الشبح وما ادراك ما الشبح [الأرشيف]

عرض النسخة كاملة : الشبح وما ادراك ما الشبح

Tiger_Hacking

14-10-2006, 04:52 PM

بسم الله الرحمن الرحيم
اول ما تعرفت عالشبح بالنبك ورحت وزرتو بالعيادة (انسان محترم ولا أحلى من هيك) بس ما مبين عليه انو دكتور بنوب لا مثلا هالكرش يلي مترين لقدام
ولا شايف حالو شوي لك بنوب بنوب انا فكرتو صنايعي او شي او شي واحد ميكانيكي جاي يصلح سنانو.....
المهم انو ما كان فيني شي
وفجأة بعد يومين عالفطور صرت انط انا وعماكل من وجع سناني
شه شه انو شو صار مابعرف
والله حملت حالي ورحت لعند الشبح وطلع عندي سنين مضروبين بدهن سمكرة حسب ما فهمت من الدكتور
والله بدينا والحمدلله قلتله دكتور انا ما بحب ابرة البنج الكبيرة هاي يلي بتضربوها للواحد
قللي لا تخاف ومابعرف شو قلتلو معليش اشتغل بدونها صار يدهلز علي وجابلي شغلة لونها زهري على قطنة قللي هيك عمنعملو تم شامبو للسن
وبعد شوي جاب هالابرة ونفضني ياها صار معي شلل نصفي بوجهي
وكانت نظراته الحاقدة عالسن يالطيف لما مسك الكمبريصة وصار يطلع فيو بنظرات الكراهية وكانو بينهم عداوة وبدو ينتقم منو
وبلش يحط هالكمبريصة ويحفر في سني وسني الله يساعد مكتف ومبنج مو طالع بايدو شي
ضل يحفر لطلعت المي بعدين جاب كوشة ابر وحطها بسني ويقللي لاتسكر تمك وانا ريقي يسيل يجبلي شغلة ويقللي هي المقشة ويشفط من جوات تمي مفكر حالو حفر لطلع البترول وعميسحب من هالبترول
وشي يجبلي الشاكوش وشي الات ومعدات الحفر والتنقيب شي مابعرف شو يضحك علي
وانا الله يساعد لا حول ولا قوة
شوي ما شفت الا شغل الة كبيرة وصار يحط شمينتو وما بعرف شو
سالتو شو هاد يا دكتور قللي هاي الجبالة هع هع هع طبعا هاي كانت ضحكته الشمتانة عالسن مو فيني طبعا
بعد ما خلصت جبل جاب الكريك وصار يقيم ويردم في سني
بعدين جاب شغلة غريبة قللي هاد السشوار وسشورلي سني وخلصنا
وكذلك السن التاني تقريبا
اجا يوم الحساب وما ادراكم ما يوم الحساب؟؟؟!!!
اديش بتريد دكتور
ال هتلك كمشة مصاري
عطيتو ال مابكفي
بعت تيابي ونص غراضي ال مابكفي
بيعني الفوقي وتحتي الله وكيلكم لحتى عطيناه
لا وشو كان وقتها عميعمل ويجهز العيادة الجديدة وتعو شوفو الطحيح
مافي من يلمو كان وهو يطحلي كل يوم
ومرة من المرات اجيت لعندو واذا كان يوم افتتاح العيادة الجديدة ال شو ال دكتور سنان وعمضيف هريسة مشان الواحد يخربو سنانو ويجي يصلح
والشاهد على كلامي كان احمودي اندر تيكر
يالطيف نابغة هالدكتور فعلا... راحت واجت الايام وجيت لعندو واذ عميطح
ويجمع ويحسب ويضرب ويطرح
يالطيف شو عميصير شوي وقف الدكتور الفقير الى الله تعالى
وصار يمد ايدو على جيبته اليمين يطلع بجي 50 الف جيبتو اليسار نفس الشي
شوي مد ايدو على جراباتو سحب مصاري جيبة البنطلون الورا طلع منها مصاري صباتو كمان محشي مصاري
اتاري فعلا دكتور السنان جلدو بكون محشي مصاري
وال شو طول اليوم طحيح ومابعرف شو
فعلا هاد ملخص بسيط كتير كتير كتير عن حكاية الشبح وما ادراكم مالشبح
على فكرة الموضوع قابل للنقاش والتحدث وفتح المواضيع ههههه
====================================
طبعا الموضوع للفكاهة وياريت تسامحنا دكتور
ياجماعة الخير الموضوع فيو شوية رش بهارات مو كتير شي بسيط بس
ومكان رش البهارات معلم بلون مميز
اخوكم : ماهر زحيمان

أحــــمــــودي

14-10-2006, 06:13 PM

مشكور ماهر والله لونك منزل صور الدكتور هو وعم يرقص بخطبة عماد هههههههههههههههههههه

كان وفر عليك كلشي حكي

ههههههههه

سران

14-10-2006, 06:15 PM

له له له ياشبح

والله دعاية مرتبة عم يعملك ياها تايغر

روووووح اعتبر الزباين ماعاد مين يلما

Tiger_Hacking

14-10-2006, 06:27 PM

له له له
عراسي احمودي
عراسي الشهود والله
شو سران شو قصدك بالرد تعي نناقش لنشوف
هع

غصن الحياء

14-10-2006, 06:27 PM

شو دعايه
انا مفكره اذا رحت عالسوريا مر شيك اسناني عند الشبح
بس هل بطلت
اسناني صاحين مابهن شي

تحياتي

درة البحر

14-10-2006, 06:37 PM

السلام عليكم

شكرا لرسم الابتسامة اخي تايغر

Tiger_Hacking

14-10-2006, 06:52 PM

اهلين اختي درة والاخت غصن الحياء
العفو درة البحر
غصن الحياء طولي بالك بكرة بقول الزلمي انو انا قطعت برزقو
دخيل اوعى
بالعكس مافي منو الشبح
ههههههههههه

ابو وليد

14-10-2006, 08:11 PM

هي الصوره للشبح هو والعروس
http://gallery.7oob.net/data/media/5/11_2.jpg

وهاي الصوره ف اوقات الفراغ
http://www.rayig.com/picture/funnypic10/pic/0208.jpg

وهي صوره للشبح بعد الحمام
http://www.rayig.com/ch/pic7/0060.jpg

وهاي الشبح هو نايم
http://www2.0zz0.com/2006/06/08/586616350.jpg

صور من الطفوله للشبح والتايجر
http://www.rayig.com/ch/pic4/ch1.jpg

وها كمان من طفولة الشبح والتايجر

http://www.rayig.com/ch/pic2/ch15.jpg

اثناء الدراسه هيك سوى بمغترب وعماد كانو مشروع التخرج تبعو!!!!!!!!!!
http://www.rayig.com/ch/pic2/ch9.jpg

http://www.rayig.com/ch/pic2/ch11.jpg

عاد شو بدكن احسن من هيك شبـــــــــــــــــــــــ ـــــــــــــــــــــــــ ــــــــــح

مشكور جاااااااااااااااااااااااا ااااااااااااااااااااااااا ااااااااااااااااااااااااا ااااااااااااااار
على هل الاستفائده للغالي الشبح
سلام

●•°BaSmA°•●

14-10-2006, 08:14 PM

مشكور أخي ماهر عالنهفة الحلوة

والله يديم المحبة بينكن
يعطيك العافية

Tiger_Hacking

14-10-2006, 08:15 PM

عراسي ابو وليد
شففتو يا جماعة الشبح شو مشاغب
شايفين كيف كان يبسلي راسي
هههههههههههههههه
حيو ابو وليد

عــــمـــاد

14-10-2006, 08:18 PM

بصراحة الشبح انسان رائع جداً

و ما شاء الله عنه

و فعلاً ما قصر نهائياً مع أي عضو من أعضاء منتدانا.

بس فكرة ماهر حلوة لشد الأعضاء للقراءة ... عشت يا ماهر

و دمتم بخير

Tiger_Hacking

14-10-2006, 08:40 PM

أهلين بسمة الدنيا وعراسي عماد
الشبح يا اخي انسان مافي منو
وهاي مجرد لفت نظر ومزحة مو اكتر
بالعكس انسان رائع وخدوم والكل بيشهد
بكل شي خدوم بمهنته وبغير مهنته

Browning

14-10-2006, 09:20 PM

ضل يحفر لطلعت المي

ههههههههههههههههههههههههه ههههههههه

لك تايغر كأنو حكيم وصل الريشة لسفل رجلك

اذا المي هينة اهم الشي ما تطلع حمم بركانة

مشكور على الموضوع الرائع

والف تحية لحكيم منتدانا الغالي

أوراق الشرقيه

14-10-2006, 09:54 PM

ذكرتني بيوم أعمل حشوه لسني
ههههههه
بس ماتألمت لأنه انا رايحه المستشفى نزهه وزياره
ولقيت الدكتوره فيني سوسه صغيرونه
الظاهر توها مولوده
من الخوف
كل شوي ابعد ايدها وأقول آهآآآه ه ه ه آه
خايفة توجعني بلأشياء اللى تحطها بتمي
مابعرف أقول آه ليش ؟ وانا ماأتألم
يسلموا تايغر

The Grieved

14-10-2006, 09:59 PM

وللللللللللللللللي أديــــــــش بتحب البهــارات ياتايغر &أبووليد

بلشـــــــين الله الله د.الشبــــــــح

يعطيــــــــــك العافيــه تــايغر علـــى قصتك أنت ود.الشبح

الله يعينــــك يــا دكتور على ضــــرب المسامير

تايغر بــــدل ماتقول يعطيك العـافيه دكتور وتجيب لعنده زبــاين

عـــم تحـكي عنـــه

ههههههههههههههههههههههههه ههههههههههههه

يلي تايغــــر الموضوع الثاني على مــين

ههههههههههههههههههه

أخوووووووووووووك

الـبرنس

14-10-2006, 10:01 PM

مروووووووووور

أحلى شبح

اللي بيسمع تايجر بفكر تمو دولة الكويت

هههههههههههههههههه

اي مشكور تايجر

اصحى يسمعو فيك الأمريكان بيغتالوك يا مسكين

Tiger_Hacking

14-10-2006, 10:24 PM

فعلا اخت اوراق الواحد بقول احيانا اه من غير اي الم بس خلص عادة
حنين شايف هالشبح شو مسوي فينا الويلات هههههههههه
ولك يا ملك الرومنسية بالعكس الله يعطيه الف عافية بس يا اخي بنا نغير جو شه شه
بعدين انا متفق معو اذا بيزعل ما بنزل الموضوع

والله يا برنس تمي بطلع دهب اسود شه شه
انت يلي بتعرف
ههههههههههههه
عراسي الجميع

الصديقة

14-10-2006, 10:46 PM

ع الزمة أديش قابض من الشبح على هالدعاية

و لا متعهد تصليح أسنانك مجاناً

مشكور على النهفة

Tiger_Hacking

14-10-2006, 10:50 PM

له له له يا الصديقة
بعدين معقول اخد من اخي وحبيبي الشبح مصاري
ولو
ال ببلاش التصليح ال
بسيطة الله يسامحك

مشكوووووووووورة لمرورك وردك اختنا الصديقة

توفيق التلا

14-10-2006, 10:51 PM

ولك ماهر

يامسكين ......

لك ماسمعت صوتك بالنبك بنوب وقت بعدت على مصر طلع حسك أنا بفرجيك عم تحكي على الشبح ؟؟؟؟؟؟

شبح يا شبح ......

شريكي الشبح....

زرعها بهالدقنة هالمرة و تركلي ماهر عليي مفكر حالو ماراح يتبهدل بهالكم يوم الجايين وخصوصي بعد ماوافق ...... لاتسألوني على شو وافق بس بكرا بتعرفو

جهزلي حالك ماهر لتشتغل بمصلحتك ونشوف عزماتك

شريكي عدنان بكرا الشماتة

روحو الهي مايحرمنا هالجمعة الحلوة يارب

مشكور ماهر ماقصرت

Tiger_Hacking

14-10-2006, 10:58 PM

لك انا بالنبك ما طلع حسي ولا انت
والله مدري مين كان يخبط كل سطل دهان وكل اخوه ونقول عنه مذبذب
ههههههههه
ولا نسيت
لا حبيبي اطمن انا بالحقيقة وهون معك واحد
مين قلك انو وافقت
\ولك دغري وصلك الخبر
ولي عليك
ولي
مافي شي يا جماعة هاد مغترب بحب يحكي كتير بس مو اكتر :p :D

The Grieved

14-10-2006, 11:09 PM

بعــــــــــــــــــرف عم تمــــزح

ومـــــــــزحه حلللللللللللللوه

يعطيك العافيـــه ومشكور مره ثاني

الشبح

14-10-2006, 11:41 PM

ههههههههههههههههههههههههه هههههه
ههههههههههههههههههههههههه هههه
ههههههههههههههههههههههه

ولك تايغررررررررررررررررررر

يحرء مرشك يا رجل

ههههههههههههههههههههههههه هههههه
ههههههههههههههههههههههه

لك نسيت أني عملتك خصم 0.005% لأنك عضو من المنتدى ؟؟؟؟؟؟؟؟؟؟؟؟؟

ولأننا صرنا صحاب ضفتلك عليهن خصم 0.000000012 %؟؟؟؟؟

نسيت ؟؟؟؟؟؟؟؟؟؟؟؟؟؟؟؟
بعدين النخر الي كان بسنك مفكرو كان صغير لحتى معتبر الحساب كبير؟؟؟
ما قلتلك أنو كانو مبينين كلاويك وكبدك من النخر ؟؟؟؟؟؟؟؟؟؟

بعدين أنا قلت هاد طالب بمصر بكون
عايش حياتو هنيك على ( الطعمية ) ورح يكون تمو فيو ورشة مقاولات

طلعو كلن سنين وما كانو ................

لك صحي ؟؟؟؟؟

نسيت قلك ....

أنا وعم أجرد حساب الصيف ....

لقيت حالي بالغلط تايغر ....صدق بالغلط ...مو مقصودة بنوووووووووووووووب
ضايفلك صفر بآخر حسابك ....يحرءءءءءءءءءء...
صدق مو قصدي ...هاد أكيد القلم أبو المعلعون ...هوي عم ينقط لحالو ...

يالله بسيطة ....سامحنا ...

وكمان صحي ؟؟؟؟؟؟

بدي اسألك إيمتى العطلة النصفية تبعك ....

لأني نسيت خبرك بآخر جلسة أني رسمت طريق الرجعة
وعيرتلك خمس شهور بالكتير بكون في شي أربع سنان مستويين عالآخير ......
فلحق حالك ...المادة اللي حطيتها واللي بترسم طريق الرجعة بكرا ما بتخلي ولا سن بتمك على حالو .....

يسلمو أخي ماهر على هالاستفقادة النتفية ....
ويا عمي أخدت بتارك مني ....

مو من تصليح السنان .....
من نتفي فيك بالمنتدى ديك السنة ...
ههههههههههههههههههههههههه ههههه

وعراااااااااااااااااااااا اااااااااااااااااسي أخي ماهر
وكل الشباب الطيبة اللي تعرفنا عليهن بهالصيفية ....

أبو وليد :
با طلللللللللللللللللللللللل لللللللللللللل

شلون بتنزل صورتي أنا والعروس بالمنتدى ؟؟؟؟؟؟؟؟؟؟؟
وطالعين أصابع إجريها بالصورة ؟؟؟؟؟؟؟؟؟؟؟؟؟؟؟؟

خليها لربك ....لا تذكرني..
يوم العرس كبرت راس إلا وبدها تجي حفيانة على العرس
لحتى طلعو أنامل إجريها بالصورة ...
ههههههههههههههههههههههههه ه

الله يستر من باقي الصور اللي ماعم يظهروا شو فيهن كمان....

على كل حال ....
ماشي يا أبو وليد ...
منيح اللي أجلت تتمة المعالجة بسنانك لبعد رمضان
لأني كنت ناوي أعملك خصم متل اللي عملتو لتايغر ....

عنجد عراسي كل الشباب الطيبة

وعراسي المنتدى ...والجمعة الحلوة لشباب النبك ..

وأحلى تايغر على بطانية بالمنتدى كلووووووووووووو

Tiger_Hacking

14-10-2006, 11:46 PM

ههههههههههههههههههههههههه هههه

مليح يلي رديت شبوحة فكرتك زعلان ولي عليك

ههههههههههههههههههههه

فرطتني من الضحك يارجل
شو مشان انو الخصومات هاي كلها ما شفتها
بعدين مكتر
شفتو الزلمي شو عامل
هو اعترف مو انا
وتاني مرة جيب اقلامك كلها باركر مشان ما تنقط لحالها
ههههههههههههههه
عراسي عدنانو

الاحساس الغريب

15-10-2006, 12:57 AM

شو ها الدعاية
يا ماهر
والله هيك ما بصير
الشبح ما في منو
ههههههههههههههههه
http://www3.0zz0.com/2006/10/14/20/76745059.gif

amal

15-10-2006, 01:41 AM

كلام لا غبار عليه أبدا

لكان اتخيلوا مجرد استشارة ... سؤال صغير ما بيطلع 3 كلمات واشارة استفهام

ورد عليه بكلام مدري شو ما فمهت ولا كلمة وأخد هديك الحسبة ...

عاد لا تشكيلي ببكيلك على الأقل انت طلعت بسنين مصلحين بس حسرة علينا

اذا استشارة وحطينا الي فوقنا والي تحتنا فكيف التصليح ؟؟؟

الله يبعد ويسعد ...

بس ولا يهمكم الشبح تندم وحابب يكفر عن اخطاءه بحق أخوانه بالمنتدى

ومعلق لافتة بساحة المخرج

" قرّب ... قرّب ... السن بعشر ليرات ... رخصة ... رخصة ... قرّب

قرّب "

الله يقبل توبته هههههههههههههههههه

نبكي واعتززززز

15-10-2006, 01:45 AM

مشكور تايغور على هالنهفة

والله الشبح والنعم منو شغلة كبيرة ولا شو صديقي؟

يسلمووووووووووووووووووو

Tiger_Hacking

15-10-2006, 02:05 AM

عراسي الاحساس الغريب ومون
شو بنا نسوي هيك الاخبار والله

الله يعينك امل شايفة الشبح شو مسوي بالعباد

شو مشان الرخصة
يعني بدي انزل السنة الجاية لكان ركب بدلة
ههههههههههههههه
:d

غدير

15-10-2006, 02:31 AM

حلوة كتير هل النهفة

وشكرا تايغر على زرع الابتسامة

بس متأكد انو مزح ههههههههههههههههههه

رحيق الجنّة

15-10-2006, 02:40 AM

لك ولي :eek: :eek:

كل هاد صاير معك هوي والشبح عم يصلحلك

والله كنت مفكرة أنو هالشبح ما بخوف .....

طلع مو بس بخوّف .....طلع مروّووووووووع .....يا لطيف شو مروّووووووع

يا ويلي شو هاد مليح يلي حذرتونا

بس عم أتخيل الشبح هوي وعم يصلحلك كأنو واقف فوق راسك وعم يقلك بعععععععععععععععععع

هههههههههههههههههههه

مشكور أخ تايجر .....حلوة

Tiger_Hacking

15-10-2006, 02:49 AM

عراسي غدير مشكورة لردك شي مزح وشي جد يا غدير

مشكورة رحيق ولي عليكي وعلى تخيلاتك يا فرحتي ال بعععععععع ال
يا سلام
لا ما بخوف
شه شه
انا نمرهههههههه:d

الإمـبـراطـور

15-10-2006, 03:09 PM

السلام عليكم....

له له يا جماعه ليش الكل على المازدا عفوا الشبح هههههههههههه

لك صحيح شبح إنت 500 ولا 600 بس ما تكون 320 ههههههههههههههههه

والله على سلامته الشبح شب أكابر .. بس بده يعذرنا لانه إذا مدحنا راح يقولوا مذبذب لذلك خليني انتفك بكون احسن ههههههههه بهيك حاله ما بقولوا عم زت سطول..

بس حرام عليك يا تايجر نتفت الشبح كتير معقول هيك اسعاره بتضرب على القلب بتقتل ههههههه
هات لشوف كم بياخد ...

شبح عندي 13 سن منخور 6 مسوسين 4 بدهم خلع 7 بدهم حشوه 5 بدهم تركيب (ما صاروا سنان بني ادم هادول ههههههه)

كم بتاخد عليهم هادول تضبيط أشه لفه (بالجمله يعني) هههههههههه

الله يعطيكم العافيه جميع وإن شاء الله ما يكون حدا إنزعج (يعني الشبح) ههه

حبيب قلبي الشبح لأنك محبوب لهيك نزل عنك موضوع نتف خصيصا إلك..

ما بعرف إذا بعد في نتف ولا راح تكملوا
على كل حال متابع معك

وعلى راسي احلى شبح

Tiger_Hacking

15-10-2006, 04:01 PM

امبراطور
عراسي والله
الله حيو
دبحتو للزلمي
ههههههههههههههه

عمار المصري

15-10-2006, 10:54 PM

اعطنا بضع ساعات قليلة لنعطيك ابتسامة الثقة

مقولة يقولها جميع أطباء الأسنان صدقني وبصراحة كاملة أنت أخي أندر تايغر لم تعرف إلا القليل القليل عن ذلك الطبيب الذي عشق لبلدته والذي لم يحتمل خروجه منها حتى أثناء دراسته ما أن كان يذهب إلا الكلية وإلا وتجده عائداً إليها يشعر ببهجة وكأنه دخل مدينة الأحلام ذلك الطبيب ذو اليد المبتكرة للشعر والنثر لاأدري ما أقول فيه رغم كل الفصول اللي عملها معي
ولن أنساها يوماً مازالت ذكرى في بالي
أخي شبح الدكتور عدنان
أقول لك :
أحببت هذا الفتى وكنت مخلصاً له لأنني رأيت حمامة ضميره تغالب نسر سيئاته وماكانت تنتصر تلك الحمامة لالجبانتها أنما لقوة عدوها الضمير قاض عادل لكنه عبد أمام قانونه

(على كل حال نتاشا من يومين شافتني وقالتلي وصل سلااااااااااااااااااامي الكبير للدكتور الشبح)

http://www.alnabkvb.net/vb/uploaded/1354_1160936665.jpg

تهاني

15-10-2006, 11:18 PM

نهفة هالموضوع....

بس هالشبح من مين بدو يلاقيها ؟؟؟

من رحيق الجنة ولا من هامور ولا من تايغر والله يستر مين بعد في كمان.......

ههههههههههههههههههههههههه

الله يرضى عليك تايغر كترلنا من هيك مواضيع حاكم الدراسة عامية ألبنا...

هههههههههههههه

يعطيك العافية..

دقة قلب

16-10-2006, 03:15 AM

والله حلوة هالقصة
مشكور أخي تايغر ع التهويل الطريف ورش البهارات:confused:
بانتظار قصة جديدة

إيـــاد

16-10-2006, 03:24 AM

فعلاً جاري وحبيبي الشبح من زينة الشباب اللي تعرفت عليهم هالصيفية ..وكان الي الشرف الكبير بالتعرف عليه شخصياً لعدة أسباب :
السبب الأول : أنه جاري ..
السبب الثاني :أنه حباب كتير ومحترم وطيوب ..
السبب الثالث :أنه:فحص كل أسناني و وضع عليهم لمسته السحرية ..
السبب الرابع :تشاركنا سوياً في المسابقة الثقافية بالمركز الثقافي ..
السبب الخامس: أنه أكتر واحد رقص و دبك بخطبة أخي عماد ههه ..

والنعم منك حبيبي الـــــــــــشـــــــــــ بـــــــــح ..

مشكور عالموضوع الحلو حبيبي تايجر ..
تحياتي ..

إســـــــتبرق

16-10-2006, 03:31 AM

شو بدك أحسن من هالشغل ...

طيب شو ذنبو الدكتور الشبح إذا إنت مبينين كلاويك وكبدك من النخر.....أما هي تهويلة ما بعدها تهويلة هههههههههههههه

بس حميد ربك أنو بنجك ...أنا لو محلو ما ببنج مريضي إذا كان نمر.....لأشوف النمرنة عن حق وحقيق

مشكور أخ تايجر ....كترلنا من هالمواضيع على قولة بعض الناس الدريسة يخزي العين ههههههههههههههه

Tiger_Hacking

16-10-2006, 04:35 AM

ولي عليكم شو حلوين
عراسي عمار تسلم ايدك عالصورة ههههههههههههههه
ولك تهاني قلتيلي من الدراسة مو
ههههههههههههههههههههههههه ههه
مو مشكلة بكترلك تكرمي اذا بدك بوصي جماعة فيكي تهاني ههههههههههههه
عراسي اخت دقة قلب
مشكور اياد والله انا معك الشبح رقص رقص عند الله خبره يوم خطبة عماد هههههههههه
بسيطة استبرق والله انا قلتلو لا تبنجني انا نمر والنمور بتكره الابر اكثر من الوجع هههههههههههههههههههه
شو مفكريني نمر عنجد متل الاقصى لما قلي شكلك مو متل اسمك قلتلو شو مفكرني الي مخالب ونياب
هههههههههههههه
تكرمي استبرق راح كترلها لتهاني مشان تعرف تسلي صيامها ودراستها
ههههههههههههه
مشكورين كلكم حبايب قلبي

$$$misskitkat$$$

12-05-2007, 04:37 AM

ههههههههههههههههههههههه
يسلموووووووو على الموضوع الحلووووو
وانا لما كنت بالنبك رحت لعنده علشان اختي انا كمان يوم شفته ماعرفت انه الدكتور مو مبين عليه ......
(وبحب اباركله على العياده الجديده)

Tiger_Hacking

19-06-2007, 12:36 PM

اهلا وسهلا ميس كت كات
نورتي...
والف مبروك يارب صارت قديمة
بدنا يجدد كمان ...
هع

فـراشـة الـربـيـع

19-06-2007, 04:09 PM

هههههههههههههههههه

بــــصــــراااحه اخ تايجر
موضوع جميل جداا
وحلو وايد وايد

الله يديم هل صحبة بينكم ويخليكم لبعض

جد ضحكت من كل قلبي

تحياتي

امجد لطوف

19-06-2007, 05:25 PM

وين كاين هالموضوع من شي سنة وما شفتوا والله غريب

ع العموم موضوع حلو

واستغل المناسبة لاحكيلكم شوي ع بداية معرفتي بالغالي الشبح وبعض الفصول الغريبة والطريفة معو

هاد يا سيدي عن طريق المنتدى والماسنجر تعرفت ع الشبوح وعرفت محل العيادة

وفي يوم كنت بالنبك ولابس ومتلبس ونزلت لعند الشبح

ال شو سلام عليكم والله الرجال فز من على مكتبوا ورد السلام واهلاً وسهلا

وتفضل كأنو عم يعزم ع الغدا

ال انا شو كاني غريب وما بعرف بالنبك ((( بس ملاحظة انا كنت اخد وصف للشبح وعرفان انو هوي وشعراتو طوال )))) ومدري شو كأنو صبي ميكانيكي ههههههههههههه

المهم بعد ما سلمت سئلت الشبح وين عيادة الدكتور خالد عبد السلام ال سمعنا انو احسن دكتور سنان في النبك
الرجال ما اعترض ولا انكر ودلني ع الدكتور خالد وعرض بشكل لطيف خدماتوا كونوا زميل مهنة

المهم قمت انا وبادرت بالحديث وقلتلوا سمعت عن دكتور يمكن اسمو عدنان بيحكوا الناس انو فايت بالحيط وبينزع السنان بدل ما يصلحها هههههههههههههههههههههه
المسكين صار وجهوا احمرررررررررررررررررررررر ررر وقال بصوت منخفض كل الناس خير وبركة
والشي اللي منعني اني اكمل المقلب كان عندو رجال كبير بالعمر افتكرتوا قريبوا او ابوه ما حبيت اكمل الاحراج وانا والحمد لله معروف عني اني ما بحب الاحراج كثير
ههههههههههههههههههههههههه ههههههههههههههههههههههههه ههههههههه

بعد هيك التلو انا الزعيم الاول شو فرح وشو اهل وسهل واخذني مباوسة وكانوا بينا معرفة عمر
وهاد من اصلو الطيب وتربايتوا الممتازة

والنعم والله منك يا دكتور

ودارت الايام ووجعني سن من سناني وكانت زوجتي كمان بدها تروح ع دكتور السنان

وقلت الان اجى دورك يا دكتور وبالفعل زرناه وعمل الواجب وما قصر ع رأي ماهر بالحفر والشفط والتكسير والضرب والبنج هههههههههههههههههههه

وجااااااااااااااااااااااا اااااااااااااااء وقت الحساب

وبدئت عمليات الحلفان واصر هذا الرجل الكريم كل الاصرار على ان لا يأخذ ولا ليرة سوري

فليبارك الله بك شابا مثالاً للاخلاق والكرم

والدكتور مو بس صديق وحبيب وجار كمان الله يديم المحبة وبالفعل اكثر عضو بالمنتدى بحبوا بدون اي منافسة هوي الشبح

واستمرت فصول مسرحية الشبح الى يوم كان في محاضرة بالمركز الثقافي رح يتوزع من خلالها جوائز عن مسابقة الشعر بالمنتدى

بعتنا رسالة للدكتور قلنالوا اذا طلعلنا شي جائزة خذلنا ياها ووصلها للبيت

بالفعل ما قصر لولا العلقة اللي صارت بينو وبين ههههههههههههههههههههههههه ههه
شخص مشهور بالنبك وتعرض الدكتور للهجوم المباشر مما دعاه للخروج من الصالة وعدم استلام الجائزة وما قصرت الاخت الكريمه امل بانها حافظت عليها وسلمتها للدكتور اللي اوصلها لبيت الاهل

وايضا ستستمر مسرحية الشبح الحبيب

الله لا يحرمنى غير من زيارة عيادته الجديدة مشان نصلح اسنان
ههههههههههههههههههههههههه ههههههههههههههههههه

والف شكر لماهر ع الموضوع الحلو

والشبح يستاهل والان خطب ورح يتزوج ونفد من القبقاب ههههههههههههههههههههههههه

الى اللقاء

الشبح

19-06-2007, 10:26 PM

حلوووووووووووووووووو

استفتاحية لفوتي عالمنتدى بعد أكتر من شهرين غياب

ويستمرررررررررر النتفففففففففف

ههههههههههههههههههه

وربي خجلتني يا زعيم

لك إنت الطيب والأخ والغالي

والمحترم والشهم هوي اللي بخلي العالم تتصرف معو باحترام

وربي مشتقلكو مقصر كتييييييييييير

وربي اشتقتلكن واشتقت للمنتدى والمناقرات

مقصر مع كل الطيبين والغوالي

وعذرونا جميييييييييييع

Tiger_Hacking

19-06-2007, 11:42 PM

عشت عشت زعيم شغالين نتيف بالزلمي
اهلين فيكي يمامة نورتي
دكتور شبح طول بالك
بسيطة .... والله يجوزك يارب ويستر عليك وعلينا قول آمين

smartcat

20-06-2007, 05:48 PM

و الله ما بعرف شو بدي أقول
وقت قرأت هل الموضوع
مدري هل الموضوع منحوس مدري أنا الشبح داعي عليي
قاعد عم أحرك لساني في فمي أأأأأأأأأأأأأأأأأأأم فرط درسي اللي على اليمين
و ضل قطعة صغيرة من الضرس معلقة
عاد يا جماعة ديروا بالكن أنتو و عم تقروا الموضوع
ااااااااااااااااااااااااا اااااااخ يا ضرسيييييييييييييييييييييي ييييييي

Tiger_Hacking

20-06-2007, 06:19 PM

حلوة وملعوبة

سمارت

هههههههههههههههه
سلامتك معافى يارب :p

كثير من الحب

12-10-2007, 04:30 AM

الموضوع رائع
دكتور الأسنان هو الأنسان الذي يعذبك بدون ما تقلو لاء ............وبعدين بتعطيه كوشة مصاري يعني بينفضك
مشكوووووووووووووووووووووو ور

Tiger_Hacking

12-10-2007, 06:10 AM

ههههههههههههههه
يا حرام يا شبح من سنة ولليوم لسا النتيف شغال عليك
يلا مكسب معك حسنات زيادة

فراشة butterflyالقمر

12-10-2007, 07:06 PM

موضوع حلو الله يرزق الشبح
والله يرزئك مدخنة عهالموضوع الي بيضحك ياتايغرخخخخخخخخخخخ

..**ROSE**..

12-10-2007, 10:26 PM

ايــــــــــــــه نيااااااااااااااالك يا شبح على قد ما صرت كسبان حسنات بعد هالنميمة الفظيعة !!!!!

لا بجد ..

والله الشبح من خيرة شباب النبك ...

والله ونعم التربية والاحترام والأدب والأكابرية ..

والذوق .. وووووووو

يعني بالفعل شب بيستاهل كل خير والله ...

وغير هيك أنو هو أخوها لمعلمتي الغااااااااااالية جدا جدا جدا جدا مروى الدالي ...

عيلة والله من خيرة العيال النبكية ...

بستغل هالفرصة لأوجه تحياتي للدكتور الشبح والله يوفقو هو والعروس وان شاء الله الفرح قريب والتمام على خير ..

ولأوجه تحياتي وخالص حبي واحترامي لمعلمتي وأختي الكبيرة الغالية مروى الدالي ...

مشكور تايغر على هالنهفة الحلوة ..

من زمااااااااااان ما شفنا منك هيك نهفات ..

يلا هالسنة الدور على مين ؟؟؟؟

ما صار معك شي فصل مع شي عضو وقت كنت هون بالنبك ...

يلا لنشوف شو في تحت لسانك ..

ممممممممممممممم

يا جماعة عندي اقتراح ...

وبدي آخد رأيكن ...

شو رأيكن نعمل سلسلة متتابعة وبتكون عبارة عن مواضيع بيحكوا فيها الأعضاء (( اللي بحبو يحكو)) قصتهن وكيف تعرفو على بعض ..

طبعا قصدي اللي تعرفو عن طريق المنتدى ..

وهيك بنحس بجمال تعارفنا وفضل منتدانا علينا ..

وكل واحد بشوف شو في تحت لسان هالأعضاء عليه

عم استنى الجواب منكن ..

يلا سلااااااااااااااااااام

روز

Tiger_Hacking

13-10-2007, 07:35 AM

اي والله الله يرزقو يارب ويرزقنا جميعا فراشة القمر
شو هي يرزقك مدخنة ؟؟؟
في تطور .... اللهم صلي عالنبي هاللألفاظ رقيقة كتير ...

اهلين روز نورتي الموضوع وطبعا نحنا هي بس مزحة مو اكتر ولا الشبح من ارقى الناس الله يوفقو يارب ويرزقو وعقبال فرحة العرس اخي عدنان ...

والله النهفات في كتير بس حرمنا ...دخيل بكفي بلا ما ناكل شي مدخنة تانية

انا موافق على موضوعك بس ماني مشارك مع اني تعرررررررفت على كتييييييييييييير اعضاء كتير كتير ولله الحمد وبقولها بكل صراحة كمان

بس ليش مو مشارك .... هي بخليها لحالي
يعني اكون مستمع افضل