عادي عندي
لأنو مستحيل أنا كب حالي عليها وقلها مشان الله لاتتركيني
هي الخسرانة بالأول والأخير
ومابعرف أذا بتوافقني على راي ولا لأ؟
تحياتي أنا
عمـــــــــــــــــــــــــــــــــــــــ المنتدى ـــــــــــــــــــــــــــــــــلاق

[الـبرنس]

السلام عليكم

طول بالك ليش الحساسية

نحنا عم نعطيك نتائج موضوعك

ورح نمشي بالمشروع انا وأبو سمرة

واذا بتلاحظ انها أثمرت

وان شاء الله بتنجح المحاولة

[Tiger_Hacking]

مشكور
فكرة صحيحة
والله اعلم

[رؤى]

فكرة صحيحة مية بالمية
مشكور على اموضوع
بس مو بس البنات لازم تقدر الشباب
كمان الشب لازم يقدر البنت

[الابتسامة]

السلام عليكم
موضوعك كتير حلو أخي الاسطورة
فعلا الثقة هي أساس العلاقات كلها مو الحب بس
والحب أول ما ببدأ ببدأ بالارتياح وبعدين الثقة
انا برأيي الثقة ما زالت موجودة يا نور
وسامر حكيك جواهر الحب أسمى ما يكون
أما البرنس فموفق إلا ما تلاقي اللي تثق فيهلا وتثق فيك
ومنجي للعملاق يعني بدك تضل معلق البنت شي 3 سنين وبدها تتم واثقة فيك مثلا يعني البنت في الأول ممكن تعطي الثقة لأنها حست انو انسان ثقة بس انا بأكدلك انها رح تتراجع إذا ما صار شي رسمي لأنو الذئاب حوليها كتير وانا ضد انو البنت تعطي ثقة لانسان قبل ما يقدم على شي ضمن الاصول وشكرا

[ريم الفلا]

السلام عليكم
مشكور أخي الأسطورة عالموضوع المفيد
خيي نور طول بالك وعطي الناس فرصة;)
الابتسامة !!!!!!!!!!!!!!!!!!!!!!!!!!!لا تعليق:confused: :eek: :D :p


مشكوووووووووووووووووووووو وووووووووور

[هبة]

السلام عليكم شكرا أخي الاسطورة
بالنسبة لحب الابن لأبوه أو لأمه كلامك صحيح و فيه وجهة نظر
أما بالنسبة لكلامك ا (المرحله او الحاله التالته والأهم:وفيها بكون الشب نضج عاطفيا وزاد وعيو بالمجتمع الي من حولو )
كيف البنت بدها تعرف ؟ النضج العاطفي و الاجتماعي لا يتعلق بعمر معين يعني ممكن واحد بالأربعينات و لسة ما عنده نضج عاطفي
................................................و حتى و فرضا طلب منها تعطيه الثقة انا ما بنصحها

[ألأسطورة]

شكرا للعملاق على وجودو معنا وعلى مشاركاتو المفيدة
وماشي برنس طولنا بالنا عليك ما بينزعل منك انتي
وهلا بتايكر منور شكرا لمشاركتك نشالله عجبك الموضوع
رؤى.. منورة شكرا على ثقتك الغالية بس مافي شي مية بالمية بدنيا كلها الا شي واحد فكري ورديلي خبر اذا عرفتي
الأبتسامة أحلى ابتسامة والله شكرا على مشاركتك وتعليقك كمان
هلا بريم الفلا ونشالله عجبك الموضوع وستفدتي منو
ومشان هبة عاد هون بنوقف ياهبة اول شي الشب الناضج عاطفيا والرجل ببين من اول كلمتين قلو بل اكتر من هيك ببين من عيونو ومو مبالغة
وعلى كل حال اذا عم تلاقي صعوبة بختيار فأنا بنصحك تتوجهي لواحد بتوثقي فيو مشان يدلك على الصح وشكرا على المشاركة
وفي النهاية بحب اشكر الجميع
الأســــــــــــــــــــــــــــــــــــــــــــــ ــــــــــــــــطورة
عدنـــــــــــــــــــــــــــــــــــــــــــــــ ـــا

[ألأسطورة]

شكرا للعملاق على وجودو معنا وعلى مشاركاتو المفيدة
وماشي برنس طولنا بالنا عليك ما بينزعل منك انتي
وهلا بتايكر منور شكرا لمشاركتك نشالله عجبك الموضوع
رؤى.. منورة شكرا على ثقتك الغالية بس مافي شي مية بالمية بدنيا كلها الا شي واحد فكري ورديلي خبر اذا عرفتي
الأبتسامة أحلى ابتسامة والله شكرا على مشاركتك وتعليقك كمان
هلا بريم الفلا ونشالله عجبك الموضوع وستفدتي منو
ومشان هبة عاد هون بنوقف ياهبة اول شي الشب الناضج عاطفيا والرجل ببين من اول كلمتين قلو بل اكتر من هيك ببين من عيونو ومو مبالغة
وعلى كل حال اذا عم تلاقي صعوبة بختيار فأنا بنصحك تتوجهي لواحد بتوثقي فيو مشان يدلك على الصح وشكرا على المشاركة
وفي النهاية بحب اشكر الجميع
الأســـــــــــــــــــــ ـــــــــــــــــــــــــ ــــــــــــــــطورة
عدنــــــــــــــــــــــ ـــــــــــــــــــــــــ ـــا

[إسطورة الحب]

بما انو الموضوع صرلو فترة بس عجبني الموضوع وحبيت شارك فيو

كلامك صح اخي ألأاسطورة


بس يمكن الثقة بهل ايام عملة نادرة وصعب لحتى تلاقي الشب او البنت الي فيهن ثقة كبيرة

وشكرا الك على توضيح الفكرة


مع تحياتي بنت النبك

&&&إسطورة الحب&&&

[ألأسطورة]

لك يا أهلا وسهلا بشبيهة أسمــــــــــــــــــــي هلا بأسطورة الحب
أول مرة بتشاركي بموضوع الي
بس منورة الموضوع
وبوافقك على فكرتك انو الثقة عملة نادرة بس موجودة نشالله
وشكرا لكل الي شاركو بموضوعي مع تمنياتي بلأفادة للجميع
الأســــــــــــــــــــــــــــــــــــــــــــطو رة

[قمر الليل]

السلام عليكم ورحمة الله وبركاته

الحب نعمة وبنفس الوقت نقمة
أذا بنت عطت الثقة الكاملة للشب وهوي خدعها بس مشان مصلحته
شو وقتها بنفع الحب

وأكيد ما حدا بحسن يعيش بله وهل أيام عما نشتريه مشترة
مو حب شب لبنت لأ حب الصديقة وصايرين نوادر


بس مافي أحلــــــــــــــــــــــ ـــــــــــــــــــــــــ ـى من الحــــــــــــــــــــــ ـــــــــــــب ;)

[ألأسطورة]

هلا قمر الليل اول شي اهلا وسهلا فيكي بالمنتدى
ومنورة الموضوع
بحب فيدك بمعلومة أنو الانسان حسب ما بتكون نيتو رب العالمين بيعطي
يعني نيتو طيبة ما بلاقي غير الطيبين نيتو مو طيبة رب العلمين بيبعتلو ناس نيتهن متلو
وشكرا للجميع
مع تحيات
الأســــــــــــــــــــــــــــــــــــــــــــــ ـــــــــــــــــــــطورة

[قلب شجاع]

كلام كبير وحكي صحيح
بس نحن بزمن (لا يصح الا المو صحيح)
وشكرا اسطورة
متابع
قلــــــــــــــــــــــــــــب شجـــــــــــــــــــــــــــــاع

[ألأسطورة]

هلا قلب شجاع
سعدة لمشاركتك بس ليش هيك متشاءم
تفاءلو بالخير تجدوة
الله يوفقك ويسعدك