الشبح
11-07-2006, 03:15 PM
_ متل العادة ....مر تحسين على نبهان أول الليل وبطريقن على المنزول مروا
على إم خالد وجابوا باكيتين حمرا طويلة وربع منة ...
وفي المنزول ..كالعادة ..متة ...دخان ...ملل ..وطحيح ...
نبهان :
ونسيت ُدائي حينَ جاءَ دوائي ….من ذا يقاوم ُ شفطة َ الحمراء ِ
ولك يرحم صباحك ومساكي يا سيكارة الحمرا …مافي غيرك عم يفهم عليي ..
يوو تحسين ؟؟؟ تحسين ؟؟؟ ألووووو؟؟ يوووووو؟؟؟ وينك ؟؟؟
شكلك خارج التغطية اليوم …
تحسين : لا ..لا ..معك معك ..أنا هون ..عم أتفرج على صور بموبايلي
شغال بلوتوث عندك ؟؟؟؟
نبهان : إي ..شغال ..
تحسين : شو مسمي حالك على البلوتوث يا بعدي ؟؟؟
نبهان : (عايش من قلة الموت )
تحسين : أي ..لقيتك ….والله (التعلب الجربان) لابقلك أكتر..ههههههههه
مسيك هالصورة ..
نبهان : وصلت ..عم استلمها ..
ول ول ول ول ….لك صورة مين هي الحلوة ؟؟
لك تقبر قلبي هالضحكي …والشامي وصف الإلماس ..
تحسين : لك ما عرفتها ؟؟؟ هي الممثلة السورية ( دينا هارون )
شفلي بربك ؟؟في أبرأ من هالخلقة على وش الأرض ؟؟
نبهان : قلتلي دينا هارون ؟؟؟؟ لك عراسي كل بيت هارون أنا …
لك آمنت برب موسى وهارون …و إسمها دينا كمان ؟؟؟ لك يرحم دينا..
لك إيييييييييييييه ..
تحسين : لك إيييييييييييييييه ..
نبهان : ما قلتلي ؟؟؟…من وين جايب هالصورة ولك مفعوص الرقبة ؟؟
تحسين : من المشفى ..
نبهان ( باستغراب شديد ) : من المشفى ؟؟؟
تحسين : لك أي ..كنت اليوم بالمشفى ..عم فك قطب لأختي ..
فأنا وقاعد بالانتظار خطر عبالي شغل بلوتوث …
وبلشت هالإرسالات متل زخ المطر …شي أغاني ..شي صور ..
شي أناشيد دينية …شي فيروسات ….أي والله ..
نبهان : هات لشوف؟؟؟ ..بعات …شو في كمان ؟؟؟
تحسين : رح إبعت ..بس نكتلي هالمتة قبل …تضرب إنت ومتتك ..
نبهان : أمرك عمي … لا تواخذنا كرمال محمد ..
لك أنا شو عمى على قلبي وتعرفت على هيك شخصية …
تحسين : بس أما ما تقول يا شريك …شفتلك منظر بهالمشفى ..
شي بقشعر البدن !!! …وبموت من الضحك ..
نبهان : شلون صارت هي ؟؟؟!!! ..هات لشوف ؟؟!!!
تحسين : هاد يا سيدنا ومو إنت ..في ست من ستات النبك ..
الظاهر أنها كاينة عم تعزل المطبخ ….فكل شي زاد من زبالة العزيل
من صحون مكسرة و جليد مكسر من تعزيل الفريزة ..ومونة متلجة خربانة …حطتن بكيس زبالة ..
نبهان : إي !! ..وشو دخل هاد بالمنظر اللي شفتو !!؟؟؟
تحسين : هاد يا سيدنا هي المرة ساكنة بالطابق الرابع ..بالعادة
بتفتح الشباك و بتزت الزبالة من فوق لحد العامود وعلى يارب تجي بعينو …بس كل مرة يا بجي عند جارتها ..يا بنص الشارع ..يا فوق شي سيارة ..
نبهان : لك إي ..خلصنا ..حاج تمطمط ..الأعضاء ملّو من قراية الموضوع وما كنت توصلنا لنتيجة ..
تحسين : أي ..الهم ..هاد ما تقول إلا هالمرة زبطت معها ..
وإجى كيس الزبالة بعينو للعمود …بس المشكلة أنو حد عينو
كان في مرى تانية عم تكب الزبالة ..طاخ طيخ ..دج طب دح ..
إجى عراسها كيس الزبالة ..تجروح راسها ووشها ..وأغمي عليها ونقلوها عالمشفى ..
نبهان : له له له …يا حرام …
تحسين : يا زلمي شفت ممرضة عم تنقي البرزالية المتلجة من بين الدموم وشعر راسها ...
نبهان : مو طبيعي بنوب ..فوق الوسخ اللي بشوارعنا عم نزت
الزبالة من الشبابيك …لا حول الله …
تحسين : بس لاااااااااا …بظن خلص ..انحلت مشكلة نظافة الشوارع ..
نبهان : شو هالحكي !! ؟؟ …بالنبك !! ؟؟ ..مومعقول !!..
كيف صارت هي ؟؟ …مستحيل ..
تحسين : لا مو مستحيل …إذا سمعت ..في جمعية إسمها ..مدري
رفقات النبك …مدري سدقات النبك ..مدري فرندات النبك ..
نبهان : أي ..أي ..قصدك أصدقاء النبك …بدك تقول أنو عاملين
حملة نظافة للشوارع ..وعم يطلعو يقشو شوارع البلد كل إسبوع ..
تحسين : لك إي ..هاد قصدي ..يعني إذا كل أسبوع طلعو مليح ..
وإذا بعملوها بالإسبوع مرتين أو تلاتة ..خلص ..انحلت المشكلة ..
نبهان : لك إيمتى بدك تصير تفكر إنت !!؟؟؟ …مرتين وتلاتة ؟؟
ولك انشالله مفكر أنو أصدقاء النبك كلن ناس فاضية على أمرها
ومالن شغلة غير يقشوا البلد ؟؟؟..
انشالله مفكر أنو الإستاذ فلان ..ولا الإمام فلان ..ولا الدكتور أو المهندس فلان ..اللي طلعوا …قاعدين ينتظروك إنت ورفيقك
لتخلصو أنينية الكولا إنتو وراكبين بالسيارة لتزتوها ليسلقوها منكن
ويحطوها بالزبالة؟؟؟..
تحسين : لكان شو ؟؟ ..يعني فهمني شو بدن ؟؟؟؟
نبهان : شلون بدي فهمك ياها ؟؟؟…
هدول يا أفندي عم يحركوا الوعي ..عم يخاطبو الوعي …عم يفعلو الوعي …
تحسين : الوعي ؟؟؟ …شو يعني ؟؟؟؟؟؟؟
ليكون قصدك (الوعيي ) ..الطنجرة يعني ..يعني الإناء باللهجة النبكية؟؟
نبهان : لك تحسين ..حبيبي ..يا روحي ..يا أصلن طيب ..
الوعي شغلة بتتعلق بالفهم ..بالعقل ..بالتفكير الحضاري ..هيك شغلات
شلون بدي فهمك ..يعني
إفرض مثلاً ..مثلاً يعني …
..يعني الواعي بتفوت مخو ..إلما تلاقيلك شي فكرة على شي رف ..
شي تساؤل هون ولا هون ..
الغير واعي لم تفوت عقلو بتحس حالك بصحرا …
يعني ..أنده ويرد الصدا …أنده ويرد الصدااااااا …
تحسين : أها …بلشت أفهم عليك …
قصدك بدن يوصلو رسالة للناس أنو البلد بلدنا ..
نبهان : أيواااااااا …والله صاير تلقطها عالطاير ولك طبل ..
يعني نوع من التخجبلة …
نبهان : على سيرة الأفكار ..عندك فكرة شلون بدنا نكمل
سهرتنا اليوم ؟؟؟..
تحسين : لا والله ..شو ؟؟.. دودة جوال ؟؟ ..
نبهان : لا ..مليت منها ..شو رأيك طامشي منامشي ..
تحسين: فعلاً فكرة ..يالله حط إيديك ..
طامشي منامشي ..بعتتني ستي عاشي لأجيب النص مد ..وقيع إنكسور ..حلفتني تحليف البقور ..والبقور نطوحة .والخال رموحة ……..
(( يتبع ))
لمن فاتته الحلقة الأولى من يوميات ونبهان يمكنه الدخول
بالضغط على هذا الرابط:
@@@يوميات تحسين ونبهان ...الحلقة الأولى ...( خطبة راجي )@@@
http://www.alnabkvb.net/vb/showthread.php?t=11704 (http://www.alnabkvb.net/vb/showthread.php?t=11704)
مع تحيـــــــــاتي
أخوكـــــــم
الشبــــح
على إم خالد وجابوا باكيتين حمرا طويلة وربع منة ...
وفي المنزول ..كالعادة ..متة ...دخان ...ملل ..وطحيح ...
نبهان :
ونسيت ُدائي حينَ جاءَ دوائي ….من ذا يقاوم ُ شفطة َ الحمراء ِ
ولك يرحم صباحك ومساكي يا سيكارة الحمرا …مافي غيرك عم يفهم عليي ..
يوو تحسين ؟؟؟ تحسين ؟؟؟ ألووووو؟؟ يوووووو؟؟؟ وينك ؟؟؟
شكلك خارج التغطية اليوم …
تحسين : لا ..لا ..معك معك ..أنا هون ..عم أتفرج على صور بموبايلي
شغال بلوتوث عندك ؟؟؟؟
نبهان : إي ..شغال ..
تحسين : شو مسمي حالك على البلوتوث يا بعدي ؟؟؟
نبهان : (عايش من قلة الموت )
تحسين : أي ..لقيتك ….والله (التعلب الجربان) لابقلك أكتر..ههههههههه
مسيك هالصورة ..
نبهان : وصلت ..عم استلمها ..
ول ول ول ول ….لك صورة مين هي الحلوة ؟؟
لك تقبر قلبي هالضحكي …والشامي وصف الإلماس ..
تحسين : لك ما عرفتها ؟؟؟ هي الممثلة السورية ( دينا هارون )
شفلي بربك ؟؟في أبرأ من هالخلقة على وش الأرض ؟؟
نبهان : قلتلي دينا هارون ؟؟؟؟ لك عراسي كل بيت هارون أنا …
لك آمنت برب موسى وهارون …و إسمها دينا كمان ؟؟؟ لك يرحم دينا..
لك إيييييييييييييه ..
تحسين : لك إيييييييييييييييه ..
نبهان : ما قلتلي ؟؟؟…من وين جايب هالصورة ولك مفعوص الرقبة ؟؟
تحسين : من المشفى ..
نبهان ( باستغراب شديد ) : من المشفى ؟؟؟
تحسين : لك أي ..كنت اليوم بالمشفى ..عم فك قطب لأختي ..
فأنا وقاعد بالانتظار خطر عبالي شغل بلوتوث …
وبلشت هالإرسالات متل زخ المطر …شي أغاني ..شي صور ..
شي أناشيد دينية …شي فيروسات ….أي والله ..
نبهان : هات لشوف؟؟؟ ..بعات …شو في كمان ؟؟؟
تحسين : رح إبعت ..بس نكتلي هالمتة قبل …تضرب إنت ومتتك ..
نبهان : أمرك عمي … لا تواخذنا كرمال محمد ..
لك أنا شو عمى على قلبي وتعرفت على هيك شخصية …
تحسين : بس أما ما تقول يا شريك …شفتلك منظر بهالمشفى ..
شي بقشعر البدن !!! …وبموت من الضحك ..
نبهان : شلون صارت هي ؟؟؟!!! ..هات لشوف ؟؟!!!
تحسين : هاد يا سيدنا ومو إنت ..في ست من ستات النبك ..
الظاهر أنها كاينة عم تعزل المطبخ ….فكل شي زاد من زبالة العزيل
من صحون مكسرة و جليد مكسر من تعزيل الفريزة ..ومونة متلجة خربانة …حطتن بكيس زبالة ..
نبهان : إي !! ..وشو دخل هاد بالمنظر اللي شفتو !!؟؟؟
تحسين : هاد يا سيدنا هي المرة ساكنة بالطابق الرابع ..بالعادة
بتفتح الشباك و بتزت الزبالة من فوق لحد العامود وعلى يارب تجي بعينو …بس كل مرة يا بجي عند جارتها ..يا بنص الشارع ..يا فوق شي سيارة ..
نبهان : لك إي ..خلصنا ..حاج تمطمط ..الأعضاء ملّو من قراية الموضوع وما كنت توصلنا لنتيجة ..
تحسين : أي ..الهم ..هاد ما تقول إلا هالمرة زبطت معها ..
وإجى كيس الزبالة بعينو للعمود …بس المشكلة أنو حد عينو
كان في مرى تانية عم تكب الزبالة ..طاخ طيخ ..دج طب دح ..
إجى عراسها كيس الزبالة ..تجروح راسها ووشها ..وأغمي عليها ونقلوها عالمشفى ..
نبهان : له له له …يا حرام …
تحسين : يا زلمي شفت ممرضة عم تنقي البرزالية المتلجة من بين الدموم وشعر راسها ...
نبهان : مو طبيعي بنوب ..فوق الوسخ اللي بشوارعنا عم نزت
الزبالة من الشبابيك …لا حول الله …
تحسين : بس لاااااااااا …بظن خلص ..انحلت مشكلة نظافة الشوارع ..
نبهان : شو هالحكي !! ؟؟ …بالنبك !! ؟؟ ..مومعقول !!..
كيف صارت هي ؟؟ …مستحيل ..
تحسين : لا مو مستحيل …إذا سمعت ..في جمعية إسمها ..مدري
رفقات النبك …مدري سدقات النبك ..مدري فرندات النبك ..
نبهان : أي ..أي ..قصدك أصدقاء النبك …بدك تقول أنو عاملين
حملة نظافة للشوارع ..وعم يطلعو يقشو شوارع البلد كل إسبوع ..
تحسين : لك إي ..هاد قصدي ..يعني إذا كل أسبوع طلعو مليح ..
وإذا بعملوها بالإسبوع مرتين أو تلاتة ..خلص ..انحلت المشكلة ..
نبهان : لك إيمتى بدك تصير تفكر إنت !!؟؟؟ …مرتين وتلاتة ؟؟
ولك انشالله مفكر أنو أصدقاء النبك كلن ناس فاضية على أمرها
ومالن شغلة غير يقشوا البلد ؟؟؟..
انشالله مفكر أنو الإستاذ فلان ..ولا الإمام فلان ..ولا الدكتور أو المهندس فلان ..اللي طلعوا …قاعدين ينتظروك إنت ورفيقك
لتخلصو أنينية الكولا إنتو وراكبين بالسيارة لتزتوها ليسلقوها منكن
ويحطوها بالزبالة؟؟؟..
تحسين : لكان شو ؟؟ ..يعني فهمني شو بدن ؟؟؟؟
نبهان : شلون بدي فهمك ياها ؟؟؟…
هدول يا أفندي عم يحركوا الوعي ..عم يخاطبو الوعي …عم يفعلو الوعي …
تحسين : الوعي ؟؟؟ …شو يعني ؟؟؟؟؟؟؟
ليكون قصدك (الوعيي ) ..الطنجرة يعني ..يعني الإناء باللهجة النبكية؟؟
نبهان : لك تحسين ..حبيبي ..يا روحي ..يا أصلن طيب ..
الوعي شغلة بتتعلق بالفهم ..بالعقل ..بالتفكير الحضاري ..هيك شغلات
شلون بدي فهمك ..يعني
إفرض مثلاً ..مثلاً يعني …
..يعني الواعي بتفوت مخو ..إلما تلاقيلك شي فكرة على شي رف ..
شي تساؤل هون ولا هون ..
الغير واعي لم تفوت عقلو بتحس حالك بصحرا …
يعني ..أنده ويرد الصدا …أنده ويرد الصدااااااا …
تحسين : أها …بلشت أفهم عليك …
قصدك بدن يوصلو رسالة للناس أنو البلد بلدنا ..
نبهان : أيواااااااا …والله صاير تلقطها عالطاير ولك طبل ..
يعني نوع من التخجبلة …
نبهان : على سيرة الأفكار ..عندك فكرة شلون بدنا نكمل
سهرتنا اليوم ؟؟؟..
تحسين : لا والله ..شو ؟؟.. دودة جوال ؟؟ ..
نبهان : لا ..مليت منها ..شو رأيك طامشي منامشي ..
تحسين: فعلاً فكرة ..يالله حط إيديك ..
طامشي منامشي ..بعتتني ستي عاشي لأجيب النص مد ..وقيع إنكسور ..حلفتني تحليف البقور ..والبقور نطوحة .والخال رموحة ……..
(( يتبع ))
لمن فاتته الحلقة الأولى من يوميات ونبهان يمكنه الدخول
بالضغط على هذا الرابط:
@@@يوميات تحسين ونبهان ...الحلقة الأولى ...( خطبة راجي )@@@
http://www.alnabkvb.net/vb/showthread.php?t=11704 (http://www.alnabkvb.net/vb/showthread.php?t=11704)
مع تحيـــــــــاتي
أخوكـــــــم
الشبــــح